ՌԴ դեսպանատուն, քվեարկություն

Ավելի քան 1330 ռուսաստանցի քվեարկել է ՀՀ-ում ռուսական դեսպանատան տեղամասում

200
(Թարմացված է 23:55 01.07.2020)
Ռուսաստանցիները մեկ շաբաթվա ընթացքում հնարավորություն ունեին քվեարկել ՌԴ Սահմանադրական փոփոխությունների օգտին: Հայաստանում գտնվող Ռուսաստանի քաղաքացիները նույնպես նման հնարավորություն են ունեցել։ Հանրապետության տարածքում գործել է 6 ընտրատեղամաս։

ԵՐԵՎԱՆ, 1 հուլիսի – Sputnik․ Ընդհանուր առմամբ Ռուսաստանի ավելի քան 1330 քաղաքացի Երևանում մասնակցել են ՌԴ Սահմանադրական փոփոխությունների հանրաքվեին` քվեարկելով ՌԴ դեսպանատանը բացված ընտրական տեղամասում: Քվեարկությունը տևել է 7 օր՝ հունիսի 25-ից հուլիսի 1-ը։ Տեղեկությունը հաղորդում է Հայաստանում Ռուսաստանի դեսպանատան մամուլի ծառայությունը։

Նշվում է, որ հուլիսի 1–ին, ուղիղ առավոտյան ժամը 8–ին բացվել են վեց տեղամասերը՝ մեկական Երևանում գտնվող դեսպանատանը և Գյումրիի Գլխավոր Հյուպատոսությունում, երեքը ՝ ռուսական 102-րդ ռազմաբազայում, մեկը՝ «Էրեբունի» ավիաբազայում:

«ՌԴ Սահմանադրության մեջ փոփոխություններ կատարելու մասին քվեարկությանը մասնակցել է 1331 մարդ», - ասված է հաղորդագրության մեջ:

Դիվանագիտական առաքելության տարածքում տեղակայված տեղամասում միջոցներ են ձեռնարկվել համաճարակաբանական անվտանգությունն ապահովելու և կորոնավիրուսով վարակվելու վտանգը նվազագույնի հասցնելու համար:

Քվեախցիկները տեղադրված են եղել բացօթյա վայրում։ Ռուսաստանի Պաշտպանության նախարարության շարժական լաբորատորիայի ուժերով պարբերաբար ախտահանում է իրականացվել։ Դեսպանատան մուտքի մոտ տեղադրված է եղել անհպում ջերմաչափման կետ։ Ընտրողների մուտքը տեղամաս կանոնակարգվել է՝ սոցիալական հեռավորությունն ապահովելու համար։

«Քվեարկության բոլոր մասնակիցներին տրամադրվել են դիմակներ և ձեռնոցներ, ախտահանիչ միջոցներ, ինչպես նաև մեկանգամյա օգտագործման գրիչներ։ Եղել է շտապօգնության բրիգադի մշտական հերթապահություն»,-նշվում է հաղորդագրության մեջ:

Ռուսաստանում հուլիսի 1-ի ժամը 20:00-ի դրությամբ Սահմանադրական փոփոխությունների քվեարկության միջին մասնակցությունը կազմել է 64,99%:

Ռուսաստանում հանրաքվե է. 102–րդ ռազմաբազայի բոլոր ծառայողներն արդեն քվեարկել են

«Ռոսիա սեգոդնյա» ՄՏԳ-ի և RT-ի գլխավոր խմբագիր Մարգարիտա Սիմոնյանն իր Telegram-ալիքում անդրադարձել է Ռուսաստանում կայացած ընտրություններին և հատուկ շնորհակալություն հայտնել ԱՄՆ–ի։

«Ուզում եմ առանձնահատուկ շնորհակալություն հայտնել ԱՄՆ-ին՝ մեր քվեարկությանը միջամտելու համար։ Եթե չլիներ ձեր խառնաշփոթը՝ նախ քովիդի, այնուհետև հուշարձանների և մնացած ամեն ինչի հետ կապված, մեզ մոտ արդյունքը կարող էր և ավելի վատ լինել։ Քանզի ամեն ինչ համեմատության մեջ է երևում»,-գրել է Սիմոնյանը իր Telegram-ալիքում։

Ինչպես հաղորդում Է ԿԸՀ-ն, քվեաթերթիկների 25%-ի հաշվարկից հետո հայտնի է դարձել, որ ընտրողների 73,24%-ը քվեարկել է Ռուսաստանի Սահմանադրության փոփոխությունների օգտին:

Պուտինը քվեարկեց առանց դիմակի ու ձեռնոցի. տեսանյութ

Ռուսաստանի Սահմանադրական փոփոխությունների հանրաքվեն պետք է տեղի ունենար ապրիլի 22-ին, սակայն այն հետաձգվեց երկրում կորոնավիրուսային իրավիճակի պատճառով։ Ավելի ուշ ՌԴ նախագահ Վլադիմիր Պուտինը հայտարարեց, որ քվեարկությունը տեղի կունենա հուլիսի 1-ին։ Որոշման համաձայն` ՌԴ քաղաքացիները քվեարկելու հնարավորություն ունեին յոթ օր շարունակ։ Այսօր քվեարկության հիմնական օրն էր։

200
թեգերը:
Երևան, դեսպանատուն, Սահմանադրական փոփոխությունների նախագիծ, հանրաքվե, Ընտրություններ, Ռուսաստան
Արտավազդ Փելեշյան

Փարիզում կկայանա Արտավազդ Փելեշյանի նոր ֆիլմի համաշխարհային պրեմիերան

4
Ֆիլմի համաշխարհային պրեմիերային կհաջորդի Փելեշյանի անհատական ցուցահանդեսը, որը կմեկնարկի 2020 թվականի հոկտեմբերի 24-ին և կտևի մինչև 2021թ-ի մարտի 7-ը։

ԵՐԵՎԱՆ, 4 օգոստոսի - Sputnik. Փարիզում հոկտեմբերին կկայանա աշխարհահռչակ հայ ռեժիսոր Արտավազդ Փելեշյանի նոր՝ «Բնություն» ֆիլմի համաշխարհային պրեմիերան։ Տեղեկությունը հայտնում է ֆրանսիական «Fondation Cartier»-ի կայքը։

«Ուրախ ենք տեղեկացնել, որ ներկայացնելու ենք լեգենդար ռեժիսորի ֆիլմի պրեմիերան։ «Բնություն» ֆիլմը նկարահանվել է Ֆրանսիայի «Fondation Cartier» հիմնադրամի և Գերմանիայի «ZKM» ֆիլմարտադրող ընկերության հետ համատեղ»,–գրում է կայքը։

Նշվում է, որ ֆիլմը ռեժիսորի 15 տարվա աշխատանքի գագաթնակետն է։

Ըստ տեղեկության`«Բնությունն» Արտավազդ Փելեշյանի՝ 1993 թվականին նկարահանված «Կյանք» ֆիլմից 27 տարի անց արված առաջին կինոաշխատանքն է, որտեղ անդրադարձ է եղել բնությանը՝ օգտագործելով Բեթհովենի, Մոցարտի, Շոստակովիչի, Տերտերյանի և Համասյանի երաժշտությունը։

Փելեշյանը մրցանակ բերեց գործընկերոջը. «ՏԷՖԻ Համագործակցությունը» ամփոփեց արդյունքները

Ֆիլմի պրեմիերային կհաջորդի Փելեշյանի անհատական ցուցահանդեսը, որը կմեկնարկի 2020 թվականի հոկտեմբերի 24-ին և կտևի մինչև 2021 թ-ի մարտի 7-ը։

Գեղարվեստական, վավերագրական և հեռուստատեսային ֆիլմերի մեծանուն ռեժիսոր, Հայաստանի Հանրապետության ժողովրդական արտիստ, «Սուրբ Մեսրոպ Մաշտոց» շքանշանակիր

Արտավազդ Փելեշյանը ծնվել է 1938 թվականին` Վանաձորում։ Ամբողջ աշխարհում նա Հայաստանի ու հայկականության մարմնացումն է։ Արտավազդ Փելեշյանը «Տարածական մոնտաժի» հիմնադիրն է։ Նրա համանուն գիրքը վերածվել է ուսանողների համար դասագրքի։

Փելեշյանի «Բնակիչները» շրջագայում է աշխարհով մեկ

4
թեգերը:
ռեժիսոր, հայ, Ֆրանսիա, Փարիզ, ֆիլմ, Արտավազդ Փելեշյան
Ըստ թեմայի
Արտավազդ Փելեշյանի տիեզերքը ստեղծվել է 40 տարում
Արտավազդ Փելեշյանի «Դրոշմման ժամանակը»
Փելեշյան. բոլոր արվեստներից առաջ ծնվել է կինոն
Փելեշյանական աշխարհի սիմֆոնիան
FoldInk–ի թիմը

Հայաստանն արդեն 3D printing-ի աշխարհի քարտեզում է. բժիշկները կենդանի հյուսվածքներ են տպում

9
Առաջին փորձերն արդեն հաջողությամբ են պսակվել։ Այժմ հետազոտողներն ուզում են պարզել, թե աճեցված հյուսվածքները որքան կկարողանան ապրել ինկուբատորում։

ԵՐԵՎԱՆ, 4 օգոստոսի – Sputnik. Այժմ աշխարհում ակտիվորեն ուսումնասիրվում են նորագույն տեխնոլոգիաները, թե ինչպես կարելի է կենդանի բջիջներ օգտագործելով մարդու մարմնի հյուսվածքներ «տպել» վնասված հատվածները փոխարինելու համար։

Այսպիսի հետազոտություններով է զբաղվում «FOLDINK» ստարտափը, որը հիմնադրել են Երևանի պետական բժշկական համալսարանի մի խումբ շրջանավարտներ և բժիշկներ։ Նրանք ինքնուրույն հավաքել են բիոպրինտեր, որով փորձարկում են տարբեր հյուսվածքների ստացումը եռաչափ բիոտպագրությամբ, մասնավորապես աշխատում են աճառային հյուսվածքների հետ։

Առաջին փորձերը, որոնք արվեցին անցյալ տարի, հաջող էին. աճեցված հյուսվածքն ուղարկվել էր հյուսվածաբանական անալիզի, որը ցույց էր տվել, որ բջիջները կենդանի էին մնացել տպագրության ընթացքում։

Այժմ փորձարկվում է, թե աճեցված հյուսվածքները որքան կկարողանան ապրել ինկուբատորում, որը ապահովում է բնական պայմաններին մոտ պայմաններ։

Ողջ աշխարհում այս ուղղությունը դեռ նոր է, և կլինիկական փորձարկումներ դեռ չեն կատարվել, բայց ակտիվ հետազոտվում են։

Սուպեր լաբորատորիա. հայկական գինու և կոնյակի նկատմամբ վստահությունն էլ ավելի կբարձրանա

Այսօր մեծ հավանականությամբ կարելի է ենթադրել, որ բիոտպագրությամբ ստացված հյուսվածքները համատեղելի կլինեն մարդու օրգանիզմի հետ, քանի որ չեն պարունակում իմունոգեն ագենտներ, այսինքն` չունեն այնպիսի սպիտակուցներ կամ այլ միացություններ, որոնք մեր օրգանիզմը օտար կհամարի և կսկսի պայքարել նրանց հետ։

Այսպիսի լուրջ կողմնակի ազդեցություններ հաճախ են լինում պատվաստված օրգանների հետ. ընդունող օրգանիզմի իմունային համակարգը սկսում է պայքարել օտար սրտի կամ լյարդի դեմ` ճիշտ այնպես, ինչպես պայքարում է, օրինակ, վիրուսների դեմ։

«Այս դեպքում նման խնդիր չի առաջանում, և սա բիոտպագրության մեծ առավելությունն է։ Քանի որ այստեղ օգտագործվում են հատուկ կենսամատերիալներ, որոնք չունեն իմունոգեն կամ ալերգածին ազդեցություն», – Sputnik Արմենիային ասաց «FOLDINK» ընկերության համահիմնադիր Էմմանուել Ղանդիլյանը։

Դեռ շատ երկար է պետք աշխատել տպած օրգանների պատվաստման համար, սակայն կարևոր է միջազգային գիտությանը համահունչ գնալ։ Ընկերության հետազոտություններն արդեն նկատում է համաշխարհային պրոֆեսիոնալ հանրույթը. 3dprinting.com մասնագիտացված օնլայն ամսագիրը Հայաստանն ընդգրկել է 3D bioprinting–ի աշխարհի քարտեզում` նշելով «FOLDINK»–ը։

Հավելենք, որ ընկերության թիմում ընդգրկված են ԵՊԲՀ շրջանավարտներ, օրդինատորներ և ուսանողներ, ինչպես նաև ինժեներներ, մարկետոլոգներ ու 3D դիզայներներ այլ համալսարաններից։

«Կեղտ չէ, հող է». նախկին պատգամավորը կյանքը «քաղցրացնելու» հետաքրքիր ձև է գտել

9
թեգերը:
հայեր, բժիշկ, Հայաստան
Ըստ թեմայի
Առանց խարդախության. հայն ու չինացին բժշկական ընկերություններին կստիպեն ազնիվ լինել
Կենսագազ Հայաստանում. ինչպես վառելիքով ապահովել մի ամբողջ գյուղ
Լավ կաթ ստանալու բանաձևը. շվեյցարացիներն ու ավստրիացիներն օգնում են հայ գյուղացուն