Հայկ Եսայան

Եսայանների հիմնադրած ընկերությունը հեռուստառադիոծրագրերի հեռարձակման լիցենզիա է ստացել

172
(Թարմացված է 16:01 10.07.2020)
Հեռուստատեսության և ռադիոյի հանձնաժողովը բավարարել է «ԹԻՄ» ընկերությանը մալուխային հեռարձակման լիցենզիա տրամադրելու դիմումը։

ԵՐԵՎԱՆ, 9 հուլիսի – Sputnik. «TEAM Telecom Armenia»-ն հեռուստառադիոծրագրերի հեռարձակման լիցենզիա է ստացել։ Տեղեկությունը հայտնում է ընկերության մամուլի ծառայությունը։

«Հեռուստատեսության և ռադիոյի հանձնաժողովում հուլիսի 9-ին գումարվել է հանձնաժողովի նիստ, որում քննարկվել է «ԹԻՄ» ՍՊԸ–ին ՀՀ տարածքում հեռուստառադիոծրագրերի կաբելային (մալուխային) հեռարձակման լիցենզիա ստանալու դիմումը։ Հեռուստատեսության և ռադիոյի հանձնաժողովը բավարարել է «ԹԻՄ» ՍՊԸ դիմումը և տրամադրել լիցենզիան»,– նշված է հաղորդագրության մեջ:

Հանրային ծառայությունները կարգավորող հանձնաժողովից Sputnik Արմենիային հայտնեցին, որ ընկերությունը բջջային կապի համար ռադիոհաճախականություններ ստանալու հայտ դեռ չի ներկայացրել։

Հիշեցնենք` ապրիլին լուրեր տարածվեցին, որ Ucom-ի շուրջ 800 աշխատակիցներ աշխատանքից դուրս գալու դիմումներ են գրել:

Ապրիլի 14-ին ընկերության հիմնադիրներ և 5,94%-ի բաժնետերեր Եսայան եղբայրները հայտարարեցին, որ մյուս սեփականատերերին ավելի քան 34 մլրդ դրամ են առաջարկել մնացած բաժնետոմսերը ձեռք բերելու համար, որպեսզի կարողանան որոշիչ ձայն ունենալ բաժնետերերի որոշումներում:

«Դա վատ նշան է». Beeline–ի տնօրենն ասաց` տեղական շուկայում աշխատելն օրեցօր դժվարանում է

Ապրիլի 15-ին, սակայն, հայտարարվեց, որ ընկերության տնօրենների խորհրդի նիստում ընկերության գլխավոր տնօրեն է նշանակվել Արա Սերգեյի Խաչատրյանը։ 

Կհայտնվենք կորպորատիվ ստրուկի կարգավիճակում. «Beeline»–ի աշխատակիցները դիմել են վարչապետին

Եղբայրները լքեցին «Ucom»–ը և հիմնադրեցին «Team» ընկերությունը։

«Beeline»-ի մասնագետները, որ պղնձային ցանց են ապահովել, կկարողանան նոր ցանց կառուցել. Եսայան

172
թեգերը:
լիցենզիա, Հայկ Եսայան, Հայաստան
Ըստ թեմայի
ՏՄՊՊՀ-ն կարճել է «ՎԵՈՆ Արմենիա» և «Յուքոմ» ՓԲԸ-ների համակենտրոնացման մասին վարույթը
Հայաստանի կապի երեք օպերատորները համատեղ հայտարարություն են տարածել
Գագիկ Խաչատրյանը և նրա որդիները դատի են տվել Փաշինյանին, նրա խոսնակին և աշխատակազմին
Հայ դիզայներների աշխատանքը

Հայ դիզայներները մասնակցել են London Fashion Week-ին. նրանք արդեն պատվերներ են ստացել

2
(Թարմացված է 18:35 22.09.2020)
Համավարակի պատճառով Լոնդոնի նորաձևության շաբաթն այս տարի առցանց է անցկացվել, ինչը մի փոքր դժվարացրել է պատվիրատուների ու դիզայներների շփումը։ Բայց միջոցառումը, այնուամենայնիվ, հաջողվել է։

ԵՐԵՎԱՆ, 22 սեպտեմբերի – Sputnik. Սեպտեմբերի 18-ին ու 19-ին հայ դիզայներներն առաջին անգամ իրենց աշխատանքներն են ներկայացրել Լոնդոնի նորաձևության շաբաթվա շրջանակում։ Համավարակի հետ կապված միջոցառումը թվային ձևաչափով է անցկացվել։ Միջոցառմանն ընդհանուր առմամբ հայկական 13 ապրանքանիշ է մասնակցել։ Հայաստանի նորաձևության և դիզայնի պալատի համահիմնադիր Էլեն Մանուկյանն այսօր Sputnik Արմենիա մուլտիմեդիոն մամուլի կենտրոնում կայացած ասուլիսի ժամանակ խոսեց միջոցառման մասին։

Элен Манукян на пресс-конференции на тему Итоги лондонской недели моды в digital формате (22 сентября 2020). Еревaн
© Sputnik / Mikhail Chernyakovskiy
Էլեն Մանուկյանն

Կանանց ու տղամարդկանց հագուստի հավաքածուներ են ներկայացրել Ruzane, Loom Weaving, Damink, Soncess, Ariga Torosian, Z.G.EST, Seda, Galine Galine, Nelly Serobyan ապրանքանիշները։ Իսկ Made By, Demiurge, 4TYSEVEN JEWELRY ընկերությունները աքսեսուարներ են ներկայացրել, AMORE-ն՝ պայուսակներ։ Դիզայներ Արիգա Թորոսյանը ոչ միայն հագուստ, այլև կոշիկներ է ներկայացրել։

Հայաստանի նորաձևության և դիզայնի պալատն արդեն մեկ տարի համագործակցում է բրիտանական Fashion Scout կազմակերպության հետ, որը տաղանդներ է փնտրում աշխարհում։ Հենց այդ համագործակցության շնորհիվ է, որ հայ դիզայներները կարողացել են մասնակցել London Fashion Week-ին։ Այս տարի միջոցառման ուշադրության կենտրոնում հիմնականում Հայաստան է եղել ու Քենիան։

«Մի քանի անգամ փորձագետներ ենք հրավիրել Անգլիայից, նրանք մեր դիզայներների հետ թրեյնինգներ են անցկացրել։ Բացատրել են՝ ինչպես հավաքածու պատրաստել նորաձևության շաբաթի համար, ինչպես մարքեթինգ կազմակերպել և այլն։ Դրանից հետո ընտրվել է 13 ապրանքանիշ, որոնք իրենք աշխատանքները Լոնդոնի շաբաթվա ընթացքում ներկայացնելու հնարավորություն են ստացել», - ասաց Մանուկյանը։

Վերջնական ընտրությունն արել են Fashion Scout-ի մասնագետները։ Նրանց մասնակցությունը հնարավոր է դարձել Երևանում Մեծ Բրիտանիայի դեսպանատան ֆինանսական աջակցությամբ։

Մանուկյանի խոսքով՝ հայ դիզայներները պետք է անձամբ Լոնդոն մեկնեին ու ներկայացնեին իրենց աշխատանքները, բայց համավարակի պատճառով դա չի հաջողվել։

«Առցանց ձևաչափը նորություն էր ոչ միայն մեզ համար, այլև միջոցառման կազմակերպիչների։ Բայց կարծում եմ՝ մեր դիզայներներն արժանապատվությամբ հաղթահարեցին այդ խոչընդոտը», - ասաց նա։

Մանուկյանը նշեց նաև, որ ներկայացված հավաքածուները մեծ արձագանք են գտել նաև միջազգային մամուլում։ Որոշ պատվիրատուներ արդեն կապ են հաստատում հայ դիզայներների հետ։

Հայկական ապրանքանիշների հետ հետագայում աշխատելու ցանկություն են հայտնել նաև առցանց խանութները։

Միաժամանակ Հայաստանի նորաձևության և դիզայնի պալատի համահիմնադիր Վահան Խաչատրյանը նշեց, որ իրենք մեծ պատվերներ չեն ակնկալում։

Ваган Хачатрян на пресс-конференции на тему Итоги лондонской недели моды в digital формате (22 сентября 2020). Еревaн
© Sputnik / Mikhail Chernyakovskiy
Վահան Խաչատրյան

«Նորաձևության շաբաթը բաց հարթակ է, ցանկացած մարդ կարող է մասնակցել, եթե նրա աշխատանքները համապատասխանում են որակի սահմանված չափանիշներին, ու նա համապատասխան ֆինանսական հնարավորություններ ունի․․․ Մեր դիզայներների հանդեպ հետաքրքրություն կա, բայց դեռ հայտնի չէ՝ առաջարկություններից քանիսն իրական պայմանագրերի ու պատվերների փուլ կհասնի», - ասաց նա։

Թե որքան կարդարացնեն այդ նախագծի համար ներդրված գումարները, հայտնի կլինի ավելի ուշ․ ամեն ինչ կախված է հետագա պատվերներից։

«Այս պայմաններում բավականին դժվար է, քանի որ պատվիրատուներն ուզում են շոշափել, փորձել նմուշները։ Բայց հիմա նրանք զրկված են այդ հնարավորությունից, այնպես որ այս սեզոնին մեծ պատվերներ չենք ակնկալում», - նշեց նա։

Ваган Хачатрян и Элен Манукян на пресс-конференции на тему Итоги лондонской недели моды в digital формате (22 сентября 2020). Еревaн
© Sputnik / Mikhail Chernyakovskiy
Վահան Խաչատրյանն ու Էեն Մանուկյանը

Դիզայներները Հայաստանում Մեծ Բրիտանիայի դեսպանատան ծրագրի շրջանակում կարող են Լոնդոնի նորաձևության շաբաթին մասնակցել նաև փետրվարին։ Վահանի խոսքով` դրանից հետո պատվիրատուներին արդեն ծանոթ կլինեն հայկական որոշ ապրանքանիշների անունները, ինչը շատ կարևոր է համագործակցության համար։

«Սա նրբություն է, որը շատ կարևոր է նորաձևության աշխարհում։ Որքան ավելի հաճախ է պատվիրատուն տեսնում այս կամ այն դիզայների անունը, այնքան ավելի շատ է վստահում։ Առաջին մասնակցությունից հետ որևէ բան ակնկալելը դժվար է։ Կարծում եմ՝ երկրորդ սեզոնում պատվերներն ավելի շատ կլինեն», - ասաց նա։

Դիզայների խոսքով՝ առավել հայտնի ապրանքանիշներն այլևս չեն բախվում այդ խնդրին, քանի որ պատվիրատուները ծանոթ են նրանց ապրանքի որակին, ոճին, կարի տեխնիկային, ու համավարակն ավելի քիչ է ազդում նրանց համագործակցության վրա։

Պատասխանելով Sputnik Արմենիայի թղթակցի հարցին՝ Վահանն ասաց, որ թեթև արդյունաբերությունը Հայաստանում արագ տեմպերով զարգանում է։

«Ամեն տարի երկրում ֆաբրիկաներ են բացվում, ու նոր աշխատատեղեր են ստեղծվում, իսկ դա նշանակում է, որ պահանջարկ կա։ Հիմնականում արտահանման համար են աշխատում։ Բացի այդ, վերջին տարիներին տեղական գործարանները սկսել են ավելի սերտ համագործակցել տեղացի դիզայներների հետ», - ասաց նա։

Ոլորտի ներկայացուցիչների գլխավոր խնդիրներից է տեղական տեքստիլի բացակայությունը։ Խաչատրյանը նշեց, որ բոլոր գործվածքները ստիպված ներկրում են։

Հայաստանի էկոնոմիկայի նախարարի տեղակալ Նաիրա Մարգարյանն էլ իր հերթին նշեց, որ նման միջոցառումների շնորհիվ Հայաստանն ավելի ճանաչելի է դառնում միջազգային հարթակներում։

Наира Маргарян на пресс-конференции на тему Итоги лондонской недели моды в digital формате (22 сентября 2020). Еревaн
© Sputnik / Mikhail Chernyakovskiy
Նաիրա Մարգարյանն

«Կարելի է ասել, որ մեր նորաձևությունը որոշակի մակարդակի է հասել, ու արդեն չի կարելի հետ քայլ անել», - ասաց նա։

Մարգարյանի խոսքով` «Made in Armenia»-ն ժամանակի ընթացքում հանգիստ կարող է հայկական ապրանքանիշներից մեկը դառնալ, ինչպես օրինակ` հայկական կոնյակը կամ մրգերը։

Ваган Хачатрян и Элен Манукян на пресс-конференции на тему Итоги лондонской недели моды в digital формате (22 сентября 2020). Еревaн
© Sputnik / Viktoria Pisarenko
Ասուլիսի բանախոսները
2
թեգերը:
նորաձևություն, Լոնդոն, Հայաստան
Ըստ թեմայի
«Տարբերվող գեղեցկություն». Gucci-ի մոդել Արմինե Հարությունյանը նոր լուսանկար է հրապարակել
Գեղեցիկ է և՛ ներքնազգեստով, և՛ տարազով. օգտատերերը սիրահարվել են Ռուբինա Խանզադյանին
Gucci–ի հայ մոդելը դարձել է հայրենական դիզայների նոր հավաքածուի դեմքը
Լևոն Արոնյան

Լևոն Արոնյանն ու Սերգեյ Մովսեսյանը դարձել են Գերմանիայի Բունդեսլիգայի չեմպիոններ

13
(Թարմացված է 18:34 22.09.2020)
Նշենք, որ գերմանական ակումբը վերջին 15 տարվա մեջ 14-րդ անգամ դարձավ Բունդեսլիգայի չեմպիոն։

ԵՐԵՎԱՆ, 22 սեպտեմբերի - Sputnik. Շախմատիստներ Լևոն Արոնյանն ու Սերգեյ Մովսեսյանը «Բադեն-Բադենի» կազմում դարձել են Գերմանիայի թիմային առաջնության` Բունդեսլիգայի չեմպիոն, տեղեկացնում է armsport-ը։

Մրցաշարն անցկացվել է սեպտեմբերի 16-20-ը Կարլսրուե քաղաքում։ «Բադեն-Բադենը» 7 տուրերում հաղթեց բոլոր մրցակիցներին։

Արոնյանը 4 պարտիա անցկացրեց մրցաշարում և բոլոր 4 պարտիաներն էլ ավարտեց ոչ-ոքի: Մովսեսյանը 3 պարտիա անցկացրեց՝ բոլորն ավարտելով հաղթանակով:

Գերմանական ակումբը վերջին 15 տարվա մեջ 14-րդ անգամ դարձավ Բունդեսլիգայի չեմպիոն։

13
թեգերը:
Գերմանիա, Լևոն Արոնյան, շախմատ
Ըստ թեմայի
«Ամոթ և խայտառակություն». հայ շախմատիստները քննադատել են ՖԻԴԵ-ին
Կյանքն էլ շախմատ է. Հայաստանի դատապարտյալները շախմատ են խաղում արտերկրի բախտակիցների հետ
Երբ Պետրոսյանը շախմատ էր խաղում, նույնիսկ հանցագործները ռադիոընդունիչից չէին պոկվում

«Կովկաս 2020». միջազգային զորավարժություններ, որոնք ուղղված չեն որևէ պետության դեմ

0
(Թարմացված է 18:40 22.09.2020)
Կորոնավիրուսի համավարակի պատճառով միջազգային զորավարժություններն անցկացվում են հակահամաճարակաբանական միջոցների խիստ պահպանմամբ։ Ռուսաստան ժամանած յուրաքանչյուր արտասահմանցի զինվորական մանրակրկիտ բժշկական ստուգում է անցել։

Ռուսաստանի Դաշնությունում մեկնարկել են «Կովկաս – 2020» մեծածավալ միջազգային զորավարժությունները։ Հարավային ռազմական շրջանի հինգ զորավարժարաններում ու Սև և Կասպից ծովերի ջրային տարածքներում կանցկացվեն ծավալուն մանևրներ, որոնց կմասնակցեն 80 հազար ռուսաստանցի զինվորական ու ավելի քան հազար միավոր տեխնիկա։

Համատեղ զորավարժություններին մասնակցելու են հրավիրված նաև ավելի քան հազար զինվորական Աբխազիայից, Հայաստանից, Բելառուսից, Չինաստանից, Մյանմայից ու Պակիստանից։ 6 երկրներից ժամանած հյուրերը որպես դիտորդ հետևելու են մանևրների ընթացքին։

Որպես դիտորդ հրավիրված են Ադրբեջանի, Ինդոնեզիայի, Իրանի, Ղազախստանի, Տաջիկստանի ու Շրի Լանկայի ներկայացուցիչները։

Այս տարի կորոնավիրուսի համավարակի պատճառով միջազգային զորավարժություններն անցկացվում են հակահամաճարակաբանական միջոցների խիստ պահպանմամբ։ Ռուսաստան ժամանած յուրաքանչյուր արտասահմանցի զինվորական խիստ բժշկական ստուգում է անցել։

ՀՀ-ում մեկնարկել է ռուսաստանցի զինծառայողների հետ համատեղ զորավարժությունը

Զորավարժությունների առաջին փուլում հրամանատարությունն առանձնակի ուշադրություն կդարձնի բոլոր մասնակից երկրների զինվորականների փոխներգործության մշակմանը, նաև ռադիոէլեկտրոնային պայքարի կազմակերպմանը, հակաօդային պաշտպանությանը, թիկունքային ու տեխնիկական ապահովմանն ու կապին։

Երկրորդ փուլում զինվորականներն օդային ուժերի, հրետանու ու ավիացիայի մասնակցությամբ կհարթեն զորքերի կառավարումը համատեղ մարտական գործողություններ իրականացնելու ընթացքում։ 

Սև ծովի նավատորմը, Կասպից ծովի ֆլոտիլիան ու Իրանի ՌԾՈՒ-ն նաև ծովային մարտի մի քանի դրվագ կխաղարկեն։

«Կովկաս-2020» զորավարժությունների գլխավոր նպատակն է համատեղ պաշտպանական գործողությունների մշակումը։ ՌԴ պաշտպանության նախարարությունում ընդգծում են, որ դրանք ուղղված չեն որևէ պետության դեմ ու չպետք է լարեն միջազգային իրադրությունը։

Այդ պատճառով էլ, ի տարբերություն ՆԱՏՕ-ի անդամ երկրների, որոնք պարբերաբար զորավարժություններ են անցկացնում Ռուսաստանի սահմանների մոտ, բոլոր մանևրներն անցկացվում են երկրի խորքում։

Հայաստանը կմասնակցի «Կովկաս-2020» զորավարժությունների ցամաքային մասին

0
թեգերը:
Հայաստան, Ռուսաստան, «Կովկաս-2020» ռազմավարական հրամանատարաշտաբային զորավարժություն, Զորավարժություններ
Ըստ թեմայի
Թուրքիայի զորավարժություններն ու Էրդողանի արկածախնդրությունը. ինչ մեսիջներ ունեն դրանք
Ինչո՞ւ է Ռուսաստանը զորավարժություններ անցկացնում Կովկասի 5 տարածաշրջանում
Թուրքիան զորավարժություններ կանցկացնի Միջերկրական ծովում