գետ, արխիվային լուսանկար

Դեբեդ գետի Լալվար վտակի ջրում մեծ քանակի սուլֆատ իոն ու մանգան է հայտնաբերվել

80
(Թարմացված է 15:20 07.08.2020)
Խնդիրը ՀՀ շրջակա միջավայրի նախարարության մասնագիտական ստորաբաժանումների ուշադրության կենտրոնում է։

ԵՐԵՎԱՆ, 7 օգոստոսի - Sputnik. Դեբեդ գետի Լալվար վտակի ջուրը «վատ» որակի է. սա պետական մարմնի գնահատականն է։ Շրջակա միջավայրի նախարարության մամուլի ծառայությունը տեղեկացնում է, որ «Հիդրոօդերևութաբանության և մոնիթորինգի կենտրոն» ՊՈԱԿ-ը օգոստոսի 3-ին հսկողական մոնիթորինգ է իրականացրել Դեբեդ գետի Լալվար վտակի գետաբերանի հատվածում:

«Լալվար գետի ջրի որակը նշված հատվածում 5-րդ դասի է («վատ» որակ)` պայմանավորված սուլֆատ իոնով և մանգանով»,- նշված է տարածած հաղորդագրության մեջ։

Նախարարության փոխանցմամբ՝ խնդիրը գերատեսչության մասնագիտական ստորաբաժանումների ուշադրության կենտրոնում է։ Ուսումնասիրությունները շարունակվում են։

«Հիդրոօդերևութաբանության և մոնիթորինգի կենտրոն» ՊՈԱԿ-ն իր հերթին տեղեկացնում է, որ իրականացված մոնիթորինգի շարժառիթը օգոստոսի 3-ին «Համայնքային համախմբման և աջակցության կենտրոն» ՀԿ-ի նախագահ Օլեգ Դուրգարյանի հնչեցրած ահազանգն է եղել։ Վերջինս Facebook-ի իր էջում Դեբեդ գետ լցվող Լալվար վտակի աղտոտվածության վերաբերյալ տեսանյութ էր հրապարակել:

«Դեբեդ գետի աղտոտիչներից մեկը Ալավերդի քաղաքում՝ Սանահինի կամուրջի մոտ, Մադան գյուղից իջնող Դեբեդ գետի վտակը, որը դեղնավուն գույն ունի, ջրերին են խառնվում հին, լցրած հանքերի և պոչամբարների թափոնները»,- տեսանյութին կից գրել էր Դուրգարյանը։

Հրազդանն աղբի պատճառով ճահճացել է. ո՞ւմ պարտականությունն է գետը փրկելը

Հավելենք, որ Լալվարի ջրի որակի ցուցանիշների կոնցենտրացիաների վերաբերյալ հրապարակված տվյալների համաձայն՝ բացի մեծ քանակի սուլֆատ իոնից ու մանգանից, ջրում հայտնաբերվել են նաև երկաթ, կախյալ նյութեր, ցինկ, պղինձ, կոբալտ, անագ, ընդհանուր լուծված աղեր։

Արփա գետում տանկի արկերի մարտագլխիկներ են հայտնաբերվել

80
թեգերը:
Գետ, Դեբեդ, Հայաստան
Ըստ թեմայի
Աղմկահարույց երեկույթի հետքերով․ «Սպիտակ Շորժա» հանգստի գոտին ապամոնտաժվում է
Ջրիմուռների արտազատած թունանյութն ազդում է մարդկանց և ձկնեղենի վրա. Սևանը դեռ «ծաղկում է»
Վառելիք՝ թափոններից, կամ աղբը ոչ թե աղբանոցներում է, այլ մարդկանց գլխում
Հրանտ Բագրատյան

Հրանտ Բագրատյանը կհամագործակցի՞ Ռոբերտ Քոչարյանի հետ. «Հրապարակ»

12
(Թարմացված է 11:59 26.09.2020)
Տեր–Պետրոսյանի նախագահության ժամանակ վարչապետ եղած գործիչը համագործակցության խողովակներ է փնտրում։ Նա թերթին պատմել է, որ խոսել է նախկին նախագահներից երկուսի հետ, հանդիպել է Վանեցյանի և ՀՅԴ–ի հետ։

ԵՐԵՎԱՆ, 26 սեպտեմբերի – Sputnik. Հայաստանի նախկին վարչապետ Հրանտ Բագրատյանը «Հրապարակ» թերթին ասել է, որ կապվել է երկրորդ նախագահ Ռոբերտ Քոչարյանի հետ։ 

«Ես հույս ունեմ, որ ընդդիմադիրները առաջիկայում կմիավորվեն, ուժ կդառնան։ Ես ինքս գրեթե ցանկացած առողջ ուժի կմիանամ։ Ես Վանեցյանի հետ եմ մեկ անգամ հանդիպել, մի քանի անգամ՝ Դաշնակցության հետ՝ իրենց տնտեսական ծրագրերի մասով ժողովների ժամանակ։ Առաջին և երկրորդ նախագահների հետ կապվել եմ», – ասել է Բագրատյանը։

Նա հավելել է, որ չի հավակնում առաջնորդել ընդդիմադիր շարժումը, կողմ է կոլեկտիվ որոշումներ ընդունելուն։ Նախկին վարչապետը նշել է, որ ինքը իշխանափոխության հասնելու համար փողոց չի փակի, բայց ընդունելի համարում է նման մեթոդը։

Իր խոսքում նա դրական լույսի ներքո է ներկայացրել Ռոբերտ Քոչարյանին` հիշելով նրա նախագահության օրոք ավարտված նախագծերը։

Ինչու են «Իմ քայլից» հեռանում, երբ կլուծվի դեպի ՌԴ չվերթերի հարցը. պարզաբանում է նախարարը

«Այսպես կոչված՝ «մութ ու ցուրտ» տարիներին 3 թունել է կառուցվել։ Սևանի թունելն ո՞վ կառուցեց, որ գնում ենք Դիլիջան, ո՞վ կառուցեց Որոտան-Արփա թունելը, ո՞վ սարքեց Աշտարակի կամուրջը, Դավիթաշենը, ատոմակայանը վերագործարկեցինք։ Դրանք սկսել էին մեզանից առաջ։ Բարեբախտաբար, այդ բոլոր օբյեկտները 2-րդ նախագահի օրոք շահագործման հանձնվեցին։ Այսօր նման կառույց չկա», – ասել է գործիչը։

Հրանտ Բագրատյանը ՀՀ վարչապետ է եղել 1993–1996 թվականներին։ 2013 թվականին եղել է ՀՀ նախագահի թեկնածու։ Այժմ «Ազատություն» կուսակցության նախագահն է։

Ի՞նչն է մտահոգում Ալեն Սիմոնյանին ընդդիմության սպասվող հանրահավաքից

12
թեգերը:
Ռոբերտ Քոչարյան, Հրանտ Բագրատյան, Հայաստան
Ըստ թեմայի
«Արայի՛կ, արժե արձակուրդ վերցնել». Սմբատ Գոգյանը պաշտոնից ազատվելուց հետո գրառում է արել
Արդյո՞ք արտահերթ ընտրությունների հիմք կա, և ինչի կհանգեցնի 3 ընդդիմադիր ուժերի հանրահավաքը
Փաշինյանն ուժայիններին կհանձնարարի ջախջախել ու սնանկացնել Ծառուկյանին. Իշխանյան
Արսեն Թորոսյան

Զոհրաբյանը դատի է տվել Թորոսյանին

54
(Թարմացված է 11:22 26.09.2020)
Վարչական դատարանում կվիճարկվի առողջապահության նախարար Արսեն Թորոսյանի հրամաններից մեկը։ Գործը մակագրված է դատավոր Սամվել Հովակիմյանին։

ԵՐԵՎԱՆ, 26 սեպտեմբերի – Sputnik. Փաստաբանների պալատի նախագահ Արա Զոհրաբյանը դատական հայց է ներկայացրել ՀՀ առողջապահության նախարար Արսեն Թորոսյանի դեմ և վարչական դատարանում վիճարկում է դիմակ դնելու հրամանը։ Այս մասին տեղեկանում ենք Datalex դատական տեղեկատվական համակարգից։

«Պահանջ` անվավեր ճանաչելու դիմակ կրելու պարտականությունը միայնակ կամ ընտանիքի անդամների հետ զբոսայգիներում, քաղաքային պուրակներում, բուսաբանական և կենդանաբանական այգիներում, պատմամշակութային վայրեր այցելությունների, ուխտագնացության, անհատական և խմբային արշավների, էքսկուրսիաների, քայլարշավների, ուղևորությունների և նման բնույթի այլ միջոցառումներին մասնակցության ժամանակ դիմակ կրելու պարտականության մասով, քաղաքացու՝ միայնակ կամ ընտանիքի անդամների հետ փողոցում կամ հանրային այլ բացօթյա տարածքներում գտնվելիս», –ասված է պահանջում։

Արմեն Մուրադյանը դատի է տվել Արսեն Թորոսյանին

Հիշեցնենք` մարտի 16–ից Հայաստանում արտակարգ դրություն էր սահմանված, որը մի քանի անգամ երկարաձգվեց և տևեց մինչև սեպտեմբերի 11–ը։ Սեպտեմբերի 11–ին ՀՀ կառավարությունը որոշեց, որ Հայաստանում սեպտեմբերի 12–ից մինչև 2021թ.–ի հունվարի 11–ը կգործի կարանտինի ռեժիմ։ Կարանտինի ընթացքում որոշ սահմանափակումներ մեղմացվել են, բայց հասարակական վայրերում և հանրային բաց տարածքներում դիմակ դնելու պահանջը շարունակում է գործել: Դիմակ կարող են չդնել միայն մինչև 6 տարեկան երեխաները, հեծանիվ վարողները, ֆիզիկական վարժություններ անողները և խրոնիկ շնչառական հիվանդություններ ու սրտային անբավարարություն ունեցողները (վերջինները պետք է իրենց մոտ ունենան համապատասխան հիվանդության փաստը հաստատող բժշկական փաստաթուղթ)։

ՁԻԱՀ-ի կանխարգելման կենտրոնի նախկին տնօրենը դատի է տվել ՀՀ առողջապահության նախարարությանը

54
թեգերը:
Դատարան, դիմակ, Արա Զոհրաբյան, Արսեն Թորոսյան, Հայաստան
Ըստ թեմայի
Մանվել Գրիգորյանի պաշտպանները դատի են տվել ՀՀ առողջապահության նախարարությանը
Գագիկ Խաչատրյանը և նրա որդիները դատի են տվել Փաշինյանին, նրա խոսնակին և աշխատակազմին
Ռոբերտ Քոչարյանը դատի է տվել ՀՀ–ին` ի դեմս ֆինանսների նախարարության. հայտնի է պահանջը
Տիգրան Հակոբյան

Տեսակամուրջ. «ԱՊՀ վավերագրական կինոյի «Eurasia.DOC» հինգերորդ փառատոնը»

0
Սեպտեմբերի 28-ին` ժամը 15: 00-ին, Sputnik Արմենիա մուլտիմեդիոն մամուլի կենտրոնում Մինսկ-Սմոլենսկ- Երևան տեսակամուրջի ձևաչափով կկայանա ԱՊՀ երկրների «Եվրասիա.DOC» վավերագրական ֆիլմերի հինգերորդ փառատոնի բացման մասնակիցների առցանց ասուլիսը:

2020-ին փառատոնին ներկայացվել է 152 ֆիլմ 18 երկրից: Կարճ ծրագրում ընդգրկված է 28 ֆիլմ 9 երկրից:

Փառատոնը կանցկացվի Սմոլենսկում և Մինսկում սեպտեմբերի 28-ից հոկտեմբերի 2-ը: Ցուցադրվելու են եզրափակիչ փուլի 28 ֆիլմեր Ռուսաստանից, Բելառուսից, ԱՊՀ այլ երկրներից, ինչպես նաև Սերբիայից և Լատվիայից:

Փառատոնի, այս և այլ միջոցառումների մասին կպատմեն ասուլիսի մասնակիցները՝

Մինսկում.

փառատոնի գործադիր տնօրեն, Բելառուսի Հանրապետության լրագրողների միության նախագահ Անդրեյ Կրիվոշեևը,

Sputnik Բելառուս լրատվական գործակալության ղեկավար Անդրեյ Կաչուրան։

Սմոլենսկում.

Մոսկվայի պետական համալսարանի հեռուստատեսության բարձրագույն դպրոցի դեկան Վիտալի Տրետյակովը,

Ռուսաստան-Բելառուս միության հեռուստատեսության և ռադիոյի հեռարձակման կազմակերպություն պետական հիմնարկի նախագահ Նիկոլայ Էֆիմովիչը,

ռեժիսոր, սցենարիստ, Եվրասիա. DOC-2019 փառատոնի հաղթող Մարի Ռենոն,

Format A-3 մեդիա ակումբի նախագահ Գալինա Սապոժնիկովան,

Eurasia.DOC փառատոնի ծրագրերի տնօրեն, Ստուդիո երրորդ Հռոմ պրոդյուսերական կենտրոնի նախագահ Վալերի Շեխովցովը,

փառատոնի ժյուրիի անդամ, «Բելայա Ռուս» հանրապետական հասարակական միավորման նախագահ Գենադի Դավիդկոն։

Երևանում.

Հեռուստատեսության և ռադիոյի հանձնաժողովի նախագահ Տիգրան Հակոբյանը։

Հարգելի գործընկերներ, այժմ դուք արդեն կարող եք գալ Sputnik Արմենիա մուլտիմեդիոն մամուլի կենտրոն և ինքներդ հարցեր ուղղել բանախոսներին: Միակ պայմանը դիմակ դնելն է, իսկ մենք մեր հերթին երաշխավորում ենք սոցիալական հեռավորության պահպանումը և անհրաժեշտ քանակությամբ ախտահանիչ նյութերի առկայությունը:

Բացի այդ, ասուլիսը ավանդաբար հեռարձակվելու է Facebook և Youtube սոցիալական ցանցերի մեր էջերում:

Հեռ.` +374(98)180-626, +374(91)42-12-35։

Հասցե` Երևան, Ամիրյան 4/7, «Իմպերիում պլազա» բիզնես կենտրոն, 4-րդ հարկ։

Մամուլի կենտրոնի ծանուցումները ստանալու համար կարելի է բաժանորդագրվել՝ հայտ ուղարկելով v.aloyan@sputniknews.com էլ. հասցեով:

0
թեգերը:
փառատոն, կինո