Արմեն Սարգսյանը Գանձասարում

Հայաստանի արտակարգ ամառն ու պաշտոնյաների ձախողված արձակուրդը. ո՞վ է ամենաշատը «հոգնել»

452
(Թարմացված է 13:53 01.08.2020)
Հայ պաշտոնյաների մեծ մասը դեռ չի մտածում հանգստի մասին, իսկ նրանք, ովքեր արդեն մեկնել են կամ պատրաստվում են մեկնել արձակուրդ, սահմանափակ ընտրություն ունեն։

ԵՐԵՎԱՆ, 1 օգոստոսի — Sputnik. Մինչ ամառվա վերջ մեկ ամիս է մնացել ու Հայաստանում շատերը չեն էլ մտածում հանգստի մասին, հատկապես երկարատև լոքդաունից հետո։

Արտասահմանում հանգստանալն այս տարի անիրագործելի երազանք է բոլորի համար։ Նույնիսկ Վրաստանի առողջարաններն են անհասանելի ինչպես Հայաստանի շարքային քաղաքացիների, այնպես էլ պաշտոնյաների համար։ Միակ հույսը մնում է հանգիստը հայրենի երկրում։ Լավ է գոնե, որ կան սարեր, անտառներ ու նույնիսկ Գեղամա ծովը (Սևանա լիճ)։

Sputnik Արմենիան որոշել է պարզել՝ արդյո՞ք բարձրաստիճան պաշտոնյաները հանգստանալու են, և եթե այո, ապա որտե՞ղ։

Նախագահի վարչակազմից մեզ հայտնեցին, որ հաշվի առնելով սահմանային լարվածությունը, ինչպես նաև ելնելով կորոնավիրուսի համավարակի հետևանքով ստեղծված իրավիճակից, հանրապետության նախագահը չի ծրագրում մեկնել արձակուրդ:

«Միաժամանակ, նախագահը ձգտում է հանգստյան օրերն օգտագործել բնակչության խնդիրներին տեղերում ծանոթանալու, ինչպես նաև Հայաստանի և Արցախի պատմամշակութային ժառանգությանը և արժեքներին ևս մեկ անգամ առնչվելու նպատակով: Նախագահը ծրագրում է լինել մարզերում և արդեն իսկ այցելել է մի շարք բնակավայրեր», - Sputnik Արմենիային հայտնեցին նախագահի վարչակազմից։

ՀՀ վարչապետ Նիկոլ Փաշինյանն արձակուրդում չէ, և արձակուրդ գնալու որոշում չկա։ Նրա մամուլի քարտուղար Մանե Գևորգյանի խոսքով՝ Փաշինյանը շարունակում է իրականացնել իր գործառույթները: Վարչապետի կնոջ՝ Աննա Հակոբյանի մամուլի քարտուղար Հասմիկ Հարությունյանը հայտնեց, որ Աննա Հակոբյանի արձակուրդի մասով դեռ որոշում չկա։

«Սակայն, երբ էլ որ նա գնա արձակուրդ, այն անցկացնելու է ընտանիքի հետ և Հայաստանի Հանրապետությունում», - ասաց Հարությունյանը։

Փոխվարչապետ ու արտակարգ դրության պարետ Տիգրան Ավինյանը դեռ չի պլանավորում արձակուրդ գնալ։ Ինչպե՞ս հանգստանա, եթե երկրում մինչ օգոստոսի 12-ը արտակարգ դրություն է հայտարարված, և այն դեռ կարող է երկարացվել։

Ըստ ամենայնի՝ Ավինյանը մինչև երկրում համաճարակային իրավիճակի բարելավումը արձակուրդ չի մեկնի։

ԱԺ խոսնակ Արարատ Միրզոյանը նույնպես հանգստանալու ժամանակ չունի, թեև խորհրդարանը հուլիսի 21-ից, ըստ էության, արձակուրդ է գնացել։ Նրա խորհրդական Դավիթ Կարապետյանն ասաց, որ Միրզոյանը շարունակում է ակտիվ աշխատել և դեռ արձակուրդի մասին խոսակցություն չկա։

Մեծ հաճույքով կստորագրեմ. ԱԺ նախագահը սպասում է օրենքով նախատեսված ժամկետը լրանալուն

Հանգստի հարցում չի կողմնորոշվել նաև ընդդիմադիր «Լուսավոր Հայաստան» խմբակցության ղեկավար Էդմոն Մարուքյանը։

Իսկ ահա «Իմ քայլը» խմբակցության ղեկավար Լիլիթ Մակունցը որոշել է տանը մնալ ու ոչ մի տեղ չմեկնել։

Մեզ չհաջողվեց կապ հաստատել «Բարգավաճ Հայաստան» խմբակցության ղեկավար Գագիկ Ծառուկյանի հետ, սակայն հաշվի առնելով նրա հանդեպ իրականացվող քրեական հետապնդումը, դժվար թե նա կարողանա հեռու գնալ։

Ի տարբերություն բոլորի՝ Երևանի քաղաքապետ Հայկ Մարությանը որոշել է չհետաձգել արձակուրդը։ Մարտին մեկ շաբաթ հանգստանալուց հետո նա այս շաբաթ էլ է հանգստացել՝ չհաշված կորոնավիրուսով վարակվածների հետ շփվելու պատճառով երկու շաբաթ ինքնամեկուսացումը։

Հիշեցնենք` մարտի 16–ից Հայաստանում արտակարգ դրություն է, որն արդեն մի քանի անգամ երկարաձգվել է։ Երկարաձգված արտակարգ դրության պայմանները որոշակի փոփոխությունների են ենթարկվել։ Տնտեսական շատ գործունեություններ թույլատրվել են, բայց սահմանվել են պարտադիր պահանջներ։ Պարտադիր դիմակային ռեժիմ է հայտարարվել։ Երկրի օդային սահմանները փակ են։

Երևանի քաղաքապետն արձակուրդ է գնում. խոսնակը հայտնել է, թե որտեղ է լինելու Մարությանը

452
թեգերը:
Տիգրան Ավինյան, Էդմոն Մարուքյան, Արարատ Միրզոյան, Նախագահ, Արմեն Սարգսյան, Գագիկ Ծառուկյան, Հայկ Մարության, Նիկոլ Փաշինյան, Հայաստան, պաշտոնյա, Արձակուրդ, Ամառային հանգիստ, ամառ, կորոնավիրուս
Ըստ թեմայի
Արդեն 3 ամիս է` հանգստանում ենք. քաղաքացիները՝ ամառային հանգստի մասին
ԿԳՄՍՆ–ն դպրոցական արձակուրդի վերաբերյալ նոր հայտարարություն է տարածել
Փաշինյանն ընդհատում է արձակուրդը. կրթական հաստատություններում դասերը դադարեցվում են
Արտավազդ Փելեշյան

Փարիզում կկայանա Արտավազդ Փելեշյանի նոր ֆիլմի համաշխարհային պրեմիերան

1
Ֆիլմի համաշխարհային պրեմիերային կհաջորդի Փելեշյանի անհատական ցուցահանդեսը, որը կմեկնարկի 2020 թվականի հոկտեմբերի 24-ին և կտևի մինչև 2021թ-ի մարտի 7-ը։

ԵՐԵՎԱՆ, 4 օգոստոսի - Sputnik. Փարիզում հոկտեմբերին կկայանա աշխարհահռչակ հայ ռեժիսոր Արտավազդ Փելեշյանի նոր՝ «Բնություն» ֆիլմի համաշխարհային պրեմիերան։ Տեղեկությունը հայտնում է ֆրանսիական «Fondation Cartier»-ի կայքը։

«Ուրախ ենք տեղեկացնել, որ ներկայացնելու ենք լեգենդար ռեժիսորի ֆիլմի պրեմիերան։ «Բնություն» ֆիլմը նկարահանվել է Ֆրանսիայի «Fondation Cartier» հիմնադրամի և Գերմանիայի «ZKM» ֆիլմարտադրող ընկերության հետ համատեղ»,–գրում է կայքը։

Նշվում է, որ ֆիլմը ռեժիսորի 15 տարվա աշխատանքի գագաթնակետն է։

Ըստ տեղեկության`«Բնությունն» Արտավազդ Փելեշյանի՝ 1993 թվականին նկարահանված «Կյանք» ֆիլմից 27 տարի անց արված առաջին կինոաշխատանքն է, որտեղ անդրադարձ է եղել բնությանը՝ օգտագործելով Բեթհովենի, Մոցարտի, Շոստակովիչի, Տերտերյանի և Համասյանի երաժշտությունը։

Փելեշյանը մրցանակ բերեց գործընկերոջը. «ՏԷՖԻ Համագործակցությունը» ամփոփեց արդյունքները

Ֆիլմի պրեմիերային կհաջորդի Փելեշյանի անհատական ցուցահանդեսը, որը կմեկնարկի 2020 թվականի հոկտեմբերի 24-ին և կտևի մինչև 2021 թ-ի մարտի 7-ը։

Գեղարվեստական, վավերագրական և հեռուստատեսային ֆիլմերի մեծանուն ռեժիսոր, Հայաստանի Հանրապետության ժողովրդական արտիստ, «Սուրբ Մեսրոպ Մաշտոց» շքանշանակիր

Արտավազդ Փելեշյանը ծնվել է 1938 թվականին` Վանաձորում։ Ամբողջ աշխարհում նա Հայաստանի ու հայկականության մարմնացումն է։ Արտավազդ Փելեշյանը «Տարածական մոնտաժի» հիմնադիրն է։ Նրա համանուն գիրքը վերածվել է ուսանողների համար դասագրքի։

Փելեշյանի «Բնակիչները» շրջագայում է աշխարհով մեկ

1
թեգերը:
ռեժիսոր, հայ, Ֆրանսիա, Փարիզ, ֆիլմ, Արտավազդ Փելեշյան
Ըստ թեմայի
Արտավազդ Փելեշյանի տիեզերքը ստեղծվել է 40 տարում
Արտավազդ Փելեշյանի «Դրոշմման ժամանակը»
Փելեշյան. բոլոր արվեստներից առաջ ծնվել է կինոն
Փելեշյանական աշխարհի սիմֆոնիան
FoldInk–ի թիմը

Հայաստանն արդեն 3D printing-ի աշխարհի քարտեզում է. բժիշկները կենդանի հյուսվածքներ են տպում

7
Առաջին փորձերն արդեն հաջողությամբ են պսակվել։ Այժմ հետազոտողներն ուզում են պարզել, թե աճեցված հյուսվածքները որքան կկարողանան ապրել ինկուբատորում։

ԵՐԵՎԱՆ, 4 օգոստոսի – Sputnik. Այժմ աշխարհում ակտիվորեն ուսումնասիրվում են նորագույն տեխնոլոգիաները, թե ինչպես կարելի է կենդանի բջիջներ օգտագործելով մարդու մարմնի հյուսվածքներ «տպել» վնասված հատվածները փոխարինելու համար։

Այսպիսի հետազոտություններով է զբաղվում «FOLDINK» ստարտափը, որը հիմնադրել են Երևանի պետական բժշկական համալսարանի մի խումբ շրջանավարտներ և բժիշկներ։ Նրանք ինքնուրույն հավաքել են բիոպրինտեր, որով փորձարկում են տարբեր հյուսվածքների ստացումը եռաչափ բիոտպագրությամբ, մասնավորապես աշխատում են աճառային հյուսվածքների հետ։

Առաջին փորձերը, որոնք արվեցին անցյալ տարի, հաջող էին. աճեցված հյուսվածքն ուղարկվել էր հյուսվածաբանական անալիզի, որը ցույց էր տվել, որ բջիջները կենդանի էին մնացել տպագրության ընթացքում։

Այժմ փորձարկվում է, թե աճեցված հյուսվածքները որքան կկարողանան ապրել ինկուբատորում, որը ապահովում է բնական պայմաններին մոտ պայմաններ։

Ողջ աշխարհում այս ուղղությունը դեռ նոր է, և կլինիկական փորձարկումներ դեռ չեն կատարվել, բայց ակտիվ հետազոտվում են։

Սուպեր լաբորատորիա. հայկական գինու և կոնյակի նկատմամբ վստահությունն էլ ավելի կբարձրանա

Այսօր մեծ հավանականությամբ կարելի է ենթադրել, որ բիոտպագրությամբ ստացված հյուսվածքները համատեղելի կլինեն մարդու օրգանիզմի հետ, քանի որ չեն պարունակում իմունոգեն ագենտներ, այսինքն` չունեն այնպիսի սպիտակուցներ կամ այլ միացություններ, որոնք մեր օրգանիզմը օտար կհամարի և կսկսի պայքարել նրանց հետ։

Այսպիսի լուրջ կողմնակի ազդեցություններ հաճախ են լինում պատվաստված օրգանների հետ. ընդունող օրգանիզմի իմունային համակարգը սկսում է պայքարել օտար սրտի կամ լյարդի դեմ` ճիշտ այնպես, ինչպես պայքարում է, օրինակ, վիրուսների դեմ։

«Այս դեպքում նման խնդիր չի առաջանում, և սա բիոտպագրության մեծ առավելությունն է։ Քանի որ այստեղ օգտագործվում են հատուկ կենսամատերիալներ, որոնք չունեն իմունոգեն կամ ալերգածին ազդեցություն», – Sputnik Արմենիային ասաց «FOLDINK» ընկերության համահիմնադիր Էմմանուել Ղանդիլյանը։

Դեռ շատ երկար է պետք աշխատել տպած օրգանների պատվաստման համար, սակայն կարևոր է միջազգային գիտությանը համահունչ գնալ։ Ընկերության հետազոտություններն արդեն նկատում է համաշխարհային պրոֆեսիոնալ հանրույթը. 3dprinting.com մասնագիտացված օնլայն ամսագիրը Հայաստանն ընդգրկել է 3D bioprinting–ի աշխարհի քարտեզում` նշելով «FOLDINK»–ը։

Հավելենք, որ ընկերության թիմում ընդգրկված են ԵՊԲՀ շրջանավարտներ, օրդինատորներ և ուսանողներ, ինչպես նաև ինժեներներ, մարկետոլոգներ ու 3D դիզայներներ այլ համալսարաններից։

«Կեղտ չէ, հող է». նախկին պատգամավորը կյանքը «քաղցրացնելու» հետաքրքիր ձև է գտել

7
թեգերը:
հայեր, բժիշկ, Հայաստան
Ըստ թեմայի
Առանց խարդախության. հայն ու չինացին բժշկական ընկերություններին կստիպեն ազնիվ լինել
Կենսագազ Հայաստանում. ինչպես վառելիքով ապահովել մի ամբողջ գյուղ
Լավ կաթ ստանալու բանաձևը. շվեյցարացիներն ու ավստրիացիներն օգնում են հայ գյուղացուն