ԵՐԵՎԱՆ, 28 հունիսի – Sputnik. ԵԱՀԿ Մինսկի խմբի ամերիկացի համանախագահ Ջեյմս Ուորլիքը հայտարարել է, որ Հայաստանի և Ադրբեջանի արտգործնախարարներ Զոհրաբ Մնացականյանի և Ջեյհուն Բայրամովի, ինչպես նաև Ռուսաստանի, Ֆրանսիայի և ԱՄՆ-ի կողմից ԵԱՀԿ Մինսկի խմբի համանախագահների մասնակցությամբ հանդիպումը կարող է տեղի ունենալ աշնանը: ՌԻԱ Նովոստիին այդ մասին տեղեկացրել է Ռուսաստանի արտաքին քաղաքական գերատեսչության աղբյուրը։

© Photo / official site of the Prime minister of RA

ԵԱՀԿ Մինսկի խումբը Երևանին և Բաքվին կոչ է արել պատրաստվել բանակցությունների

«ԵԱՀԿ Մինսկի խմբի շրջանակներում 3+2 ձևաչափով հանդիպումը կարող է կայանալ աշնան սկզբին, եթե երկու պետությունների հարաբերություններում տիրող իրավիճակը և համաճարակի զարգացումը թույլ տան»,-ասել է գործակալության զրուցակիցը։

Նա նաև նշել է, որ ԵԱՀԿ Մինսկի խմբի շրջանակում «համանախագահների միջև շփումներն ընթանում են մշտական ռեժիմով, ամեն օր»։

«Այժմ գլխավոր խնդիրը հայ-ադրբերջանական սահմանին բավական լարված մնացող իրավիճակը լիցքաթափելն է և ԵԱՀԿ Մինսկի խմբի շրջանակներում դիվանագիտական որոշումների ակտիվացումը»,-ասել է ՌԴ ԱԳՆ-ի աղբյուրը։

Նա նշել է, որ հնարավոր հանդիպման վայրը դեռ որոշված չէ, բայց այն «կարող է տեղի ունենալ ցանկացած վայրում»։

ԱԳՆ խոսնակն ասաց` որ դեպքում տարածաշրջան կայցելեն ԵԱՀԿ Մինսկի խմբի համանախագահները

Հիշեցնենք, որ հուլիսի 12–ից իրավիճակը սրվել է հայ–ադրբեջանական սահմանի Տավուշի հատվածում։ Հուլիսի 12–ին` ժամը 12:30-ի սահմաններում, Ադրբեջանի զինված ուժերի զինծառայողները ՈւԱԶ մակնիշի ավտոմեքենայով Տավուշի ուղղությամբ ՀՀ պետական սահմանը խախտելու փորձեր են արել: Հայկական կողմի նախազգուշացումից հետո Ադրբեջանի զինծառայողները, թողնելով ավտոմեքենան, վերադարձել են իրենց դիրքեր:

Դրանից հետո հակառակորդը պարբերաբար վերսկսում է գնդակոծությունն ինչպես հայ դիրքապահների, այնպես էլ բնակավայրերի ուղղությամբ։

Պաշտոնական տվյալներով՝ Ադրբեջանն ունի 13 զոհ, վիրավորների մասին որևէ բան չի հաղորդվում, իսկ հայկական կողմը 5 զոհ ունի, 36 վիրավոր (ևս մեկը խաղաղ բնակչությունից)։

Հուլիսի 27–ին ադրբեջանական դիպուկահարի կրակոցից հայկական կողմը ևս մեկ զոհ տվեց` պայմանագրային զինծառայող Աշոտ Միքայելյանը։

Հայկական ԶՈւ ստորաբաժանումները 13 ԱԹՍ են խոցել

ԵՐԵՎԱՆ, 5 մարտի – Sputnik, Արմենուհի Մխոյան. Շիրակի մարզի գերեվարված զինվորների ծնողներն այսօր կրկին փակել են մարզպետարանի մուտքը: Sputnik Արմենիայի Գյումրու թղթակիցը հաղորդում է, որ գերեվարվածների ծնողները թույլ չեն տվել, որ որևէ աշխատակից ներս մտնի:

Пресс-служба МИД РФ

Զախարովան խորհուրդ է տվել գերիների թվի հարցով դիմել ոչ թե իրեն, այլ Երևանին և Բաքվին

Նրանք, սակայն,  հրաժարվում են պատասխանել լրագրողների հարցերին: Նշում են, որ լուսաբանման ենթակա ասելիք այս պահին չունեն:

Նմանատիպ ակցիա ծնողները կազմակերպել էին նաև մարտի 3-ին և ասել, որ նոր հանդիպում են պահանջում ՀՀ վարչապետ Նիկոլ Փաշինյանի հետ և վերջնական ու հստակ պատասխան, թե երբ են իրենց որդիները վերադառնալու:

Մարտի 3-ին, սակայն, նրանք աշխատակիցների ելումուտը չէին արգելել:

Հիշեցնենք` 2020–ի դեկտեմբերի 16-ին հայտնի դարձավ, որ Հադրութի Հին Թաղեր և Խծաբերդ գյուղերի ուղղությամբ տեղակայված մի քանի մարտական դիրքերից 62 զինծառայող են գերեվարվել, բոլորը` Շիրակի մարզից։

Հունվարի 28–ին նրանցից հինգը վերադարձել են հայրենիք, իսկ 3-ը հեռախոսով զրուցել են ծնողների հետ։