Ցորենի արտ

Անցյալ տարվա ցորենն այս տարի պետք չէ. կառավարությունը գյուղացուն նոր պայման է առաջարկում

161
(Թարմացված է 12:40 02.07.2020)
Սերմացուն պետք է լինի որակյալ, որպեսզի բարձր բերք ապահովի: Կառավարության ծրագրի նպատակն է նաև գյուղացուն ցույց տալ, որ չի կարելի ցանել նախորդ տարվանից պահած ցորենը:

ԵՐԵՎԱՆ, 2 հուլիսի – Sputnik. Կորոնավիրուսի տարածման հետևանքով ցորենի ներմուծման հնարավոր դժվարությունների պայմաններում Հայաստանում կանխատեսվող հացի պակասուրդից խուսափելու համար ՀՀ կառավարությունը որոշել է աշնանացան ցորեն արտադրող տնտեսվարողներին ու գյուղացիներին պետական աջակցություն տրամադրել: Էկոնոմիկայի նախարարության այս առաջարկն ընդունվեց կառավարության այսօրվա նիստում:

Էկոնոմիկայի նախարար Տիգրան Խաչատրյանը նախագծի ներկայացման ժամանակ հայտնեց, որ սուբսիդավորման համար ընտրվել են Շիրակի, Սյունիքի, Գեղարքունիքի, Լոռու, Արագածոտնի, Տավուշի և Կոտայքի մարզերը, քանի որ պաշտոնական տվյալներով այս մարզերում է գտնվում ՀՀ ցորենի արտերի շուրջ 95%-ը:

Ծրագրով նախատեսվում է 2-20 հա մակերեսով ցորենի ցանքատարածություններ մշակող գյուղացիական տնտեսություններին աշնանացան ցորենի «էլիտա» տեսակի սերմերի գնի մասնակի սուբսիդավորում՝ 1 կգ-ի համար 70 դրամի չափով:

Նախագծի ընդունումը, նախարարի խոսքով, կնպաստի ՀՀ-ում ցորենի բերքատվության շուրջ 30%-ով ավելացմանը:

Խաչատրյանի մեկնաբանմամբ` Հայաստանում ցորենի ցածր բերքատվությունը մեծ մասամբ կախված է ցանվող ցորենի որակից:

«Գյուղացիները, որպես կանոն, հաջորդ տարի ցանում են այս տարի ստացած ցորենի բերքի մի մասը, ինչի արդյունքում 1 հա-ի բերքատվությունը կազմում է 1.8- 2 տոննա»,- ասաց նա:

ՀՀ վարչապետ Նիկոլ Փաշինյանն էլ հավելեց, որ ծրագրի նպատակն է նաև գյուղացուն ցույց տալ, որ «չի կարելի ցանել նախորդ տարվա ստացած բերքը»:

«Սերմացուն պետք է լինի որակյալ, որպեսզի բարձր բերք ապահովի: Պահած սերմացուն կարող են վաճառել ու այդ գումարը օգտագործեն նոր սերմացու ձեռք բերելու վրա»,- ասաց նա:

Փաշինյանը նաև հայտնեց, որ պետական աջակցությունը կարող է շարունակվել առավելագույնը 2-3 տարի: Այդ ընթացքում գյուղացին պետք է սովորի աշխատել նոր պայմաններում:

Ի դեպ, հետաքրքրական է, որ կառավարության պաշտոնական կայքում հրապարակված ծրագրի հիմնավորումներում նշված է, որ «կորոնավիրուսի տարածման հետևանքով ցորենի ներմուծման հնարավոր դժվարությունների պայմաններում խնդիր է առաջանում տեղական արտադրության ծավալների ավելացման միջոցով բարձրացնել ինքնաբավության մակարդակը և նպաստել պարենային անվտանգության ապահովմանը», սակայն կառավարության նիստում դրա քննարկման ընթացքում այս մասին որևէ հիշատակում չեղավ:

Նշենք, որ այսօր ՀՀ հացահատիկի շուկան գրեթե ամբողջությամբ կախված է ներկրումներից: Վիճակագրական կոմիտեի տվյալների համաձայն` 2015 թվականի համեմատ 2019 թվականին աշնանացան ցորենի ցանքատարածությունները ՀՀ-ում նվազել են շուրջ 44,1 %-ով, բերքատվության մակարդակը՝ 42%-ով, ինչի արդյունքում ստացված բերքի ընդհանուր ծավալը նվազել է 68,7 %-ով՝ կազմելով ընդամենը 110 300 տոննա:

Եթե 2014 թվականին Հայաստանն ապահովում էր իր ցորենի պահանջարկի 48,7%-ը, ապա 2018 թվականին այդ ցուցանիշը կազմել է 31,5%:

161
թեգերը:
ցորեն, գյուղացի, ՀՀ կառավարություն, Հայաստան
Ըստ թեմայի
Հայաստանի արևահամ այցեքարտը. ծիրանի բերքահավաքը` լուսանկարներով
Հայաստանը հողագիտական քարտեզ կունենա, գյուղտեխնիկա և դրամաշնորհներ կստանա. փոխնախարար
Համավարակի պատճառով հացահատիկի ներկրման գործընթացում լուրջ խնդիրներ կլինեն. Ավետիսյան
Գլխավոր շտաբի պետ Օնիկ Գասպարյանն այցելել է 4-րդ և 5-րդ զորամիավորումներ

Գլխավոր շտաբի պետ Օնիկ Գասպարյանն այցելել է 4-րդ և 5-րդ զորամիավորումներ

9
(Թարմացված է 18:42 03.08.2020)
Գեներալ-լեյտենանտը համապատասխան հանձնարարականներ է տվել ստորաբաժանումների հրամանատարներին։

ԵՐԵՎԱՆ, 3 հուլիսի – Sputnik. ՀՀ զինված ուժերի գլխավոր շտաբի պետ, գեներալ-լեյտենանտ Օնիկ Գասպարյանն օգոստոսի 1-ին շրջայց է կատարել 4-րդ և 5-րդ զորամիավորումներ: Տեղեկությունը հայտնում է ՀՀ պաշտպանության նախարարության մամուլի ծառայությունը։

Շրջայցի ընթացքում ստուգվել են զորամիավորումների զորամասերի պատրաստության և պատրաստականության աստիճանը, իրականացված միջոցառումները, տարբեր իրադրություններում հրամանատարների գործելու և ստորաբաժանումների գործողությունները ղեկավարելու կարողությունները։

ՀՀ պաշտպանության նախարարությունը հերքում է թուրքական կործանիչների մասին լուրերը

Զորամիավորումների հրամանատարները ԶՈւ գլխավոր շտաբի պետին զեկուցել են սահմանագոտում տիրող իրավիճակի, անձնակազմի ֆիզիկական, մարտական ու բարոյահոգեբանական պատրաստության մակարդակի և ստորաբաժանումներին առաջադրված խնդիրների մասին: Այցի ավարտին գեներալ-լեյտենանտ Օնիկ Գասպարյանը համապատասխան հանձնարարականներ է տվել ստորաբաժանումների հրամանատարներին:

Ինչպես է անցել գիշերը Տավուշի սահմանին. ՀՀ ՊՆ խոսնակը տեղեկություններ է հայտնել

9
թեգերը:
Օնիկ Գասպարյան, Հայաստան
Ըստ թեմայի
Խոցված դրոնների ուժեղ և թույլ կողմերը. արժե՞ վախենալ թուրքական ԱԹՍ-ներից
ՀՀ զինված ուժերում հանկարծակի ստուգումներ են անցկացվել. ՊՆ
«Քանի դեռ ուշ չէ»–ն ե՞րբ է. Տոնոյանը պատասխանել է Ալիևին. տեսանյութ
Ինքնաթիռ, արխիվային լուսանկար

Առաջիկա օրերին ՌԴ-ից միանգամից 3 չարտերային չվերթ կիրականացվի

18
(Թարմացված է 18:08 03.08.2020)
Չարտերային չվերթներից երկուսը նախատեսված է Մոսկվա-Երևան, մեկը՝ Կալուգա - Երևան ուղղություններով:

ԵՐԵՎԱՆ, 3 օգոստոսի - Sputnik. Ռուսաստանում ՀՀ դեսպանատնից հայտնում են, որ «Aircompany Armenia» ավիաընկերությունն առաջիկա օրերին կիրականացնի 3 չարտերային չվերթ՝ Մոսկվա-Երևան և Կալուգա - Երևան ուղղություններով:

Հայաստանից հայրենիք է վերադարձել ևս 158 ռուսաստանցի

«Տոմսերն ազատ վաճառքի սկզբունքով կարելի է ձեռք բերել ընկերության կայքից (armeniafly.com), կամ ընկերության երևանյան գրասենյակից (հասցե՝ Վ․Սարգսյանի 10)։ Մոսկվա-Երևան չվերթների տոմսերի արժեքը՝ սկսած 14 հազ․ 500 ռուբլի, իսկ Կալուգա-Երևան չվերթի տոմսի արժեքը՝ սկսած 10 հազ․ 700 ռուբլի»,- նշված է հաղորդագրության մեջ։

Մոսկվա-Երևան առաջին չվերթը նախատեսված է օգոստոսի 7-ին՝ ժամը 12։30-ին՝ «Վնուկովո» օդանավակայանից, Կալուգա - Երևան չվերթը՝ օգոստոսի 10-ին՝ ժամը 10։30-ին՝ «Կալուգա» միջազգային օդանավակայանից: Մոսկվայից դեպի Երևան ևս մեկ չվերթ նախատեսված է օգոստոսի 11-ին՝ ժամը 12։30-ին՝ դարձյալ «Վնուկովո» օդանավակայանից:

4 չվերթ՝ 2 օրում. օդային փոխադրումներն աստիճանաբար աշխուժանում են

18
թեգերը:
ուղևոր, տոմս, չվերթ, Կալուգա, Մոսկվա, Երևան, Հայաստան
Ըստ թեմայի
Մոսկվայից դեպի Երևան ու Գյումրի չարտերային չվերթեր կլինեն
Երևան–Մոսկվա չվերթ. Հայաստանից Ռուսաստան են վերադարձել ևս 112 քաղաքացի
Երևան-Մոսկվա երկու չվերթ․ Հայաստանում Ռուսաստանի դեսպանատունը մանրամասներ է ներկայացրել
Մինսկ-Երևան չվերթի ուղևորի ուղեբեռում թմրանյութեր են հայտնաբերվել