Բազմաբնակարան շենք. արխիվային լուսանկար

Հայաստանում գազի պատճառով հոսանքն առնվազն 8 ամիս դեռ չի թանկանա. պաշտոնյայի պարզաբանումը

151
(Թարմացված է 19:35 06.07.2020)
Գազի թանկացման պատճառով ջերմային կայաններում ավելացել է հոսանքի գինը։ Պետությունը որոշել է նվազեցնել ԱԷԿ-ի սակագները, որպեսզի սպառողի համար հոսանքի վերջնական գինը չբարձրանա։

ԵՐԵՎԱՆ, 6 հուլիսի – Sputnik. Հայաստանում հոսանքի գինը գազի պատճառով չի բարձրանա առնվազն մինչև 2021թ․-ի փետրվար։ Sputnik Արմենիայի թղթակցի հետ զրույցում նման հայտարարություն արեց ՀՀ Հանրային ծառայությունները կարգավորող հանձնաժողովի (ՀԾԿՀ) սակագնային քաղաքականության վարչության պետ Աշոտ Ուլիխանյանը։

Հուլիսի 19-ից հանրապետությունում կգործեն գազի նոր սակագներ։ Սպառողի համար դրանք չեն փոխվի, բայց 5-6%-ով կավելանան ձեռնարկությունների, այդ թվում՝ էլեկտրակայանների համար։ Նրանց համար սակագներն ուժի մեջ կմտեն երկու շաբաթ ուշ՝ օգոստոսի 1-ից։ Էլելկտրաէներգիայի գինը (որով կայաններն այն վաճառում են էլեկտրացանցերին) կբարձրանա մոտ 5%-ով, այսինքն՝ սպառողի սակագնային բեռը կավելանա։

Այնուամենայնիվ, բնակչության համար սակագներն առայժմ չեն աճի։ Դրանք հաջողվել է նույնը պահել Մեծամորի ատոմային էլեկտրակայանի շնորհիվ։ Դրա սակագինը նվազեցրել են ճիշտ այնքան, որպեսզի ՋԷԿ-երի թանկացումը լիովին փոխհատուցվի։

2025 թ-ին ԵԱՏՄ-ում պետք է ձևավորվի գազի միասնական սակագին. Քոչարյան

Այսպիսով՝ գազի թանկացման պատճառով Հրազդանի ՋԷԿ-ից ստացվող հոսանքը կթանկանա մոտ 1,77 դրամով, «Հրազդան-5»-ինը՝ 1,34 դրամով, Երևանյան ՋԷԿ-ինը՝ 0,8 դրամով։ Արդյունքում էլեկտրականությունը կթանկանա միջինը 1,13 դրամով (ըստ միջին կշռութային հաշվարկի, հաշվի առնելով կայանների արտադրության ծավալը)։ Հաշվի առնելով ընդհանուր արդյունաբերության մեջ ջերմային էլեկտրակայանների մասնաբաժինը՝ սպառողի համար վերջնական գինը պետք է աճի 0,45 դրամով։

Այլ կերպ ասած՝ միջին եկամուտ ունեցող և ամսական 200-300 կիլովատտ/ժամ էլեկտրաէներգիա ծախսող ընտանիքի համար հոսանքի ամսական հաշիվը կավելանար ընդամենը 100-150 դրամով։ Սակայն հանձնաժողովը չի ցանկանում թույլ տալ անգամ այդպիսի ոչ մեծ թանկացում, հատկապես այժմյան դժվարին ժամանակներում։

«Ամբողջ գնային բեռն իր վրա է վերցնում ԱԷԿ-ը։ Այնտեղ սակագինը կնվազի ճիշտ այնքան, որպեսզի սպառողի համար թանկացում չլինի»,-նշեց Ուլիխանյանը։

Դրա պատճառով ԱԷԿ-ը կարող է կորցնել եկամուտները, որոնք հարկավոր կլինի փոխհատուցել հաջորդ տարի, քանի որ ատոմակայանը, ի լրումն այլ բաների, սկսում է վերադարձնել կապիտալ վերանորոգման համար վերցրած ռուսական վարկը։

«ԱԷԿ-ի համար սակագինը կվերանայվի հաջորդ տարի։ Բայց այսպես թե այնպես` էլեկտրական հոսանքի նոր սակագները կհաստատվեն ոչ շուտ, քան 2021թ․-ի փետրվարի 1-ին։ Ընդ որում՝ գազի թանկացումը մենք այլևս չենք հաշվելու, քանի որ հիմա ենք հաշվի առնում»,-նշեց Ուլիխանյանը։

Հիշեցնենք, որ Հայաստանում գազը թանկացել է այն բանից հետո, երբ 2019թ-ին աճել է դրա գինը սահմանին (1000 խորանարդ մետրի համար 150-ից դառնալով 165 ԱՄՆ դոլար, այսինքն՝ 10 տոկոսով ավելի)։ Անցած տարի ռուսական կոնցեռնի դուստր ձեռնարկությունը՝ «Գազպրոմ Արմենիան», դրա թանկացումը փոխհատուցեց սեփական եկամտի հաշվին և չավելացրեց սակագները։ Այս տարի որոշվեց սակագներն ավելացնել բիզնեսի, բայց ոչ բնակչության համար։

«Գազպրոմ Արմենիան» ստիպված է լինելու 1000 աշխատող կրճատել

151
թեգերը:
Հայաստանի Ատոմային էլեկտրակայան (ԱԷԿ), ատոմակայան, Հայաստան, Աշոտ Ուլիխանյան (ՀԿԾՀ սակագնային քաղաքականության վարչության պետ), Հանրային ծառայությունները կարգավորող հանձնաժողով (ՀԾԿՀ), թանկանալ, գին, էլեկտրաէներգիա, գազ
Ըստ թեմայի
Հայաստանը փորձում է պահպանել գազի սակագինը՝ սահմանին այն նվազեցնելու հաշվին
ԵԱՏՄ երկրների պատվիրակությունները կքննարկեն գազի սակագինը
Իշխանությունը «Գազպրոմ Արմենիային» առաջարկում է կրճատել սակագինը՝ ծախսերի և եկամտի հաշվին

«Ինձ համար մեկ էր...». Ժաննա Լևինան խոսել է Գարիկ Մարտիրոսյանի հանդեպ իր սիրո մասին

22
(Թարմացված է 23:04 13.08.2020)
Լևինան պատմել է, թե ինչպես են բնակարան վարձել Մոսկվայում։ Նա ասել է, որ 40 տարեկանում պատրաստ չէր լինի նույն սցենարի կրկնությանը։

ԵՐԵՎԱՆ, 13 օգոստոսի — Sputnik. Հայտնի հաղորդավար Գարիկ Մարտիրոսյանի կինը՝ Ժաննա Լևինան, պատմել է՝ ինչպես է սկսվել ամուսնու հետ համատեղ կյանքը։ Նա ասել է, որ 20 տարեկանում այնքան է սիրահարված եղել, որ չի էլ մտածել փողի մասին։

Լևինան YouTube-ի «ТО Gazgolder» ալիքում հրապարակված «Конечно, Вася» շոուի ժամանակ հիշեցրել է, որ իրենք արդեն 20 տարվա ամուսիններ են։

«Գարիկն այն ժամանակ պարզապես ՈւՀԱ-ի մասնակից էր, ընդհանրապես փող չուներ։ Բայց ես էլ 20 տարեկան էի։ Ինձ համար լրիվ մեկ էր․․․», - ասել է Լևինա–Մարտիրոսյանը։

Կինը պատմել է, որ սկզբում դժվարությունների են բախվել։ Մոսկվա տեղափոխվելուց հետո պարտքով գումար են վերցրել ընկերներից ու մեկսենյականոց բնակարան վարձել։ Լևինան ինքն է այդ «հյուղակի» համար վարագույր կարել էժան կտորից։

Գարիկ Մարտիրոսյանի կինը միաժամանակ ասել է, որ 40 տարեկանում պատրաստ չէր լինի նույն սցենարի կրկնությանը։ Տղամարդու մեջ նա առաջին հերթին ուժեղ բնավորությունն է գնահատում։

Ինչպե՞ս «կալանավորել», որ չփախչի. Գարիկ Մարտիրոսյանի կինը՝ իր բաղձալի ցանկության մասին

«Ամուսինս պետք է ինձանից մի քանի անգամ ուժեղ լինի։ Եթե նա ավելի թույլ լինի, ես նրան «կուտեմ»։ Չեմ կարողանա նրա հետ ապրել», - ավելացրել է նա։

Ժաննա Լևինան ու Գարիկ Մարտիրոսյանն ամուսնացել են 1998 թվականին։ 2004 թվականի ամռանը ծնվել է նրանց դուստրը` Ժասմինը։ Որդին` Դանիելը, լույս աշխարհ է եկել 2009 թվականի հոկտեմբերին։ Ժաննան այժմ 44 տարեկան է, Գարիկը` 46։

Գարիկ Մարտիրոսյանն ու կինը պարում են «Սուպեր Ժորիկի» «Զոլոտո» երգի ներքո

22
թեգերը:
Կին, ամուսին, սեր, Գարիկ Մարտիրոսյան, Ժաննա Լևինա
Ըստ թեմայի
«Ցնցող կին». Գարիկ Մարտիրոսյանը պարծենում ու հպարտանում է իր կողակցով. տեսանյութ
Գարիկ Մարտիրոսյանը նմանակում է Դմիտրի Նագիևին. տեսանյութ
Գարիկ Մարտիրոսյանի կինը հիշել է` ինչպես էին տարազով պարում Երևանում
Շրջակա միջավայրի նախարարության, ոստիկանության աշխատակիցներն ու համայնքի ղեկավարը հայտնաբերել ու ապամոնտաժել են Աժդահակ լեռան խառնարանային լճում տեղադրված բենզապոմպը

Պարզվել է Կարմիր կատարից ձգվող խողովակի առեղծվածը. ո՞վ է ջուր գողացել խառնարանային լճից

279
(Թարմացված է 21:04 13.08.2020)
Զբոսաշրջիկների սիրելի վայրերից մեկի` Աժդահակ լեռան անունը վերջին օրերին շատ արծարծվեց։ Պատճառն ահազանգն էր` բարձունքներից մեկի լճի մոտ խողովակ են դրել և ջուր են «քաշում»։ Պատկերն արդեն հստակեցվել է, հայտնի է` ով է նման քայլի դիմել, և որքան ջրից է զրկվել լիճը։

Գեղամա լեռնաշղթայի հյուսիսային հատվածում շուրջ 3600 մետր բարձրության վրա գտնվող Կարմիր կատար բարձունքի խառնարանային լճից երկրորդ տարին անընդմեջ ապօրինի ջրառ իրականացնողը մի անասնապահ է։ Sputnik Արմենիային լուրը հայտնեց Բնապահպանության և ընդերքի տեսչական մարմնի Կոտայքի տարածքային բաժնի տնօրեն Մկրտիչ Վանոյանը։

Сотрудники министерства окружающей среды, полиции и глава общины нашли, демонтировали и конфисковали установленный бензонасос в кратерном озере Аждаак (12 августа 2020). Гегамский хребет
Լիճ մտնող խողովակը

Երեկ մեծ աղմուկ էր բարձրացրել ահազանգը, որ Աժդահակ լեռան բարձունքներից մեկի խառնարանի տարածքում 5 կիլոմետրանոց խողովակաշար է տեղադրվել, ջրառ է իրականացվում։ Ըստ ահազանգի` եթե այսպես շարունակվի, խառնարանը կարող է անապատացման եզրին հայտնվել։ Շրջակա միջավայրի նախարարի հանձնարարությամբ` թիմ էր ձևավորվել, որոնք այցելել էին «դեպքի վայր»։ Ահազանգը ճիշտ էր, պոմպը տեղում ապամոնտաժել էին։

Сотрудники министерства окружающей среды, полиции и глава общины нашли, демонтировали и конфисковали установленный бензонасос в кратерном озере Аждаак (12 августа 2020). Гегамский хребет
Ապամոնտաժված պոմպը

«Դեռ նախորդ տարի Արմավիրի մարզի Արտաշատ քաղաքի բնակիչ Թեմուր Խուդոյանը (ազգությամբ եզդի) Աժդահակ լեռան խառնարանային լճից առանց ջրօգտագործման թույլտվության բենզապոմպի և խողովակաշարի միջոցով կատարել էր ապօրինի ջրառ։ Նա վարչական պատասխանատվության էր ենթարկվել (150 000 դրամ) և պարտավորվել հեռացնել խողովակները։ Այս տարի, սակայն, նորից նույն դեպքին ականատես եղանք»,–ասաց Վանոյանը։

Նրա խոսքով` տղամարդն ասել է, որ ջուրն իր` 1000-ի հասնող անասունների համար է օգտագործում։ Սովորաբար անասնապահներն այնտեղ մի քանի ամիս մնում են իրենց անասունների և ընտանիքների հետ։ Իսկ որ այս տարի նույնպես այդ տարածքից ապօրինի ջրառ է իրականացվում և նորից նույն մարդու «մատն է խառը», դեռ օգոստոսի 6-ին են ահազանգ ստացել։ Տեսչական մարմնի աշխատակիցները բանավոր նկատողություն են տվել Թեմուր Խուդոյանին` հանձնարարելով խողովակները հեռացնել։ Սակայն օրեր անց նորից ահազանգ են ստացել, որ տղամարդը շարունակում է ջրառը։

Հարցին, թե ո՞վ է մեղավոր, որ երկրորդ տարին անընդմեջ նույն ապօրինությունն է կատարվում, և ինչպե՞ս է ստացվել, որ խողովակները տեղադրելու պրոցեսն աննկատ է մնացել, Վանոյանը պատասխանեց, որ վերահսկողությունը պետք է Գառնի համայնքի ղեկավարությունն իրականացներ։ Նրա խոսքով` տեսչական մարմինը հաջորդ տարի չի թույլատրի, որ տղամարդը ջրամբարին «մոտ գնա»` անասուններին արածացնի։

Мкртич Ваноян, директор Котайкского территориального управления инспекции по охране природы
© Sputnik / Asatur Yesayants
Մկրտիչ Վանոյան

Կոտայքի մարզպետի պաշտոնակատար, փոխմարզպետ Առնակ Ավետիսյանն էլ իր հերթին ասաց` եթե խնդիրը կրկնվում է երկրորդ անգամ, ուրեմն չի բացառվում, որ պատկան մարմիններից մեկը թերացել է իր աշխատանքում։ Սակայն, ըստ Ավետիսյանի, այս պահին խնդիրն ամբողջությամբ լուծվել է։

«Բենզապոմպը հեռացվել է, առանց որի հնարավոր չէ ջրառ անել։ Խողովակներն ապամոնտաժվել են, հիմա խողովակները տարածքից հեռացնելու առնչությամբ քննարկում է գնում»,–ասաց Ավետիսյանը։

Նա հայտնեց, որ վերջերս է արշավախմբով Աժդահակ բարձրացել, որի կատարներից մեկի վրա էլ գտնվում է Կարմիր կատարի խառնարանը։ Սակայն այդ հատվածից, որտեղով իրենք են լեռը բարձրացել, խողովակները նկատելի չեն եղել։

И.о. губернатора Котайкской области Арнак Аветисян
© Sputnik / Asatur Yesayants
Առնակ Ավետիսյան

Ավետիսյանի խոսքով` համայնքների ղեկավարներին արդեն իսկ հանձնարարվել է ավելի ուշադիր լինել` բացառելու համար նման երևույթները։ Նա նշեց` ՏԻՄ–երի գործառույթների մեջ է մտնում բնապահպանական ռիսկերի նվազեցումը։ Աժդահակը, ըստ Կոտայքի մարզպետի պաշտոնակատարի, բնության գոհարներից մեկն է, որի հանդեպ լեռնագնացների ուշադրությունը տարեցտարի ավելանում է։

Գեղարդ համայնքի ղեկավար Սանասար Թառոյանն էլ հայտնեց` ապօրինի ջրառի հետևանքով խառնալիճը մեծ վնասներ չի կրել, քանի որ խոսքը 15 տոննա ջրի մասին է։ Նրա խոսքով` Թեմուր Խուդոյանն այսօր իր մոտ է եղել, գրություն գրել ու ներողություն խնդրել արածի համար։

«Հաջորդ տարի նրան թույլ կտամ այդ տարածք մուտք գործել, երբ նա օրինական ձևով ջրառ իրականացնելու թույլտվություն կունենա։ Այդ տարածքում, ուր անասուններ են պահում, կա ջրագիծ, սակայն Խուդոյանն արդարանում էր, թե հեռու է ջրագիծը, ինչի պատճառով էլ ինքն իր ջրագիծն էր գցել»,–ասաց համայնքի ղեկավարը։

Ինչ վերաբերում է վերահսկողությանը, ապա, ըստ Թառոյանի, դա ոչ թե իրենք, այլ Շրջակա միջավայրի նախարարությունը պետք է իրականացնի։ Նրա խոսքով` հենց նախարարությունը պետք է հետևողական լիներ, որ նախորդ տարվա նույն քայլը չանեին այս տարի։

Շրջակա միջավայրի նախարարության մամուլի քարտուղար Դավիթ Գրիգորյանը մեզ հետ զրույցում հայտնեց, որ նախարարությունը որևէ վերահսկողական գործառույթ չունի այս դեպքում, քանի որ Կարմիր կատարը բնության հատուկ պահպանվող տարածքի կարգավիճակ չունի։ Նա փաստեց միայն, որ ջրառն ապօրինի է կատարվել խառնարանային լճից, քանի որ ջրօգտագործման թույլտվություն այդ տարածքից չի տրամադրվել որևէ մեկին։

Ստացվում է` վերահսկողության առումով կլոր շրջան է ստեղծվում, երբ պատկան մարմիններից որևէ մեկը պատասխանատվությունն իր վրա չի վերցնում։

Նշենք միայն, որ պոմպն արդեն իսկ փոխանցել են տիրոջը, իսկ օգոստոսի 17-ին վարչական լսումների օր է նշանակվել, որի ժամանակ Թեմուր Խուդոյանին նորից 150 000 դրամի չափով տուգանելու որոշում կկայացվի։

279
թեգերը:
Աժդահակ լեռ, լիճ, Հայաստան
Ըստ թեմայի
Դեբեդ գետի Լալվար վտակի ջրում մեծ քանակի սուլֆատ իոն ու մանգան է հայտնաբերվել
Սևանի ափերին քանդման ենթակա 3800 շինություն կա. նախարարը տեղում ծանոթացել է լճի խնդիրներին
Դոնալդ Թրամփ

Թրամփին պատմել են ռուսական պատվաստանյութի մասին

0
(Թարմացված է 23:25 13.08.2020)
Վաշինգտոնում հուսով են, որ մինչև տարեվերջ կկարողանան ստանալ COVID-19–ի դեմ պատվաստանյութը, որն այժմ թեստավորման երրորդ փուլն է անցնում։

ԵՐԵՎԱՆ, 13 օգոստոսի - Sputnik. ԱՄՆ նախագահ Դոնալդ Թրամփին տեղեկացրել են կորոնավիրուսի դեմ ռուսական պատվաստանյութի մասին, ճեպազրույցի ժամանակ հայտնել է Սպիտակ տան մամուլի քարտուղար Քեյլի Մակինանին՝ հրաժարվելով այլ մեկնաբանություններ տալ:

Նրա խոսքով՝ Թրամփին նաև տեղեկացնում են ամերիկյան պատվաստանյութի մշակման գործընթացի մասին. պատվաստանյութն ակտիվ փորձարկումներ է անցնում, որպեսզի արդյունավետ ու անվտանգ լինի:

Վաշինգտոնում հուսով են, որ մինչև տարեվերջ կկարողանան ստանալ COVID-19–ի դեմ պատվաստանյութը, որն այժմ թեստավորման երրորդ փուլն է անցնում։

Հիշեցնենք՝ ՌԴ նախագահ Վլադիմիր Պուտինը օգոստոսի 11-ին ՌԴ կառավարության անդամների հետ խորհրդակցության ժամանակ հայտարարել էր, որ Ռուսաստանում գրանցվել է կորոնավիրուսի դեմ առաջին պատվաստանյութը։ ՌԴ նախագահի խոսքով՝ Ռուսաստանը COVID-19-ի դեմ պատվաստանյութ գրանցած առաջին երկիրն է։ Պատվաստանյութը բավականաչափ արդյունավետ է, ձևավորում է կայուն դիմադրողականություն և անցել է բոլոր անհրաժեշտ փորձարկումները։

Կորոնավիրուսի դեմ պայքարի օպերատիվ շտաբը հայտնել է, որ կորոնավիրուսի դեմ ռուսական պատվաստանյութը քաղաքացիական շրջանառության մեջ կմտնի 2021 թվականի հունվարի 1-ին։ Այն կոչվել է «Սպուտնիկ V»։

Առողջապահության համաշխարհային կազմակերպությունն էլ հայտարարել է, որ ողջունում է նոր կորոնավիրուսի դեմ պատրաստուկների հետազոտությունների ու մշակումների ոլորտի բոլոր ձեռքբերումները և մտադիր է ստուգել ռուսական պատվաստանյութի փորձարկումների տվյալները:

ԱՀԿ-ն ուզում է համոզվել, որ պատվաստանյութի հետազոտությունն իրականացվել է սահմանված ընթացակարգերին համապատասխան։ Կազմակերպությունը պատրաստ է գնահատել դեղի անվտանգությունն ու արդյունավետությունը: Դրա հետ մեկտեղ ԱՀԿ-ի մասնագետները շփման մեջ են ռուսաստանցի գիտնականների հետ:

 

0
թեգերը:
կորոնավիրուս, պատվաստանյութ, Ռուսաստան, Դոնալդ Թրամփ, ԱՄՆ
Ըստ թեմայի
Ո՞ր երկրներն են Covid-19–ի դեմ պատվաստանյութ մշակել
Պուտինի դուստրը պատվաստվել է կորոնավիրուսի դեմ
Ումի՞ց են կախված «անկախ փորձագետները». բժիշկը խոսել է ռուսական նոր պատվաստանյութի մասին