ՌԴ Սահմանադրական փոփոխությունների քվեարկությունը Երևանի դեսպանատանը

«Հանուն Հայաստանի հետ համագործակցության». ինչպե՞ս է անցնում քվեարկությունը ՌԴ դեսպանատանը

85
(Թարմացված է 19:40 01.07.2020)
ՌԴ սահմանադրական փոփոխությունների հանրաքվեն արտասովոր պայմաններում է անցկացվում. համաճարակաբանական անվտանգության խիստ կանոններ են սահմանվել։

ԵՐԵՎԱՆ, 1 հուլիսի –Sputnik. Հայաստանում` Երևանի և Գյումրիի 6 ընտրատեղամասերում, ՌԴ քաղաքացիներն այսօր քվեարկում են ՌԴ Սահմանադրական փոփոխությունների հանրաքվեին։ Sputnik Արմենիան պատմում է Երևանում ռուսական դիվանագիտական ներկայացուցչությունում քվեարկության անսովոր պայմանների մասին։

Հայաստանում Ռուսաստանի դեսպանատանը, ինչպես և գործող մյուս ընտրատեղամասերում քվեարկությունը մեկնարկել է ժամը 08:00–ին։ Անվտանգությունն ապահովելու նպատակով այն կազմակերպվել էր մաքուր օդին։ Ընտրական հանձնաժողովը, քվեախցիկներն ու քվեատուփերը տեղադրվել են ծածկի տակ։ Ընտրական հանձնաժողովի անդամներին ընտրողներից բաժանում էր ապակե միջնապատը։

Քվեարկությունից առաջ ռուսական շրջիկ լաբորատորիայի աշխատակիցներն ախտահանել են տարածքը։ Ընտրողներին մուտքի մոտ դիմակ ու ձեռնոց են տրամադրել, քվեախցիկներում ախտահանող նյութեր կային։ Մուտքն ու ելքը տարբեր կողմերում էին, ընտրողների շփումը բացառելու համար սոցիալական հեռավորության գծանշում էին արվել։

Ընտրական հանձնաժողովի աշխատակիցները Sputnik Արմենիային հայտնեցին, որ իրենք 30 րոպեն մեկ ախտահանում են գրանցման խցերը։ Յուրաքանչյուր ընտրող ձեռքերն ախտահանելու հնարավորություն ունի (ընտրողներին առաջարկվում է օգտվել տեղում դրված ալկոգելերից)։

Ինչպես հայտնեց Հայաստանում Ռուսաստանի դեսպան Սերգեյ Կոպիրկինը, հունիսի 25-ից նախնական քվեարկության մի քանի փուլ է անցկացվել, մասնավորապես, ՌԴ ԱԴԾ սահմանապահ վարչության տարածքում, ինչպես նաև Մեղրիում` Իրանի հետ սահմանին, որտեղ գտնվում է սահմանապահ ջոկատներից մեկը։

Երեկ դեսպանատանը քվեարկություն է անցկացվել դիվանագիտական ներկայացուցչության աշխատակիցների, ինչպես նաև այստեղ գործող ռուսական ընկերությունների աշխատակիցների և վետերանների համար։

«Այսօր քվեարկում են բոլոր նրանք, ովքեր քվեարկելու իրավունք ունեն և նման ցանկություն են հայտնել։ Այսպես է արվել, որպեսզի խուսափենք մարդկային կուտակումներից` ելնելով Հայաստանում ստեղծված բարդ համաճարակաբանական իրավիճակից։ Պետք է ասեմ, որ այստեղ մենք բոլոր միջոցները ձեռնարկել ենք, որպեսզի առավելագույնս վերացնենք վարակման վտանգը, ապահովենք համաճարակաբանական անվտանգությունը», – ասաց դեսպանը։

Второй день голосования по поправкам в Конституцию в посольстве РФ в Армении (30 июня 2020). Еревaн
© Sputnik / Aram Nersesyan
ՌԴ Սահմանադրական փոփոխությունների քվեարկությունը Երևանի դեսպանատանը

Ի տարբերություն սովորական ռեժիմի այս անգամ քվեարկությունն անցնում է բաց երկնքի տակ։ Խիստ կանոնակարգված է քաղաքացիների մուտքը` մարդկանց կուտակումներից խուսափելու համար։ Կան ախտահանիչ միջոցներ, դիմակներ և ձեռնոցներ։

Թե որքան մարդ կգա դժվար է ասել` հաշվի առնելով աշխատանքային օրն ու Հայաստանում  գործող արտակարգ դրությունը։ Օրվա սկզբում ընտրատեղամասում ակտիվություն էր նկատվում, ակտիվություն է սպասվում նաև երեկոյան։

Հայաստանում, ընդհանուր առմամբ, հյուպատոսական հաշվառման է կանգնած 20 հազարից մի փոքր ավելի մարդ։ Սակայն այդքանով ՌԴ քաղաքացիների թիվը չի սահմանափակվում։

Второй день голосования по поправкам в Конституцию в посольстве РФ в Армении (30 июня 2020). Еревaн
© Sputnik / Aram Nersesyan
ՌԴ Սահմանադրական փոփոխությունների քվեարկությունը Երևանի դեսպանատանը

Իրավիճակը սպեցիֆիկ է, քանի որ ավիահաղորդակցություն չի գործում, Հայաստան օտարերկրյա քաղաքացիների մուտքը ևս արգելված է, զբոսաշրջիկներ չկան։ Այդ պատճառով դեսպանատունը չի ակնկալում այն ակտիվությունը, որը կարող էր լինել սովորական ժամանակ։

Նույն ռեժիմով է աշխատում Գյումրու հյուպատոսարանը։ Եվս 3-ը բացվել են Գյումրիի 102-րդ ռուսական ռազմաբազայի տարածքում։

Դեսպանատուն մուտք գործել մարդկանց թողնում էին մի քանի հոգով` կուտակումներից խուսափելու համար։  Ինչպես նշել են ընտրողներից շատերը եկել են իրենց «քաղաքացիական պարտքը կատարելու»` անկախ արտասովոր պայմաններից։

 Посол России в Армении Сергей Копыркин на второй день голосования по поправкам в Конституцию в посольстве РФ в Армении (30 июня 2020). Еревaн
© Sputnik / Aram Nersesyan
Հայաստանում ՌԴ դեսպան Սերգեյ Կոպիրկինը

«Եկել ենք քվեարկելու ապագայի համար, որպեսզի լավ լինի», –Sputnik Արմենիայի հետ զրույցում ասաց ընտրողներից մեկը` Հարություն Հակոբյանը։

Նա մշտապես բնակվում է Ռուսաստանում, երբեմն գալիս է Հայաստան։ Այս անգամ նա մեքենայով է եկել և սահմանները փակելու պատճառով մնացել այստեղ։ Ընտրատեղամասում վարակվելուց չի վախենում, սակայն իրեն դուր չի գալիս, որ Հայաստանում մարդիկ չեն հետևում անվտանգության կանոններին։

«Մեզ մոտ` Հայաստանում, մարդիկ մի քիչ մեծամիտ են, դիմակ չեն դնում, ամեն ինչ կատակի են վերածում։ Այդպես չի կարելի։ Շատ բան կախված է ժողովրդից, մարդիկ քննադատում են իշխանություններին, սակայն անձամբ չեն կատարում այն, ինչ պահանջվում է։ Եթե յուրաքանչյուրը հետևի կանոններին ամեն ինչ լավ կլինի», – նշեց Հարությունը։

Մեկ այլ ընտրող` Սվետլանան, նույնպես կարծում է, որ եթե սանիտարական նորմերը պահպանվեն, որևէ խնդիր չի առաջանա։ Նա 74 տարեկան է, ամեն օր խանութ է գնում` և ոչինչ։ Սվետլանան մաղթում է, որպեսզի բոլորի համար հասանելի բժշկություն, սոցիալական հավասարություն լինի, պաշտպանվեն սահմանները։

Դմիտրի Խաչատրյանը եկել էր քվեարկելու «հանուն լավ կյանքի, երկրի հզորության, Հայաստանի հետ համագործակցության»։ Նա ծնվել է Հայաստանում, սակայն ամբողջ կյանքը Ռուսաստանի հետ է կապված։ Նրան, որպես ոչ երիտասարդ տղամարդու, կորոնավիրուսի հետ կապված իրավիճակը վախեցնում է, սակայն ոչ այնքան, որ քվեարկության չգնա։ Կարգը պահպանելու դեպքում, ըստ նրա, ամեն ինչ կհաղթահարվի։

Հայաստանում 5 տարի բնակվող Սերգեյ Կորոտկովն ընտանիքի հետ էր եկել քվեարկության «հանուն իր երկրի և ժողովրդի ապագայի»։ Նա կարծում է, որ քվեարկության համար առավել քան բավարար պայմաններ են ստեղծվել, առավել ևս, որ «ամեն ինչ այդքան էլ վտանգավոր չէ, և մեզ ինչ–որ բան մինչև վերջ չեն ասում»։ Քվեարկելու առաջին անգամ է եկել, քանի որ ներկայիս խնդիրներն իրեն շատ են մտահոգում։

Երևանում և Գյումրիում ընտրատեղամասերը կփակվեն տեղի ժամանակով ժամը 20:00–ին։

Պատրաստ սպասում են. ե՞րբ ռուսական ինքնաթիռները կրկին կթռչեն Հայաստան

Ռուսաստանի Սահմանադրության փոփոխությունների քվեարկությունը նախատեսվում էր ապրիլի 22-ին անցկացնել, սակայն հետաձգվել է կորոնավիրուսի հետ կապված իրավիճակի պատճառով։ Ավելի ուշ ՌԴ նախագահ Վլադիմիր Պուտինը հայտնել էր, որ քվեարկությունը կանցկացվի հուլիսի 1-ին։ Որոշում էր կայացվել, որ ՌԴ քաղաքացիները կարող են յոթ օրվա մեջ՝ հունիսի 25-ից մինչև հուլիսի 1-ը քվեարկել։ Մոսկվացիները, Նիժնի Նովգորոդի մարզի ու ևս երկու տարածաշրջանի բնակիչները կարող են հեռակա տարբերակով քվեարկել։

85
թեգերը:
քվեարկություն, հանրաքվե, դեսպանատուն, Գյումրի, Երևան, Հայաստան, Ռուսաստան
Արտավազդ Փելեշյան

Փարիզում կկայանա Արտավազդ Փելեշյանի նոր ֆիլմի համաշխարհային պրեմիերան

1
Ֆիլմի համաշխարհային պրեմիերային կհաջորդի Փելեշյանի անհատական ցուցահանդեսը, որը կմեկնարկի 2020 թվականի հոկտեմբերի 24-ին և կտևի մինչև 2021թ-ի մարտի 7-ը։

ԵՐԵՎԱՆ, 4 օգոստոսի - Sputnik. Փարիզում հոկտեմբերին կկայանա աշխարհահռչակ հայ ռեժիսոր Արտավազդ Փելեշյանի նոր՝ «Բնություն» ֆիլմի համաշխարհային պրեմիերան։ Տեղեկությունը հայտնում է ֆրանսիական «Fondation Cartier»-ի կայքը։

«Ուրախ ենք տեղեկացնել, որ ներկայացնելու ենք լեգենդար ռեժիսորի ֆիլմի պրեմիերան։ «Բնություն» ֆիլմը նկարահանվել է Ֆրանսիայի «Fondation Cartier» հիմնադրամի և Գերմանիայի «ZKM» ֆիլմարտադրող ընկերության հետ համատեղ»,–գրում է կայքը։

Նշվում է, որ ֆիլմը ռեժիսորի 15 տարվա աշխատանքի գագաթնակետն է։

Ըստ տեղեկության`«Բնությունն» Արտավազդ Փելեշյանի՝ 1993 թվականին նկարահանված «Կյանք» ֆիլմից 27 տարի անց արված առաջին կինոաշխատանքն է, որտեղ անդրադարձ է եղել բնությանը՝ օգտագործելով Բեթհովենի, Մոցարտի, Շոստակովիչի, Տերտերյանի և Համասյանի երաժշտությունը։

Փելեշյանը մրցանակ բերեց գործընկերոջը. «ՏԷՖԻ Համագործակցությունը» ամփոփեց արդյունքները

Ֆիլմի պրեմիերային կհաջորդի Փելեշյանի անհատական ցուցահանդեսը, որը կմեկնարկի 2020 թվականի հոկտեմբերի 24-ին և կտևի մինչև 2021 թ-ի մարտի 7-ը։

Գեղարվեստական, վավերագրական և հեռուստատեսային ֆիլմերի մեծանուն ռեժիսոր, Հայաստանի Հանրապետության ժողովրդական արտիստ, «Սուրբ Մեսրոպ Մաշտոց» շքանշանակիր

Արտավազդ Փելեշյանը ծնվել է 1938 թվականին` Վանաձորում։ Ամբողջ աշխարհում նա Հայաստանի ու հայկականության մարմնացումն է։ Արտավազդ Փելեշյանը «Տարածական մոնտաժի» հիմնադիրն է։ Նրա համանուն գիրքը վերածվել է ուսանողների համար դասագրքի։

Փելեշյանի «Բնակիչները» շրջագայում է աշխարհով մեկ

1
թեգերը:
ռեժիսոր, հայ, Ֆրանսիա, Փարիզ, ֆիլմ, Արտավազդ Փելեշյան
Ըստ թեմայի
Արտավազդ Փելեշյանի տիեզերքը ստեղծվել է 40 տարում
Արտավազդ Փելեշյանի «Դրոշմման ժամանակը»
Փելեշյան. բոլոր արվեստներից առաջ ծնվել է կինոն
Փելեշյանական աշխարհի սիմֆոնիան
FoldInk–ի թիմը

Հայաստանն արդեն 3D printing-ի աշխարհի քարտեզում է. բժիշկները կենդանի հյուսվածքներ են տպում

7
Առաջին փորձերն արդեն հաջողությամբ են պսակվել։ Այժմ հետազոտողներն ուզում են պարզել, թե աճեցված հյուսվածքները որքան կկարողանան ապրել ինկուբատորում։

ԵՐԵՎԱՆ, 4 օգոստոսի – Sputnik. Այժմ աշխարհում ակտիվորեն ուսումնասիրվում են նորագույն տեխնոլոգիաները, թե ինչպես կարելի է կենդանի բջիջներ օգտագործելով մարդու մարմնի հյուսվածքներ «տպել» վնասված հատվածները փոխարինելու համար։

Այսպիսի հետազոտություններով է զբաղվում «FOLDINK» ստարտափը, որը հիմնադրել են Երևանի պետական բժշկական համալսարանի մի խումբ շրջանավարտներ և բժիշկներ։ Նրանք ինքնուրույն հավաքել են բիոպրինտեր, որով փորձարկում են տարբեր հյուսվածքների ստացումը եռաչափ բիոտպագրությամբ, մասնավորապես աշխատում են աճառային հյուսվածքների հետ։

Առաջին փորձերը, որոնք արվեցին անցյալ տարի, հաջող էին. աճեցված հյուսվածքն ուղարկվել էր հյուսվածաբանական անալիզի, որը ցույց էր տվել, որ բջիջները կենդանի էին մնացել տպագրության ընթացքում։

Այժմ փորձարկվում է, թե աճեցված հյուսվածքները որքան կկարողանան ապրել ինկուբատորում, որը ապահովում է բնական պայմաններին մոտ պայմաններ։

Ողջ աշխարհում այս ուղղությունը դեռ նոր է, և կլինիկական փորձարկումներ դեռ չեն կատարվել, բայց ակտիվ հետազոտվում են։

Սուպեր լաբորատորիա. հայկական գինու և կոնյակի նկատմամբ վստահությունն էլ ավելի կբարձրանա

Այսօր մեծ հավանականությամբ կարելի է ենթադրել, որ բիոտպագրությամբ ստացված հյուսվածքները համատեղելի կլինեն մարդու օրգանիզմի հետ, քանի որ չեն պարունակում իմունոգեն ագենտներ, այսինքն` չունեն այնպիսի սպիտակուցներ կամ այլ միացություններ, որոնք մեր օրգանիզմը օտար կհամարի և կսկսի պայքարել նրանց հետ։

Այսպիսի լուրջ կողմնակի ազդեցություններ հաճախ են լինում պատվաստված օրգանների հետ. ընդունող օրգանիզմի իմունային համակարգը սկսում է պայքարել օտար սրտի կամ լյարդի դեմ` ճիշտ այնպես, ինչպես պայքարում է, օրինակ, վիրուսների դեմ։

«Այս դեպքում նման խնդիր չի առաջանում, և սա բիոտպագրության մեծ առավելությունն է։ Քանի որ այստեղ օգտագործվում են հատուկ կենսամատերիալներ, որոնք չունեն իմունոգեն կամ ալերգածին ազդեցություն», – Sputnik Արմենիային ասաց «FOLDINK» ընկերության համահիմնադիր Էմմանուել Ղանդիլյանը։

Դեռ շատ երկար է պետք աշխատել տպած օրգանների պատվաստման համար, սակայն կարևոր է միջազգային գիտությանը համահունչ գնալ։ Ընկերության հետազոտություններն արդեն նկատում է համաշխարհային պրոֆեսիոնալ հանրույթը. 3dprinting.com մասնագիտացված օնլայն ամսագիրը Հայաստանն ընդգրկել է 3D bioprinting–ի աշխարհի քարտեզում` նշելով «FOLDINK»–ը։

Հավելենք, որ ընկերության թիմում ընդգրկված են ԵՊԲՀ շրջանավարտներ, օրդինատորներ և ուսանողներ, ինչպես նաև ինժեներներ, մարկետոլոգներ ու 3D դիզայներներ այլ համալսարաններից։

«Կեղտ չէ, հող է». նախկին պատգամավորը կյանքը «քաղցրացնելու» հետաքրքիր ձև է գտել

7
թեգերը:
հայեր, բժիշկ, Հայաստան
Ըստ թեմայի
Առանց խարդախության. հայն ու չինացին բժշկական ընկերություններին կստիպեն ազնիվ լինել
Կենսագազ Հայաստանում. ինչպես վառելիքով ապահովել մի ամբողջ գյուղ
Լավ կաթ ստանալու բանաձևը. շվեյցարացիներն ու ավստրիացիներն օգնում են հայ գյուղացուն