Ռոբերտ Քոչարյանն ու պաշտպանները. արխիվային լուսանկար

Կորոնավիրուսը կարող է տապալել «Մարտի 1»-ի գործով նիստերը. տուժողները շատ են, տեղը՝ փոքր

76
(Թարմացված է 19:37 21.07.2020)
Ռոբերտ Քոչարյանի պաշտպանը դատարանի դահլիճում կորոնավիրուսի հակահամաճարակային կանոնների պահպանման հարցում կասկածներ ունի: Ըստ նրա` դատական նիստը մի օր ուղղակի կարող է տապալվել:

ԵՐԵՎԱՆ, 21 հուլիսի — Sputnik. «Մարտի 1»-ի գործով դատական նիստից հետո այսօր լրագրողների հետ զրոhttps://armeniasputnik.am/armenia/20200721/23829052.htmlւյցում Ռոբերտ Քոչարյանի պաշտպան Հովհաննես Խուդոյանն ի թիվս այլ հարցերի անդրադարձավ նաև կորոնավիրուսի համավարակի ու արտակարգ դրության պայմաններում անցկացվող դատական նիստներին՝ նշելով, որ դատարանի դահլիճում հնարավորինս պահպանվում են սահմանված հակահամաճարակային կանոնները, այդ թվում՝ սոցիալական հեռավորությունը: Բայց և չբացառեց, որ մի օր դրա հետևանքով նիստն ուղղակի չի կայանա:

«Վերապահումով կարող ենք ասել, որ պահպանված են: Մենք փորձում ենք այդ հեռավորությունը պահպանել, չնայած ամեն դեպքում ռիսկը պահպանվում է: Բայց մի կարևոր խնդիր կա. այս գործով ներգրավված են 112 տուժողի իրավահաջորդներ ու տուժողներ: Եվ, եթե հաջորդ դատական նիստին 20-30 տուժող որոշեն ներկայանալ դատական նիստին, այդ նիստը ձախողվելու է»,- ասաց Խուդոյանը:

ՀՀ երկրորդ նախագահին մեղադրանք է առաջադրվել 2008 թ.–ի մարտի 1-ի բողոքի ակցիաները ցրելու ժամանակ սահմանադրական կարգը տապալելու համար։

Նա իրեն ուղղված մեղադրանքները քաղաքական հետապնդում է համարում։ 2018թ-ին Քոչարյանին երկու անգամ ձերբակալեցին:

«Մարտի 1»-ի գործով դատախազները չեն փոխվի. դատարանը մերժեց տուժողի միջնորդությունը

2019 թվականի հունիսի վերջին նա ձերբակալվեց երրորդ անգամ: Երկրորդ նախագահին նաև կաշառք ստանալու մեղադրանք է առաջադրված։

Նույն քրեական գործով դատարանում ամբաստանյալի կարգավիճակ ունեն նաև ՀՀ պաշտպանության նախկին նախարար Սեյրան Օհանյանը, նախկին փոխվարչապետ Արմեն Գևորգյանը և ՀԱՊԿ նախկին գլխավոր քարտուղար Յուրի Խաչատուրովը։

Սեյրան Օհանյանի պաշտպանն առաջարկում է հետաձգել «Մարտի 1»-ի դատաքննությունը. որն է պատճառը

76
թեգերը:
Դատարան, Մարտի 1, կորոնավիրուս, Հովհաննես Խուդոյան, պաշտպան, Ռոբերտ Քոչարյան
թեմա:
«Մարտի 1»-ի գործը (264)
Ըստ թեմայի
Ռոբերտ Քոչարյանի և մյուսների գործով դատավորը մերժեց ինքնաբացարկի միջնորդությունը
Քոչարյանի և մյուսների գործով նիստը հետաձգվեց. Խաչատուրովի պաշտպանը դժգոհ է վերաբերմունքից
«Վստահ չեմ, որ վարակակիր չեմ». Ռոբերտ Քոչարյանի և մյուսների գործով նիստն ընդմիջվեց
Արծրուն Հովհաննիսյան

Արծրուն Հովհաննիսյանը խոստանում է՝ Հիքմեթ Հաջիևին անակնկալներ են սպասում

56
(Թարմացված է 22:58 31.10.2020)
Հստակ ապացույցներ կան ոչ միայն ահաբեկիչների ներկայության, այլև նրանց՝ որպես «расходный материал» օգտագործելու վերաբերյալ։

ԵՐԵՎԱՆ, 31 հոկտեմբերի - Sputnik. Ադրբեջանի նախագահի խորհրդական Հիքմեթ Հաջիևին հետաքրքիր անակնկալներ են սպասում։ Այսօր կայացած ճեպազրույցի ժամանակ խոստացավ ՀՀ ՊՆ ներկայացուցիչ Արծրուն Հովհաննիսյանը՝ անդրադառնալով Հաջիևի այն հայտարարությանը, թե Հայաստանում ձերբակալված ահաբեկիչն իրականում է հայ, և այդ ամենն էլ թատրոն է։

«Նրան հետաքրքիր անակնկալներ են սպասում ոչ միայն այս ահաբեկչի կապակցությամբ։ Ապացույցներ թե՛ այս ահաբեկչի, թե՛ այլ ահաբեկիչների առկայության, որպես «расходный материал» նրանց օգտագործելու առնչությամբ, և մարտավարությունը, թե ինչպես են ահաբեկիչներին կիրառում, որտեղ են կիրառում, ինչ խնդիր են լուծում, ինչպես են եկել, Ադրբեջան հասել. այդ ամենի առնչությամբ բավականին հետաքրքիր անակնկալներ են սպասում պարոն Հաջիևին և ադրբեջանցիներին ընդհանրապես»,- նշեց Հովհաննիսյանը՝ հավելելով, որ այս ահաբեկիչը ձերբակալված է, քրեական գործը հարուցված է, և փաստերը բավարար են հետագա գործընթացների համար։

Հիշեցնենք` ՀՀ ՊՆ մամուլի խոսնակ Շուշան Ստեփանյանը երեկ` հոկտեմբերի 30-ին, հայտնեց, որ ՊԲ զինծառայողներն Արցախում իսլամիստ ահաբեկչի են գերեվարել։ ՀՀ դատախազությունն այսօր տեղեկացրեց, որ Թուրքիայի կողմից Ադրբեջան ուղարկված ահաբեկչական խմբավորման անդամ, սիրիացի վարձկան Մըհըրաբ Մուհամմադ Ալ Շխայիրը ձերբակալվել է։

 

56
թեգերը:
Ադրբեջան, Արծրուն Հովհաննիսյան, Արցախ, Հայաստան
Ըստ թեմայի
ՊԲ–ն ԱԹՍ է ոչնչացրել Ստեփանակերտի երկնքում
Հայկական կողմը կարողացել է հակառակորդից հետ վերցնել որոշակի դիրքեր. Արծրուն Հովհաննիսյան
Հայկական զինված ուժերը մշակում են հրադադարի վերֆիկացիայի առաջարկներ. Արծրուն Հովհաննիսյան
Ցուցահանդես

Ռազմական կոմունիզմ, կամ ինչպես են Հայաստանի ինժեներներն ամրապնդում պաշտպանությունը

161
Մրցակցություն, անձնական հավակնություններ, անգամ ֆինանսական հաշվարկներ՝ ամեն ինչ մի կողմ է դրվել։ Ցանկացած խնդրանքին իսկույն արձագանքում են թե՛ բիզնես-գործընկերները, թե՛ պետությունը, ընդ որում՝ ոչ միայն ուժային գերատեսչությունները։

ԵՐԵՎԱՆ, 31 հոկտեմբերի – Sputnik. Թե ինչպիսի պաշտպանական տեխնոլոգիաներ են մշակում Հայաստանում, մենք արդեն բազմիցս ենք պատմել։ Թե դրանցից որոնք են կիրառվում, բնականաբար, բարձրաձայնել չարժե (համենայն դեպս՝ հիմա)։ Բայց մի բան կարելի է հաստատ ասել` ինժեներական ոլորտի ձեռնարկություններն ինքնակազմակերպվել են և բանակին օգնում են այնպես, ինչպես երբևէ չեն օգնել։

Ընկերությունները, որոնք նախկինում մոլի մրցակիցներ էին, հիմա գծագրեր և ծրագրային կոդեր են փոխանակում: Եթե նյութեր կամ մասեր են անհրաժեշտ, տալիս են անվճար կամ ինքնարժեքով:

«Ընդ որում՝ նույնիսկ չեն ճշտում, թե ինչի համար է պետք։ Բավական է որևէ բան խնդրել, չեն հարցնում` ինչո՞ւ կամ ինչքա՞ն կտաս, ասում են՝ արի, վերցրու»։ Մենք էլ, բնականաբար, այդպես ենք անում»,- Sputnik Արմենիային ասաց «Լոկատոր» ընկերության տնօրեն Արման Խաչատրյանը։

Հայերն Ադրբեջանի պետական փաստաթղթերի հասանելիություն են ստացել. տեսանյութ

Ոլորտի ձեռնարկությունները հայտարարությունների ներքին հարթակ են ստեղծել, որտեղ հայտնում են, թե ինչ ռեսուրսներ կարող են առաջարկել։ Ինչ-որ մեկը շարժիչներ ունի, ուրիշը՝ միկրոսխեմաներ, երրորդի ծրագրավորողները կարող են մի քանի օր անվճար աշխատել, կամ ինժեներները կարող են էլեկտրոնային սխեմա հավաքել։ Ինչ-որ ընկերություն գրել էր, որ հաշվարկների և փորձարկումների համար ֆիզիկոսներ են պետք։ Մի քանի ժամ անց նրանց դուռը թակեց միանգամայն անծանոթ մարդ՝ ինստիտուտներից մեկի գիտաշխատող, և հարցրեց, թե ինչով կարող է օգնել։

Ձևավորվել են նաև ծրագրող-կամավորականների շարժական բրիգադներ, որոնցում շատ երիտասարդ տղաներ ու աղջիկներ կան։ Երբ որևէ ձեռնարկության համար շտապ պետք է որևէ բան գրել, նրանք իսկույն գալիս են` չհարցնելով, թե որքան են վճարելու։

Կես խոսքից փոխըմբռնում է ձևավորվել նաև պաշտպանության նախարարության հետ։ Եթե ուսումնասիրությունների համար ինչ-որ նյութեր են պետք, տրամադրում են առաջին իսկ խնդրանքով` իմանալով, թե որ ընկերությունն ինչով է զբաղվում և հասկանալով, թե ինչի համար է խնդրում այս կամ այն բանը։

«Ընդ որում՝ նույնպիսի անվերապահ աջակցություն կա նաև պաշտպանության հետ կապ չունեցող գերատեսչություններից, եթե պետք է լինում նրանց հետ որևէ բան կարգավորել»,-ընդգծեց Խաչատրյանը։

Ինժեներներին օգնում է նաև սփյուռքահայությունը։ Մեկը՝ որպես ծրագրավորող, երկրորդը՝ որպես առաքիչ, եթե պետք է արագ ինչ-որ բան գնել և ուղարկել, ինչ-որ մեկն էլ ուղղակի նյութապես է օգնում, եթե ինչ-որ նյութեր կամ տեխնիկա շտապ գնելու կարիք կա։

Այլ կերպ ասած՝ տարերայնորեն, առանց կազմակերպման և վերևից եկած հրահանգի յուրատեսակ կոմունիզմ է ձևավորվել մեկ ընդհանուր նպատակի համար։

«Այս ամենի շնորհիվ մենք նոր, կարևոր տեխնոլոգիա ենք կազմել։ Սովորական պայմաներում մեզնից կես տարի կպահանջվեր, հիմա գլուխ հանեցինք մեկ շաբաթից էլ պակաս ժամանակում։ Տղաները մի քանի օր չեն քնել, աշխատել են երեք հերթափոխով, բայց ամեն ինչ արել են․․․ մի խոսքով, լավ ենք աշխատում»,-ավելացրեց Խաչատրյանը։

Այս և այլ տեխնոլոգիաները փորձարկվում և կատարելագործվում են պատերազմական պայմաններում։

ՊԲ–ն ԱԹՍ է ոչնչացրել Ստեփանակերտի երկնքում

161
թեգերը:
ինժեներ, Հայաստան
Ըստ թեմայի
Ինչպես ունենալ ԱԹՍ-ների մեր բանակը. Կարեն Վարդանյանի ընտանիքի առաջարկն ու առաջին ներդրումը
Կորուստներ են պատճառել թշնամուն ու հետ շպրտել․ նոր հերոսներ ունենք
Հայկ Պետրոսյանը նույնպես կմեկնի Արցախ. ճակատագիրը չի ների, եթե արժանի չլինենք մեր տղաներին