ԱՄՆ Պետդեպ

ԱՄՆ–ն կօգնի Հայաստանին պայքարել կոռուպցիայի դեմ. Պետդեպը հատուկ խորհրդական կվարձի

124
(Թարմացված է 12:58 10.07.2020)
Մասնագետը Հայաստանի իշխանությանը խորհրդակցություն կտրամադրի իրավապահ ոլորտում բարեփոխումների մշակման և իրագործման հարցերի վերաբերյալ։

ԵՐԵՎԱՆ, 10 հուլիսի – Sputnik.  ԱՄՆ–ն մտադիր է Հայաստանի կառավարությանն աջակցել կոռուպցիայի դեմ պայքարում` այդ նպատակով հատուկ խորհրդական վարձելով։ Այս մասին հայտնում է RT–ն` հղում անելով ամերիկյան գերատեսչության պայմանագրին, որը հայտնվել է խմբագրության տնօրինության ձեռքում։

Փաստաթղթի համաձայն` մասնագետը սերտ համագործակցությամբ կաշխատի ՀՀ արդարադատության նախարարության  և իրավապահ այլ մարմինների հետ` շեշտը դնելով բարեփոխումների խթանման վրա։  Մասնավորապես, խորհրդականը կմասնակցի նոր հակակոռուպցիոն մարմինների ստեղծման և դրանց արդյունավետության բարձրացման (այդ թվում՝ կազմավորման գործընթացում գտնվող Հայաստանի հակակոռուպցիան կոմիտեի) աշխատանքներին։

«Այդ հաստատությունները կհետաքննեն կոռուպցիայի դեպքերն ու կոռուպցիոներներին պատասխանատվության կենթարկեն»,- նշված է փաստաթղթում։

Բացի այդ, մասնագետը խորհրդակցություն կտրամադրի իրավապահ ոլորտում բարեփոխումների մշակման և իրագործման հարցերի վերաբերյալ։

«Որտե՞ղ է գողացվածը». Հայաստանում հատուկ դատախազներ և դատավորներ կնախապատրաստեն

Այդ աշխատանքի շրջանակում խորհրդականը պետք է կազմակերպի նախապատրաստական աշխատանքները, ուսուցումը, ինչպես նաև  Արդարադատության նախարարությանը, Հայաստանի հակակոռուպցիան կոմիտեին  (երբ այն ստեղծված կլինի) և քրեական արդարադատության համապատասխան մյուս  ինստիտուտներին այլ տեխնիկական աջակցություն տրամադրի։

«Միևնույն ժամանակ հատուկ ուշադրություն կդարձվի կոռուպցիային ամենաբարձր մակարդակով»,– հայտնում են ԱՄՆ Պետդեպից։

Մասնագետը պետք է զբաղվի ուսումնական ուղևորությունների, քննիչների համար թրեյնինգների  և Վաշինգտոնի կողմից ֆինանսավորվող նախագծերի կառավարման հարցերով։

Ինչպես նշում են գերատեսչությունում, այդ պաշտոնին կարող են հավակնել միայն ԱՄՆ քաղաքացիները։

Ավելի վաղ հայտնի էր դարձել` Հայաստանում հակակոռուպցիոն քաղաքականությունն առաջ մղելու համար մինչև 10 մլն դոլար ծախսելու ԱՄՆ ծրագրերի մասին։  Նախագիծը ենթադրում է այնպիսի պայմանների ստեղծում, որոնց պարագայում կկրճատվեն կոռուպցիայի հնարավորությունները։

Ում ապօրինի գույքն է առաջինը բռնագանձվելու. Փաշինյանն ասաց` ով պիտի մտածի այդ մասին

124
թեգերը:
ՀՀ արդարադատության նախարարություն, Հակակոռուպցիոն կոմիտե, կոռուպցիա, խորհրդական, Հայաստան, ԱՄՆ
Ըստ թեմայի
Պատրաստվեք... Կոռուպցիայի կանխարգելման հանձնաժողովը նախարարի հանդեպ տույժ է կիրառել
«Կոռուպցիայի որևէ դրսևորում անարձագանք չի մնալու». ԱԱԾ պաշտոնյա է կալանավորվել. տեսանյութ
Հայաստանի կոռուպցիայի և թալանի մասին խոսում են Ալիևն ու Փաշինյանը. Սարգսյանի պատասխանը
«Եթե ես կոռուպցիայի մեջ ներգրավվեմ, կոչ եմ անում ինձ կախաղան հանել». Փաշինյան
Ռոբերտ Քոչարյանը դատարանում

Դատարանը հրաժարվեց վերացնել Քոչարյանի ու Գևորգյանի հաշիվների վրա դրված կալանքը

29
(Թարմացված է 15:12 04.08.2020)
ՀՀ երկրորդ նախագահի ու նախկին փոխվարչապետի փաստաբանները դեմ են դատարանի որոշմանը։ Նրանք կարծում են, որ այդ որոշումը հակասում է քրեական դատավարության օրենսգրքին։

ԵՐԵՎԱՆ, 4 օգոստոսի — Sputnik. ՀՀ երկրորդ նախագահ Ռոբերտ Քոչարյանի և մյուսների գործով դատական նիստում դատարանը մերժեց քննության այս փուլում հանել Քոչարյանի ունեցվածքի, ինչպես նաև նախկին փոխվարչապետ Արմեն Գևորգյանի հաշիվների վրա դրված կալանքը։ Որոշումը կայացվեց այն բանից հետո, երբ փաստաբանները մերժեցին դատավորին տրամադրել կալանքի տակ գտնվող գույքի արժեքը։

Հուլիսի 28-ին կայացած նախորդ նիստում փաստաբանները դատարանին միջնորդել էին վերացնել նրանց գույքի և դրամական միջոցների վրա դրված կալանքը։։ Երկրորդ նախագահի պաշտպանները կարծում են, որ կալանքի ոչ մի պատճառ չկա։

Ալումյանը, ներկայացնելով պաշտպանական կողմի դիրքորոշումը, նշեց, որ դեռ 2019 թվականին իրենք կալանքը չեղարկելու համար Վերաքննիչ դատարան էին դիմել, դատարանը բավարարել էր բողոքը։ Սակայն ընդհանուր իրավասության դատավոր Աննա Դանիբեկյանն անցյալ տարվա հունիսին փաստացի հրաժարվել էր կատարել վերադաս դատական ատյանի որոշումը։ Ալումյանի խոսքով` դատարանը չի ուզում վերացնել ակնհայտ ապօրինությունը, հենց այդ պատճառով էլ իրենք որոշել են մերժել դատարանի խնդրանքը։

Ալումյանի որոշմանը միացավ նաև նախկին փոխվարչապետ Արմեն Գևորգյանի փաստաբան Էրիկ Ալեքսանյանը։

Դանիբեկյանն իր հերթին հայտարարեց, որ դատարանը չի կարող կալանքը հանելու հարցը լուծել առանց ունեցվածքի չափի նախնական գնահատման։ Այդ պատճառով էլ դատարանը որոշել է հետաձգել կալանքը հանելու հարցը։ Ի պատասխան դրան պաշտպանները հայտնեցին, որ այդ որոշումը հակասում է քրեական դատավարության օրենսգրքին։

«Ես չեմ հասկանում` ինչ է նշանակում՝ Արցախը Հայաստան է, և վերջ». Ռոբերտ Քոչարյան

Հիշեցնենք, որ հունիսի 18-ին Վերաքննիչ քրեական դատարանի դատավոր Արսեն Նիկողոսյանը մասնակի բավարարեց Քոչարյանի կալանքը փոխելու միջնորդությունները մերժելու մասին դատարանի որոշման դեմ բողոքը։ Քոչարյանն ազատ արձակվեց 2 միլիարդ դրամ գրավի դիմաց։

Ռոբերտ Քոչարյանը խոսել է տավուշյան դեպքերի ու Ադրբեջանի ագրեսիայի պատճառների մասին

ՀՀ երկրորդ նախագահին մեղադրանք է առաջադրվել 2008 թ.–ի մարտի 1-ի բողոքի ակցիաները ցրելու ժամանակ սահմանադրական կարգը տապալելու համար։ Նա իրեն ուղղված մեղադրանքները քաղաքական հետապնդում է համարում։ 2018թ-ին Քոչարյանին երկու անգամ ձերբակալեցին: 2019 թվականի հունիսի վերջին նա ձերբակալվեց երրորդ անգամ: Երկրորդ նախագահին նաև կաշառք ստանալու մեղադրանք է առաջադրված։

Իշխանությունները պատրաստ չեն լսել. Ռոբերտ Քոչարյանը մտահոգություններ ունի. տեսանյութ

29
թեգերը:
Դատարան, Ռոբերտ Քոչարյան, Հայաստան
թեմա:
Ռոբերտ Քոչարյան
Սամվել Ալեքսանյան. արխիվային լուսանկար

Հանուն 1 միլիոնի. ինչու է քաղաքապետը «վատամարդ» դառնում Սամվել Ալեքսանյանի և մյուսների մոտ

43
(Թարմացված է 15:04 04.08.2020)
Երևանի քաղաքապետ Հայկ Մարությանը ասուլիսի ժամանակ հայտարարեց, որ աօպրինի կառուցապատողների դեմ պայքարում իրեն չի հետաքրքրում, թե ով է կանգնած դրանց հետևում`ՀՀԿ–ական է, ՔՊ–ական է, թե որևէ այլ քաղաքական ուժի ներկայցուցիչ։

ԵՐԵՎԱՆ, 4 օգոստոսի — Sputnik. Երևանի քաղաքապետարանը մտադիր է դիմել կառավարությանը` 2006 թվականի մայիսի 18–ին ընդունված 912-Ն որոշումը չեղարկելու պահանջով։ Այսօր լրագրողների հետ հանդիպմանը նման հայտարարություն արեց Երևանի քաղաքապետ Հայկ Մարությանը։

14 տարի առաջ ընդունված որոշումը, որով հաստատվում է ինքնակամ կառույցների օրինականացման և տնօրինման կարգը, Մարությանը «աբուրդ» է համարում։

«Ասում է` եթե դու համայնքային հողի վրա, կամ պետության հողի վրա ինչ–որ շինություն ես կառուցում, և այդ կառուցման պահին ու հաջորդ երկու ամսվա ընթացքում քեզ չեն բռնում, ապա դու կարողանում ես շատ սպիտակ դեմքով գալ, դիմել քաղաքապետարան, որպեսզի օրինականացնես այդ քո շինությունը։ Եվ քաղաքապետարանը պարտավոր է օրինականացնել այդ քո ապօրինի շինությունը, եթե չկա քաղաքաշինական նորմերի խախտում։ Ըստ իս` սա աբսուրդ է»,– ասաց Մարուքյանը։

Քաղաքապետը հայտնեց, որ այդ որոշումը չեղարկելու կամ փոխելու ուղղությամբ կառավարությունն արդեն աշխատում է։ Իսկ քանի դեռ որոշումը գործում է, Հայկ Մարությանի խոսքով` քաղաքապետարանի աշխատակիցներն ուղղակի «տառապում են» դրա պատճառով։

«Աղա ջան, բարկացա՞ծ ես». Թեհմինա Վարդանյանը դեղին քարտ ցույց տվեց Հայկ Մարությանին

Հայկ Մարությանը հիշեցրեց, որ այդ նույն կարգով ՀՀԿ–ական նախկին պատգամավոր, գործարար Սամվել Ալեքսանյանը փորձ էր արել օրինականացնել օպերայի տարածքում գտնվող իր «Ռիչ գարդեն» սրճարանը։

««Ռիչ գարդենը», որը Սամվել Ալեքսանյանինն էր, գուցե իր անունով չէր, ինչ–որ ազգականի վրա էր գրանցված, ես արդեն լավ չեմ հիշում, արդեն պետք է գրանցվեր կադաստրում, և ես հասցրել եմ «ստոպ տալ» այդ պրոցեսը և վերադարձնել համայնքին»,– ասաց Մարությանը։

Երևանի քաղաքապետը նշեց, որ այս կերպ ինքը ստիպված է լինում «վատամարդ» լինել, բայց փրկել քաղաքի սեփականություն մնացած սակավաթիվ հողատարածքները։

«Ես եմ այդ մարդկանց վերաբերյալ որոշումներ կայացնում, որ պետք է քանդվի քո կաֆեն, քո կաֆեն էլ պիտի քանդվի, քո տաղավարը պիտի այստեղից դուրս գա, դու այսուհետ այդ եկամուտը չպիտի ունենաս», –ասաց նա` վստահեցնելով, որ նման որոշումներ կայացնելով` ինքն առաջնորդվում է հանրային շահով. վատություն է անում մեկ անձի` հանուն Երևանի մնացած 1 մլն բնակիչների։

Մեկ այլ դեպքում էլ ապօրինի կառուցապատումներն արգելելու համար Երևանի քաղաքապետարանի աշխատակիցները, Մարությանի բնորոշմամբ, ստիպված են լինում գիշեր–ցերեկ «ծառայություն իրականացնել» կառուցապատվող տարածքում, որոնց տերերը հարմար առիթ են փնտրում քաղաքաշինական նորմերն ու թույլտվության պահանջները խախտելու համար։

«Դա իր սեփականությունն է, մենք ոչինչ չենք կարող անել». Մարությանը` Մաշտոցի պուրակի մասին

«Ես չեմ հասկանում. եթե դու ունես թույլտվություն, եղբա՛յր, գնա, կառուցիր ըստ այդ թույլտվության»,– ասաց նա` հավելելով, որ նման կառուցապատողների ամենասիրած աշխատանքային ժամանակը շաբաթ առավոտից մինչև կիրակի գիշեր ընկած ժամանակահատվածն է։

«Ինչո՞ւ։ Որովհետև աշխատանքային օրեր չեն։ Իսկ ամենաիդեալական ժամանակը շաբաթ և կիրակի գիշերներն են։ Եվ մեծ մասամբ բոլոր ապօրինությունները տեղի են ունենում այդ հատվածում։ Մենք էլ հաճախ ստիպված ենք լինում մեր աշխատողներին խնդրել, որ կասկածելի օբյեկտների մոտ շաբաթ և կիրակի, երբեմն նաև գիշերները ծառայություն տանեն»,– ասաց նա։

Մարությանը նաև նկարագրեց, թե ինչպես են կառուցվում անօրինական շինությունները` հնարավորինս արագ և անաղմուկ։
«Դուք ուղղակի չեք պատկերացնի, թե ինչպես են պատրաստված, 15-20 հոգանոց թիմով, շինանյութով գալիս` կիսաֆաբրիկատ պատերով, մի մասը արդեն կառուցած բերում են, որ բերեն ու արագ հավաքեն։ Ուղղակի կարելի է ֆիլմ նկարել դրա մասին»,– լրագրողներին պատմեց Մարությանը։

«Այ ախպեր, ո՞ւր ա գործ...». Փաշինյանը պատմել է Մարությանի հաղորդագրության մասին

Եզրափակելով թեման, Մարությանը հայտարարեց, որ իրեն չի հետաքրքրում, թե ով է կանգնած ապօրինի կառույցի հետևում`ՀՀԿ–ական է, ՔՊ–ական է, թե որևէ այլ քաղաքական ուժի ներկայցուցիչ։

43
թեգերը:
Սամվել Ալեքսանյան, շինարարություն, Երևան, Ապօրինի, Հայկ Մարության, քաղաքապետ
Ըստ թեմայի
Մեկնարկը տրված է. Աջափնյակում ապամոնտաժում են ապօրինի կրպակները
Արաբկիրի պուրակը կսկսի «շնչել». շուրջ 30 կրպակ է ապամոնտաժվում. լուսանկարներ
Երևանի գիրք–տնակներն ապամոնտաժվել են. լուսանկարներ