ԵՐԵՎԱՆ, 28 հուլիսի – Sputnik. ԱԺ նախկին պատգամավոր Առաքել Մովսիսյանի («Շմայս») որդին` Դավիթ Մովսիսյանն ազատ է արձակվել։ Facebook–ի իր էջում տեղեկությունը հայտնում է նրա փաստաբան Գոռ Գևորգյանը։

«Սյունիքի մարզի առաջին ատյանի դատարանը կայացրեց որոշում, որով վերականգնվեց իմ պաշտպանյալ, նաև իմ բարեկամ Դավիթ Մովսիսյանի` Առաքել Մովսիսյանի որդու ազատության իրավունքը։ Դատարանը մերժեց կալանքը ևս երկու ամսով երկարացնելու քննիչի միջնորդությունը ։ Մերժման հիմքում դրվեց հիմնավոր կասկածի բացակայությունը, այսինքն` Դավիթ Մովսիսյանը որևէ առնչություն չունի իրեն մեղսագրվող արարքի հետ»,– նշում է փաստաբանը։

Հիշեցնենք` հունվարի 30-ին, ժամը 13:15-ի սահմանում Արցախում իրեն ամրակցված ԱԿՄ տեսակի ինքնաձիգից արձակած կրակոցներից ստացած հրազենային վնասվածքից մահացել էր զինծառայող Վահրամ Մկրտիչի Ավագյանը։  Նրա մահվան գործով կալանավորվել էին 3 համածառայակիցները` Դավիթ Առաքելի Մովսիսյանը, Խաչիկ Արմենի Գասպարյանը, Սպարտակ Արթուրի Ավետիսյանը:

ԵՐԵՎԱՆ, 5 մարտի – Sputnik, Արմենուհի Մխոյան. Շիրակի մարզի գերեվարված զինվորների ծնողներն այսօր կրկին փակել են մարզպետարանի մուտքը: Sputnik Արմենիայի Գյումրու թղթակիցը հաղորդում է, որ գերեվարվածների ծնողները թույլ չեն տվել, որ որևէ աշխատակից ներս մտնի:

Пресс-служба МИД РФ

Զախարովան խորհուրդ է տվել գերիների թվի հարցով դիմել ոչ թե իրեն, այլ Երևանին և Բաքվին

Նրանք, սակայն,  հրաժարվում են պատասխանել լրագրողների հարցերին: Նշում են, որ լուսաբանման ենթակա ասելիք այս պահին չունեն:

Նմանատիպ ակցիա ծնողները կազմակերպել էին նաև մարտի 3-ին և ասել, որ նոր հանդիպում են պահանջում ՀՀ վարչապետ Նիկոլ Փաշինյանի հետ և վերջնական ու հստակ պատասխան, թե երբ են իրենց որդիները վերադառնալու:

Մարտի 3-ին, սակայն, նրանք աշխատակիցների ելումուտը չէին արգելել:

Հիշեցնենք` 2020–ի դեկտեմբերի 16-ին հայտնի դարձավ, որ Հադրութի Հին Թաղեր և Խծաբերդ գյուղերի ուղղությամբ տեղակայված մի քանի մարտական դիրքերից 62 զինծառայող են գերեվարվել, բոլորը` Շիրակի մարզից։

Հունվարի 28–ին նրանցից հինգը վերադարձել են հայրենիք, իսկ 3-ը հեռախոսով զրուցել են ծնողների հետ։