Տավուշի մարզպետ

Կվերանորոգվեն անգամ 90-ականների կրակոցների հետևանքներով վնասված տները. Տավուշի մարզպետ

59
(Թարմացված է 21:26 18.07.2020)
Տավուշի մարզպետը տեղեկացրեց, որ փոխհատուցում կտրվի նաև կրակոցների հետևանքով վնասված ավտոմեքենա կամ վիրավոր անասուններ ունեցողներին։

ԵՐԵՎԱՆ, 18 հուլիսի– Sputnik. Տավուշի մարզում արդեն իսկ հակառակորդի կողմից գնդակոծված 12 տուն է առանձնացվել, որոնք շատ շուտով կվերանորոգվեն։ Իջևանում կայացած ասուլիսի ժամանակ տեղեկությունը հայտնեց Տավուշի մարզպետ Հայկ Չոբանյանը։

«12 տուն ենք առանձնացրել` 6–ն Այգեպարում և 6–ը Ներքին Կարմիրաղբյուրում։ Եկող շաբաթվա վերջին կունենանք առաջին վերականգնված տները։ Ավելին, մենք հայտնաբերեցինք մի շարք ավերված տներ, որոնք 90-ական թվականներին են դեռ վնասվել, և դրանք նույնպես գույքագրել ենք»,–ասաց մարզպետը։

Նրա խոսքով` աշխատանքներն իրականացնում են տեղի շինարարական կազմակերպությունները, դրանց մասնակցում են կորոնավիրուսի հետևանքով արտագնա աշխատանքի մեկնելու հնարավորություն չունեցողները։

Չոբանյանը հայտնեց` փոխհատուցում կտրվի նաև կրակոցների հետևանքով վնասված ավտոմեքենա կամ էլ վիրավոր անասուններ ունեցողներին։

Ավելին` ապաստարաններում, պատսպարաններում են զննումներ իրականացվել, ամբուլատորիաներին լրացուցիչ բժշկական սարքավորումներ են տրամադրվել, ինչպես նաև նոր շտապօգնության մեքենաներ։

Նա նշեց նաև, որ կրակոցների հետևանքով կան նաև վերանորոգման ոչ ենթակա շինություններ։ Այսօրվա դրությամբ դրանց քանակը երկուսն է։

Ինչ վերաբերում է այսօր սահմանին տիրող իրավիճակին, ապա Տավուշի մարզպետը հայտնեց` ողջ օրվա ընթացքում գնդակոծություն չի եղել, ինչը հնարավորություն է տվել վերականգնման աշխատանքներ իրականցնել։

Ադրբեջանական կողմը մարտերից հետո տեղափոխում է իր խոցված զրահատեխնիկան. լուսանկարներ

Նա, ի դեպ, հորդորեց Բերդ գնալու ցանկություն ունեցողներին օգտվել Իջևան–Գանձաքար–Բերդ ճանապարհից, քանի որ դա ամենաանվտանգ երթուղին է։

Հիշեցնենք, որ հուլիսի 12–ից իրավիճակը սրվել է հայ–ադրբեջանական սահմանի Տավուշի հատվածում։ Հուլիսի 12–ին` ժամը 12:30-ի սահմաններում, Ադրբեջանի զինված ուժերի զինծառայողները ՈւԱԶ մակնիշի ավտոմեքենայով Տավուշի ուղղությամբ ՀՀ պետական սահմանը խախտելու փորձեր են արել: Հայկական կողմի նախազգուշացումից հետո Ադրբեջանի զինծառայողները, թողնելով ավտոմեքենան, վերադարձել են իրենց դիրքեր:

Դրանից հետո հակառակորդը պարբերաբար վերսկսում է գնդակոծությունն ինչպես հայ դիրքապահների, այնպես էլ բնակավայրերի ուղղությամբ։

Հուլիսի 18-ի պաշտոնական տվյալներով՝ Ադրբեջանն ունի 13 զոհ, վիրավորների մասին որևէ բան չի հաղորդվում, իսկ հայկական կողմը 4 զոհ ունի, 36 վիրավոր (ևս մեկը խաղաղ բնակչությունից)։

59
թեգերը:
հայ-ադրբեջանական, ադրբեջանցի, Ադրբեջան, Հայաստան, Ներքին Կարմիրաղբյուր, Այգեպար, Չինարի, Հայկ Չոբանյան, Մարզպետ, Տավուշ
թեմա:
Հայ–ադրբեջանական սահմանին տիրող իրավիճակը (209)
Ըստ թեմայի
Տավուշում ոչ մի երեխա ապաստանի կամ սննդի խնդիր չունի. մարզպետ
Բնակիչներն այսօր վերադարձել են բնականոն կյանքին. Տավուշի մարզպետ
Ինչու Ադրբեջանը որոշեց հարվածել հենց Տավուշի ուղղությամբ. Փաշինյանն ունի պատասխանը
Նիկոլ Փաշինյանն ու Գարեգին Բ–ն

Գարեգին Բ–ն ու Փաշինյանը զրուցել են հեռախոսով

1
Կաթողիկոսի և վարչապետի հեռախոսազրույցի ընթացքում ընդգծվել է միասնական ջանքերի ու համախմբվածության կարևորությունը։

ԵՐԵՎԱՆ, 27 սեպտեմբերի – Sputnik. Ամենայն հայոց կաթողիկոս Գարեգին Բ–ն քիչ առաջ հեռախոսազրույց է ունեցել Հայաստանի Հանրապետության վարչապետ Նիկոլ Փաշինյանի հետ։

«Քննարկեցինք Ադրբեջանի կողմից սանձազերծված ագրեսիայով պայմանավորված իրավիճակը։ Զրույցի ընթացքում շեշտեցինք աշխարհասփյուռ հայության ներուժի համախմբման կարևորությունը»,– գրել է նա Facebook–ի իր էջում։

Եկեղեցին զորակցություն է հայտնել ՀՀ իշխանություններին՝ ընդգծելով միասնական ջանք

երի և համախմբվածության կարևորությունը հայրենի Արցախի պաշտպանության և սահմանների անառիկության պահպանման սրբազան գործում։

1
ԵԱՀԿ–ի դրոշը

Ցավում ենք մարդկային կյանքերի կորստի համար. ԵԱՀԿ ՄԽ համանախագահների հայտարարությունը

30
(Թարմացված է 14:38 27.09.2020)
Համանախագահները կողմերին կոչ են անում անհապաղ դադարեցնել ռազմական գործողությունները և վերսկսել բանակցությունները հակամարտության խաղաղ լուծման համար։

ԵՐԵՎԱՆ, 27 սեպտեմբերի– Sputnik. ԵԱՀԿ Մինսկի խմբի համանախագահները ղարաբաղադրբեջանական սահմանին իրավիճակի սրման վերաբերյալ հայտարարությամբ են հանդես եկել։ Հայտարարության մեջ մասնավորապես նշված է, որ համանախագահները մտահոգված են Լեռնային Ղարաբաղի հակամարտության գոտում շփման գծի երկայնքով լայնամասշտաբ ռազմական գործողությունների մասին հաղորդագրություններով:

«Մենք խստորեն դատապարտում ենք ուժի գործադրումը և ցավում ենք մարդկային կյանքերի անիմաստ կորուստների համար, այդ թվում ՝ խաղաղ բնակչության շրջանում»,– նշված է հայտարարության մեջ։

Համանախագահները կողմերին կոչ են անում անհապաղ դադարեցնել ռազմական գործողությունները և վերսկսել բանակցությունները հակամարտության խաղաղ լուծման համար։

Հազարավոր կյանքերի գնով վաստակած մեր անկախությունը նորից վտանգված է. Օնիկ Գասպարյան

Հիշեցնենք, որ այսօր վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով:

Արցախի պաշտպանության նախարարությունը տեղեկացրել էր, որ ճշտված տեղեկություններով` ադրբեջանական զինուժը կորցրել է 2 ուղղաթիռ, 14 անօդաչու թռչող սարք, ինչպես նաև ունի զրահատեխնիկայի կորուստներ:

Հակառակորդի կրակոցների հետևանքով Մարտունիում մեկ կին և մեկ երեխա են մահացել։ Կան նաև վիրավորներ։ 

Ինչպես է այրվում ադրբեջանական զրահատեխնիկան. նոր տեսանյութ

30
թեգերը:
Ադրբեջան, Արցախ, Հայաստան, ԵԱՀԿ Մինսկի Խումբ
թեմա:
Ադրբեջանական ագրեսիա Արցախում. 2020
Ըստ թեմայի
Արցախում ռազմական դրություն և համատարած զորահավաք է հայտարարվել
Բոլոր փաստերը կհավաքենք ու կներկայացնենք. ինչպես է իրականում Ադրբեջանը հարձակումը սկսել
«Գնալու ենք այդ հարցը վերջնական լուծելու». ՀՅԴ–ականները կազմ–պատրաստ սպասում են հրամանի