Վաղարշակ Հարությունյան

Ինչ խնդիր է դրել Ադրբեջանը. պաշտպանության նախկին նախարարը մեկնաբանում է իրավիճակը

194
(Թարմացված է 11:59 16.07.2020)
Պաշտպանության նախկին նախարարը վստահ է` հայկական բանակն իր գլխավոր շտաբով գործել է գրագետ` հակառակորդին պարտադրելով լռել։

ԵՐԵՎԱՆ, 16 հուլիսի — Sputnik. Ադրբեջանը սխալ հաշվարկ է արել, իսկ հայկական բանակն ու դրա ստորաբաժանումները գործում են գրագետ։ Այսօր հրավիրված մամուլի ասուլիսի ժամանակ նման կարծիք հայտնեց ՀՀ պաշտպանության նախկին նախարար Վաղարշակ Հարությունյանը` անդրադառնալով վերջին օրերին Տավուշի ուղղությամբ ընթացող մարտական գործողություններին։ 

«Ռազմական տեսանկյունից` Ադրբեջանը խնդիր է դրել փոքր քայլերով փոփոխել շփման գիծը, այնպիսի դիրքեր ընդունել, որն իրենց առավելություն կտա։ Սա Ադրբեջանի ռազմավարությունն է` խուսափել բանակցային գործընթացից և հարցը լուծել ուժային տարբերակով։ Սակայն նրանք սխալ հաշվարկ են արել»,–ասաց Հարությունյանը։

Նրա խոսքով` Ադրբեջանն իր ուժերը սխալ է գնահատում, քանի որ կարծում է` եթե տարածքն ավելի մեծ է, բնակչության քանակը` շատ, կարող են հաջողության հասնել։ Հարությունյանը նշեց, որ հայկական բանակն իր գլխավոր շտաբով գործել է շատ հստակ ու գրագետ` հակառակորդին պարտադրելով լռել։ 

Ադրբեջանական կողմը, ըստ նրա, հիմա խնդիր ունի դիրքերը բարելավելու, և երբ համապատասխան պայմաններ կլինեն, լայնածավալ պատերազմ է ուզում սկսել։

Սակայն Հայաստանն ունի այնպիսի միջոցներ, որոնք ի վիճակի են ոչնչացնել ադրբեջանական ողջ ներուժը։ Պաշտպանության նախկին նախարարը չի էլ կասկածում, որ եթե պատերազմ սկսվի, Ադրբեջանը պարտվելու է, ինչը պատկերացնում է հենց Ադրբեջանը։ 

Հարությունյանը կարծում է` այսօր տարածաշրջանում ռազմաքաղաքական բալանսն ի օգուտ Ադրբեջանի չէ։

«Ճիշտ է, միջազգային կառույցները Հայաստանին և Ադրբեջանին խաղաղության կոչեր են անում, սակայն, պարզ է, որ կոնտեքստում հենց Ադրբեջանին նկատի ունեն։ Բոլորը գիտակցում են, որ մեզ պետք չէ պատերազմ, քանի որ տեսնում են` ուզում ենք բանակցային ճանապարհով լուծել հարցը։ Ադրբեջանը պարտություն կրեց նաև միջազգային ասպարեզում»,–ասաց Հարությունյանը։  

Կրակոցներից տուժած Այգեպարն ու Ներքին Կարմրաղբյուրը լուսանկարներով

ՀՀ ՊՆ մամուլի խոսնակ Շուշան Ստեփանյանը հայտնել էր, որ այսօր գիշերը ժամը 03:40-ի սահմաններում ՀՀ ԶՈւ դիրքապահները նկատել են հակառակորդի շարժ։ Անցնելով շրջանաձև պաշտպանության՝ հայկական ստորաբաժանումները կանխել են հակառակորդի դիվերսիոն ներթափանցման փորձը։ Թեժ մարտից հետո հակառակորդը, կորուստներ կրելով, հետ է շպրտվել։

Այնուհետև ադրբեջանական ստորաբաժանումները ժամը 05:20-ին սկսել են հրետակոծել Այգեպար և Մովսես գյուղերը։

Հիշեցնենք, որ հուլիսի 12–ից սկսած իրավիճակը սրվել է հայ–ադրբեջանական սահմանի Տավուշի հատվածում։ Հուլիսի 12–ին` ժամը 12:30-ի սահմաններում, Ադրբեջանի զինված ուժերի զինծառայողները ՈւԱԶ մակնիշի ավտոմեքենայով Տավուշի ուղղությամբ ՀՀ պետական սահմանը խախտելու փորձեր են կատարել: Հայկական կողմի նախազգուշացումից հետո Ադրբեջանի զինծառայողները, թողնելով ավտոմեքենան, վերադարձել են իրենց դիրքեր:

Դրանից հետո հակառակորդը պարբերաբար վերսկսում է գնդակոծությունն ինչպես հայ դիրքապահների, այնպես էլ բնակավայրերի ուղղությամբ։

Հայկական ստորաբաժանումները հակառակորդի տանկ են խոցել. տեսանյութ

Հուլիսի 15-ի պաշտոնական տվյալներով՝ Ադրբեջանն ունի 11 զոհ, իսկ հայկական կողմը` 4 զոհ, 10 վիրավոր։

194
թեգերը:
Չինարի, Այգեպար, Տավուշ, Վաղարշակ Հարությունյան, հայ-ադրբեջանական, ադրբեջանցի, Ադրբեջան, Սահման, Հայաստան
թեմա:
Հայ–ադրբեջանական սահմանին տիրող իրավիճակը (209)
Ըստ թեմայի
Կանխվել է հակառակորդի դիվերսիոն ներթափանցման փորձը․ հրետակոծվում են Այգեպարը և Մովսեսը
Դավիթ Տոնոյանը խոսել է ԵԱՀԿ գործող նախագահի անձնական ներկայացուցչի հետ
Ինչ է կատարվում Տավուշում. ՊՆ-ն Այգեպարին հարվածելու տեսանյութ է հրապարակել
Պատսպարվել թաքստոցներում և ապաստարաններում. Տավուշի մարզպետը դիմել է բնակիչներին
Արյուն

Անհրաժեշտ է լրացնել արյան պահուստային քանակը. ԱՆ–ն դոնորության կոչ է անում

41
(Թարմացված է 15:01 27.09.2020)
Նախարարությունը կոչ է անում արյուն հանձնելու համար դիմել միայն Պրոֆ. Ռ. Յոլյանի անվան արյունաբանական կենտրոն կամ արյան բանկի մարզային կառույցներ:

ԵՐԵՎԱՆ, 27 սեպտեմբերի– Sputnik. Արյան պահուստային քանակը լրացնելու համար առողջապահության նախարարությունը կամավոր դոնորության կոչ է անում։ Տեղեկությունը հրապարակվել է նախարարության Facebook-ի էջում:

«Արյուն ունենալու համար անհրաժեշտ է, որ բոլորս գիտակցենք` միայն մեր հանձնած արյան շնորհիվ հնարավոր կլինի փրկել մարդկանց կյանքեր»,– նշված է ԱՆ մամուլի ծառայության տարածած հաղորդագրության մեջ։

Նշվում է, որ Արցախում տեղի ունեցող իրադարձություններին հետևելով շատերն են շ մոտենում տարբեր բուժհաստատություններ արյունատվության համար: Սակայն նախարարությունը կոչ է անում արյուն հանձնելու համար դիմել միայն Պրոֆ. Ռ. Յոլյանի անվան արյունաբանական կենտրոն կամ արյան բանկի մարզային կառույցներ:

Ի դեպ, արյան խումբն ու ռեզուս պատկանելությունը նշանակություն չունեն:

Արյունաբանական կենտրոնն էլ տեղեկացնում է, որ ելնելով ստեղծված իրավիճակից՝ Արյան բանկն աշխատում է նաև այսօր: Կենտրոնից հորդորում են արյունատվության համար մոտենալ անձնագրով:

Հիշեցնենք, որ այսօր վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով:

Արցախի պաշտպանության նախարարությունը տեղեկացրել էր, որ ճշտված տեղեկություններով` ադրբեջանական զինուժը կորցրել է 2 ուղղաթիռ, 14 անօդաչու թռչող սարք, ինչպես նաև ունի զրահատեխնիկայի կորուստներ:

Հայտնի է, որ հակառակորդի կրակոցների հետևանքով Մարտունիում մեկ կին և մեկ երեխա են մահացել։ 

Արցախում և Հայաստանում ռազմական դրություն և համատարած զորահավաք է հայտարարվել։

 

41
թեգերը:
արյուն, Յոլյանի անվան արյունաբանական կենտրոն, Արցախ, Հայաստան
թեմա:
Ադրբեջանական ագրեսիա Արցախում. 2020
Ըստ թեմայի
4 ուղղաթիռ, 15 ԱԹՍ, 10 տանկ. ադրբեջանական ԶՈւ–ն մեծ կորուստներ ունի
«6 գյուղ, չէ մի` 10 քաղաք». Հովհաննիսյանը` Ադրբեջանի կողմից գյուղեր «գրավելու» մասին
Օրվա կադր. հոգևոր առաջնորդը խաչին զուգահեռ զենք է վերցրել ձեռքը
Լավրովը Ղարաբաղում տիրող իրավիճակի շուրջ ինտենսիվ շփումներ է վարում. Զախարովա
Նիկոլ Փաշինյանն ու Գարեգին Բ–ն

Գարեգին Բ–ն ու Փաշինյանը զրուցել են հեռախոսով

37
(Թարմացված է 14:42 27.09.2020)
Կաթողիկոսի և վարչապետի հեռախոսազրույցի ընթացքում ընդգծվել է միասնական ջանքերի ու համախմբվածության կարևորությունը։

ԵՐԵՎԱՆ, 27 սեպտեմբերի – Sputnik. Ամենայն Հայոց կաթողիկոս Գարեգին Բ–ն քիչ առաջ հեռախոսազրույց է ունեցել Հայաստանի Հանրապետության վարչապետ Նիկոլ Փաշինյանի հետ։

«Քննարկեցինք Ադրբեջանի կողմից սանձազերծված ագրեսիայով պայմանավորված իրավիճակը։ Զրույցի ընթացքում շեշտեցինք աշխարհասփյուռ հայության ներուժի համախմբման կարևորությունը»,– գրել է նա Facebook–ի իր էջում։

Եկեղեցին զորակցություն է հայտնել ՀՀ իշխանություններին՝ ընդգծելով միասնական ջանքերի և համախմբվածության կարևորությունը հայրենի Արցախի պաշտպանության և սահմանների անառիկության պահպանման սրբազան գործում։

Հիշեցնենք, որ այսօր վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով:

Խստագույնս դատապարտում ենք ադրբեջանական ագրեսիան. ԱԳՆ

Արցախի պաշտպանության նախարարությունը տեղեկացրել էր, որ ճշտված տեղեկություններով` ադրբեջանական զինուժը կորցրել է 2 ուղղաթիռ, 14 անօդաչու թռչող սարք, ինչպես նաև ունի զրահատեխնիկայի կորուստներ:

Հայտնի է, որ հակառակորդի կրակոցների հետևանքով Մարտունիում մեկ կին և մեկ երեխա են մահացել։ 

Արցախում և Հայաստանում ռազմական դրություն և համատարած զորահավաք է հայտարարվել։

ԱՀ ԱԳՆ-ն ուղիղ կապի մեջ է ԵԱՀԿ գործող նախագահի անձնական ներկայացուցչի հետ

37
թեգերը:
Նիկոլ Փաշինյան, Ամենայն Հայոց կաթողիկոս Գարեգին Բ, Հայաստան
թեմա:
Ադրբեջանական ագրեսիա Արցախում. 2020
Ըստ թեմայի
Անկախ բոլոր տարաձայնություններից` Հայաստանում քաղաքական ուժերը միավորում են ջանքերը
Հակառակորդի հրետակոծությունից վնասված բնակելի տները Ստեփանակերտում. նոր տեսանյութ
Ցավում ենք մարդկային կյանքերի կորստի համար. ԵԱՀԿ ՄԽ համանախագահների հայտարարությունը
Раненное гражданское население в больницах Карабаха

Արցախի ՄԻՊ–ը հրապարակել է վիրավորների լուսանկարները

0
(Թարմացված է 15:01 27.09.2020)
Արցախի Հանրապետության մարդու իրավունքների պաշտպանի աշխատակազմը փաստահավաք առաքելություն է սկսել։

ԵՐԵՎԱՆ, 27 սեպտեմբերի– Sputnik. Արցախի մարդու իրավունքների պաշտպանի գրասենյակը վիրավորների լուսանկարներ է հրապարակել։ Լուսանկարներում մարմնական տարբեր աստիճանի վնասվածքներ ստացած խաղաղ բնակիչներ են, որոնց առաջին բուժօգնություն են ցուցաբերում հիվանդանոցներում։

«Արցախի Հանրապետության մարդու իրավունքների պաշտպանի աշխատակազմը մեկնարկել է փաստահավաք առաքելություն»,– լուսանկարներին կից հիշեցնում են ՄԻՊ գրասենյակից։

Ավելի վաղ հրապարակել էինք Արցախի ՄԻՊ–ի ունեցած տեղեկությունները, ըստ որոնց` քաղաքացիական բնակչության շրջանում կա 2 զոհ, ավելի քան 50 վիրավոր, նրանց թվում կան երեխաներ և կանայք։

Թարմացված տվյալներով՝ Ադրբեջանը հրետակոծության ու ԱԹՍ-ների հարվածի թիրախում են հայտնվել նաև Արցախի Հանրապետության մայրաքաղաք Ստեփանակերտը, Ասկերանը, Մարտակերտը, Մարտունին, Հադրութը, Շուշին:

Ի թիվս բազմաթիվ ենթակառուցվածքների, վնասվել են նաև որոշ դպրոցներ:

Հիշեցնենք, որ այսօր վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով:

Արցախի պաշտպանության նախարարությունը տեղեկացրել էր, որ ճշտված տեղեկություններով` ադրբեջանական զինուժը կորցրել է 2 ուղղաթիռ, 14 անօդաչու թռչող սարք, ինչպես նաև ունի զրահատեխնիկայի կորուստներ:

Հայտնի է, որ հակառակորդի կրակոցների հետևանքով Մարտունիում մեկ կին և մեկ երեխա են մահացել։ 

Արցախում և Հայաստանում ռազմական դրություն և համատարած զորահավաք է հայտարարվել։

«Գնալու ենք այդ հարցը վերջնական լուծելու». ՀՅԴ–ականները կազմ–պատրաստ սպասում են հրամանի

0
թեգերը:
Լուսանկար, Արտակ Բեգլարյան (Արցախի ՄԻՊ), ՀՀ ՄԻՊ, Արցախ
թեմա:
Ադրբեջանական ագրեսիա Արցախում. 2020
Ըստ թեմայի
Լավրովը Ղարաբաղում տիրող իրավիճակի շուրջ ինտենսիվ շփումներ է վարում. Զախարովա
Բանակը վերստին ապացուցում է, որ հայ ժողովրդի անվտանգության հուսալի երաշխավորն է. Սարգսյան
Ցավում ենք մարդկային կյանքերի կորստի համար. ԵԱՀԿ ՄԽ համանախագահների հայտարարությունը