Զորավարժություն

Հայկական ուժերը ճնշել են հակառակորդին. ԶՈւ ԳՇ պետը հետևել է զորավարժության ընթացքին

244
(Թարմացված է 18:00 07.08.2020)
Զորավարժությունների ընթացքում հայկական ուժերն անցել են արագ հակագրոհի՝ ճնշելով հակառակորդին և սահմանված ժամկետից շուտ ազատագրելով պայմանական գրավված դիրքը:

ԵՐԵՎԱՆ, 7 օգոստոսի - Sputnik. ՀՀ զորամիավորումներից մեկում հերթական զորավարժություններն են անցկացվում։ ՊՆ մամուլի ծառայությունից հայտնում են, որ Զինված ուժերի գլխավոր շտաբի պետ գեներալ-լեյտենանտ Օնիկ Գասպարյանը հետևել է դեսանտագրոհային ստորաբաժանումների վարժանքներին:

Начальник Генерального штаба Оник Гаспарян посетил воинские части (3 августа 2020).
Օնիկ Գասպարյան

«Հանրապետության հարավարևմտյան ուղղությամբ տեղակայված զորամիավորումներից մեկում անցկացվել է մարտավարական զորավարժություն դեսանտագրոհային ուժերի, ռազմական ավիացիայի, հրետանային, հրաձգային և մոտոհրաձգային ստորաբաժանումների ներգրավմամբ»,- նշված է հաղորդագրության մեջ։

Ըստ զորավարժության սցենարի՝ հակառակորդը հայկական հենակետ է գրավել և նպաստավոր պայմաններ զբաղեցրել առաջ շարժվելու համար: Հայկական ուժերն անցել են արագ հակագրոհի մի շարք ուղղություններից՝ ճնշելով հակառակորդին և սահմանված ժամկետից շուտ ազատագրելով պայմանական գրավված դիրքը:

Գլխավոր շտաբի պետ Օնիկ Գասպարյանն այցելել է 4-րդ և 5-րդ զորամիավորումներ

Նախարարության հաղորդմամբ՝ ԳՇ պետը բարձր է գնահատել անձնակազմի պատրաստությունն ու մարտունակությունը։ Նա նաև համապատասխան ցուցումներ է տվել ստորաբաժանումների հրամանատարներին:

ՊՆ–ն տեղեկացնում է` նորակոչիկների ծնողները չեն կարողանա ներկա լինել երդման արարողությանը

 

244
թեգերը:
Օնիկ Գասպարյան, Զորավարժություններ, Հայաստան
Ըստ թեմայի
Հայաստանի ՊՆ–ն հերքում է Ադրբեջանի տարածած լուրը
ՀՀ–ում մոտ 30 նորակոչիկ է վարակվել կորոնավիրուսով. ՊՆ խոսնակ
ՀՀ զինված ուժերում հանկարծակի ստուգումներ են անցկացվել. ՊՆ
Գագիկ Ծառուկյան

Գագիկ Ծառուկյանը խցում մենակ է. պաշտպանը մանրամասներ է հայտնում նրա մասին

37
(Թարմացված է 13:44 26.09.2020)
Փաստաբանը տեսակցել է «Բարգավաճ Հայաստան» կուսակցության առաջնորդին, Գագիկ Ծառուկյանն առաջին անհրաժեշտության պարագաներ է խնդրել։

ԵՐԵՎԱՆ, 26 սեպտեմբերի – Sputnik. «Բարգավաճ Հայաստան» կուսակցության առաջնորդ Գագիկ Ծառուկյանի պաշտպան Երեմ Սարգսյանը Sputnik Արմենիային հայտնեց, որ երեկվանից կալանավորման մեջ գտնվող Ծառուկյանի տրամադրությունը Ազգային անվտանգության ծառայության մեկուսարանում բարձր է, նա իրեն լավ է զգում։

«Ծառուկյանը շատ լավ է, տրամադրությունը` բարձր։ Շատ կարճ ժամանակով եմ տեսել նրան։ Միայն առաջին անհրաժեշտության պարագաներ է խնդրել, ոչ մի այլ բանի կարիք դեռևս չուներ։ Խցում մենակ է, բայց չի բացառվում, որ դա ժամանակավոր լինի», – ասաց պաշտպանը։

Նրա խոսքով` ո՛չ Ծառուկյանը, ո՛չ էլ պաշտպանները անսպասելի չեն համարել դատարանի երեկվա որոշումը։ Ավելին` ԲՀԿ առաջնորդն իր պաշտպանների հետ երեկ գիշերը դատարանում լինելու փոխարեն ԱԱԾ մեկուսարանի դիմաց սպասելիս է եղել և կալանավորելու որոշման մասին իմանալուն պես ինքնակամ ներս մտել։

«Մի ամսից ավելի գիտեինք, որ նման բան լինելու է, որ գործը պետք է մակագրվի կոնկրետ դատավորի (Մնացական Մարտիրոսյան – խմբ.), ամեն ինչ պարզ պատկերացնում էինք», – ասաց Սարգսյանը։

Հիշեցնենք, որ ԱԱԾ-ն հունիսի 14-ին խուզարկություն իրականացրեց Գագիկ Ծառուկյանի առանձնատանը: Ավելի ուշ հայտնի դարձավ, որ նրա դեմ 3 քրեական գործ է հարուցվել` ապօրինի ձեռնարկատիրական գործունեության, ընտրակաշառք բաժանելու և հողատարածքների օտարման փաստերով։ Հունիսի 16–ին ՀՀ Ազգային ժողովը փակ քվեարկություն անցկացրեց և համաձայնություն տվեց, որ ԲՀԿ առաջնորդ Գագիկ Ծառուկյանը զրկվի ազատությունից։

Երեկ` սեպտեմբերի 25-ին, Երևանի ընդհանուր իրավասության դատարանը որոշեց բավարարել Ծառուկյանին կալանավորելու` ԱԱԾ միջնորդությունը։

37
թեգերը:
մեկուսարան, Գագիկ Ծառուկյան, Հայաստան
թեմա:
Գագիկ Ծառուկյանի շուրջ ծավալված իրադարձությունները
Ըստ թեմայի
«Չեն մարսելու». Տոնոյանը վստահ է` դատարանը քաղաքական հանձնարարություն կատարեց
«Դուխներդ տեղը պահեք». Գագիկ Ծառուկյանը ժամանեց ԱԱԾ
Նախկին մոդել և Ծառուկյան. Փաշինյանն ասել է` իրենք անհանգստանալու պատճառ չունեն. ԶԼՄ
Հռոմի պապն ու Գարեգին Բ–ն

Գարեգին Բ–ն մեկնել է Իտալիա. Հռոմի պապի հետ հանդիպում է նախատեսված

7
(Թարմացված է 13:31 26.09.2020)
Հայրապետական այցով Իտալիա մեկնած Գարեգին Բ–ն իր օրհնությունն է բաշխելու Միլանի հայ համայնքին։

ԵՐԵՎԱՆ, 26 սեպտեմբերի – Sputnik. Ամենայն Հայոց Կաթողիկոս Գարեգին Բ–ն սեպտեմբերի 26-ին հայրապետական այցով մեկնել է Իտալիայի Հանրապետություն։ Տեղեկությունը հայտնում է Մայր աթոռի տեղեկատվական համակարգը։

«Այցի ընթացքում Ամենայն Հայոց Կաթողիկոսը Վատիկանում հանդիպում կունենա Հռոմի Սրբազան Քահանայապետ Ֆրանցիսկոս Պապի հետ»,– նշված է հաղորդագրության մեջ։

Նորին Սրբությունը նաև իր օրհնությունը կբաշխի Միլանի հայ համայնքին։

Փաշինյանը զանգել է Հռոմի պապին. ինչի՞ց են խոսել վարչապետն ու քահանայապետը

Հիշեցնենք` չորս տարի առաջ Հռոմի պապն այցելել էր Հայաստան։ Այդ այցելությունը լայնորեն լուսաբանվել ու մեծ հնչեղություն էր ստացել աշխարհում։

Հռոմի պապի հայաստանյան այցին նվիրված նոր նամականիշ է թողարկվել

7
թեգերը:
Ամենայն Հայոց կաթողիկոս Գարեգին Բ, Հռոմի պապ, Իտալիա, Հայաստան
Ըստ թեմայի
Հայաստանում պաշտոնատար անձինք խոշոր չարաշահումներ են թույլ տվել. ինչ կապ ունի Հռոմի պապը
Նախկին Հռոմի պապ Բենեդիկտոս XVI-ի «ձայնը հազիվ է դուրս գալիս» Գերմանիա կատարած այցից հետո
Սեքսից ու սննդից հաճույք ստանալն աստվածային է. Հռոմի պապ Ֆրանցիսկոս