Արթուր Սաքունց

«Որ հարևանները տեսնեն հայի ուժը»․ չարենցավանցի տղան համաշխարհային ռեկորդ է սահմանել

564
(Թարմացված է 19:37 04.07.2020)
Նայելով արտաքինին` միանգամից չես ասի, որ այս երիտասարդն օրերս համաշխարհային ռեկորդ է սահմանել` գլխիվայր շրջված ձեռքերի վրա քայլելով` ատամներով մի ամբողջ մեքենա է տեղից շարժել։

ԵՐԵՎԱՆ, 54 հունիսի – Sputnik. Մեկ մատով 61 տոննայանոց վագոն քաշել կամ ատամներով հսկայական մեքենա տեղից շարժել, ու այդ ամենը` գլխիվայր շրջված։ 17-ամյա չարենցավանցի Արթուր Սաքունցի համար սրանք իրականացրած նպատակներ են։

Իր դյուցազնական ուժը Սաքունցն աստվածային պարգև է համարում։ Օրերս նա ռեկորդ է սահմանել, որը ներառվելու է Գինեսի ռեկորդների գրքում։

«Ես Չարենցավանի կենտրոնում նոր ռեկորդ եմ սահմանել․ ձեռքերի վրա կանգնած` ատամներով ավելի քան չորս մետր քաշել եմ «Լադա» մակնիշի մեքենա», - Sputnik Արմենիայի հետ զրույցում ասաց Սաքունցը։

Артур Сакунц при установлении мирового рекорда
© Photo : provided by Artur Saquts
Արթուրը քաշում է «Լադա» մակնիշի մեքենան

Նա նշեց, որ իրենից առաջ գրեթե ոչ ոք դա չի արել։ Տեսանյութն արդեն Լոնդոն է ուղարկվել։ Այնտեղից հաստատել են, որ ռեկորդը կներառվի Գինեսի ռեկորդների գրքում։ Սաքունցը նշեց, որ Covid-19-ի համավարակի պատճառով ռեկորդների գրքի ներկայացուցիչները ներկա չեն եղել ռեկորդը գրանցելու պահին։ Սաքունցն այս արդյունքին հասնելու համար մեկ տարի աշխատել է։

Նրա ավագ եղբայրը Գինեսի ռեկորդների գրքի բազմակի ռեկորդակիր Յուրի Սաքունցն է, Արթուրը նրանից է օրինակ վերցնում։

Юрий Сакунц при установлении мирового рекорда (4 марта 2019). Еревaн
© Sputnik / Aram Nersesyan ,
Գինեսի ռեկորդների գրքի բազմակի ռեկորդակիր Յուրի Սաքունցը

Խոստովանեց` սկզբում փորձում էր կրկնել եղբոր ռեկորդները, հետո հասկացավ, որ պետք է տարբերվի ու իր սեփական ոճը գտնի։ Վերջին ռեկորդը հենց այդ փնտրտուքների արդյունքն էր։ Նա գլխիվայր վիճակում ծանրություն շարժեց տեղից։

Արթուրը պատմեց, որ փոքր քաշերից է սկսել, հետո ավելացրել է բեռնվածությունը։ Նա նույնիսկ կարողացել է մեկ մատով 61 տոննա կշռող գնացք քարշ տալ։ Առաջին անձնական ռեկորդը ՎԱԶ-2106-ն ու «Լադան» մի քանի մետր տեղից շարժելն էր։

«Ամեն ինչ գլխում է, ոչ թե...». ինչպես է «հայ Բրյուս Լին» Գինեսի ռեկորդների գիրք մտել

Արթուրը 6 տարեկանից սամբո է պարապում ու պատրաստվում է ապագայում հավաքների մասնակցել։ Զուգահեռ ավարտել է խոհարարական քոլեջը։

Հատուկ սննդակարգ չի պահպանում, սակայն մկանները լավ մարզավիճակում պահելու համար ամեն օր մարզվում է։ Իր ապագան տեսնում է հայաստանյան սպորտում, «որ հարևանները տեսնեն հայի ուժը»։

Գինեսի ռեկորդակիր հայը 41 անգամ գետնից ձգումներ է արել` ափերի հակառակ կողմին հենված

564
թեգերը:
ավտոմեքենա, մարզիկ, ռեկորդ, Արթուր Սաքունց, Չարենցավան, Գինեսի գիրք
Ըստ թեմայի
Ինչու են Ահարոնին հայ Բրյուս Լի ասում, կամ ինչպես հայ մարզիկները հայտնվեցին Գինեսի գրքում
Հայ մարզիկները Ռուսաստանում նոր ռեկորդներ են սահմանել և կարող են Գինեսի գրքում հայտնվել
«Մոնա Լիզան ժպտում է». ինչպես է էջմիածնեցի 5-ամյա հրաշամանուկը պատրաստվում Գինեսի ռեկորդին
Բեռնատար, արխիվային լուսանկար

ՌԴ-ից ՀՀ պայթուցիկ նյութեր տեղափոխող բեռնատարները մնացել են Վրաստանում․ ո՞րն է պատճառը

85
(Թարմացված է 01:07 05.08.2020)
Հանքարդյունահանման ոլորտում հայկական ձեռնարկությունների կողմից օգտագործվող պայթուցիկ նյութով բեռնված յոթ ֆուռերն արդեն երկու շաբաթ է ՝ գտնվում է Վերին Լարսի չեզոք գոտում ։

ԵՐԵՎԱՆ, 5 օգոստոսի – Sputnik․ Հանքարդյունահանման ոլորտում հայկական ձեռնարկությունների կողմից օգտագործվող նյութով բեռնված յոթ բեռնատարներն արդեն երկու շաբաթ է՝ գտնվում են «Վերին Լարսի» սահմանային անցակետի չեզոք գոտում։ Բեռնատարները հատել են ռուսական կողմի սահմանը, սակայն վրացական սահմանապահ ծառայությունը չի թույլատրում դրանց տեղաշարժը Վրաստանի տարածքով։ Այս մասին Sputnik Արմենիայի թղթակցի հետ զրույցում հայտնեց Հայաստանում Geo Pro Mining ընկերության պաշտոնական ներկայացուցիչ Ռուզաննա Գրիգորյանը։

Նա նշեց, որ սահմանապահները չեն մեկնաբանում, թե ինչու  բեռնատարների մուտքը Վրաստան չեն թույլատրում։ ՀՀ ԱԳՆ-ն, և Վրաստանում Հայաստանի դեսպանատունն  արդեն զբաղվում են խնդրով։

Ինչի՞ համար են պայթուցիկ նյութերը

Հանքարդյունահանող GPM Gold ընկերության, ինչպես նաև Ագարակի կոմբինատի համար նախատեսված բեռնատարները բեռնված են ԱՍ-25 Պէմուլսիոն բաղադրանյութով․ պայթուցիկ նյութը նախատեսված է լեռնային աշխատանքների համար: Այն արդեն մի քանի տարի է՝Ռուսաստանից Հայաստան է ներկրվում Վրաստանի տարածքով։

Այս ապրանքի մատակարարման մասին GPM Gold-ը ռուսական «Պրոմսինթեզ» ընկերության հետ պայմանագիր է կնքել դեռևս 2018 թվականին։ Այդ ժամանակից ի վեր,միայն իր ներքին սպառման համար,ընկերությունը մատակարարում է 160 տոննա նշված նյութից՝ 12-13 տրանսպորտային միջոցներով. Գրիգորյանը նշեց, որ 2 տարվա ընթացքում որևէ խնդիր չի առաջացել։

«Ապրանքը չեն ընդունել և անցումը չեն թույլատրել վրացի սահմանապահները, չնայած որ մատակարարը՝ ռուսական «Պրոմսինթեզ» ընկերությունը, ունեցել է անհրաժեշտ բոլոր փաստաթղթերն ու ներկրման իրավունքը»,- պարզաբանեց նա։

«Ֆուդ սիթիի» խնդիրը չի լուծվել, բայց մթերքով բեռնված և արգելափակված բեռնատար չկա. Տողանյան

Գրիգորյանը նշեց, որ այդ ապրանքը պարբերաբար օգտագործվում է ընկերության ակտիվների ներկարտադրական ցիկլում և վերահսկվում է ՀՀ իրավասու մարմինների կողմից: Հետևաբար, բեռը երրորդ կողմին հանձնելու հնարավոր սպառնալիքների մասին խոսք լինել չի կարող։

Նշված նյութը հատուկ տեսակի ապրանքների կատեգորիայի մեջ է։ Ոչ մի ընկերություն չի կարող հենց այնպես, ինքնուրույն մատակարարել այն, դրա համար հատուկ ծառայություններից ստացած թույլտվություն, ինչպես նաև երկրի կառավարությունների երաշխավորական պարտավորագրեր են հարկավոր։ Բացի առևտրային համաձայնագրի կնքումից, Էկոնոմիկայի նախարարությունը հատուկ հավաստագիր է տրամադրում, համաձայն որի՝ ապրանքը հասնում է վերջնական օգտագործողին՝ պատվիրատուին, տվյալ դեպքում՝ GPM Gold-ին։

Ընկերությունում հույս ունեն, որ Հայաստանի Հանրապետության իրավասու մարմինների և Վրաստանի համապատասխան կառույցների միջև բանակցությունները կավարտվեն կառուցողական եզրակացությամբ, և կարճ ժամանակում ապրանքը տեղ կհասնի։

Խնդիրը տեխնիկակա՞ն է

Վրաստանի միջազգային բեռնափոխադրողների ասոցիացիայի գլխավոր քարտուղար Գիա Ցիպուրիան կարծում է, որ խնդիրը զուտ տեխնիկական տիրույթում է։

«Սա սովորական ապրանք չէ և սովորական բեռնափոխադրումների ու բարդ տրանզիտի մեջ չի տեղավորվում»,-շեշտեց նա։

Ցիպուրիան վերհիշեց, որ մեկ անգամ բեռը հետ են ուղարկել պարզապես այն պատճառով, քանի որ հնարավոր չի եղել այն թունելով անցկացնել։ Մեկ անգամ էլ պատճառ է դարձել նախապես նշված չափերի ու ծավալի գերազանցումը։ Մեկ այլ դեպքում՝ բեռը կանգնեցրել են, քանի որ վարորդի որակավորման ժամկետը լրացած է եղել։ Իսկ թե ինչ է տեղի ունեցել այս անգամ՝ նա որևէ մեկնաբանություն չի տվել։

Ինչ կտա «կանաչ միջանցքը» հայկական բեռնատարներին. «Վերին Լարսի» հերթերը կմնա՞ն անցյալում

Վրաստանի նախագահի աշխատակազմի նախկին ղեկավար Պետրե Մամրաձեն քաղաքական ենթատեքստը բացառեց․ «Ես լավ գիտեմ նման իրավիճակները։ Բացառված է, որ որևէ մեկը հենց այնպես վերցնի ու որոշի բեռնատարները ներս չթողնել»։

Մամրաձեն ևս կոչ արեց սպասել պաշտոնական հայտարարությունների։

85
թեգերը:
դեսպանատուն, Արտաքին գործերի նախարարություն (ԱԳՆ), բեռնափոխադրում, բեռնատար, Վրաստանի Հանրապետություն, Հայաստան, Ռուսաստան
Ըստ թեմայի
ՀՀ քաղաքացիների հետ միջադեպ Վերին Լարսում․ դեսպանությունը բացատրեց` ինչ է տեղի ունեցել
«Մենք ամեն ինչի պատրաստ ենք, միայն թե Վերին Լարսում ֆիզիկական զննում չլինի». Փաշայան
Ինքնագործունեությունը բարդացնում է իրավիճակը Լարսում` ստեղծելով լարումներ. Թանանյան
Տևական ժամանակ Վերին Լարսում գտնվող քաղաքացիները տեղափոխվել են Հայաստան
Բեյրութ

Լիբանանում ՀՀ դեսպանությունը փորձում է պարզել՝ Բեյրութի պայթյունից հայեր տուժել են, թե ոչ

237
(Թարմացված է 22:05 04.08.2020)
Համացանցը ողողվել է հզոր պայթյունի ահասարսուռ կադրերով։ Լիբանանում ՀՀ դեսպանության աշխատակիցներն ու Մեծի Տանն Կիլիկիո Կաթողիկոս Արամ Ա-ն շրջում է հայկական թաղամասերում։

ԵՐԵՎԱՆ, 4 օգոստոսի- Sputnik. Լիբանանում ՀՀ դեսպանությունն անհրաժեշտ աշխատանքներ է իրականացնում Բեյրութի նավահանգստում տեղի ունեցած պայթյունի հետևանքով զոհվածների և տուժածների շրջանում ՀՀ քաղաքացիների հայտնաբերման ուղղությամբ: Այս մասին Sputnik Արմենիային հայտնեց ՀՀ ԱԳՆ մամուլի քարտուղար Աննա Նաղդալյանը:

Համացանցում արդեն հայտնվել են կադրեր, որտեղ Մեծի Տանն Կիլիկիո Կաթողիկոս Արամ Ա-ն շրջում է հայկական թաղամասերում և փորձում պարզել, արդյոք տուժածներ կան, թե ոչ ։ Կաթողիկոսի կողքով անցնող մարդիկ կանգ են առնում և օրհնություն խնդրում նրանից։ Կադրերում երևում է, որ տների ապակիները կոտրվել են, իսկ բեկորները թափվել գետնին, իսկ շտապօգնության մեքենաները՝ ազդանշանները միացրած երթևեկում։

Նշենք, որ "Management MIX" ընկերության տնօրեն Րաֆֆի Սեմերջյանն Էլ Facebook-ի իր էջում հայտնել է, որ պայթյունը որոտացել է իր տնից 10 կմ հեռավորության վրա, սակայն ընտանիքի անդամներից ոչ ոք չի տուժել: Նա տեսանյութ և լուսանկար է հրապարակել։

237
թեգերը:
Բեյրութ, Լիբանան, պայթյուն, դեսպանատուն, հայ