Խաղողի որթ, արխիվային լուսանկար

Խաղողը կմնա՞ դաշտերում. խաղողագործն ու գինեգործը հայտնվել են դժվար իրավիճակում

317
(Թարմացված է 13:33 03.08.2020)
Այս տարի խաղողի առատ բերք ունենք, սակայն ինչպես գյուղացիները, այնպես էլ մթերող ընկերությունները մտահոգ են։ Sputnik Արմենիան զրուցել է նրանց հետ` ներկայացնելով կողմերի առաջ ծառացած խնդիրները։

ԵՐԵՎԱՆ, 2 օգոստոսի- Sputnik, Կարինե Հարությունյան․Կորոնավիրուսի հետևանքները կարծես թե նույնքան առատ են, որքան խաղողի բերքը։ Ի տարբերություն նախորդի, այս տարի բերքը բավական գոհացուցիչ է, սակայն գյուղացիները մտավախություն ունեն, որ խաղողը կարող է դաշտերում մնալ․ մթերման խնդրի առաջ հայտնվելու վտանգ կա։ Բանն այն է, որ կորոնավիրուսի հետևանքով գինու սպառումն ու արտահանումը նվազել է, ինչն էլ, բնականաբար, իր ազդեցությունը կունենա մթերման գործընթացի վրա։ Խնդիրը համակողմանի ներկայացնելու համար Sputnik Արմենիան զրուցել է ոլորտի մասնագետների, մթերող ընկերությունների և գյուղացիների հետ։

Բերքն առատ է, բայց գյուղացին մտահոգ է. գինու տակառները դեռ չեն դատարկվել Արարատի մարզի բնակիչ, 43–ամյա Ռուբեն Կիրակոսյանն անհամբեր սպասում է` ե՞րբ մթերող ընկերությունները պայմանագիր կնքելու համար «կթակեն իրենց դռները»։

«Վարկ ենք վերցնում, հաշվարկում, թե ինչ գնով պետք է խաղողը մթերենք և սկսում աչքի լույսի պես մշակել դաշտերը, քանի որ ձմեռը հանելու ամբողջ հույսը դա է։ Բայց հիմա վիրուսն եկավ ու բոլորիս խեղճացրեց։ Հասկանում ենք, որ գինեգործների գործն էլ է կանգնել, եկամուտը շատ չէ, բայց թարսի պես` բերքն առատ է այս տարի. վախենամ` բերքը մնա այգիներում»,– ասաց Կիրակոսյանը։

Նա հույս ունի, որ գինեգործերն էլ խիղճը չեն կորցնի և «ջրի գին» չեն առաջարկի մթերման համար։ Կիրակոսյանը նշում է` 1 կգ խաղողն առնվազն 150 դրամով վաճառելու հաշվարկով է վարկ վերցրել, սակայն լուրեր են շրջանառվում, որ մթերումն իրականացնելու են ավելի ցածր գնով։

Գինու ազգային կենտրոնի նախագահ Ավագ Հարությունյանը ցավով արձանագրում է, որ այս տարի, նախորդ տարվա համեմատ, գինու սպառման ծավալների մոտ 50 տոկոս անկում կա, ինչը չի կարող մթերման գործընթացի վրա չազդել։ Նա համոզված է` մթերում կլինի, բերքն էլ դաշտերում չի մնա, բայց նախորդ տարվա համեմատ այս տարի խաղողն առնվազն 20 տոկոսով էժան կմթերեն։

Դեռ վաղ է խոսել մթերման խնդիրների մասին. Խաչատրյանը վստահեցնում է` զբաղվում են այդ հարցով

«Հարցն այն է, որ չունենք ազատ տարաներ, որպեսզի կարողանանք խաղող մթերել։ Բացի այդ՝ չունենք բավարար դրամական միջոցներ խաղողի դիմաց վճարելու համար։ Մյուս կողմից՝ գինու արտահանման ծավալներն էլ նվազել են 40 տոկոսով։ Չնայած այս ամենին, գինեգործն ավելի տոկուն է, վիճակը շատ ավելի բարդ է լինելու գյուղացու համար»,– նշեց Հարությունյանը` հավելելով, որ իրավիճակի ողջ ծանրությունն ընկնելու է գյուղացիների ուսերին։

Գործարանները չեն շտապում մթերման հարցում

Արարատի մարզի Տափերական համայնքի ղեկավար Կարեն Խաչատրյանը գոհ է այս տարվա բերքից. մոտավոր հաշվարկով 1 տոննա բերքի դիմաց` 1 տոննա 400կգ խաղող կհավաքի։ Տափերականում արդեն իսկ սկսվել է մթերման պայմանագրերի կնքման գործընթացը, սակայն, եթե նախորդ տարի գյուղացիները 6-7 գործարանի հետ էին պայմանագիր կնքում, այս տարի դեռ երկուսն են առաջարկ ներկայացրել։

«Այս պահին միայն «Վեդի Ալկոն» և Այգեվանում գտնվող ընկերությունն են  պայմանագիր կնքում։ Բացի այդ, օրինակ, Այգեվանի գործարանը կիսով չափ նվազեցրել է պայմանագրերի քանակը։ Եթե նոր ընկերություններ չավելանան, ապա միայն այս երկու գործարանների միջոցով հնարավոր չի լինի սպառել մեր ամբողջ բերքը»,– մտահոգություն հայտնեց Խաչատրյանը։

Նրա խոսքով՝մթերվող խաղողի համար գործարանները դեռ գին չեն առաջարկել, հավանաբար, սպասում են խոշոր գործարանների գնառաջարկին։

Ըստ Երասխի գինու գործարանի տնօրեն Ռազմիկ Թևոնյանի`արդեն իսկ սկսել են պայմանագրեր կնքել Սուրենավանի, Արմաշի, Արալեզի, Նոր կյանքի, Ոսկետափի խաղողագործների հետ։ Գործարանն այս տարի պատրաստ է մթերել 300 տոննա խաղող, չնայած նախորդ տարի 1000 տոննա են մթերել։

«Խաղողագործության համար նախատեսված ծրագրերը մեծ մասամբ չեն իրականանում». Արտակ Սարգսյան

«Այս տարի գինու սպառումը քիչ է, բայց պետությունը գինեգործներին լավ առաջարկ է անում` երկու տարով առանց տոկոսի վարկեր է առաջարկում։ Հենց դրա միջոցով էլ այս տարի մթերում կիրականացնենք, հնարավոր է` 300 տոննայից ավելի էլ մթերենք»,– նշեց Թևոնյանը։

Ինչ վերաբերում է խաղողի գնին, ապա, եթե գինեգործները կարողանան պահպանել նախորդ տարվա` 1 կիլոգրամի դիմաց 140-150 դրամը, ապա Թևոնյանի բնորոշմամբ՝ «հալալ» կլինի գործարաններին։

Ուշացնո՞ւմ ենք լուծումները

ՀՀ  գյուղատնտեսության նախկին փոխնախարար Գառնիկ Պետրոսյանի կարծիքով՝ օր առաջ պետք է քննարկում կազմակերպել երկրի առաջին դեմքերի մակարդակով, և բոլոր հնարավոր և անհնարին միջոցներն օգտագործել, որպեսզի խաղողը չմնա դաշտում։

«Բարոյական չի լինի, որ գյուղացին չարչարվի, բերք արտադրի ու մթերող չլինի։ Անկախ այն հանգամանքից` հնարավորությունները սուղ են, թե ոչ, խնդիրը պետք է վերջնական լուծում ստանա։ Պետք է մթերողների հետ քննարկում անել, նրանց հնարավորությունները գնահատել, խաղողի ծավալները հաշվարկել, որ պատրաստ լինեն մթերմանը»,– շեշտեց Պետրոսյանը։

Նրա դիտարկմամբ` եթե հիմա լուծումներ չգտնվեն, քննարկումներ չարվեն, ապա հետո բավականին լարված իրավիճակ կառաջանա։

ՀՀ էկոնոմիկայի նախարարի մամուլի քարտուղար Աննա Օհանյանի խոսքով` նախարարությունն արդեն իսկ գինեգործների հետ քննարկում կազմակերպել է։ «Գինեգործների հետ քննարկումների ժամանակ անդրադարձ է կատարվել մթերման հարցին։ Ներկայացվել է, որ պետական աջակցության մթերման ծրագրում փոփոխություններ են արվել, որպեսզի խնդիրներից խուսափենք»,–պարզաբանեց Օհանյանը։

Կոնյակը կհամեմատվի մթերվող խաղողի հետ. ՏՄՊՊՀ–ն անբարեխղճություն է նկատում

Վերջինս հավաստիացրեց՝ առաջիկա օրերին մթերման ծրագրում նոր թարմացումներ կարվեն, ինչի մասին ավելի մանրամասն կհայտարարեն։

Իսկ թե ինչ իրավիճակ կլինի իրականում և բանը կհասնի՞ արդյոք բողոքի ակցիաներին` պարզ կլինի այս ամսվա կեսերին։ 

 

 

317
թեգերը:
Պայմանագիր, մթերում, Ավագ Հարությունյան (Գինեգործների միության նախագահ), Խաղող, Հայաստան
Ըստ թեմայի
Խաղողի բերքն առատ կլինի, լրացուցիչ վարկ կտրամադրվի. նախարարն ու գինեգործները հանդիպել են
Շուկայում գյուղմթերքի իրացումը կազմակերպելու առումով լուրջ խնդիրներ կան․ ինչ պետք է անել
Հայաստանը գինեգործության հեղափոխության շեմին է. Հարությունյան
Հայկական խաղողը վտանգված է. փորձառու գինեգործը ելք է առաջարկում
Շտապօգնության մեքենա

Վթար Աշտարակի աշտարակի կամրջի մոտ. 3–ամյա երեխա է մահացել

70
«Mercedes Sprinter» մակնիշի ավտոմեքենան դուրս է եկել ճանապարհի երթևեկելի հատվածից և բախվել ճամփեզրի արգելապատնեշին։

ԵՐԵՎԱՆ, 31 հոկտեմբերի – Sputnik. Ողբերգական վթար է տեղի ունեցել Աշտարակ-Երևան ավտոճանապարհին՝ կամրջի մոտակայքում, կա զոհ։ Տեղեկությունը հայտնում է ՀՀ ԱԻն մամուլի ծառայությունը։

Վթարի մասին ահազանգն Արմավիրի մարզային ճգնաժամային կառավարման կենտրոնում ստացել են հոկտեմբերի 30-ին, ժամը 22:21-ին, դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։

«Պարզվել է, որ Երևան-Գյումրի ավտոճանապարհի 25-րդ կմ-ին՝ Աշտարակ քաղաքի կամրջի սկզբնամասում, «Mercedes Sprinter» մակնիշի ավտոմեքենան (վարորդ՝ Սրապիոն Ս․, ծնված 1978 թ.) դուրս է եկել ճանապարհի երթևեկելի հատվածից և բախվել ճամփեզրի արգելապատնեշին, ինչի հետևանքով ուղևոր Հովհաննես Ս․-ն (ծնված 2017 թ.) տեղում մահացել է, իսկ Քրիստինե Ա․-ն (ծնված 1987 թ.) հոսպիտալացվել է Աշտարակ քաղաքի ԲԿ, որտեղ բժիշկները տուժածի առողջական վիճակը գնահատել են բավարար»,–նշված է հաղորդագրության մեջ:

Փրկարարները հոսանքազրկել են ավտոմեքենան և իրականացրել ճանապարհի լվացման աշխատանքներ

Վթար Երևան-Աշտարակ ավտոճանապարհի կամրջի մոտակայքում. կան զոհեր

70
թեգերը:
երեխա, Զոհ, Աշտարակի ձոր, վթար
թեմա:
Վթար, պատահար, սպանություն, գողություն
Ըստ թեմայի
«Փտած» մեքենաներ կամ «փտած» վարորդական իրավունք. ո՞վ է վթարների մեծամասնության «հեղինակը»
Հարց է` վթարների համար ավելի շատ անփորձնե՞րն են մեղավոր, թե՞ փորձառուները
Ավելացել են վթարները, որոնք տեղի են ունենում հանդիպակաց գոտի դուրս գալու պատճառով
Երևան

Առաջիկա օրերին տեղումների չսպասեք. եղանակի տեսություն

30
(Թարմացված է 09:16 31.10.2020)
Օդերևութաբանների կանխատեսումներով` առաջիկա օրերին հանրապետության տարածքում ջերմաստիճանի կտրուկ փոփոխություն չի սպասվում։

ԵՐԵՎԱՆ, 31 հոկտեմբերի – Sputnik. Հանրապետության տարածքում հոկտեմբերի 31-ին, նոյեմբերի 1-4-ը սպասվում է առանց տեղումների եղանակ:

Տեղեկությունը հայտնում է ՀՀ ԱԻՆ «Հիդրոմետ» ծառայությունը` հավելելով, որ քամին հարավարևմտյան է՝ 3-8 մ/վ:

 Եղանակի կանխատեսում
Եղանակի կանխատեսում

Երևան քաղաքում հոկտեմբերի 31-ին, նոյեմբերի 1-4-ը սպասվում է առանց տեղումների եղանակ:

Մայրաքաղաքում հոկտեմբերի 31-ի գիշերային ժամերին կգրանցվի 10-12 աստիճան տաքություն, իսկ ցերեկը կլինի + 23...+25 աստիճան։

Ճակատ մեկնելու ցանկություն հայտնածները Երևանում սովորում են ողջ մնալու արվեստը. տեսանյութ

 

30
թեգերը:
Երևան, Արցախ, Հայաստան, եղանակ
թեմա:
Եղանակը Հայաստանում
Նիկոլ փաշինյանն ու Վլադիմիր Պուտինը. արխիվային լուսանկար

Մարտական գործողությունները մոտենում են Հայաստանի սահմանին. Փաշինյանը դիմել է Պուտինին

581
(Թարմացված է 10:20 31.10.2020)
Նիկոլ Փաշինյանը դիմել է Վլադիմիր Պուտինին երկու երկրների միջև 1997թ. պայմանագրով սահմանված քայլերը կյանքի կոչելու համար։

ԵՐԵՎԱՆ, 31 հոկտեմբերի - Sputnik. ՀՀ ԱԳՆ–ն տեղեկացնում է, որ հոկտեմբերի 31-ին ՀՀ վարչապետ Նիկոլ Փաշինյանը նամակ է հղել ՌԴ նախագահ Վլադիմիր Պուտինին։

«Հաշվի առնելով մարտական գործողությունների` Հայաստանի սահմանին մոտենալը, ՀՀ տարածքի նկատմամբ արդեն իսկ տեղի ունեցած ոտնձգությունների փաստերը, Փաշինյանը դիմել է Պուտինին` սկսելու անհապաղ խորհրդակցություններ, դրանց միջոցով սահմանելու աջակցության տեսակները և չափը, որը Ռուսաստանը կարող է հատկացնել Հայաստանին իր անվտանգության ապահովման համար՝ հիմք ընդունելով Հայաստանի և Ռուսաստանի միջև դաշնակցային հարաբերությունները և 1997թ. օգոստոսի 29-ի «Բարեկամության, համագործակցության և փոխադարձ աջակցության մասին» պայմանագրի 2-րդ հոդվածը»,– նշված է հաղորդագրության մեջ։

Բացի այդ, Վլադիմիր Պուտինին ուղղված նամակում մանրամասն ներկայացված է Լեռնային Ղարաբաղի դեմ ադրբեջանաթուրքական ռազմական ագրեսիայի հետևանքով ստեղծված իրադրությունը և առաջացած մարտահրավերները: Մասնավորապես, ընդգծվել է Մերձավոր Արևելքից օտարերկրյա զինյալ ահաբեկիչների տեղափոխման և վերջիններիս ԼՂ դեմ մարտական գործողություններում ներգրավման հանգամանքը։

Հիշեցնենք` ՀՀ պաշտպանության նախարարության ներկայացուցիչ Արծրուն Հովհաննիսյանը հայտնել էր, որ երեկ Սյունքիի մարզի, մասնավորապես՝ Կապանի ուղղությամբ մարտական գործողություններ են եղել, ադրբեջանական կողմից հրետանային կրակ է վարվել։

Նախնական տեղեկություններով` Դավիթ Բեկ գյուղում վիրավորներ կան, տներ են այրվել։

Սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 30-ի ժամը 14։00-ի դրությամբ` հակառակորդի կրակոցների հետևանքով Արցախում զոհվել են 1166 զինծառայողներ և 44 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6914 զոհ ունի և բազմաթիվ վիրավորներ։ 

Ըստ վերջին տվյալների՝ Ադրբեջանի զինված ուժերը կորցրել են 25 ինքնաթիռ, 16 ուղղաթիռ, 232 անօդաչու սարք, 6 ՏՈՍ-1 «Սոլնցեպեկ» համազարկային կրակի ռեակտիվ համակարգ, 649 տանկ և ՀՄՄ:

Ես չգնամ, էլ ո՞վ գնա. Արցախից եկած մարզիկն ու մարզիչը պատմում են տղաների հերոսության մասին

Սեպտեմբերի 29–ից սկսած ադրբեջանական զինուժը մերթընդմերթ կրակ է բացում նաև Հայաստանի ուղղությամբ։ 

Անմարդկային են կռվում․ հադրութցի Մարո բաբոն սպասում է հաղթանակին ու «հնդկական» երեկոներին

581
թեգերը:
Պատերազմ, Արցախ, Վլադիմիր Պուտին, Նիկոլ Փաշինյան
թեմա:
Ադրբեջանական ագրեսիան Արցախում - 2020
Ըստ թեմայի
Ի՞նչ են քննարկել Պուտինն ու Էրդողանը. Կրեմլը հերքում է, Թուրքիայի նախագահը` պնդում
Ինչու է Էրդողանը խուճապի մատնվում Պուտինի հետ խոսակցությունների ժամանակ
Պուտինը Ղարաբաղում տիրող իրավիճակը քննարկել է Անվտանգության խորհրդի անդամների հետ