Դավիթ Տոնոյան, արխիվային լուսանկար

Դավիթ Տոնոյանը լիբանանցի գործընկերոջ հետ քննարկել է տարածաշրջանային վերջին զարգացումները

67
(Թարմացված է 17:53 03.08.2020)
Զրուցակիցները քննարկել են նաև երկու երկրների զինված ուժերում համաճարակային իրավիճակը, կարծիքներ փոխանակել փոխգործակցելու լրացուցիչ հնարավորությունների ստեղծման շուրջ:

ԵՐԵՎԱՆ, 3 օգոստոսի - Sputnik. ՀՀ պաշտպանության նախարար Դավիթ Տոնոյանն այսօր հեռախոսազրույց է ունեցել Լիբանանի Հանրապետության ազգային պաշտպանության նախարար, փոխվարչապետ տիկին Զեյնա Աքարի հետ և շնորհավորել գործընկերոջը Լիբանանի զինված ուժերի 75-ամյակի կապակցությամբ: Տեղեկությունը հայտնում է ՀՀ ՊՆ պաշտոնական կայքը:

Զրուցակիցները քննարկել են նաև երկու երկրների զինված ուժերում համաճարակային իրավիճակը, կարծիքներ փոխանակել փոխգործակցելու լրացուցիչ հնարավորությունների ստեղծման շուրջ:

«Զեյնա Աքարն ընդգծել է ՀՀ ԶՈՒ ստորաբաժանման մասնակցության կարևորությունը Լիբանանում ՄԱԿ-ի ՅՈՒՆԻՖԻԼ առաքելությունում, ինչին ի պատասխան՝ ՀՀ պաշտպանության նախարարը վերահաստատել է հայկական կողմի վճռականությունն այն շարունակելու գործում»,- նշված է հաղորդագրության մեջ:

Ուժ և հավատ. Ռազմական համալսարանում բացվել է Սուրբ Մեսրոպ Մաշտոց եկեղեցին

Պաշտպանական գերատեսչությունների ղեկավարները չեն շրջանցել նաև տարածաշրջանային ռազմաքաղաքական զարգացումները. նրանք կարևորել են երկկողմ համաձայնագրերի շրջանակում ռազմական համագործակցության ընդլայնման ու խորացման անհրաժեշտությունը:

Ինչպես են զորամասից տուն ճանապարհում հայ զինծառայողներին. հուզիչ տեսանյութ

67
թեգերը:
Դավիթ Տոնոյան, ՀՀ Պաշտպանության նախարարություն (ՊՆ), Հայաստան
Ըստ թեմայի
Դավիթ Տոնոյանը ներկայացրեց՝ ինչ է տեղի ունեցել հայ-ադրբեջանական սահմանին
Իշխանական շրջանակում քննարկվում է Դավիթ Տոնոյանին փոխարինողների անունները. «Հրապարակ»
Դավիթ Տոնոյանն ընդունել է հայ ռազմական օդաչուներին վերապատրաստած ռուս մասնագետներին
Դավիթ Տոնոյանը հարավարևելյան զորամասեր է այցելել
Սմբատ Գոգյան

Մայիսից սպասում էր. Փաշինյանը Սմբատ Գոգյանին ազատեց ԲՈԿ նախագահի պաշտոնից

2
(Թարմացված է 21:22 24.09.2020)
Գոգյանն աշխատանքից ազատման դիմում էր ներկայացրել 2020–ի մայիսի 14-ին, սակայն վարչապետն ազատման հրամանն այդպես էլ չէր ստորագրում։

ԵՐԵՎԱՆ, 24 սեպտեմբերի – Sputnik. Վարչապետ Նիկոլ Փաշինյանի որոշմամբ՝ Սմբատ Գոգյանն ազատվել է Բարձրագույն որակավորման կոմիտեի նախագահի պաշտոնից: Տեղեկությունը հրապարակել է ՀՀ էլեկտրոնային կառավարման կայքը։

«Ղեկավարվելով «Հանրային ծառայության մասին» օրենքի 9-րդ հոդվածի 7-րդ մասով՝ Սմբատ Գոգյանին 2020–ի սեպտեմբերի 25-ից ազատել Բարձրագույն որակավորման կոմիտեի նախագահի պաշտոնից»,-նշված է վարչապետի որոշման մեջ։

Նշված հոդվածը բյուրոկրատիկ բնույթ է կրում` մատնանշելով, որ նախարարությանը ենթակա պետական մարմնի ղեկավարին նշանակում և ազատում է վարչապետը։

Սմբատ Գոգյանը ԲՈԿ նախագահ նշանակվել էր 2018–ի հունիսի 12-ին։ Նա աշխատանքից ազատման դիմում էր ներկայացրել 2020–ի մայիսի 14-ին, սակայն վարչապետն ազատման հրամանն այդպես էլ չէր ստորագրում։ Որպես պաշտոնից հեռանալու դրդապատճառ Գոգյանը նշել էր այն, որ «կրթության և գիտության բարեփոխման իմ պատկերացումները չեն համընկել նախարարության ռազմավարության հետ, և ժամանակի ընթացքում այդ հակասությունները խորացել են»։

Ֆելիքս Ցոլակյանն աշխատանքից ազատել է իր մամուլի քարտուղարին

2
թեգերը:
Հայաստան, Էկոնոմիկայի նախարարություն, պաշտոն, Նիկոլ Փաշինյան, ազատման դիմում, դիմում, ազատում, Սմբատ Գոգյան
Հայաստանում ՌԴ դեսպանատուն

«Ազատություն» ռադիոկայանը ընտրողաբար է ներկայացրել մեր մեկնաբանությունը». ՌԴ դեսպանություն

9
(Թարմացված է 21:04 24.09.2020)
Մեդիայի հրապարակման մեջ հնչում է այն միտքը, որ Ռուսաստանը հատուկ չի բացում սահմանները Հայաստանի հետ`ելնելով իր «կայսերական ու ճնշող քաղաքականությունից»։

ԵՐԵՎԱՆ, 24 սեպտեմբերի – Sputnik. Հայաստանում Ռուսաստանի դեսպանությունը հաղորդագրություն է տարածել, որով անդրադարձել է «Ազատություն» ռադիոկայանի հայկական ծառայության՝ «Ուզում ենք գնալ Ռուսաստան, չենք կարողանում». բողոքի ակցիա կառավարության շենքի դիմաց» հրապարակմանը։ Հրապարակման մեջ հնչում է այն միտքը, որ Ռուսաստանը հատուկ չի բացում սահմանները Հայաստանի հետ`ելնելով իր «կայսերական ու ճնշող քաղաքականությունից»։

«Կորոնավիրուսի համաճարակի պատճառով ժամանակավորապես դադարած ավիահաղորդակցության խնդիրը անբարեխիղճ կերպով օգտագործվում է քաղաքական երանգներ հաղորդելու համար։ Նյութում ասվում է, որ ավիաչվերթերի վերսկսման հարցի լուծումը տրվում է բացառապես քաղաքական հարթության մեջ և, իբր, կախված է ռուսական կողմի որոշակի «քաղաքական պահանջներից»։ Անհեթեթ է թվում նաև այն թեզը, թե Ռուսաստանն այս իրավիճակն օգտագործում է ներքին լարվածությունը սրելու համար ՝ հետագայում «օգուտ կորզելու» նպատակով, ինչը, իբր, «կայսերական քաղաքականության» դրսևորում է»,– նշված է հաղորդագրության մեջ։

Դեսպանատան դիտարկմամբ` մեդիան ընտրողաբար է ներկայացրել դեսպանության մեկնաբանությունը` պատասխանից վերցնելով մի  հատված, որը հստակ պատկերացում չի տալիս ստեղծված իրավիճակի մասին։ Նրանց համար, ովքեր հետաքրքրված են խնդրով, դեսպանատունը ներկայացրել է լրատվամիջոցին ներկայացված մեկնաբանության ամբողջական տարբերակը։

«Ռուսաստանի տարածքում նոր կորոնավիրուսային վարակի տարածման կանխման օպերատիվ շտաբի կողմից որոշում է ընդունվել 2020 թվականի սեպտեմբերի 21-ից Ղազախստանի, Ղրղզստանի և Բելառուսի, իսկ 2020 թվականի սեպտեմբերի 27-ից ՝ Հարավային Կորեայի հետ փոխադարձ հիմունքներով միջազգային ավիահաղորդակցությունը վերսկսելու մասին: Նշված երկրներ չվերթերը կիրականացվեն փոխադարձ հիմունքներով ՝ շաբաթական մեկ անգամ պարբերականությամբ։ Որքան մեզ հայտնի է, օդային հաղորդակցության վերականգնման մասին որոշումներն ընդունվում են երկկողմ բանակցությունների արդյունքում և պարտադիր հաշվի առնելով կոնկրետ օտարերկրյա պետություններում Ռոսպոտրեբնադզորի մշակած սանիտարահամաճարակային իրադրության գնահատման օբյեկտիվ չափանիշները։ Ավելի ճշգրիտ տեղեկատվություն հավանաբար կլինի ստանալ Հայաստանի իրավասու գերատեսչություններում, որոնք ամբողջ ծավալով ստանում են այդ տեղեկությունը իրենց ռուս գործընկերներից»,– ասված է դեսպանատան` ռադիոկայանին ուղղված պատասխանի մեջ։

Պեսկովը խոսել է սահմանների բացումից և ասել` որն է խնդիրը

Հիշեցնենք` մարտի 27-ից կորոնավիրուսի համավարակով պայմանավորված` Ռուսաստանը դադարեցրել է ավիահաղորդագրությունը Հայաստանի հետ, բացառություն են միայն բեռնատար և հումանիտար չվերթերը, ինչպես նաև հատուկ չվերթերը, որոնց շնորհիվ ՌԴ և ՀՀ քաղաքացիները կարող են հայրենիք վերադառնալ։

9
թեգերը:
չվերթ, դեսպանատուն, Ռուսաստան, Հայաստան
Ըստ թեմայի
Նոր վիրուսի պատճառով Վիետնամում դադարեցվել է ավիահաղորդակցությունը
Ե՞րբ կվերականգնվի Վրաստանի հետ ավիահաղորդակցությունը. Կրեմլի պարզաբանումը
Հայաստանը մտադի՞ր է դադարեցնել ավիահաղորդակցությունն Իրանի հետ
Վրաստանը դադարեցրել է ավիահաղորդակցությունն Իրանի հետ