Ռոբերտ Քոչարյան. արխիվային լուսանկար

Քոչարյանի գործով անկողմնակալ չլինելու որևէ հիմք չեմ տեսնում. ՍԴ դատավորի թեկնածու

72
(Թարմացված է 19:08 30.07.2020)
ՍԴ դատավորի թեկնածու Վահրամ Ավետիսյանը լրագրողների հետ զրույցում անդրադարձել է ընտրվելու դեպքում Ռոբերտ Քոչարյանի գործի քննությանը մասնակցելու հարցին։

ԵՐԵՎԱՆ, 30 հուլիսի - Sputnik. Կառավարության կողմից առաջադրված ՍԴ դատավորի թեկնածու Վահրամ Ավետիսյանը ՀՀ երկրորդ նախագահ Ռոբերտ Քոչարյանի գործով անկողմնակալ չլինելու որևէ հիմք չի տեսնում։ Ավետիսյանը նման կարծիք հայտնեց «Իմ քայլը» խմբակցության պատգամավորների հետ շուրջ 3 ժամ տևած հանդիպումից դուրս գալուց հետո։

Սա լուրջ մեսիջ է նրանց համար, ովքեր խոսում են ռուսական բազան ՀՀ–ից հանելու մասին. Քոչարյան

Նշենք, որ Մարտի 1-ի գործով տուժողների իրավահաջորդներից որոշներն իրենց դժգոհությունն էին հայտնում Ավետիսյանի առաջադրման առնչությամբ, քանի որ նրա հայրը 2008-2016թթ. ստանձնել է Վճռաբեկ դատարանի քրեական պալատի նախագահի պաշտոնը։

«Քոչարյանի գործի առնչությամբ ես որևէ ընդհանուր շահ չունեմ, որ շահերի բախում և անկողմնակալ լինելու հարց առաջանա»,–ասաց Ավետիսյանը։

Լրագրողները հետաքրքրվեցին, թե արդյո՞ք շահերի բախում չէ այն փաստը, որ նրա հայրը եղել է Վճռաբեկ դատարանի նախագահ, Վճռաբեկը որոշում է կայացրել Մարտի 1-ի գործով և ինքն էլ պետք է մասնակցի Քոչարյանի գործի քննությանը։

Ի պատասխան Ավետիսյանը նշեց, որ եթե այդ գործին իր մասնակցության անհամատեղելիության որևէ հիմք արձանագրվի, ապա ինքը չի կարող մասնակցել քննությանը։

Նրա խոսքով` եթե կլինի կոնկրետ գործ, որի շրջանակում Վճռաբեկ դատարանն իրավական դիրքորոշում է հայտնել և այդ որոշմանը մասնակից է եղել իր հայրը (ինչը ՍԴ օրենքի համաձայն` կդիտվի որպես շահերի բախում), բնականաբար, նման գործի քննությանը չի մասնակցի։

Հիշեցնենք, որ 2019-ին Քոչարյանի պատշպանները դիմել էին ՍԴ` ՀՀ քրեական օրենսգրքի 300.1-րդ հոդվածի` սահմանադրական կարգը տապալելու, Սահմանադրությանը համապատասխանելու հարցը որոշելու վերաբերյալ։ Մեկ տարի անց` 2020-ի հունիսի 25-ին, Քոչարյանի փաստաբանական խումբը հետ է վերցրել մեկ տարի առաջ Սահմանադրական դատարան ներկայացրած դիմումը: ՍԴ–ն, սակայն, դեռ որոշում չի կայացրել Քոչարյանի պաշտպանների ուղարկած վերջին դիմումի առնչությամբ։

ՍԴ դատավորի թեկնածուն Սերժ Սարգսյանի օրոք դատական համակարգը կառավարողի որդին է. «Հրապարակ»

2020 թ. հունիսի 30-ին ՀՀ ԱԺ-ն իր արտահերթ նստաշրջանում ընդունեց ՀՀ Սահմանադրական դատարանի մասին Սահմանադրական օրենքում և մի շարք այլ օրենքներում փոփոխություններ կատարելու մասին նախագծերը:

Դրանցով կասեցվում են 12 տարի պաշտոնավարած ՍԴ 3 դատավորների լիազորությունները, իսկ ՍԴ նախագահ Հրայր Թովմասյանը, որի պաշտոնավարման 12 տարին չի լրացել, շարունակում է աշխատել ՍԴ դատավորի կարգավիճակում։

Նույնն օրենքով ՍԴ դատավորի թափուր տեղերի համար թեկնածու առաջադրելու իրավունք ունեն, ըստ հերթականության` ՀՀ կառավարությունը, ՀՀ նախագահը և Դատավորների ընդհանուր ժողովը:

Բոլոր թեկնածուներին պետք է ընտրի Ազգային ժողովը` 3/5-րդ ձայներով:

ՍԴ դատավորներ առաջադրելու ժամանակը հոսում է. Բադասյանը վստահ է` ՍԴ կազմն արագ կհամալրվի

72
թեգերը:
Սահմանադրական դատարան, թեկնածու, «Իմ քայլը» դաշինք, «Իմ քայլը» խմբակցություն, Վահրամ Ավետիսյան, Դատավոր, Ռոբերտ Քոչարյան
Ըստ թեմայի
Հուլիսի 31-ին Դատավորների ընդհանուր ժողովը կհայտնի ՍԴ անդամի իր թեկնածուի անունը
Քոչարյանի պաշտպանները պահանջում են դատարան հրավիրել ՍԴ դատավորներին. մութ հարցեր կան
Կառավարությունը բացահայտել է ՍԴ դատավորի իր թեկնածուի անունը
Pentawards մրցանակաբաշխություն

Հայկական ընկերությունը երկրորդ անգամ փաթեթավորման դիզայնի «Օսկար» է ստացել

35
(Թարմացված է 23:58 24.09.2020)
Pentawards միջազգային մրցույթի պատմության մեջ  սա առաջին դեպքն է, երբ որևէ ընկերություն 2 տարի անընդմեջ արժանանում է «Տարվա լավագույն ընկերություն» տիտղոսին։

ԵՐԵՎԱՆ, 24 սեպտեմբերի – Sputnik. Հայկական Backbone բրենդինգ ընկերությունը երկրորդ տարին է` ճանաչվում է  Pentawards մրցանակաբաշխության հաղթող, տեղեկանում ենք ընկերության Facebook-ի էջից։

Pentawards-ը փաթեթավորման դիզայնի ոլորտում նույն մասշտաբի և հեղինակության մրցանակաբաշխություն է, ինչ կինեմատոգրաֆիայի ոլորտում «Օսկարը»։ Այն հիմնադրվել է Լոնդոնում, նրան ամեն տարի մասնակցում են աշխարհի առաջատար դիզայներական ընկերությունները՝ ներկայացնելով  տարբեր մեգաընկերությունների համար ստեղծված բրենդները՝ Microsoft, Coca Cola, Snickers, Nestle, Nike, Xiaօmi  և այլն։

«Մենք ուրախ  և անասելի հպարտ ենք, որ այս տարի աշխարհի տարբեր երկրների և միջազգային խոշոր կազմակերպությունների ներկայացուցիչների և ընկերությունների ներկայությամբ, 2-րդ անգամ հնչեց Agency of the Year - Backbone from ARMENIA արտահայտությունը: Այս տիտղոսը մեծ փառք և հեղինակություն է բերում ոչ միայն մեր ընկերությանը այլև Հայաստանին՝ միջազգային հարթակում», – ասված է ընկերության տարածած հաղորդագրությունում։

Սիմոն Աբգարյանը միանգամից երեք մրցանակ է ստացել «Մոլիեր» մրցանակաբաշխության ժամանակ

Pentawards միջազգային մրցույթի պատմության մեջ  սա առաջին դեպքն է, երբ որևէ ընկերություն 2 տարի անընդմեջ արժանանում է «Տարվա լավագույն ընկերություն» տիտղոսին։

35
թեգերը:
«Օսկար» մրցանակաբաշխություն, մրցանակաբաշխություն
Ըստ թեմայի
Նոբելյան մրցանակակիրը հայտարարել է` կորոնավիրուսը լաբորատորիայում է ստեղծվել
Հայտնի են «Ավրորա 2020»–ի մրցանակակիրները
Նախագահական, հետո «Պողոսյան». մրցանակների հանձնման արարողությունը՝ լուսանկարներով
Տավուշ

Ի՞նչն է մարդկանց գյուղ տանում, կամ ինչո՞ւ է անշարժ գույքի շուկայում գնանկումն ուշանում

83
(Թարմացված է 23:00 24.09.2020)
Անշարժ գույքի շուկայում հետաքրքիր տենդենց է նկատվում`COVID-ի հետևանքով ոչ միայն գնանկում չի նկատվում, այլև գնաճի միտում կա։ Ավելին, մարդիկ սկսել են գյուղական համայնքներում տուն գնել. մասնագետները Sputnik Արմենիային հայտնել են՝ որն է շուկայում փոփոխությունների պատճառը։ 

ԵՐԵՎԱՆ, 24 սեպտեմբերի - Sputnik, Կարինե Հարությունյան. Չնայած կորոնավիրուսային իրավիճակով պայմանավորված տնտեսական ոչ բարենպաստ իրավիճակին, անշարժ գույքի շուկայում պասիվություն չի նկատվում, ավելին, մասնագետները գնանկման միտում չեն տեսնում։

Տնտեսագետ, ՀՀ կենտրոնական բանկի նախկին նախագահ Բագրատ Ասատրյանը Sputnik Արմենիայի հետ զրույցում ասաց, որ անշարժ գույքի շուկայում միտումները երկակի են։

«Թվում է`իրացվելիության, եկամտաբերության և մարդկանց եկամուտների անկումը պետք է գների նվազման բերեր, սակայն նման միտում չկա։ Հարցն այն է, որ վերջին երկու տարիներին բնակչության բնականոն ներհոսք ենք ունեցել` Ռուսաստանից, Սիրիայից, Լիբանանից։ Այս շարժը շուկան հագեցնում է»,–ասաց Ասատրյանը։

Նրա խոսքով` եթե տնտեսական անկման տեմպը երկար տևի, անշուշտ, այն անշարժ գույքի շուկայի վրա իր կնիքը կթողնի։ Սակայն այս պահին, ըստ Ասատրյանի, անշարժ գույքի շուկայում գների առումով իրավիճակը կայուն է։

Տունը վաճառեցինք, բա հետո՞․ ինչու են Հայաստանում համավարակի ժամանակ բնակարանները թանկանում

Շուկայում, սակայն, մեկ այլ միտում կա. սեպտեմբերի 24-ին Կադաստրի պետական կոմիտեի ղեկավար Սուրեն Թովմասյանը հայտնել էր, որ օգոստոս ամսվա տվյալներով` գյուղական համայնքներում անշարժ գույքի առուվաճառքի 39 տոկոս աճ է նկատվել։

Silver Rea գործակալության ղեկավար, անշարժ գույքի գործակալ Անդրանիկ Հարությունովը նշում է, որ հաճախորդների մեջ հետաքրքրություն կա գյուղական համայնքների, հատկապես` Աբովյանի հարակից գյուղերի, Ջրվեժի, Ձորաղբյուրի նկատմամբ։ Այդ հատվածներում ակտիվ կառուցապատում է իրականացվում, մրցակցություն էլ կա։

«Այդ հատվածներում տուն գնելն ավելի մատչելի է, քան Երևանում, ինչի համար էլ մարդիկ նախընտրում են երևանամերձ բնակավայրերը։ Առաջնային շուկայից` կառուցապատողից, անշարժ գույք ձեռք բերելու մեծ հետաքրքրություն կա»,–նշեց Հարությունովը։

Սակայն, մյուս կողմից, նրա խոսքով` 2018-ից սկսած հետաքրքրությունը մեծացել է նաև Երևանի նկատմամբ՝ ինչպես տեղի բնակիչների, այնպես էլ դրսից եկողների համար, չնայած՝ վերջին շրջանում գյուղական համայնքներում առկա տեմպին չի հասնի։

«Թիվ մեկ» անշարժ գույքի գործակալության տնօրեն Սառա Հակոբյանը հայտնեց` հատկապես դրսից վերադարձողները նախընտրում են տուն գնել մարզերում, քանի որ Երևանում դրանք մատչելի չեն։ Հակոբյանի խոսքով`մարզերում տուն գնելու համար հիփոթեքային վարկերը նույնպես ավելի ձեռնտու են, քան Երևանում։

Թանկ և էժան տներ Հայաստանում. ով որքան է վճարելու անշարժ գույքի համար

«Մարզերը նախընտրում են ոչ միայն մատչելիության առումով, այլ նաև շատերին հողագործությունն է հետաքրքրում։ Այսինքն` մարդիկ ուզում են սեփական տնամերձն ունենալ»,–պարզաբանեց Հակոբյանը։

Անշարժ գույքի գնահատմամբ ու վաճառքով զբաղվող «Ռեդ գրուպ» ընկերության բիզնեսի զարգացման գծով տնօրեն Էդուարդ Ապրիյանի կարծիքով` պետության վարած քաղաքականության հետևանքով է, որ գյուղական համայնքների հանդեպ հետաքրքրությունը մեծացել է։ Հարցն այն է, որ պետությունը սուբսիդավորման ծրագրեր է առաջարկում գյուղական համայնքներում, օրինակ, ջերմոցների կառուցման համար։

Բացի այդ, ըստ Ապրիյանի` մարզերում անշարժ գույք ձեռք բերելու փաստաթղթաշրջանառությունը շատ ավելի քիչ է, քան Երևանում։

Իսկ ինչ վերաբերում է գներին, ապա այս առումով, ըստ դիտարկմամբ, հարաբերական անդորր է։

«Համավարակի պատճառով կանխատեսումներ կային, թե գնանկում կունենանք, սակայն հիմա կայուն վիճակ է։ Կարծում եմ` առաջիկայում գնաճ էլ չի լինի, քանի որ կառուցապատման ավելացում կա, և ընտրության լայն հնարավորություն կա»,–հավելեց Ապրիյանը։

Հիշեցնենք, որ անշարժ գույքի շուկայում 2020-ի օգոստոսին կնքվել է 16 491 գործարք․ այս տվյալը հուլիսի համեմատ աճել է 1.5, իսկ 2019-ի համեմատ` 6.3 տոկոսով։

Զգայուն ակնկալիքներն ու անշարժ գույքի շուկան․ ինչ սպասել 2020–ին

83
թեգերը:
Հիփոթեքային վարկ, Գյուղ, գնաճ, Անշարժ գույք, Հայաստան
Ըստ թեմայի
Փաշինյանն ասաց, գները բարձրացա՞ն. ինչ է իրականում կատարվում անշարժ գույքի շուկայում
Եկամտահարկի վերադարձը խթանում է պահանջարկը. իրավիճակը Հայաստանի անշարժ գույքի շուկայում
Ի՞նչ փոփոխության է ենթարկվել անշարժ գույքի շուկան. գների դինամիկա
Հայաստանում ցանկանում են փոխել անշարժ գույքի արժեքը ապագա հարկերի համար

Ի՞նչը պետք է պահպանել. համաշխարհային առաջնորդները որոշել են ՄԱԿ-ում փոփոխություններ անել

0
(Թարմացված է 23:43 24.09.2020)
Այս տարի լրացավ ՄԱԿ–ի 75-ամյակը։ Անդամ երկրները որոշել են, որ կառույցում պետք է փոփոխություններ անել։

ՄԱԿ-ի անդամ երկրների առաջնորդները մտադիր են բարեփոխումներ իրականացնել ՄԱԿ-ում։ Գլխավոր ասամբլեայի հոբելյանական նիստի ժամանակ նման կոչով են հանդես եկել համաշխարհային մի քանի առաջնորդներ։

Օրինակ՝ Գերմանիայի կանցլեր Անգելա Մերկելը հայտարարել է, որ Բեռլինը կարող է դառնալ Անվտանգության խորհրդի ընդլայնման գործընթացի նախաձեռնողը։

«Գլոբալ խնդիրները համաձայնություն և համագործակցություն են պահանջում, անկախ ազգային սահմաններից։ Չափազանց հաճախ է ԱԽ–ն արգելափակման մեջ հայտնվում, երբ կարևոր որոշումներ ընդունելու կարիք կա»,-հայտարարել է նա:

Փոփոխությունների անհրաժեշտության մասին խոսել է նաև Ռուսաստանի նախագահ Վլադիմիր Պուտինը, այլապես, նրա կարծիքով, «կարելի է ընդարմանալ»։ 

Հակամարտությունները պետք է լուծվեն միայն խաղաղ ճանապարհով. Լավրով

ՌԴ առաջնորդը միաժամանակ ընդգծել է, որ պետք է պահպանել գլխավորը՝ ՄԱԿ–ի Անվտանգության խորհրդի մշտական անդամների վետոյի իրավունքը, թեև Արևմուտքը պնդում է, որ այն չեղարկվի:

Իսկ, թե ինչով է այն կարևոր աշխարհում կայունության պահպանման համար՝ դիտեք տեսանյութում:

0
թեգերը:
Անգելա Մերկել, Վլադիմիր Պուտին
Ըստ թեմայի
ՄԱԿ-ի գլխավոր քարտուղարը կոչով դիմել է Երևանին ու Բաքվին
ԱՄՆ պետքարտուղարության օրինագծում տեղ է գտել հստակ ձևակերպում` Լեռնային Ղարաբաղ. Մակունց
Ադրբեջանը չի հետևում ՄԱԿ-ի հրադադարի կոչին. Եկեղեցիների համաշխարհային խորհրդի արձագանքը
Որն է COVID-19–ից մահացության ամենաբարձր ցուցանիշ ունեցող երկիրը. ՄԱԿ–ի տվյալները