Սերգեյ Լավրով. արխիվային լուսանկար

Լավրովի հայ նախնիների հետքերը Լոռիում. տոհմական գերեզմանոցն ու եկեղեցին պահպանող գամը

4843
(Թարմացված է 20:31 02.08.2020)
Լուռու մարզի Արդվի գյուղի Սուրբ Հովհաննես եկեղեցու բակում Քալանթարյանների տոհմական գերազմանոցն է։ Եկեղեցու բակի դարպասն էլ առ այսօր փակվում է Քալանթարյանների` ավելի քան մեկ դար առաջ տեղադրած մետաղյա գամով։

ՌԴ արտգործնախարար Սերգեյ Լավրովի հայկական արմատների մասին մամուլում շատ է գրվել, ինքն էլ այդ լուրերը ոչ միայն չի հերքել, այլև մի առիթով նույնիսկ հաստատել է։

Ըստ մամուլի հրապարակումների` Ռուսաստանի արտգործնախարարի հայազգի նախնիները Թբիլիսիի հայազգի Քալանթարյանների տոհմի ներկայացուցիչներն են։

Քալանթարյանների տոհմածառն իրականում սկիզբ է առել հայաստանյան Լոռվա լեռնաշխարհից։ Փաստ է, որ 18-19-րդ դարերում Լոռին սերտորեն կապված էր Թիֆլիսի հետ` առևտրական ու կրթամշակութային կապերով։ Թիֆլիսում կրթություն ստացող բազմաթիվ երիտասարդներ այլևս չէին վերադառնում հայրենի գյուղ։ Այս կերպ նաև Քալանթարյանների ազնվական տոհմի մի ճյուղն է ժամանակին տեղափոխվել Թիֆլիս, մյուսները շարունակել են ապրել հայրենի Լոռիում ու ապրեցնել այն։

Ռուսաստանի արտաքին գործերի նախարար Սերգեյ Լավրովն արդեն Երևանում է

Լոռվա Քալանթարյանները հին իշխանական տոհմ են։ Արդվու 8–րդ դարում կառուցված Սուրբ Հովհաննես եկեղեցու բակում է գտնվում Քալանթարյանների տոհմային գերազմանոցը։

Надгробный камень Егора Калантарова на кладбище у церкви Сурб Ованнес в селе Ардви, Лори
© Sputnik / Aram Nersesyan ,
Քալանթարյանների տոհմային գերազմանոցը

Օձունի հոգևոր հովիվ Տեր Վրթանես քահանա Բաղալյանը, Sputnik Արմենիայի նկարահանող խմբին ուղեկցելով եկեղեցու բակ, ասաց. «Այստեղ Բեժանյանների ու Քալանթարյանների շիրիմներն են։ ՌԴ այսօրվա ԱԳ նախարար Լավրովն էլ այդ նույն ընտանիքից է` Քալանթարյաններից»։

Եկեղեցու բակում ամփոփված երեք եղբայրները` Մելիք, Եգոր և Քալանթար Քալանթարյանները, սերել են հին իշխանական տոհմից և Լոռվա մելիքների հետնորդներ են, որոնք ռուսական կայսրության տարիներին աջակցել են աղքատության մեջ ապրող Լոռուն։

Кладбище у церкви Сурб Ованнес в селе Ардви, Лори
© Sputnik / Aram Nersesyan ,
Քալանթարյանների տոհմային գերազմանոցը

Մելիք Քալանթարյանը 1902 թվականին նորոգել է Արդվու եկեղեցին, պարսպապատել տարածքն ու տանձենիներ տնկել:

Кладбище у церкви Сурб Ованнес в селе Ардви, Лори
© Sputnik / Aram Nersesyan ,
Քալանթարյանների տոհմային գերազմանոցը

Եկեղեցու բակի դարպասն առ այսօր փակվում է հենց Մելիք Քալանթարյաին տեղադրած մետաղյա գամով։

«Տեսնում եք` ինչ պատմական գամով է դուռը փակված։ 1902թ.–ի` Քալանթարյանների ժամանակի գամ է։ Շատ երկրագիտական թանգարաններ կերազեն այսպիսի նմուշներ ունենալ, իսկ մեզ մոտ դրանք լիքն են»,– դուռը բացելով, ասաց Տեր Վրթանեսը։

Таинства Одзунского монастыря
© Sputnik / Janna Poghosyan
Տեր Վրթանես քահանա Բաղալյան

ՌԴ ներկայիս ԱԳ նախարար Սերգեյ Լավրովը ծնվել է 1950 թ. մարտի 21-ին, Թբիլիսիում: Մամուլի հրապարակումների համաձայն` Լավրովի հայրը թիֆլիսահայ էր՝ Քալանթարյան ազգանունով: Որդին հետագայում վերցնում է մոր` Կալերիա Բորիսովնա Լավրովայի ազգանունը։

2005 թ.–ի փետրվարի 17-ին, երբ Լավրովն այցելել էր Հայաստան ու հանդիպում էր Երևանի Սլավոնական համալսարանի ուսանողների հետ, նրանցից մեկը հարցրել էր, թե արդյո՞ք իրեն չի խանգարում հայկական ծագումը:

«Իմ արմատները Թբիլիսիից են, քանի որ հայրս այնտեղից է, իսկ երակներովս հայկական արյուն է հոսում», - պատասխանել էր Լավրովը։

Սերգեյ Լավրովը 2004 թվականից զբաղեցնում է ՌԴ արտաքին գործերի նախարարի պաշտոնը։

4843
թեգերը:
Արդվի, Լոռի, հայ, Սերգեյ Լավրով
Ըստ թեմայի
Լավրովը զանգել է Մնացականյանին. խոսել են ղարաբաղյան խնդրից ու կորոնավիրուսից
Լավրովը խոսել է Հայաստանի և Ռուսաստանի ռազմական համագործակցության բնույթի մասին
Հայ-ադրբեջանական լարվածություն. Լավրովը Թուրքիայի՞ն է սաստել
ԱԱԾ-ի շենքը

ԱԱԾ–ն պետական դավաճանություն կատարելու դեպք է բացահայտել

187
(Թարմացված է 11:39 01.10.2020)
Պետական դավաճանության մեջ մեղադրվողը բարձրաստիճան զինվորական ծառայություն իրականացնող անձ է։

ԵՐԵՎԱՆ, 1 հոկտեմբերի - Sputnik. Հայաստանի Հանրապետության ազգային անվտանգության ծառայությունը բացահայտել է նախկինում բարձրաստիճան զինվորական ծառայություն իրականացրած անձի կողմից պետական դավաճանության դեպք:

«Մասնավորապես, ՀՀ քաղաքացին, պաշտպանության նախարարի համապատասխան հրամանով ծառայության անցնելով ՀՀ զինված ուժերում և զբաղեցնելով պատասխանատու պաշտոններ, օտարերկրյա կազմակերպության ներկայացուցիչներին հանձնել կամ հանձնելու նպատակով հավաքել է պետական գաղտնիք պարունակող տեղեկատվություններ»,–նշված է հաղորդագրության մեջ։

Բացի այդ, վերահիշյալ անձը թշնամական գործունեություն իրականացնելու համար ցուցաբերել է այլ օգնություն՝ ի վնաս ՀՀ տարածքային անձեռնմխելիության և արտաքին անվտանգության:

Քրգործով որպես մեղադրյալ նեգրավված անձը գտնվել է Վրաստանում և այնտեղ ադրբեջանական հետախուզական ծառայությունների աշխատակիցների կողմից ստացել է կոնկրետ առաջադրանքներ` Արցախի և Հայաստանի արտաքին անվտանգության, զինված ուժերի, սպառազինությունների մասին տեղեկություններ ձեռք բերելու կամ ծառայության բերումով արդեն իսկ իրեն հասանելի դարձած տեղեկատվությունը փոխանցելու վերաբերյալ։ Այդ թվում` նա բանակի անձնակազմի, զենքի, զինամթերքի, զինտեխնիկայի քանակի և տեսակի, զորամասերի և դրանց հրամանատարական կազմի, ինժեներական կառույցների և սարքավորումների և այլնի վերաբերյալ՝ ի վնաս ՀՀ արտաքին անվտանգության առնչությամբ կատարել է լրտեսություն:

Առաջադրանք ստանալուց հետո վերահիշյալ անձը սկսել է տեղեկություններ հավաքել։
Նա տեղեկություն է հավաքել մարտական տեխնիկայի, սպառազինության, այդ թվում՝ տանկերի, մարտկոցների, ուժեղացման միջոցների, առաջնահերթ խոցվող օբյեկտների, ՀՀ զինված ուժերում ծառայող, պահեստազորում հաշվառված անձանց և այլնի վերաբերյալ։
Նա Հայաստանում պարբերաբար հանդիպումներ է ունեցել ՀՀ–ի և Արցախի սպայական կազմի ներկայացուցիչների հետ, իրականացվող կոնկրետ գործողությունների և այլնի վերաբերյալ լուրեր հավաքել, հետո մեկնել է Վրաստան ու դրանք փոխանցել ադրբեջանական հետախուզական ծառայությունների աշխատակիցներին։

Հիշյալ անձին ՀՀ քրեական օրենսգրքի 299-րդ հոդվածի 1-ին մասով (պետական դավաճանությունը) մեղադրանք է առաջադրվել և նրա նկատմամբ որպես խափանման միջոց է ընտրվել կալանավորումը:

Ի՞նչ է կատարվում Արցախում. ՊՆ–ն հաղորդագրություն է տարածել

Քրգործի շրջանակներում շուրջ մեկ տասնյակից ավելի խուզարկությունների արդյունքում մեղադրյալի բնակարանում կամ օժանդակ շինություններում հայտնաբերվել և առգրավվել են մեծ քանակի ռազմամթերք՝ նռնակներ, պայթուցիչներ, փամփուշտներ։ Բացի այդ, հայտնաբերվել են նաև զինտեխնիկայի վերաբերյալ ծառայողական և պետական գաղտնիք պարունակող փաստաթղթեր, որոնց մի մասը՝ եզակի բնօրինակներով:

Հայտնաբերվել են նաև ռադիոհաղորդիչ սարքավորումներ, կապի միջոցներ, ադրբեջանական հատուկ ծառայությունների հետ կապ հաստատելու համար նախատեսված հեռախոսահամարների վերաբերյալ գրառումներով նոթատետրեր:

187
թեգերը:
հայ-ադրբեջանական, դավաճանություն, ՀՀ ազգային անվտանգության ծառայություն. ԱԱԾ
Ըստ թեմայի
Մարտակերտը Ադրբեջանի անհաջողության վկայությունն է. Արցախի ՊՆ մամուլի խոսնակ
ԱԹՍ-ն խոցվել է Ասկերանի բնակելի թաղամասի հարևանությամբ. նոր լուսանկարներ
Հայկական կողմը Լելե–Թեփեում ադրբեջանական ուղղաթիռ է խոցել, որն ընկել է Իրանի տարածքում
Կոմպոզիտոր Տիգրան Մանսուրյան

Մեր կռիվը մեր տուն-տեղ, հող-այգի, ավանդույթ, սրբություն պահելու համար է. Մանսուրյան

18
(Թարմացված է 11:21 01.10.2020)
Կոմպոզիտոր Տիգրան Մանսուրյանը ՀՀ ՊՆ «Զինուժ» հաղորդաշարին տված հարցազրույցում ներկայացրել է Արցախում սանձազերծված պատերազմի երկու՝ հայկական ու ադրբեջանական կողմերի շարժառիթները

ԵՐԵՎԱՆ, 1 հոկտեմբերի - Sputnik. Մեր ամբողջ կռիվը մեր տուն-տեղ, հող, այգի, ավանդույթ, սրբություն պահելու համար է: ՀՀ ՊՆ «Զինուժ» հաղորդաշարին տված հարցազրույցում Արցախի գոյապայքարն այս կերպ է մեկնաբանում կոմպոզիտոր Տիգրան Մանսուրյանը:

Սիրված արվեստագետը նաև իր հիացմունքն ու հուզմունքն է արտահայտում հայրենիքի համար պայքարում միաբանված հայության նկատմամբ:

«Մի քանի օրում, թշնամական մի քանի համազարկերի արդյունքում, երևան եկավ այս հրաշալի բռունցքվելը»,- ասում է կոմպոզիտորը:

Ինչ վերաբերում է հակառակորդին, ապա Ադրբեջանի իշխանությունների տարածած հակահայկական, հակամարդկային քարոզչությունը, ըստ Մանսուրյանի, ուղղակի նողկալի է:

«Երբ մեկը կարող է քնած մարդուն կացնահարել, և նրան իշխանությունը հերոս համարի, սա մարդկության պատմության մեջ եզակի ստորության արտահայտություն կարող է լինել ու նողկանք առաջացնել: Այս բաները խորթ են սովորական մարդուն, էլ չեմ ասում՝ հային, որն ընդամենը իր տունը, իր հողը պահելու խնդիր ունի»,- ասում է Մանսուրյանը:

Կոմպոզիտորը գոյության պայքար մղող զինվորին բարի վերադարձ է մաղթում ու շուտափույթ խաղաղության հույս հայտնում՝ նշելով, որ պատերազմի ավարտից հետո ոչ միայն շարունակվելու է առօրյա կյանքը, այլև մեկնարկելու է նոր փուլ՝ ավերված բնակավայրերի վերականգնման ու շենացման փուլը:

«Ես հավատում եմ այդ ամենին»,- եզրափակում է Տիգրան Մանսուրյանը:

18
թեգերը:
Պատերազմ, Հայաստան, Արցախ, Տիգրան Մանսուրյան
Ըստ թեմայի
Կարևոր է մեր թիկունքը ամուր պահելու համար. ՀՀ առողջապահության նախարարության հորդորը
Արցախ են մեկնել նաև «Կարմիր բերետներ-5165» կամավորական ջոկատի տղաները. տեսանյութ
Արցախում մարտերը շարունակվում են. տեսանյութ առաջնագծից