Զարթոնք գյուղ

Ծեծկռտուք Զարթոնքում. գլխավոր դերերում գյուղապետի տեղակալն ու նախկին գյուղապետն են

87
(Թարմացված է 15:19 30.07.2020)
ՀՀ քննչական կոմիտեն հայտնում է, որ քրեական գործով արդեն ձերբակալվածներ կան. չորսն էլ Զարթոնք գյուղի բնակիչներ են։

ԵՐԵՎԱՆ, 30 հուլիսի - Sputnik. Արմավիրի մարզի Զարթոնք գյուղում կրքերը թեժացել են ներկա գյուղապետի տեղակալի ու նախկին գյուղապետի միջև։ ՀՀ քննչական կոմիտեի մամուլի ծառայությունից հայտնում են, որ հուլիսի 27-ին, ժամը 15:45-ին, հաղորդում է ստացվել այն մասին, թե Զարթոնքի նախկին գյուղապետի կողմնակիցները վնասել են համայնքի ղեկավարի և տեղակալի ավտոմեքենաները, ինչպես նաև` տեղակալի ձեռքը:

«Ձեռնարկված միջոցառումների արդյունքում պարզվել է, որ նույն օրը՝ ժամը 15:30-ի սահմաններում, Զարթոնք գյուղի 1-ին փողոցում գտնվող սննդամթերքի խանութի դիմաց նույն գյուղի գյուղապետի տեղակալն իր կողմնակիցների հետ վիճաբանել է նախկին գյուղապետի և նրա կողմնակիցների հետ: Տեղի ունեցած վիճաբանության և ծեծկռտուքի ժամանակ կողմերն իրենց մոտ եղած փայտյա մահակներով, մետաղյա խողովակներով և քարերով հարվածներ են հասցրել միմյանց և մարմնական վնասվածքներ պատճառել»,- նշված է կոմիտեի տարածած հաղորդագրության մեջ։

Իրավապահները պարզվել են նաև, որ նախկին գյուղապետի կողմնակիցներից մեկը քարերով հարվածել և վնասել է տեղակալի վարած «Վազ 21099» մակնիշի ավտոմեքենան:

Թեժ վիճաբանություն Զարթոնքում. հիվանդանոց է դիմել 5 անձ, բերման ենթարկվել` 13–ը

Դեպքի առթիվ ՀՀ ոստիկանությունում հարուցվել է քրեական գործ՝ ՀՀ քրեական օրենսգրքի 258-րդ հոդվածի (խուլիգանություն) 4-րդ մասի հատկանիշներով։ Գործի նախաքննությունն իրականացվում է ՀՀ քննչական կոմիտեի Արմավիրի մարզային քննչական վարչությունում:

Քրեական գործով արդեն ձերբակալվածներ կան։ Կոմիտեն տեղեկացնում է, որ ձերբակալվել են Զարթոնք գյուղի 4 բնակիչ։ Նախաքննությունը շարունակվում է:

87
թեգերը:
Քրեական գործ, Ծեծկռտուք, Գյուղ, Գյուղապետ, Զարթոնք
Ըստ թեմայի
Զարթոնքում հնչած կրակոցներն ու վեճը նախապատմություն ունեն. ՔԿ–ն մանրամասներ է հայտնում
Զարթոնքի գյուղապետին մեղադրանք առաջադրվեց` խոշոր չափերով յուրացում կատարելու համար
Փորձել է ինքնասպան լինել. Զարթոնքում 3 երեխաների 26–ամյա մորը կարողացել են փրկել
Արյուն

Անհրաժեշտ է լրացնել արյան պահուստային քանակը. ԱՆ–ն դոնորության կոչ է անում

26
(Թարմացված է 15:01 27.09.2020)
Նախարարությունը կոչ է անում արյուն հանձնելու համար դիմել միայն Պրոֆ. Ռ. Յոլյանի անվան արյունաբանական կենտրոն կամ արյան բանկի մարզային կառույցներ:

ԵՐԵՎԱՆ, 27 սեպտեմբերի– Sputnik. Արյան պահուստային քանակը լրացնելու համար առողջապահության նախարարությունը կամավոր դոնորության կոչ է անում։ Տեղեկությունը հրապարակվել է նախարարության Facebook-ի էջում:

«Արյուն ունենալու համար անհրաժեշտ է, որ բոլորս գիտակցենք` միայն մեր հանձնած արյան շնորհիվ հնարավոր կլինի փրկել մարդկանց կյանքեր»,– նշված է ԱՆ մամուլի ծառայության տարածած հաղորդագրության մեջ։

Նշվում է, որ Արցախում տեղի ունեցող իրադարձություններին հետևելով շատերն են շ մոտենում տարբեր բուժհաստատություններ արյունատվության համար: Սակայն նախարարությունը կոչ է անում արյուն հանձնելու համար դիմել միայն Պրոֆ. Ռ. Յոլյանի անվան արյունաբանական կենտրոն կամ արյան բանկի մարզային կառույցներ:

Ի դեպ, արյան խումբն ու ռեզուս պատկանելությունը նշանակություն չունեն:

Արյունաբանական կենտրոնն էլ տեղեկացնում է, որ ելնելով ստեղծված իրավիճակից՝ Արյան բանկն աշխատում է նաև այսօր: Կենտրոնից հորդորում են արյունատվության համար մոտենալ անձնագրով:

Հիշեցնենք, որ այսօր վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով:

Արցախի պաշտպանության նախարարությունը տեղեկացրել էր, որ ճշտված տեղեկություններով` ադրբեջանական զինուժը կորցրել է 2 ուղղաթիռ, 14 անօդաչու թռչող սարք, ինչպես նաև ունի զրահատեխնիկայի կորուստներ:

Հայտնի է, որ հակառակորդի կրակոցների հետևանքով Մարտունիում մեկ կին և մեկ երեխա են մահացել։ 

Արցախում և Հայաստանում ռազմական դրություն և համատարած զորահավաք է հայտարարվել։

 

26
թեգերը:
արյուն, Յոլյանի անվան արյունաբանական կենտրոն, Արցախ, Հայաստան
թեմա:
Ադրբեջանական ագրեսիա Արցախում. 2020
Ըստ թեմայի
4 ուղղաթիռ, 15 ԱԹՍ, 10 տանկ. ադրբեջանական ԶՈւ–ն մեծ կորուստներ ունի
«6 գյուղ, չէ մի` 10 քաղաք». Հովհաննիսյանը` Ադրբեջանի կողմից գյուղեր «գրավելու» մասին
Օրվա կադր. հոգևոր առաջնորդը խաչին զուգահեռ զենք է վերցրել ձեռքը
Լավրովը Ղարաբաղում տիրող իրավիճակի շուրջ ինտենսիվ շփումներ է վարում. Զախարովա
Նիկոլ Փաշինյանն ու Գարեգին Բ–ն

Գարեգին Բ–ն ու Փաշինյանը զրուցել են հեռախոսով

35
(Թարմացված է 14:42 27.09.2020)
Կաթողիկոսի և վարչապետի հեռախոսազրույցի ընթացքում ընդգծվել է միասնական ջանքերի ու համախմբվածության կարևորությունը։

ԵՐԵՎԱՆ, 27 սեպտեմբերի – Sputnik. Ամենայն Հայոց կաթողիկոս Գարեգին Բ–ն քիչ առաջ հեռախոսազրույց է ունեցել Հայաստանի Հանրապետության վարչապետ Նիկոլ Փաշինյանի հետ։

«Քննարկեցինք Ադրբեջանի կողմից սանձազերծված ագրեսիայով պայմանավորված իրավիճակը։ Զրույցի ընթացքում շեշտեցինք աշխարհասփյուռ հայության ներուժի համախմբման կարևորությունը»,– գրել է նա Facebook–ի իր էջում։

Եկեղեցին զորակցություն է հայտնել ՀՀ իշխանություններին՝ ընդգծելով միասնական ջանքերի և համախմբվածության կարևորությունը հայրենի Արցախի պաշտպանության և սահմանների անառիկության պահպանման սրբազան գործում։

Հիշեցնենք, որ այսօր վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով:

Խստագույնս դատապարտում ենք ադրբեջանական ագրեսիան. ԱԳՆ

Արցախի պաշտպանության նախարարությունը տեղեկացրել էր, որ ճշտված տեղեկություններով` ադրբեջանական զինուժը կորցրել է 2 ուղղաթիռ, 14 անօդաչու թռչող սարք, ինչպես նաև ունի զրահատեխնիկայի կորուստներ:

Հայտնի է, որ հակառակորդի կրակոցների հետևանքով Մարտունիում մեկ կին և մեկ երեխա են մահացել։ 

Արցախում և Հայաստանում ռազմական դրություն և համատարած զորահավաք է հայտարարվել։

ԱՀ ԱԳՆ-ն ուղիղ կապի մեջ է ԵԱՀԿ գործող նախագահի անձնական ներկայացուցչի հետ

35
թեգերը:
Նիկոլ Փաշինյան, Ամենայն Հայոց կաթողիկոս Գարեգին Բ, Հայաստան
թեմա:
Ադրբեջանական ագրեսիա Արցախում. 2020
Ըստ թեմայի
Անկախ բոլոր տարաձայնություններից` Հայաստանում քաղաքական ուժերը միավորում են ջանքերը
Հակառակորդի հրետակոծությունից վնասված բնակելի տները Ստեփանակերտում. նոր տեսանյութ
Ցավում ենք մարդկային կյանքերի կորստի համար. ԵԱՀԿ ՄԽ համանախագահների հայտարարությունը
Раненное гражданское население в больницах Карабаха

Արցախի ՄԻՊ–ը հրապարակել է վիրավորների լուսանկարները

0
(Թարմացված է 15:01 27.09.2020)
Արցախի Հանրապետության մարդու իրավունքների պաշտպանի աշխատակազմը փաստահավաք առաքելություն է սկսել։

ԵՐԵՎԱՆ, 27 սեպտեմբերի– Sputnik. Արցախի մարդու իրավունքների պաշտպանի գրասենյակը վիրավորների լուսանկարներ է հրապարակել։ Լուսանկարներում մարմնական տարբեր աստիճանի վնասվածքներ ստացած խաղաղ բնակիչներ են, որոնց առաջին բուժօգնություն են ցուցաբերում հիվանդանոցներում։

«Արցախի Հանրապետության մարդու իրավունքների պաշտպանի աշխատակազմը մեկնարկել է փաստահավաք առաքելություն»,– լուսանկարներին կից հիշեցնում են ՄԻՊ գրասենյակից։

Ավելի վաղ հրապարակել էինք Արցախի ՄԻՊ–ի ունեցած տեղեկությունները, ըստ որոնց` քաղաքացիական բնակչության շրջանում կա 2 զոհ, ավելի քան 50 վիրավոր, նրանց թվում կան երեխաներ և կանայք։

Թարմացված տվյալներով՝ Ադրբեջանը հրետակոծության ու ԱԹՍ-ների հարվածի թիրախում են հայտնվել նաև Արցախի Հանրապետության մայրաքաղաք Ստեփանակերտը, Ասկերանը, Մարտակերտը, Մարտունին, Հադրութը, Շուշին:

Ի թիվս բազմաթիվ ենթակառուցվածքների, վնասվել են նաև որոշ դպրոցներ:

Հիշեցնենք, որ այսօր վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով:

Արցախի պաշտպանության նախարարությունը տեղեկացրել էր, որ ճշտված տեղեկություններով` ադրբեջանական զինուժը կորցրել է 2 ուղղաթիռ, 14 անօդաչու թռչող սարք, ինչպես նաև ունի զրահատեխնիկայի կորուստներ:

Հայտնի է, որ հակառակորդի կրակոցների հետևանքով Մարտունիում մեկ կին և մեկ երեխա են մահացել։ 

Արցախում և Հայաստանում ռազմական դրություն և համատարած զորահավաք է հայտարարվել։

«Գնալու ենք այդ հարցը վերջնական լուծելու». ՀՅԴ–ականները կազմ–պատրաստ սպասում են հրամանի

0
թեգերը:
Լուսանկար, Արտակ Բեգլարյան (Արցախի ՄԻՊ), ՀՀ ՄԻՊ, Արցախ
թեմա:
Ադրբեջանական ագրեսիա Արցախում. 2020
Ըստ թեմայի
Լավրովը Ղարաբաղում տիրող իրավիճակի շուրջ ինտենսիվ շփումներ է վարում. Զախարովա
Բանակը վերստին ապացուցում է, որ հայ ժողովրդի անվտանգության հուսալի երաշխավորն է. Սարգսյան
Ցավում ենք մարդկային կյանքերի կորստի համար. ԵԱՀԿ ՄԽ համանախագահների հայտարարությունը