Տանձուտ, արխիվային լուսանկար

Մեքենաներ ու բիզնես՝ առանց գրավի․ Հայաստանում բանկային վարկերին այլընտրանք է զարգանում

113
(Թարմացված է 17:58 06.08.2020)
Ապրիլին լիզինգի մասին օրենսդրական փոփոխությունները թույլ կտան առանց գրավի արտադրական սարքավորումներ ու մեքենաներ վարձակալության վերցնել։

ԵՐԵՎԱՆ, 6 օգոստոսի – Sputnik. Լիզինգի մասին օրենսդրության փոփոխությունները թույլ կտան այն ավելի հասանելի դարձնել բիզնեսի համար ու կօգնեն նոր աշխատատեղեր ստեղծել։ Այս մասին Sputnik Արմենիա միջազգային մուլտիմեդիոն մամուլի կենտրոնում տեղի ունեցած առցանց ասուլիսի ընթացքում հայտնեց ՀՀ էկոնոմիկայի նախարարի տեղակալ Նաիրա Մարգարյանը։

Ապրիլին Ազգային ժողովը Քաղաքացիական օրենսգրքում փոփոխությունների փաթեթ է ընդունել՝ ուղեկցող օրինագծերով։ Լիզինգի իրավական դաշտը Կենտրոնական նորմատիվներից օրենսդրական դաշտ են տեղափոխել։

Փոխնախարարի խոսքով՝ դա թույլ կտա լիզինգային ընկերություններին ֆինանսավորել ոչ միայն բիզնեսը, այլև քաղաքացիներին։

Այժմ Հայաստանում վարկերի ընդհանուր պորտֆելը 4 տրիլիոն դրամ է, որից 200-300 միլիարդը կազմում են գույքի գնման կամ վարձակալության գործարքները։ Իսկ ահա լիզինգային գործարքներն ընդամենը 20-30 միլիարդ դրամ են կազմում, այսինքն՝ տասն անգամ պակաս։ Այսպիսով՝ գործարանային հաստոցների ու արտադրական տեխնիկայի, տրակտորների ու մեքենաների գործարքների մեծ մասը ֆինանսավորվում է վարկերի, ոչ թե լիզինգի տեսքով։

«Լիզինգն ունի մի շարք համեմատական առավելություններ։ Մասնավորապես` այն չի պահանջում գրավ. այն գույքը, որը դուք լիզինգով վերցնում եք վարձակալության, արդեն իսկ ծառայում է որպես գրավ»,- ասաց Մարգարյանը։

Այժմ լիզինգը սահմանափակ է մի շարք ընթացակարգային հարցերի պատճառով։ Մասնավորապես՝ եթե մեքենա է տրամադրվում, ապա դրա բոլոր տուգանքները լիզինգային ընկերությանն (կամ լիզինգ տրամադրող բանկին) են ուղղվում։ Բացի այդ, բանկը պետք է վճարի այդ մեքենայի գույքահարկը։ Այժմ այդ պարտավորվածությունները դրված են փաստացի օգտվողների վրա։

Բացի այդ, հստակեցված չէ՝ որ դեպքում բանկը կարող է իր շահութահարկի բազայից դուրս գրել լիզինգային ակտիվների մարումը, իսկ որ դեպքում՝ ոչ։ Դրա համար լիզինգի երկու տեսակ է սահմանվում․ մի դեպքում ստացողը ոչ միայն վարձակալում է ունեցվածքը, այլև ստանում է այն իր հաշվեկշռի վրա, մյուս դեպքերում՝ չի ստանում։ Համապատասխանաբար, ամորտիզացիոն մարումներն անում է նա, ում հաշվեկշռին է ունեցվածքը։

Հայաստանի վարկային կազմակերպությունները վիրուսի պատճառով նվազեցրել են տոկոսները

Եվ վերջապես, լիզինգային գործարքներն՝ ի տարբերություն բանկային վարկերի չէին ազատվում ԱԱՀ-ից։ Գործարարության աջակցման գրասենյակի իրավախորհրդատու Իզաբելա Հովհաննիսյանը նշեց, որ այժմ կանոնները հավասարեցրել են․ լիզինգային գործարքները նույնպես ազատվել են ԱԱՀ-ից։

Փոփոխությունները նաև երկրորդական լիզինգային գործարքների հնարավորություն են տալիս։ Այժմ մեքենան (կամ այլ ունեցվածք) կարելի է լիզինգով վերցնել ոչ թե դրա օգտակար գործողության ամբողջ ժամկետով, այլ մեկ-երկու տարով, իսկ հետո այն վերադարձնել լիզինգային ընկերությանը կամ բանկին։ Նրանք էլ իրենց հերթին այն կարող են փոխանցել այլ մարդկանց։

«Այսպիսով՝ մեզանում կձևավորվի մեքենաների և սարքավորումների երկրորդական շուկա, որը եղածի համեմատ կլինի ավելի կառավարելի ու վերահսկելի` թե՛ գույքի ծագման և թե՛ որակի վերահսկողության առումով», - նշեց Armenian leasing Company ընկերության գլխավոր տնօրեն Արսեն Բազիկյանը։

Բիզնեսը, այդ թվում նաև ռուս մոլոկանների աշխատանքային բրիգադները, հաճախ է դիմել նման հարցումներով։ Երբեմն մի բրիգադին նոր տեխնիկա է հարկավոր, բայց մեկ տարով, իսկ մյուսին ոչ այնքան նոր մեքենա է անհրաժեշտ։ Հիմա նրանք կարող են պայմանավորվել իրար հետ, և լիզինգը մի բրիգադից մյուսին կանցնի։

«Հիմա գործարքի այդ բոլոր կողմերը կկարողանան հետևել, որպեսզի առաջին օգտագործողն այն շահագործի խնամքով, որպեսզի մնացածներն այն ստանան հնարավորինս լավ վիճակում», - պարզաբանեց Բազիկյանը։

Փոփոխությունները կարող են օգնել սարքավորման տեղացի, այդ թվում՝ փոքր արտադրողներին։ Եթե նրանք աշխատում են շրջանառության հարկի ռեժիմով,  ապա խոշոր բիզնեսի համար ձեռնտու չէ նրանցից սարքավորումներ գնել (լինի դա սառնարաններ կամ մրգեր չորացնող սարք, կամ ջերմոցային սարք, կամ որևէ այլ բան)։ ԱԱՀ չվճարողից ապրանք գնելով, նրանք չէին կարող դեբետավորել այն։ Այդ խնդիրը լուծվել է, քանի որ լիզինգի մատակարարումները նույնպես ազատվել են ԱԱՀ-ից։

Այսպիսով՝ լիզինգային գործարքների մատակարար կարող են դառնալ նույնիսկ սովորական քաղաքացիները, որոնք, օրինակ, ուզում են վարձով տալ իրենց շենքը կամ հողամասը։ Իսկ հեռանկարում քաղաքացիներին ուզում են սրահներից մեքենաների լիզինգի գործարքներ առաջարկել։

«Եթե խոսենք գրանցված ընկերությունների կամ անհատ ձեռներեցների մասին, ապա հինգ տարի առաջ նրանք երկու–երեքն էին, իսկ հիմա` արդեն քսանից ավելին։ Նոր փոփոխություններից նրանք միանշանակ կշահեն», - ընդգծեց Մարգարյանը։

Նշենք, որ Հայաստանում 17 բանկերից ու 32 վարկային կազմակերպությունից լիզինգային ծառայություններ են մատակարարում ութը։ Հիմնականում մեկ-երկու ընկերություն են մասնագիտացել այդ ծառայության մեջ․ խոշորագույն ընկերությունը (ACBA Leasing) զբաղեցնում է շուկայի մոտ 80%-ը։

113
թեգերը:
լիզինգ, վարկ, Բանկ, Հայաստան
Ըստ թեմայի
Համաշխարհային բանկը մեկ տարով չեղարկում է Հայաստանին տրամադրած վարկերի 1.7% տոկոսադրույքը
Վերակառուցման և զարգացման բանկը Հայաստանին 13.4 մլն եվրոյի վարկ կտրամադրի, կշահեն մարզերը
Ռուսական վարկից հրաժարվելը կապ չունի հայ-ռուսական հարաբերությունների հետ. Պապիկյան
Հայաստանը չի հրաժարվել ԱԷԿ-ի համար ռուսական վարկից․ դեսպանը բացել է փակագծերը
Զինվորականի հագուստ

Բեմադրված հարցազրույցները միշտ էլ եղել են․ փորձագետը` գերիների փոխանակման մասին

324
(Թարմացված է 21:20 24.10.2020)
Երբ գերիներին ստիպում են նախապես պատրաստած տեքստ ասել, դա Ժնևյան կոնվենցիաների խախտում է։

ԵՐԵՎԱՆ, 24 հոկտեմբերի — Sputnik. Արցախյան առաջին պատերազմի տարիներին՝ 90-ականներին, գերիների փոխանակումն իրականացվել է նույնիսկ մարտական գործողությունների ընթացքում, այժմ դժվար է նման բան պատկերացնել։ Sputnik Արմենիայի հետ զրույցում ասաց Գերիների, պատանդների և անհետ կորածների հարցերով զբաղվող հանձնաժողովին կից աշխատանքային խմբի ղեկավար Արմեն Կապրիելյանը։

Ավելի վաղ ադրբեջանական ԶԼՄ-ներում ու սոցցանցերում հայ գերիների մասնակցությամբ տեսանյութեր էին հրապարակվել։ Կադրերում ութ հայ զինծառայողներ էին երևում, որոնք հերթով ասում էին` Ղարաբաղը Ադրբեջանն է։ Բացի այդ, տեսանյութեր էին հրապարակվել Վալերա Հայրապետյանի ու Էդիկ Տոնոյանի մասնակցությամբ, որոնք պատմում էին՝ ինչպես են գերի ընկել։

Կապրիելյանի խոսքով՝ նման տեսագրությունները, որոնցում ռազմագերիների ակնհայտ իրավունքների խախտում կա, մարդասիրական իրավունքի, Ժնևյան կոնվենցիաների կոպիտ ոտնահարում են։ ԶԼՄ-ներում չպետք է գերիների վիճակի մասին տվյալներ հրապարակվեն, հատկապես հարցազրույցներ ու տեսանյութեր։

«Ցավոք, նման միջադեպեր միշտ էլ եղել են։ Ամեն անգամ, երբ Ադրբեջանի մոտ ռազմագերի կամ քաղաքացիական անձ է հայտնվել, նման բեմադրություններ են արվել, նախապես պատրաստված տեքստեր են ձայնագրվել։ Այս ամենը Ժնևյան կոնվենցիաների տեսակետից անթույլատրելի է» - շեշտեց Կապրիելյանը։

Ընդ որում՝ բոլոր միջազգային կառույցները, որոնք կապ ունեն դրա հետ, սահմանափակվել են դեկլարատիվ հայտարարություններով։ Կոչեր են հնչեցրել, բայց Ադրբեջանը որևէ իրական պատասխանատվություն չի կրել նման խախտումների համար։

Նրա խոսքով՝ Ադրբեջանի իշխանության որոշ գործողություններ կարող են հայտնվել Մարդու իրավունքների եվրոպական դատարանի իրավասության տակ, գերիները կարող են յուրաքանչյուր դեպքով հայց ներկայացնել։ Այդ դեպքում դատարանի որոշումները պետության համար պարտադիր կլինեն։

Ադրբեջանն ունի բազմաթիվ զոհեր ու չի ցանկանում, որ այդ զոհերը հասնեն իրենց ընտանիքներին

Ինչ վերաբերում է գերիների փոխանակմանը կամ նրանց վերադարձնելուն, ապա 2000-ականների կեսերին կողմերի միջև դեռ ուղիղ կապ կար, իսկ դրանից հետո գործընթացն իրականացվում է Կարմիր խաչի միջազգային կոմիտեի միջոցով (փոխանակում է եղել նաև ԵԱՀԿ նախագահի գործող ներկայացուցչի անձնական միջնորդությամբ)։

Ի դեպ, Կարմիր խաչը չի ընդունում «փոխանակում» եզրույթը։ Ռազմագերին կամ քաղաքացիական անձը, հումանիտար իրավունքի համաձայն, պետք է առանց պայմանների վերադարձվի։

«Ժամանակին ռազմագերիների փաստացի փոխանակման տարբեր նախադեպեր են եղել։ Եղել է դեպք, երբ ողջ մարդու փոխարեն Ադրբեջանը մեզ փոխանցել է գերիի դին», - ասաց Կապրիելյանը։

90-ականներին հրամանատարները երբեմն փոխանակում են իրականացնել` գործը բարձրագույն հրամանատարությանը չհասցնելով։ Նրանք իրար հետ են պայմանավորվել։ Եղել են դեպքեր, երբ հայ գերիներին հաջողվել է վերադարձնել պարենի կամ վառելիքի դիմաց։

Բայց այդ ամենը 90-ականներին սկզբին էր։ Հիմա ամեն ինչ անցնում է «կենտրոնով» ու ԿԽՄԿ-ով։ Սկզբում պետք է հասնել մարտական գործողությունների դադարին։

Ավելի վաղ Մարդու իրավունքների պաշտպանի գրասենյակից Sputnik Արմենիային հայտնել էին, որ Արցախի օմբուդսմենը հայ զինծառայողների մասնակցությամբ տեսանյութն ու նրանց մասին անհրաժեշտ տեղեկությունն ուղարկել է Կարմիր խաչի միջազգային կոմիտե։

Կոմիտեի հայաստանյան գրասենյակի հանրային կապերի պատասխանատու Զառա Ամատունին էլ մեր հարցին ի պատասխան հայտնել էր, որ տարբեր ճանապարհներով մեզ հասած տեղեկությունը պետք է նաև հաստատվի հակառակ կողմից, որից հետո միայն ԿԽՄԿ-ն կարող է դիմել այդ անձանց այցելելու համար։

«Վախի ազդեցության տակ է եղել». աղմկահարույց տեսանյութի Ազնիվն իրոք գերեվարվել է. ԱԱԾ

324
թեգերը:
Արցախ, ռազմագերի, գերի, Ադրբեջան, Հայաստան
Ըստ թեմայի
Պատերազմն Ադրբեջանի իշխանության գիտակցված ընտրությունն է. ԱՀ ԱԳՆ–ի կոչն աշխարհին
Թշնամու հերթական խոցված անօդաչուն. ՊԲ–ն լուսանկար է հրապարակել
Զոհրաբ Մնացականյանն ու Մինսկի խմբի համանախագահները հանդիպել են
Ինչպես կարող է Ալիևն այդքան ցինիկ լինել. Սարգսյանը` ադրբեջանական շոուի մասին
Օգտատերը կեղծ տեղեկություն է կարդում

Ադրբեջանցիները հայ գերիների սոցցանցային էջերից նյութեր են տարածում. ՄԻՊ–ն ապացույցներ ունի

562
(Թարմացված է 21:55 24.10.2020)
Հայաստանի մարդու իրավունքների պաշտպանի ձեռք բերած ապացույցները վկայում են, որ սոցիալական ցանցերի այդ էջերը կամ օգտահաշվիներն ակտիվացվում են ադրբեջանական IP (Internet Protocol) տիրույթից:

ԵՐԵՎԱՆ, 24 հոկտեմբերի - Sputnik. Հայաստանի մարդու իրավունքների պաշտպանը ձեռք է բերել և հրապարակել օբյեկտիվ բնույթի ապացույցներ այն մասին, որ ադրբեջանցիներն ապօրինաբար տիրանում են սոցիալական ցանցերի հայկական օգտահաշիվների գաղտնաբառերին ու սկսում են կառավարել այդ էջերը: ՀՀ ՄԻՊ Արման Թաթոյանը գրառում է արել Facebook-ի իր էջում։

«Այս պահին հրապարակում եմ ընդամենը մի քանի ապացույց: Այս պահի մեր ուսումնասիրությունները ցույց են տալիս, որ խոսքը գերեվարված կամ այլ կերպ Ադրբեջանում հայտնված մեր հայրենակիցների մասին է:Այս և մյուս բոլոր նյութերը փաստագրված են Հայաստանի մարդու իրավունքների պաշտպանը կողմից՝ միջազգային մարմիններին ըստ իրավասության ուղարկելու նպատակով»,–գրել է Թաթոյանը:

Նրա խոսքով`ապացույցները վկայում են, որ սոցիալական ցանցերի այդ էջերը կամ օգտահաշվիներն ակտիվացվում են ադրբեջանական IP (Internet Protocol) տիրույթից:

Նշենք, որ հայկական օգտատերերի նշված էջերից տարածվում է ատելություն: Տարածվում են նաև Հայաստանում և Արցախում հասարակական ու քաղաքական ներքին թշնամանք հրահրող, հասարակությունում լարվածություն, խուճապ ու տագնապ առաջացնող նյութեր:

Ադրբեջանն ունի բազմաթիվ զոհեր ու չի ցանկանում, որ այդ զոհերը հասնեն իրենց ընտանիքներին

Հայաստանի մարդու իրավունքների պաշտպանի ուսումնասիրությունը վեր է հանել դեպքեր, երբ այդ նյութերն արժանանում են հայկական օգտահաշիվների արձագանքի՝ ակնհայտորեն չիմանալով, որ էջը կառավարվում է Ադրբեջանից:

Թաթոյանը հորդորում է բացառիկ զգուշություն ցուցաբերել սոցիալական ցանցերով տարածվող նյութերից օգտվելիս կամ դրանք տարածելիս:

Ադրբեջանցի ռազմագերու վիրահատությունը բարեհաջող է անցել. Շուշան Ստեփանյան

562
թեգերը:
Արման Թաթոյան, գերի, Հայաստան
Ըստ թեմայի
Ռազմագերիներին ստիպողաբար խոսեցնելը թշնամու անզորության հստակ ցուցիչն է. Հովհաննիսյան
Արտակ Բեգլարյանը մի քանի խնդրանքով դիմել է հայրենակիցներին
Ադրբեջանցի ռազմագերին պատմում է` ինչպես են իրեն վիրավոր թողել ռազմի դաշտում ու փախել
Военнослужащий на боевой позиции Армии обороны Карабаха

Արծրուն Հովհաննիսյանն առաջնագծում տիրող իրավիճակը ներկայացրեց քարտեզի տեսքով. լուսանկար

0
(Թարմացված է 22:12 24.10.2020)
Նկարում հարավային և հյուսիսային ուղղությամբ ադրբեջանական զինված ուժերի կողմից ժամանակավոր զբաղեցրած տարածքներն են
Интерактивная карта военных действий Карабаха
Интерактивная карта военных действий Карабаха
0