Արխիվային լուսանկար

Սև ծովից «առատաձեռն հյուր» ունենք. Սուրենյանը հրապարակում է արել

1269
(Թարմացված է 19:00 01.08.2020)
Առաջիկա օրերին վայելելու ենք ոչ շատ շոգ եղանակը, քանի որ օդի ջերմաստիճանը կնվազի 2-4 աստիճանով։

ԵՐԵՎԱՆ, 1 օգոստոսի — Sputnik. Օգոստոսի 1-3-ը Հայաստանը սևծովյան ցիկլոնի ազդեցության գոտում է լինելու։ Լուրը Facebook–ի իր էջում հայտնել է Շրջակա միջավայրի նախարարության Հիդրոօդերևութաբանության և մոնիտորինգի կենտրոնի տնօրենի տեղակալ Գագիկ Սուրենյանը։

«Հատկապես երեկոյան և գիշերը շրջանների մեծ մասում սպասվում են ամպրոպային բնույթի կարճատև անձրևներ։ Ավելին, առանձին վայրերում հնարավոր է կարկուտ»,–գրել է Սուրենյանը։

Նա հայտնել է, որ օդի ջերմաստիճանը օգոստոսի 3-ին կնվազի 2-4 աստիճանով։

Հիշեցնենք, որ այսօր երեկոյան, 02-ի գիշերը և երեկոյան, 3-ին ժամանակ առ ժամանակ Երևանի առանձին հատվածներում սպասվում է կարճատև անձրև և ամպրոպ, ամպրոպի ժամանակ` քամու ուժգնացում 20-22մ/վրկ:

Առանձին վայրերում սպասվում է նաև կարկուտ:
Oգոստոսի 4-6-ը սպասվում է առանց տեղումների եղանակ։

«Մեռանք, է՜» . Սուրենյանը հուսադրող լուր է հայտնել

1269
թեգերը:
եղանակ, Հայաստան, ցիկլոն, Անձրև, Գագիկ Սուրենյան
թեմա:
Եղանակը Հայաստանում (1183)
Ըստ թեմայի
«Նման բան մեկ էլ 170 տարի առաջ էր եղել». Գյումրիում հաշվարկվում են աղետի պատճառած վնասները
Ոնց որ աշխարհի վերջը լիներ. տորնադոն Արմավի՞ր է հասել
Հայաստանում ուժգին քամի է լինելու. ցիկլոնը վտանգավոր է
Միքայել Մինասյան

«Անտինիկոլ». Միքայել Մինասյանը նոր «ազատագրական շարժում» է սկսում

9
(Թարմացված է 17:21 08.05.2021)
Վատիկանում ՀՀ նախկին դեսպանը խոստանում է առաջիկա օրերին հրապարակել ինքնակազմակերպվող, հորիզոնական շարժման խաղի կանոնները։

ԵՐԵՎԱՆ, 8 մայիսի – Sputnik. Վատիկանում ՀՀ նախկին դեսպան, ՀՀ երրորդ նախագահ Սերժ Սարգսյանի փեսա Միքայել Մինասյանը նոր շարժում է սկսել՝ «#antinikol․ հանուն վերջին հայի, ով դեռ խաբված է»։ Facebook-ի իր էջում Մինասյանը ներկայացրել է շարժման պատճառը, նպատակը, խնդիրը, միջոցն ու գործողությունը։

Միքայել Մինասյանի ձևակերպմամբ՝ շարժման խորհուրդն է. «Ընտրեք ում ուզում եք, բացի Նիկոլից»։

«Նիկոլը խայտառակեց Հայաստանն ու բոլորին։ Նրա երբեմնի աջակից մտավորականությունը խայտառակվեց ու վարկաբեկվեց, ուսադիրավորները դարձան լավագույն դեպքում ծիծաղի, վատագույն դեպքում՝ անեծքի արժանի։ Բոլոր հերոսները հեղինակազրկվեցին, անգամ` Նիկոլի ստեղծածները։ ՀԿ-ներից մինչև ամենաերևելիներ բավական է նրա հետ գործ ունենան, ապականվում են։ Նույնիսկ «սորոսականները», որոնց մեջ կային և կան մարդիկ, որոնք իրենց ընկալումներով հայրենասեր էին ու հավատում էին իդեալների, վարկաբեկվեցին ու դարձան վտարանդի, ազգի դավաճան»,- շարժման ստեղծման պատճառներից մեկն այսպես է հիմնավորում Վատիկանում ՀՀ նախկին դեսպանը։

Նպատակը հստակ է՝ Նիկոլ Փաշինյանին հեռացնել իշխանությունից և քաղաքականությունից։

Խնդիրն է բացատրել մարդկանց, որ Փաշինյանն իր սեփական նեղ անձնական շահերի համար խաբել ու դավաճանել է այն շարժումը, որ սկսվեց 2018-ին։

«Մարդկանց նպատակներն ու ցանկությունները ազնիվ էին, բայց եկավ Նիկոլն ու ապականեց ամեն բան։ Պետք է հիշեցնել մարդկանց, որ ընտրությունը հույս է, այլ ոչ թե տապանաքար։ Այն նորի սկիզբ պետք է լինի, իսկ Նիկոլի հետ անգամ այսօրվա նրա պաշտպանները հույս չեն կապում»,- նշում է Մինասյանը։

Նա համարում է, որ Փաշինյանին ընտրելն աններելի է և՛ այս, և՛ այն աշխարհի օրենքներով։

Վստահ է՝ #antinikol շարժումը կհամախմբի այն մարդկանց, որոնք «Նիկոլին համարում են չարիքներից վատագույնը»։ Մինասյանն առաջարկում է բոլորին՝ առանց «բայցերի», միանալ շարժմանը. «Նախկին կոմունիստներից մինչև Եհովայի վկաներ, ՀՀԿ-ականներից մինչև նախկին իմքայլականներ, ազամարտիկներից մինչև «ֆեյսբուքյան ֆիդայիներ», մտավորականներից մինչև մատուցողներ՝ անկախ հանգամանքից, թե ով որտեղ է եղել անցյալում, որքան տարբեր ենք այսօր կամ որ ուժի օգտին ենք պատրաստվում քվեարկել»։

Մինասյանի խոսքով՝ շարժումը չի ունենալու ղեկավար, հետևաբար չի ունենալու քաղաքական որևէ հավակնություն։

Անձամբ խոստանում է լծվել այս աշխատանքին և առաջիկա օրերին հրապարակել ինքնակազմակերպվող, հորիզոնական շարժման խաղի կանոնները։

«Սա ազատագրական շարժում է»,- եզրափակում է Միքայել Մինասյանը։

 

9
թեգերը:
Նիկոլ Փաշինյան, Միքայել Մինասյան, Հայաստան
Լևոն Արոնյան

Հայտնի է` Լևոն Արոնյանը երբ կտեղափոխվի ԱՄՆ

14
(Թարմացված է 17:16 08.05.2021)
Հանրահայտ շախմատիստ Լևոն Արոնյանը դեռևս հանդես է գալիս Հայաստանի դրոշի ներքո։

ԵՐԵՎԱՆ, 8 մայիսի – Sputnik. Գրոսմայստեր Լևոն Արոնյանը ԱՄՆ հավաքականի կազմը կհամալրի օգոստոսին: «Արմենպրեսը» հայտնում է, որ շախմատիստն այդ մասին ասել է լրագրողներին։

«Կարծում եմ մրցաշարերից հետո` օգոստոս ամսին կկայանա տեղափոխությունը»,-ասել է նա։

Արոնյանը դեռևս հանդես է գալիս Հայաստանի դրոշի ներքո: Օրեր առաջ նա հայտարարություն էր տարածել, որում տվել էր վերջին շրջանում իր անձի հետ կապված շրջանառվող հարցերի պատասխանները. Արոնյանը հեռանում է Հայաստանից: Նա կմիանա ԱՄՆ հավաքականին:

«Ինձ հասկացրել են, որ իմ կարծիքը ոչինչ չարժե». Լևոն Արոնյանն անկեղծացել է

Արոնյանը 2005 և 2017 թվականների աշխարհի գավաթակիր է, Հայաստանի հավաքականի կազմում 37-րդ, 38-րդ և 40-րդ համաշխարհային օլիմպիադաների, 2011 թվականի աշխարհի և 1999 թվականի Եվրոպայի թիմային առաջնությունների հաղթող, բազմաթիվ գերմրցաշարերի, ՖԻԴԵ-ի Մեծ մրցանակի, Վեյկ ան Զեյի մրցաշարի քառակի հաղթող (2007, 2008, 2012 և 2014), 2009 և 2013 թվականների Բիլբաո-Մեծ սաղավարտի հաղթող, արագ շախմատի 2009 թվականի աշխարհի չեմպիոն, 2006 և 2007 թվականների Ֆիշերի շախմատի աշխարհի չեմպիոն, 2010 թվականի կայծակնային շախմատի աշխարհի չեմպիոն, 2002 թվականի Հայաստանի չեմպիոն։

Սերժ Սարգսյանը խոսել է Արոնյանի՝ ԱՄՆ տեղափոխվելու որոշման մասին

 

14
թեգերը:
շախմատ, Լևոն Արոնյան, Հայաստան