Ջրիմուռների արտազատած թունանյութն ազդում է մարդկանց և ձկնեղենի վրա. Սևանը դեռ «ծաղկում է»
(Թարմացված է 12:32 29.07.2020)
Ջրիմուռներն արտազատում են միկրոցիստին թունանյութը, որը մի շարք բացասական հետևանքներ է առաջացնում։ ԵՐԵՎԱՆ, 29 հուլիսի — Sputnik. Սևանա լճի ծաղկումը վտանգավոր է ոչ միայն լճի համար, այլ նաև մարդկանց ու Սևանում գտնվող կենդանական աշխարհի։ Սևանում` նավի վրա ընթացող մամուլի ասուլիսի ժամանակ նման հայտաաություն արեց ՀՀ ԳԱԱ հիդրոէկոլոգիայի և ձկնաբանության ինստիտուտի տնօրեն Էվելինա Ղուկասյանը` հայտնելով, որ Սևանի ծաղկման գործընթացը կանգ չի առել։
«Ջրիմուռների ծաղկումով ամեն ինչ չի ավարտվում` դրանք վտանգավոր են այն առումով, որ արտազատում են միկրոցիստին թունանյութը։ Դա վտանգավոր է ինչպես լողացողների, այնպես էլ կենդանական աշխարհի համար։ Մարդկիանց համար, օրինակ, թունանյութն ազդում է մարդկանց լյարդի, մաշկի վրա»,–ասաց մասնագետը։
Նրա խոսքով` այդ թունանյութը սնկային հիվանդություններ է առաջացնում ձկների և խեցգետինների մոտ։ Ավելին, միկրոցիստին թունանյութն օրգանական աղտոտվածությանն է նպաստում, որն էլ իր հերթին ջրիմուռների ծաղկման պատճառ է դառնում։
©
Sputnik / Aram Nersesyan
Ղուկասյանը հայտնեց` հատակում կուտակված այդ թունանյութը խլում է թթվածինը` ստեղծելով անթթվածին պայմաններ։ Այս պահին Սևանա լճի խոր հատվածներում կան ցածր թթվածնայնությամբ մասեր, ինչը կարող է թթվածին սիրող կենդանիների ոչնչացման պատճառ դառնալ։ Կենդանիների ոչնչացմամբ կխախտվի միկրոֆլորայի հավասարակշռությունը։
Հարցին, թե խեցգետինի պաշարների նավզման պատճառը ո՞րն է` Ղուկասյանը պատասխանեց, որ նրանց մոտ հիվանդություն է տարածվել` ժանգախտ։ Դա խրոնիկ սնկային հիվանդություն է, որը կարող է 30-80 տոկոս խեցգետնի պաշարների կրճատման պատճառ դառնալ։ Այս պահին նույնպես խեցգետնի պաշարների շարունակաբար նվազում կա։
«Սևանա լճի «ծաղկման» հարցի լուծումը երկար ժամանակ է պահանջում». Էրիկ Գրիգորյան
Ի դեպ, Սևանում չկա որևէ հատված, որտեղ ջրիմուռների առկայության պատճառով լողալն արգելվում է։
Հիշեցնենք, որ շրջակա միջավայրի նախարարի պարտականությունները կատարող Վահե Ջիլավյանն էլ այսօր ընթացող ասուլիսի ժամանակ հայտնել էր, որ Սևանի մաքրման աշխատանքները շարունակվում են. 2019-ին Վարդենիսի հատվածում ջրի տակ մնացած 100 հա անտառածածկ տարածք է մաքրվել, իսկ այս տարի` արդեն իսկ 50 հա տարածք։
Թմրամիջոցը Վրաստան չհասավ․ Սյունիքի Շվանիձոր գյուղում թմրանյութի թաքստոց է հայտնաբերվել
ԵՐԵՎԱՆ, 5 մարտի – Sputnik․ Իրավապահները բացահայտել են առանձնապես խոշոր չափերով թմրամիջոցների ապօրինի շրջանառության հերթական դեպքը, պարզել իրացման մեխանիզմն ու գտել թաքստոցները։ Տեղեկությունը հայտնում է ՀՀ քննչական կոմիտեի մամուլի ծառայությունը։
Դեռ 2020 թվականի հոկտեմբերին Երևան քաղաքի 46-ամյա բնակիչը Սյունիքի մարզում ձեռք էր բերել առանձնապես խոշոր չափերով՝ ընդհանուր 4964 գրամ «Ափիոն», 4982 գրամ «Հերոին», 3965 գրամ քաշով «Մեթամֆետամին» տեսակի թմրամիջոցներ։ Թմրամիջոցները «ԿԻԱ» մակնիշի ավտոմեքենայի սրահում Երևան տեղափոխելու ճանապարհին խմբաքանակը հայտնաբերվել էր ՀՀ ոստիկանության Կապանի բաժնի աշխատակիցների կողմից՝ ավտոմեքենայի զննությամբ: Քննությամբ փաստական տվյալներ են ձեռք բերվել այն մասին, որ բացի թմրամիջոցի հիշյալ խմբաքանակից, առանձնապես խոշոր չափերով թմրամիջոցներ են իրացվել նաև այլ անձանց միջոցով:
Մասնավորապես, Կոտայքի մարզի 33-ամյա բնակչի կողմից շահագործվող «Ֆորդ» մակնիշի ավտոմեքենայով պետք է Հայաստանի տարածքով թմրամիջոց տեղափոխվեր: Ձեռնարկված միջոցառումների արդյունքում ավտոմեքենան հայտնաբերվել է, որի խուզարկությամբ առգրավվել են առանձնապես խոշոր չափերի՝ «Ափիոն», «Մեթամֆետամին», «Հերոին» տեսակի թմրամիջոցներ:
Տվյալներ են ստացվել նաև հարևան Իրանից Հայաստան թմրամիջոց տեղափոխելու վերաբերյալ: Իրականացված անհրաժեշտ միջոցառումների արդյունքում՝ Իրանից Հայաստան ուղևորված ավտոմեքենայում խուզարկությամբ հայտնաբերվել և առգրավվել է առանձնապես խոշոր չափերով «Ացետիլացված ափիոն» տեսակի թմրամիջոց:
«Նախաքննության ընթացքում տեղեկություն է ձեռք բերվել նաև այն մասին, որ Սյունիքի մարզի Շվանիձոր գյուղում՝ թաքստոցում, տեղադրված է թմրամիջոց, որը Հայաստանի Հանրապետության տարածքով պետք է տեղափոխվեր Վրաստանի Հանրապետություն: Իրականացվել են մի շարք քննչական գործողություններ, որի ընթացքում հայտնաբերվել է «Հերոին» տեսակի թմրամիջոցի նմանվող զանգված՝ մոտ 4290 գրամ ընդհանուր քաշով, «Ափիոն» տեսակի թմրամիջոցի նմանվող զանգված՝ ընդհանուր 2100 գրամ քաշով, որոնք, նախաքննության տվյալներով, պետք է տեղադրվեին Երևան-Արտաշատ մայրուղու տարբեր հատվածներում. պարզվել է նաև այն անձանց ինքնությունը, որոնք նշված թմրամիջոցները պետք է վերցնեին թաքստոցներից»,- նշված է հաղորդագրության մեջ։
Ձեռք բերված բավարար ապացույցների համակցությամբ՝ հինգ անձի մեղադրանք է առաջադրվել՝ առանձնապես խոշոր չափերով թմրամիջոցների ապօրինի շրջանառության համար:
Նախաքննությունը շարունակվում է:
թեգերը:
Հայաստանն այս տարի չի մասնակցի «Եվրատեսիլին»
(Թարմացված է 14:40 05.03.2021)
Հանրային հեռուստաընկերությունը հայտարարություն է տարածել` հայտնելով, թե որն է նման որոշում կայացնելու պատճառը։ ԵՐԵՎԱՆ, 5 մարտի – Sputnik. Համապարփակ քննարկումներից և բանակցություններից հետո Հանրային հեռուստաընկերությունը հայտարարում է, որ Հայաստանն այս տարի չի մասնակցի «Եվրատեսիլ» երգի միջազգային մրցույթին:
«Տեղի ունեցած իրադարձությունները, ժամանակի սղությունը և այլ օբյեկտիվ հանգամանքներ անհամադրելի են երգի մրցույթում Հայաստանի պատշաճ ներկայացման հետ»,– նշված է հեռուստաընկերության տարածած հաղորդագրության մեջ, որը հրապարակվել է Facebook–ում:
Հիշեցնենք` «Եվրատեսիլ 2020» երգի մրցույթը չեղարկվեց կորոնավիրուսի համավարակի պատճառով։ Մրցույթը նախատեսված էր Ռոտերդամում մայիսի 12-ին, 14-ին և 16-ին: Եվրոպայի հեռարձակողների միությունը որոշեց չեղարկել այն կորոնավիրուսի համավարակի պատճառով: Հայաստանը պետք է ներկայացներ Աթենա Մանուկյանը։
«Եվրատեսիլ 2021» երգի միջազգային մրցույթն այս տարի կանցկացվի նոր ձևաչափով։ Ռոտերդամում անցկացվելիք մրցույթի նոր կանոնները կապված են կորոնավիրուսային իրավիճակի և վարակի տարածման կանխարգելման հետ։ «Եվրատեսիլի» մասնակից երկրների պատվիրակություններին խորհուրդ կտրվի Նիդեռլանդներ մեկնելուց առաջ հինգ օրով ինքնամեկուսանալ։ Իսկ թռիչքից 72 ժամ առաջ կորոնավիրուսն ախտորոշող թեստ հանձնելը և դրա բացասական արդյունքի առկայությունը պարտադիր է։