ՀՀ ՊՆ–ն ցուցադրել է Ադրբեջանի ԶՈՒ–ի խոցված և առգրավված անօդաչուները

Երևանում ցուցադրում են Ադրբեջանի ԶՈՒ–ի խոցված և առգրավված անօդաչուները. լուսանկարներ

877
(Թարմացված է 15:16 21.07.2020)
Հայ զինվորականները կարծում են, որ Տավուշում վերջերս տեղի ունեցած մարտերը փաստացի փլուզեցին իսրայելական դրոնների անհաղթելիության մասին լեգենդը։

ԵՐԵՎԱՆ, 21 հուլիսի – Sputnik. Երևանի մարշալ Խանփերյանցի անվան ռազմաօդային ինստիտուտում կազմակերպվել է ադրբեջանական անօդաչու թռչող սարքերի ցուցահանդես, որոնք խոցվել կամ գրավվել են հայ-ադրբեջանական սահմանին վերջերս տեղի ունեցած մարտական գործողությունների ընթացքում, ինչպես նաև շատ ավելի վաղ:

Минобороны показало обломки и захваченные азербайджанские беспилотники (21 июля 2020). Еревaн
© Sputnik / Aram Nersesyan
ՀՀ ՊՆ–ն ցուցադրել է Ադրբեջանի ԶՈՒ–ի խոցված և առգրավված անօդաչուները

Ցուցադրվածների թվում են եղել ինչպես ամբողջական, անվնաս դրոններ, որոնք հաջողվել է որսալ ռադիոէլեկտրոնային պայքարի համակարգի օգնությամբ, այնպես էլ ոչնչացված հետախուզական և հարվածային ԱԹՍ-ների բեկորներ: Մասնավորապես, վերջին ռազմական գործողությունների ընթացքում Տավուշում խոցվել կամ գրավվել են իսրայելական արտադրության Orbiter 3, Orbiter 2, SkyStriker, Harop դրոններ։

Минобороны показало обломки и захваченные азербайджанские беспилотники (21 июля 2020). Еревaн
© Sputnik / Aram Nersesyan
ՀՀ ՊՆ–ն ցուցադրել է Ադրբեջանի ԶՈՒ–ի խոցված և առգրավված անօդաչուները

Չորս օրվա ընթացքում Տավուշում ընդհանուր առմամբ չեզոքացվել Է 13 դրոն, ևս մեկն այդ օրերին ոչնչացվել է Արցախում։

Минобороны показало обломки и захваченные азербайджанские беспилотники (21 июля 2020). Еревaн
© Sputnik / Aram Nersesyan
ՀՀ ՊՆ–ն ցուցադրել է Ադրբեջանի ԶՈՒ–ի խոցված և առգրավված անօդաչուները

Եվս մեկական Hermes 180 և Orbiter 3 գրավվել են համապատասխանաբար 2012 և 2017 թվականներին։ Սակայն ցուցահանդեսին չկային հուլիսի 14-ին հայկական ուժերի կողմից մարտերի ընթացքում խոցված Hermes 900 ռազմավարական հետախուզական դրոնի բեկորները։

Минобороны показало обломки и захваченные азербайджанские беспилотники (21 июля 2020). Еревaн
© Sputnik / Aram Nersesyan
ՀՀ ՊՆ–ն ցուցադրել է Ադրբեջանի ԶՈՒ–ի խոցված և առգրավված անօդաչուները

Ինչպես պարզաբանեց ինստիտուտի ղեկավար, գեներալ-մայոր Դանիել Բալայանը՝ այդ ԱԹՍ-ին հարվածել են մեծ բարձրության վրա, դրա բեկորները գտնելն ու հավաքելը շատ ավելի բարդ է, քան ցուցադրված մյուս նմուշներինը:

Разведывательный беспилотник Orbiter 3 во время показа, организованного министерством обороны Армении (21 июля 2020). Еревaн
© Sputnik / Aram Nersesyan
ՀՀ ՊՆ–ն ցուցադրել է Ադրբեջանի ԶՈՒ–ի խոցված և առգրավված անօդաչուները

Եվս մեկ հարվածային SkyStriker «գերեվարվել է» ռադիոէլեկտրոնային պայքարի համակարգերի միջոցով, բայց քանի որ դրա լիցքը չի պայթել, և այն դեռ պետք է վնասազերծվի, ուստի այդ նմուշը նույնպես ցուցադրության չի դրվել:

Минобороны показало обломки и захваченные азербайджанские беспилотники (21 июля 2020). Еревaн
© Sputnik / Aram Nersesyan
ՀՀ ՊՆ–ն ցուցադրել է Ադրբեջանի ԶՈՒ–ի խոցված և առգրավված անօդաչուները

Բալայանի խոսքով ՝ վերջին իրադարձությունները ցույց տվեցին, որ աշխարհում լավագույններից մեկը համարվող իսրայելական դրոնները գրեթե անզոր են հայկական ԶՈՒ հակաօդային պաշտպանության հմուտ և գրագետ հաշվարկների առաջ:

Минобороны показало обломки и захваченные азербайджанские беспилотники (21 июля 2020). Еревaн
© Sputnik / Aram Nersesyan
ՀՀ ՊՆ–ն ցուցադրել է Ադրբեջանի ԶՈՒ–ի խոցված և առգրավված անօդաչուները

Բալայանը նշեց, որ առանձին քննարկման են արժանի հայկական արտադրության անօդաչու սարքերը, որոնք ապացուցեցին, որ ոչնչով պակաս չեն իրենց իսրայելական մրցակիցներից: Այդ է վկայում վերջին մարտերի ընթացքում ադրբեջանական բանակին հասցրած վնասների մասշտաբը։

Разведывательный беспилотник Hermes 180 во время показа, организованного министерством обороны Армении (21 июля 2020). Еревaн
© Sputnik / Aram Nersesyan
ՀՀ ՊՆ–ն ցուցադրել է Ադրբեջանի ԶՈՒ–ի խոցված և առգրավված անօդաչուները

Իր հերթին ՀՀ ԶՈՒ ՀՕՊ զորքերի շտաբի պետ, գնդապետ Գարիկ Մովսիսյանը նշում է, որ 2016 թ․-ի ապրիլյան պատերազմից հետո հայկական զինված ուժերն անհրաժեշտ հետևություններ են արել և համակարգված աշխատանք են կատարել հակառակորդի ԱԹՍ-ների չեզոքացման համար ՀՕՊ հատուկ հաշվարկների նախապատրաստման ուղղությամբ:

Հիշեցնենք, որ հուլիսի 12–ից իրավիճակը սրվել է հայ–ադրբեջանական սահմանի Տավուշի հատվածում։ Հուլիսի 12–ին` ժամը 12:30-ի սահմաններում, Ադրբեջանի զինված ուժերի զինծառայողները ՈւԱԶ մակնիշի ավտոմեքենայով Տավուշի ուղղությամբ ՀՀ պետական սահմանը խախտելու փորձեր են արել: Հայկական կողմի նախազգուշացումից հետո Ադրբեջանի զինծառայողները, թողնելով ավտոմեքենան, վերադարձել են իրենց դիրքեր:

Դրանից հետո հակառակորդը պարբերաբար վերսկսում է գնդակոծությունն ինչպես հայ դիրքապահների, այնպես էլ բնակավայրերի ուղղությամբ։

Հուլիսի 21-ի պաշտոնական տվյալներով՝ Ադրբեջանն ունի 13 զոհ, վիրավորների մասին որևէ բան չի հաղորդվում, իսկ հայկական կողմը 4 զոհ ունի, 36 վիրավոր (ևս մեկը խաղաղ բնակչությունից)։

Եթե Hermes 900–ն իրենցը չէ, հետաքրքիր է` ո՞ր երկիրն է խախտել մեր օդային սահմանը. ՊՆ խոսնակ

877
թեգերը:
Արցախի պաշտպանության բանակ (ՊԲ), ՀՀ Պաշտպանության նախարարություն (ՊՆ), Սահման, անօդաչու թռչող սարք, անօդաչու, հայ-ադրբեջանական, ադրբեջանցի, Ադրբեջան, Հայաստան
թեմա:
Հայ–ադրբեջանական սահմանին տիրող իրավիճակը (209)
Ըստ թեմայի
Մեծ գլխացավանք հանդիսացող ԱԹՍ–ներից հայկական ԶՈՒ–ն շատ լավ է գլուխ հանում. Հովհաննիսյան
«Սիրուն է, չէ՞». Արծրուն Հովհաննիսյանը հրապարակել է խոցված ԱԹՍ–ի լուսանկարները
Հրապարակվել է ՀՀ ԶՈւ-երի կողմից խոցված ադրբեջանական ԱԹՍ-ի լուսանկարը
Ինչ կլինի այն երկրների հետ, որոնք կուշանան ԱԹՍ-ների մրցավազքից. Վրթանեսյանի տեսակետը
ԱԱԾ-ի շենքը

ԱԱԾ–ն պետական դավաճանություն կատարելու դեպք է բացահայտել

192
(Թարմացված է 11:39 01.10.2020)
Պետական դավաճանության մեջ մեղադրվողը բարձրաստիճան զինվորական ծառայություն իրականացնող անձ է։

ԵՐԵՎԱՆ, 1 հոկտեմբերի - Sputnik. Հայաստանի Հանրապետության ազգային անվտանգության ծառայությունը բացահայտել է նախկինում բարձրաստիճան զինվորական ծառայություն իրականացրած անձի կողմից պետական դավաճանության դեպք:

«Մասնավորապես, ՀՀ քաղաքացին, պաշտպանության նախարարի համապատասխան հրամանով ծառայության անցնելով ՀՀ զինված ուժերում և զբաղեցնելով պատասխանատու պաշտոններ, օտարերկրյա կազմակերպության ներկայացուցիչներին հանձնել կամ հանձնելու նպատակով հավաքել է պետական գաղտնիք պարունակող տեղեկատվություններ»,–նշված է հաղորդագրության մեջ։

Բացի այդ, վերահիշյալ անձը թշնամական գործունեություն իրականացնելու համար ցուցաբերել է այլ օգնություն՝ ի վնաս ՀՀ տարածքային անձեռնմխելիության և արտաքին անվտանգության:

Քրգործով որպես մեղադրյալ նեգրավված անձը գտնվել է Վրաստանում և այնտեղ ադրբեջանական հետախուզական ծառայությունների աշխատակիցների կողմից ստացել է կոնկրետ առաջադրանքներ` Արցախի և Հայաստանի արտաքին անվտանգության, զինված ուժերի, սպառազինությունների մասին տեղեկություններ ձեռք բերելու կամ ծառայության բերումով արդեն իսկ իրեն հասանելի դարձած տեղեկատվությունը փոխանցելու վերաբերյալ։ Այդ թվում` նա բանակի անձնակազմի, զենքի, զինամթերքի, զինտեխնիկայի քանակի և տեսակի, զորամասերի և դրանց հրամանատարական կազմի, ինժեներական կառույցների և սարքավորումների և այլնի վերաբերյալ՝ ի վնաս ՀՀ արտաքին անվտանգության առնչությամբ կատարել է լրտեսություն:

Առաջադրանք ստանալուց հետո վերահիշյալ անձը սկսել է տեղեկություններ հավաքել։
Նա տեղեկություն է հավաքել մարտական տեխնիկայի, սպառազինության, այդ թվում՝ տանկերի, մարտկոցների, ուժեղացման միջոցների, առաջնահերթ խոցվող օբյեկտների, ՀՀ զինված ուժերում ծառայող, պահեստազորում հաշվառված անձանց և այլնի վերաբերյալ։
Նա Հայաստանում պարբերաբար հանդիպումներ է ունեցել ՀՀ–ի և Արցախի սպայական կազմի ներկայացուցիչների հետ, իրականացվող կոնկրետ գործողությունների և այլնի վերաբերյալ լուրեր հավաքել, հետո մեկնել է Վրաստան ու դրանք փոխանցել ադրբեջանական հետախուզական ծառայությունների աշխատակիցներին։

Հիշյալ անձին ՀՀ քրեական օրենսգրքի 299-րդ հոդվածի 1-ին մասով (պետական դավաճանությունը) մեղադրանք է առաջադրվել և նրա նկատմամբ որպես խափանման միջոց է ընտրվել կալանավորումը:

Ի՞նչ է կատարվում Արցախում. ՊՆ–ն հաղորդագրություն է տարածել

Քրգործի շրջանակներում շուրջ մեկ տասնյակից ավելի խուզարկությունների արդյունքում մեղադրյալի բնակարանում կամ օժանդակ շինություններում հայտնաբերվել և առգրավվել են մեծ քանակի ռազմամթերք՝ նռնակներ, պայթուցիչներ, փամփուշտներ։ Բացի այդ, հայտնաբերվել են նաև զինտեխնիկայի վերաբերյալ ծառայողական և պետական գաղտնիք պարունակող փաստաթղթեր, որոնց մի մասը՝ եզակի բնօրինակներով:

Հայտնաբերվել են նաև ռադիոհաղորդիչ սարքավորումներ, կապի միջոցներ, ադրբեջանական հատուկ ծառայությունների հետ կապ հաստատելու համար նախատեսված հեռախոսահամարների վերաբերյալ գրառումներով նոթատետրեր:

192
թեգերը:
հայ-ադրբեջանական, դավաճանություն, ՀՀ ազգային անվտանգության ծառայություն. ԱԱԾ
Ըստ թեմայի
Մարտակերտը Ադրբեջանի անհաջողության վկայությունն է. Արցախի ՊՆ մամուլի խոսնակ
ԱԹՍ-ն խոցվել է Ասկերանի բնակելի թաղամասի հարևանությամբ. նոր լուսանկարներ
Հայկական կողմը Լելե–Թեփեում ադրբեջանական ուղղաթիռ է խոցել, որն ընկել է Իրանի տարածքում
Կոմպոզիտոր Տիգրան Մանսուրյան

Մեր կռիվը մեր տուն-տեղ, հող-այգի, ավանդույթ, սրբություն պահելու համար է. Մանսուրյան

18
(Թարմացված է 11:21 01.10.2020)
Կոմպոզիտոր Տիգրան Մանսուրյանը ՀՀ ՊՆ «Զինուժ» հաղորդաշարին տված հարցազրույցում ներկայացրել է Արցախում սանձազերծված պատերազմի երկու՝ հայկական ու ադրբեջանական կողմերի շարժառիթները

ԵՐԵՎԱՆ, 1 հոկտեմբերի - Sputnik. Մեր ամբողջ կռիվը մեր տուն-տեղ, հող, այգի, ավանդույթ, սրբություն պահելու համար է: ՀՀ ՊՆ «Զինուժ» հաղորդաշարին տված հարցազրույցում Արցախի գոյապայքարն այս կերպ է մեկնաբանում կոմպոզիտոր Տիգրան Մանսուրյանը:

Սիրված արվեստագետը նաև իր հիացմունքն ու հուզմունքն է արտահայտում հայրենիքի համար պայքարում միաբանված հայության նկատմամբ:

«Մի քանի օրում, թշնամական մի քանի համազարկերի արդյունքում, երևան եկավ այս հրաշալի բռունցքվելը»,- ասում է կոմպոզիտորը:

Ինչ վերաբերում է հակառակորդին, ապա Ադրբեջանի իշխանությունների տարածած հակահայկական, հակամարդկային քարոզչությունը, ըստ Մանսուրյանի, ուղղակի նողկալի է:

«Երբ մեկը կարող է քնած մարդուն կացնահարել, և նրան իշխանությունը հերոս համարի, սա մարդկության պատմության մեջ եզակի ստորության արտահայտություն կարող է լինել ու նողկանք առաջացնել: Այս բաները խորթ են սովորական մարդուն, էլ չեմ ասում՝ հային, որն ընդամենը իր տունը, իր հողը պահելու խնդիր ունի»,- ասում է Մանսուրյանը:

Կոմպոզիտորը գոյության պայքար մղող զինվորին բարի վերադարձ է մաղթում ու շուտափույթ խաղաղության հույս հայտնում՝ նշելով, որ պատերազմի ավարտից հետո ոչ միայն շարունակվելու է առօրյա կյանքը, այլև մեկնարկելու է նոր փուլ՝ ավերված բնակավայրերի վերականգնման ու շենացման փուլը:

«Ես հավատում եմ այդ ամենին»,- եզրափակում է Տիգրան Մանսուրյանը:

18
թեգերը:
Պատերազմ, Հայաստան, Արցախ, Տիգրան Մանսուրյան
Ըստ թեմայի
Կարևոր է մեր թիկունքը ամուր պահելու համար. ՀՀ առողջապահության նախարարության հորդորը
Արցախ են մեկնել նաև «Կարմիր բերետներ-5165» կամավորական ջոկատի տղաները. տեսանյութ
Արցախում մարտերը շարունակվում են. տեսանյութ առաջնագծից