ՊԵԿ հետաքննության և օպերատիվ հետախուզության վարչության պետ Վահան Չարխիֆալակյան

ՊԵԿ աշխատակիցը պատմել է, թե ինչ մեթոդներով են բացահայտում անբարեխիղճ հարկատուներին

186
(Թարմացված է 15:50 07.08.2020)
Պետական եկամուտների կոմիտեի պաշտոնյան լրագրողներին պատմել է, թե ինչ օպերատիվ հետախուզական մեթոդներ են կիրառում թաքնված զբաղվածության կամ փոխկապակցված բիզնեսների հայտնաբերման համար։

ԵՐԵՎԱՆ, 7 օգոստոսի – Sputnik. ՊԵԿ հետաքննության և օպերատիվ հետախուզության վարչության պետ Վահան Չարխիֆալակյանն այսօր կայացած մամուլի ասուլիսի ժամանակ անդրադարձել է չգրանցված աշխատատեղերի խնդրին։

«Մենք պարբերաբար ստանում ենք օպերատիվ տեղեկատվություն, որ տարբեր հարկ վճարողներ սահմանված կարգով չեն ձևակերպել իրենց վարձու աշխատողներին։ Ստանում ենք նաև տեղեկատվություն այն մասին, որ աշխատողները ձևակերպված են, սակայն եկամտի չափը պակաս է գրանցված»,– ասաց նա։

Վահան Չարխիֆալակյանը լրագրողների հետ զրույցում բացահայտեց նաև այն մարտավարական հնարքները, որոնցով հարկային մարմնի աշխատակիցները բացահայտում են նման դեպքերը։

Հանքեր, ծխախոտ ու կրթություն. ինչպես է ճգնաժամը խմբագրել ՀՀ խոշոր հարկատուների ցանկը

«Մենք այս տիպի տնտեսվարողների հետ աշխատելիս մեր աշխատանքները սկսում ենք արդեն իսկ աշխատանքից ազատված վարձու աշխատողների հետ` նրանց եկամտի չափը ճշտելով, քանի որ վերջիններս որևէ կաշկանդվածություն չեն ունենում մեզ իրենց եկամտի իրական չափն ասելու»,– պատմեց պաշտոնյան։

Пресс-конференция начальника следственного и оперативно-розыскного управления ГНЦ Вагана Чархифалакяна
© Photo : Armenpress
ՊԵԿ հետաքննության և օպերատիվ հետախուզության վարչության պետ Վահան Չարխիֆալակյան

Այդուհանդերձ, այսօրինակ դեպքերը վարչության աշխատակիցների կատարած ընդհանուր բացահայտումների ու հարուցված քրեական գործերի հաշվեկշռում, Վահան Չարխիֆալակյանի խոսքով, այնքան էլ շատ չեն։ Շատ ավելի մեծ թիվ են կազմում իրական եկմուտներն ու շրջանառությունը թաքցնելու դեպքերը։

«Հարկ վճարողները մեծամասամբ հակված են ինքնակամ շտկելու թաքցված շրջանառության իրական ծավալները` դրանք ուռճացնելով ու որպես ծախս ներկայացնելով, քանի որ առկա իրավակարգավորումներով այդ կերպ խուսափում են նաև լրացուցիչ տույժ–տուգանքների վճարումից»,– ասաց նա։

Ինչ վերաբերում է փոխկապակցված բիզնեսներին, 2020թ.–ի հունվար–հուլիս ամիսների ընթացքում վարչության աշխատակիցները նման 100 հարկ վճարողների են հայտնաբերել։

Որքանո՞վ են ավելացել ՀՀ խոշոր հարկատուների վճարած հարկերը. Փաշինյանը նոր թվեր է հրապարակել

Այս դեպքում ևս Չարխիֆալակյանը լրագրողներից չթաքցրեց, թե ինչպես են իրենք փաստեր հավաքում երկու կամ ավելի բիզնեսների փոխկապակցված լինելու մասին։

«Եթե մենք հստակ գիտենք, որ երկու տնտեսվարողների իրական սեփականատերը հանդիսանում է մեկ անձ, նրա կողմից է ղեկավարվում, մենք մի խանութից կատարում ենք հսկիչ գնում, այնուհետև այդ գնված ապրանքը փոխում ենք երկրորդ խանութում, կամ մի խանութում ստանում ենք զեղչի քարտ, դա օգտագործում նք մյուս խանութում»,– ասաց նա` նման տնտեսվարողներին զգուշացնելով, որ սա իրենց բազմաթիվ մեթոդներից ընդամենը մեկ–երկուսն են։

Բազմաթիվ հարկ վճարողներ էլ իրենց հարազատների, ընկերների, բարեկամների անուններով գրանցում են կազմակերպություններ ու արհեստականորեն տրոհում են իրենց բիզնեսը, որպեսզի որպես փոքր բիզնես` քիչ հարկ վճարեն, ինչը ևս քրեական օրենսգրքով նախատեսված արարք է։

Հնարամիտ գործարարները գտել են նաև ԵԱՏՄ տարածքից ապրանք ներկրելու ու դրա դիմաց չհարկվելու ձևը։ Վահան Չարխիֆալակյանը լրագրողներին պատմեց, որ վերջինները պետռեգիստրում իրենց ընկեր–բարեկամների անունով տարբեր ընկերություններ են գրանցում, դրանց անվամբ ապրանքներ ներկրում, եկամուտ ստանում, իսկ երբ գալիս է հարկերը վճարելու ճամանակը, կեղծ սնանկացման գործընթաց են սկսում այդ ընկերություններում։

Չարխիֆալակյանի ներկայցրած վիճակագրության համաձայն` 2020 հունվար– հուլիսին ՊԵԿ հետաքննության և օպերատիվ հետախուզության վարչության կողմից ընդհանուր առմամբ 1750 օպերատիվ հետախուզական միջոցառում է իրականացվել, բացահայտվել է հարկային չարաշահումների 731 դեպք, որոնց արդյունքում պետությանը հասցված վնասը կազմել է 2.8 մլրդ դրամ։

«Կարգապահ հարկատուն ՊԵԿ–ի հետ պետք է խնդիր չունենա` անկախ վարակից». Գրիգորյան

Համեմատության համար նշենք, որ 2019թ.–ին բացահայտված չարաշահումների ընդհանուր գումարը 431 մլն դրամ էր։

Բացահայտված փաստերով հարուցվել է 89 քրեական գործտնտեսական գործունեության հարկային բնույթի հանցագործությունների, 14 քրգործ ապօրինի ձեռնարկատիրական գործունեության, 83 քրգործ` թմրամիջոցների և հոգեմետ դեղերի մաքսանենգության դեպքերով։

186
թեգերը:
Վահան Չարխիֆալակյան, հարկային օրենսգիրք, խոշոր հարկատու, Պետական եկամուտների կոմիտե (ՊԵԿ)
Ըստ թեմայի
ՊԵԿ–ի պարգևավճարները 5 անգամ շատ են եղել բյուջեի եկամտային մասի մուտքերից
ՊԵԿ նոր նախագահը մտահոգված է հարկերի հավաքագրման ցուցանիշներով
Թաքցրած բջջային հեռախոսներ, հագուստ. ՊԵԿ-ը թույլ չի տալիս «օգտվել իրավիճակից». տեսանյութ
Տիգրան Ուլիխանյան

«Իմ քայլի» պատգամավորը վայր է դնում մանդատը. նա հրաժարականի դիմում է ներկայացրել

287
(Թարմացված է 21:32 29.09.2020)
Եթե մեկ շաբաթվա ընթացքում պատգամավորը գրավոր դիմումով հետ է վերցնում հրաժարականի մասին դիմումը, ապա Ազգային ժողովի նախագահն այդ մասին հանդես է գալիս հայտարարությամբ։

ԵՐԵՎԱՆ, 29 սեպտեմբերի– Sputnik. ՀՀ ԱԺ «Իմ քայլը» խմբակցության պատգամավոր Տիգրան Ուլիխանյանը պատգամավորական մանդատը վայր է դնում։ Տեղեկությունը հայտնում է Ազգային ժողովի մամուլի ծառայությունը։

«Ազգային ժողովի կանոնակարգ» սահմանադրական օրենքի 155-րդ հոդվածի 2-րդ մասի համաձայն` եթե հրաժարականի հրապարակումից հետո՝ մեկ շաբաթվա ընթացքում, պատգամավորը գրավոր դիմումով հետ է վերցնում հրաժարականի մասին իր դիմումը, ապա Ազգային ժողովի նախագահն այդ մասին հանդես է գալիս հայտարարությամբ, եթե հետ չի վերցնում հրաժարականի մասին իր դիմումը, ապա նրա լիազորությունների դադարման մասին կազմվում է արձանագրություն, որն ստորագրում և հրապարակում է Ազգային ժողովի նախագահը: Արձանագրության հրապարակման պահից հրաժարականը համարվում է ընդունված»,-ասված է ՀՀ ԱԺ նախագահ Արարատ Միրզոյանի հայտարարության մեջ:

Նշենք, որ Տիգրան Ուլիխանյանը հրաժարականի դիմում է ներկայացրել այսօր:

Ավելի վաղ հայտնել էինք, որ Ուլիխանյանը հաստատել էր Պետական վերահսկողական ծառայության պետի ժամանակավոր պաշտոնակատար նշանակվելու լուրը։

«Արայի՛կ, արժե արձակուրդ վերցնել». Սմբատ Գոգյանը պաշտոնից ազատվելուց հետո գրառում է արել

Հիշեցնենք, որ նա մասնագիտությամբ տնտեսագետ-կառավարիչ է։ 2015 թվականից «Քաղաքացիական պայմանագիր» կուսակցության հիմնադիր անդամ է:

2018 թվականի մայիսից մինչև 2019 թվականի հունվար եղել է ՀՀ պետական վերահսկողական ծառայության պետի տեղակալը: 2018 թվականի դեկտեմբերի 9-ին ընտրվել է Ազգային ժողովի պատգամավոր «Իմ քայլը» կուսակցությունների դաշինքի համապետական ընտրական ցուցակով:

Հետախուզման մեջ գտնվող ՀՀ նախկին բարձրաստիճան պաշտոնյաները ցանկանում են մեկնել Արցախ

287
թեգերը:
Տիգրան Ուլիխանյան, Պատգամավոր, Հայաստան
Ըստ թեմայի
«Լո՞ւրջ եք ասում». ԿԳՄՍ նախարարը պատասխանում է իր հրաժարականը պահանջողների հարցերին
Գրիշա Թամրազյանի դեմ քրգործ է պատրաստվո՞ւմ. փոխնախարարի հրաժարականի հետքերով
Հրետակոծությունից վնասված տուն Հադրութում

Արցախյան սրացումը և ռուսական գործոնը Կովկասում

179
ԼՂՀ–ում զինված դիմակայության սրացումը, Բաքվի և Երևանի երկար տարիների ռազմաքաղաքական հակասություններն այսօր երրորդ երկրներն օգտագործում են որպես գործիքներ` ոչ բարի նպատակների հասնելու համար։

Ալեքսանդր Խրոլենկո, ռազմական վերլուծաբան

Տպավորություն է ստեղծվում, որ ինչ–որ մեկը ձգտում է Ռուսաստանին Կովկասում ներքաշել մեծ պատերազմի մեջ Բելառուսից, Սիրիայից,  «Հյուսիսային հոսք-2»–ից և աշխարհաքաղաքական դիմակայման այլ կետերից նրա ուժերն ու միջոցները շեղելու համար։ Հակամարտության անմիջական մասնակիցները` Երևանն ու Բաքուն, գիտակցաբար կամ հարկադրաբար «քաշում են» Մոսկվային, քանդում ԱՊՀ և ՀԱՊԿ անվտանգության համակարգը։

Կան նաև աշխարհաքաղաքական ռիսկեր, կապված սեփական շահերը Կովկասում ունեցող մի շարք արևմտյան երկրների «ուժերի արտաքին պրոյեկտման» հետ։

ԼՂՀ խնդիրը ռազմական ճանապարհով չի լուծվում։  Կարգավորման այս կանխադրույթի հետ համաձայն են հակամարտության երկու կողմերը` Ադրբեջանն ու Հայաստանը (որը պաշտպանում է բանակցությունների կողմ չհանդիսացող ԼՂՀ շահերը) և ԵԱՀԿ ՄԽ–ն իր երեք համանախագահների` Ռուսաստանի, ԱՄՆ–ի և Ֆրանսիայի գլխավորությամբ։ Բանակցային գործընթացը ընթանում է դանդաղ և դժվար, սակայն օբյեկտիվ պատճառներ չկան, որպեսզի սեպտեմբերի 27-ը վերածվի ակտիվ ռազմական գործողությունների` ծանր հրետանու, տանկերի, հրթիռային համալիրների և հարվածային ավիացիայի կիրառմամբ։

Հայաստանի և Ադրբեջանի ռազմական գերատեսչությունների ծավալած «մրցակցությունը» հակառակորդի խոցված տանկերի տեսանյութերի հրապարակման առումով, երկու կողմից մտահոգիչ վիճակագրությունը Ռուսաստանում անկեղծ կարեկցանք է առաջացնում հայ և ադրբեջանցի ժողովուրդների նկատմամբ։ Օբյեկտիվորեն մարտական գործողությունները շահավետ չեն հակամարտության և ոչ մի կողմի համար, և հետագա էսկալացիայի դեպքում կարող են ամենաանսպասելի հետևանքները լինել. օտարերկրյա խաղաղապահների  մուտք (անվտանգության գոտիների ձևավորում) կամ դեպքերի ամենաբացասական զարգացումների դեպքում` ՀԱՊԿ անդամ–երկրների (նախևառաջ` Ռուսաստանի-ի) և ՆԱՏՕ–ի (ակնարկում է Թուրքիան) մասնակցությամբ լայնածավալ պատերազմ Հարավային Կովկասում։

Ռուսաստանի 20 հազար հայ կամավորագրվել են Արցախ մեկնելու համար. Արա Աբրահամյան

Հիշեցնեմ, որ ադրբեջանահայկական բնակչությամբ տարածաշրջանում հակամարտությունը սկսվել է 1988 թվականի փետրվարին, երբ ԼՂՀ ինքնավար մարզը հայտարարեց Ադրբեջանական ԽՍՀ–ի կազմից դուրս գալու մասին։ Առաջին փուլում խաղաղապահների դերը կատարում էին ԽՍՀՄ ՆԳՆ ներքին զորքերը, որոնց հաջողվում էր երեք տարի զսպել ակտիվ զինված հակամարտությունը։ Խորհրդային Միության փլուզումից  և ներքին զորքերի դուրսբերումից հետո մարտերը նոր թափ առան, և 1994 թվականին Ադրբեջանը կորցրեց վերահսկողությունը ԼՂՀ մեծ մասի և 7 հարակից շրջանների նկատմամբ։ ԵԱՀԿ ՄԽ–ի շրջանակում հակամարտության խաղաղ կարգավորմանն ուղղված բանակցություններն ընթանում են 1992 թվականից, ժամանակ առ ժամանակ զինված դիմակայությունը սրվում է։

Անհապաղ դադարեցնել կրակը

Մարտական գործողությունների յուրաքանչյուր օրը նոր զոհեր և ավերումներ է խոստանում։ Ստեղծված իրավիճակում արդեն սկզբունքային չէ, թե սեպտեմբերի 27-ին առաջինն ո՞վ է կրակ բացել ծանր հրետանուց և տանկերից, ո՞վ մարտի դաշտում օպերատիվ արվեստի ոլորտում կցուցադրի իր գերակայությունը։ Այսօր գլխավորը ԼՂՀ սահմանին էսկալացիան կասեցնելն է, բանակցությունների սեղանի շուրջ վերադառնալն ու մարդկային կյանքերը պահպանելն է։ Պետք չէ մոռանալ նաև դաշնակցային պարտավորությունների մասին։

Եթե Բաքուն և Երևանն իրենց Մոսկվայի դաշնակից են համարում, նրանք պետք է հաշվի առնեն ռուսական դիրքորոշումը, գիտակցեն փոխհարաբերությունների առկա համակարգի ու տարածաշրջանային անվտանգության համակարգի փլուզման հետևանքները։ Նույնիսկ հաշվի առնելով դժվարագույն հակասությունների փունջը, զինված հակամարտության կողմերի ծանրակշիռ փաստարկներն ու պատճառաբանությունները, Ռուսաստանին Կովկասում պատերազմ հարկավոր չէ։ ՌԴ ԱԳՆ-ում ԼՂՀ հակամարտության կողմերին կոչ են արել «անհապաղ դադարեցնել կրակը»։

Կարծում եմ, բանականությունը կհաղթանակի, և իրավիճակը տարածաշրջանում չի հասնի կոալիցիոն խմբավորումների մասնակցությամբ լայնամասշտաբ ռազմական էսկալացիայի։ Առավել ևս, որ միջազգային արձագանքը ղարաբաղյան սրացման նկատմամբ ընդհանուր առմամբ կառուցողական է։ Մտահոգություն են հայտնում և միջնորդական ծառայություններ են առաջարկում ԵՄ երկրները, ԱՄՆ-ը, Իրանը։

Ուժային սցենարի զարգացմանն աջակցում է միայն Թուքիայի նախագահ Ռեջեփ Թայիփ Էրդողանը, բայց գերազանցապես խոսքերով։ Նույնիսկ ռազմատենչ Անկարան Հարավային Կովկասում ծավալված վտանգավոր խաղում կորցնելու բան ունի։ Հայաստանի վրա հարձակումն անխուսափելիորեն կառաջացնի ՀԱՊԿ-ի պատասխանը, այսինքն պատերազմ Ռուսաստանի հետ (իսկ դա Հունաստանն ու Կիպրոսը չեն)։ Ո՞վ է թեժ իրադարձությունների հիմնական պատվիրատուն և շահառուն։

Զարմանալի պայծառատեսություն

Զգալիորեն կանխելով իրադարձություններն ու դրանց նկատմամբ Վաշինգտոնի պաշտոնական արձագանքը, ԱՄՆ–ի դիվանագիտական ներկայացուցչությունները Ադրբեջանում և Հայաստանում ուրբաթ օրը` սեպտեմբերի 25-ին, նախազգուշացրին իրենց քաղաքացիներին սրվող իրավիճակի վերաբերյալ։  Հայաստանում ԱՄՆ դեսպանատունը խորհուրդ էր տվել զերծ մնալ ԼՂՀ, Դիլիջանի ազգային պարկից հյուսիս ընկած շրջաններ (մինչև Տավուշի մարզում Վրաստանի հետ սահման) այցելությունից։ Նույն օրը Ադրբեջանում ԱՄՆ դեսպանատունը կոչ արեց իր քաղաքացիներին դուրս չգալ Ապշերոնյան  թերակղզու սահմաններից «հայ–ադրբեջանական սահմանագոտում լարվածության սրացման հետ կապված»։ Գուցե սա ոչ թե սովորական զուգադիպություն է, այլ բարդ ռազմաքաղաքական կոմբինացիայի հետևանք։

Արցախի խաղաղ բնակչության շրջանում կա 4 զոհ. ՄԻՊ

Ռուսաստանի սահմանների մոտ տնտեսական և ռազմական ոլորտներում գերակայություն հաստատելու Միացյալ Նահանգների ձգտմանը լիովին համապատասխանում են Կովկասում և այլ տարածաշրջաններում միջին ինտենսիվության մի շարք ծրագրված զինված հակամարտությունները։  ԱՊՀ երկրների բնակիչներին նրանք չեն խղճում, իսկ ռուսական ռեսուրսները երաշխավորված կուղղվեն ռազմական սպառնալիքը վերացնելուն։  Այսինքն, Մոսկվայի մոտ պակաս ուժ և միջոցներ կմնա աշխարհի այլ հատվածներում Վաշինգտոնի հետ մրցակցելու համար։ ԼՂՀ հակամարտության սրացումը ակնհայտորեն խնդիրներ է ստեղծում Ռուսաստանի համար և լիովին համապատասխանում ԱՄՆ ազգային շահերին։

 

179
թեգերը:
հայ-ադրբեջանական, ԱՄՆ, Ռուսաստան, Արցախ
Ըստ թեմայի
Ռուսաստանը մշտական շփման մեջ է նաև ԵԱՀԿ ՄԽ համանախագահների հետ
Ռուսաստանը Թուրքիային զսպելու համարժեք գործիքակազմ ունի. թուրքագետ
«Հենց նոր ուղղաթիռ ենք խոցել, հավանական է` ուղղաթիռներ». Արծրուն Հովհաննիսյան

Հայկական զինուժը խոցել է հակառակորդի զինամթերքով բեռնված մեքենաների շարասյունը. տեսանյութ

0
(Թարմացված է 22:03 29.09.2020)
Հրապարակված տեսանյութում պարզորոշ երևում է, թե ինչպես են մեկը մյուսի հետևից պայթում հակառակորդի զինատեսակները։

Արցախի պաշտպանական բանակը ԼՂ արևելյան ուղղությամբ խոցել է հակառակորդի զինամթերքով բեռնված մեքենաների շարասյան խոցումը։

ՀՀ ՊՆ մամուլի քարտուղար Շուշան Ստեփանյանը տեսանյութ է հրապարակել, որտեղ պարզորոշ երևում է, թե ինչպես են մեկը մյուսի հետևից պայթում հակառակորդի զինատեսակները։

0
թեմա:
Ադրբեջանական ագրեսիա Արցախում. 2020