Նիկոլ Փաշինյան

Այսօր հանրության ակնկալիքները դատախազությունից մեծ են, քան երբևէ. Փաշինյանը շնորհավորել է

37
(Թարմացված է 17:55 01.07.2020)
Փաշինյանն ընդգծել է, որ ընթացիկ շրջանը լրջագույն փորձաքար է դատախազության համար, որովհետև հենց նրանք պիտի ժողովրդին հայտնի ճշմարտությունները ձևակերպեն որպես մեղադրանք և դրանք պաշտպանեն դատարանում:

ԵՐԵՎԱՆ, 1 հուլիսի — Sputnik. ՀՀ վարչապետ Նիկոլ Փաշինյանը շնորհավորական ուղերձ է հղել Դատախազության աշխատողի օրվա և Դատախազության կազմավորման 102-րդ տարեդարձի առթիվ: Տեղեկությունը հայտնում են ՀՀ կառավարության մամուլի ծառայությունից։

«Այսօր մեր հանրության, ժողովրդի ակնկալիքները Դատախազությունից մեծ են, քան երբևէ: Ժողովուրդը՝ 2018 թվականի: Ժողովուրդը՝ 2018 թվականի ոչ բռնի, թավշյա, ժողովրդական հեղափոխությամբ արտահայտել է իր հստակ կամքը՝ ունենալ Հայաստան, որտեղ հաստատված է օրենքի գերակայություն, անշեղորեն գործում է կատարված հանցանքի համար պատժի անխուսափելիության սկզբունքը, որտեղ հանցավոր աշխարհի, չարաշահումների, կոռուպցիայի դեմ արդյունավետ պայքար է ծավալվում»,–ասել է վարչապետը:

Փաշինյանն ընդգծել է, որ ընթացիկ շրջանն իսկապես լրջագույն փորձաքար է դատախազության համար, որովհետև հենց դատախազության համակարգի աշխատողները պիտի շատ դեպքերում հանրությանը, ժողովրդին հայտնի ճշմարտությունները ձևակերպեն որպես մեղադրանք և դրանք պաշտպանեն դատարանում:

«Դինամիկ ու մշտապես զարգացող». ՀՀ նախագահը շնորհավորել է Sputnik Արմենիայի 5–ամյակը

«Այս աշխատանքի որակից ու մակարդակից է կախված, թե որքանով մեր ժողովրդի գիտակցության մեջ կամրագրվի հավատը առ այն, որ Հայաստանում հնարավոր է անառարկելի օրինականության, ժողովրդավարական կարգուկանոնի, արդարության հաստատում: Դատախազության աշխատանքի որակից է կախված քաղաքական մեծամասնության կողմից բարձրաձայնված և ժողովրդի հավանությանը արժանացած՝ ժողովրդից թալանվածը ժողովրդին վերադարձնելու քաղաքական խոստման իրագործումը»,–ասված է ուղերձում:

ԲՀԿ-ն, ՀՅԴ-ն ու «Հայրենիքը» հաղորդում ներկայացրին ՀՀ դատախազություն. ինչ են պահանջում

Նա հիշեցրել է, որ առաջիկայում դատախազությունը կստանձնի ևս մեկ՝ «Ապօրինի ծագում ունեցող գույքի բռնագանձման» մասին ՀՀ օրենքով նախատեսված գործառույթ, և օրենսդրական այս նորամուծությունն էլ ավելի է մեծացնելու հանրության սպասումները դատախազության գործունեության արդյունքներից:

Վարչապետը հաջողություն է մաղթել դատախազության աշխատակիցներին իրենց առաքելության իրագործման ճանապարհին և մաղթել այդ ճանապարհը մինչև վերջ գնալու կարողություն և վճռականություն:

37
թեգերը:
շնորհավորանք, ՀՀ դատախազություն, Նիկոլ Փաշինյան
Հանրապետության հրապարակ

Անկախ բոլոր տարաձայնություններից` Հայաստանում քաղաքական ուժերը միավորում են ջանքերը

12
(Թարմացված է 14:17 27.09.2020)
Ընդդիմադիր ուժերը վաղ առավոտից աջակցություն ու համերաշխություն են հայտնում` իրենց հնարավորություններն ու ջանքերը ներդնելու հանուն Հայոց բանակի և ժողովրդի։

ԵՐԵՎԱՆ, 27 սեպտեմբերի– Sputnik. Հայաստանյան ընդդիմադիր քաղաքական ուժերը մի կողմ են դնում քաղաքական տարաձայնություններն ու միավորում ջանքերն ընդդեմ հակառակորդի։ Այսօր առավոտից աջակցության և համերաշխության հայտարարություններով են հանդես եկել ՀՀԿ առաջնորդ, ՀՀ երրորդ նախագահ Սերժ Սարգսյանը, «Բարգավաճ Հայաստան» կուսակցության առաջնորդ Գագիկ Ծառուկյանը, ԱԺ «Լուսավոր Հայաստան» խմբակցության ղեկավար Էդմոն Մարուքյանը, Հայ Հեղափոխական Դաշնակցությունը։

«Այս վճռական պահին Հայաստանի Հանրապետական կուսակցության գործադիր մարմինը համերաշխության և միասնության կոչ է անում մեր բոլոր հայրենակիցներին` վերահաստատելով իր պատրաստակամությունը՝ կանգնելու հայրենիքի, պետության և հայ զինվորի կողքին: Նենգ թշնամու կողմից պարտադրված պայքարում այլևս յուրաքանչյուրս մեր հայրենիքի պաշտպանն ենք: Մենք պարտավոր ենք սթափ գնահատել ստեղծված իրավիճակը և լինել մեր բանակի կողքին, նրա շարքերում, նաև ամուր թիկունք լինել` անկախ քաղաքական տարաձայնություններից»,– նշված է Սերժ Սարգսյանի գրասենյակի տարածած հաղորդագրության մեջ։
Նշվում է` հայրենիքն ամենաթանկն է և նրա պաշտպանությունը վեր է ամեն ինչից:
ՀՀԿ-ն հայտնել է այն մասին, որ ներդնում է իր ողջ ներուժը, այդ թվում՝ փորձառությունն ու դիվանագիտկան կապերը՝ սատար կանգնելու Արցախի ժողովրդի։
«Արցախը չի՛ լինելու Ադրբեջանի կազմում երբեք: Աստված պահապան մեր ժողովրդին և արդար պայքարին»,– եզրափակվում է հայտարարությունը։

Համախմբման մասին Facebook-ի պաշտոնական էջում գրառում է կատարել նաև Գագիկ Ծառուկյանը։

«Այսօր բոլորս պետք է համախմբվենք հայ զինվորի կողքին: Մեր ուժը մեր միասնությունն է: Հայ զինվորն ու հայկական բանակն անպարտելի են:
Աստված պահապա՛ն Հայաստանի և Արցախի հանրապետություններին, մեր զինվորներին, սպաներին և հայ ժողովրդին»,– նշված է հաղորդագրության մեջ։
ԱԺ ընդդիմադիր խմբակցության`«Լուսավոր Հայաստանի» ղեկավար Էդմոն Մարուքյանն էլ Facebook–ի իր էջում հայտնել է, որ առավոտից սկսած մի կողմ են թողնվել բոլոր ներքին տարաձայնությունները՝ մեկտեղելով ջանքերը՝ հանուն մեր պետականության ու ռազմական նոր հաջողությունների։
«Նպատակը մեկն է՝ ջարդել թշնամու ողնաշարը բոլոր ուղղություններով՝ ռազմականից մինչև դիվանագիտական։ Կեցցե՜, Հայ Ազգը, կեցցե՜ Արցախի Հանրապետությունը, կեցցե՜ Հայաստանի Հանրապետությունը, կեցցե՜ Հայոց Բանակը»,– գրել է Մարուքյանը։
Հայ Յեղափոխական Դաշնակցության գրասենյակն էլ հաղորդագրություն է տարածել, որում նշված է, թե կուսակցությունն իր ողջ համահայկական կարողականությամբ և վճռականությամբ կագնած է Հայոց բանակի կողքին:

ՀՅԴ–ական կամավորականներն էլ վաղ առավոտից անդամագրվում են ճակատ մեկնելու համար։ «Կամավորական շարժում» ՀԿ նախագահ Հրանտ Մարգարյանը հայտարարել էր, որ գնում են ճակատ առանց հավակնությունների` պատրաստ կատարելու Հայոց բանակի հրամանատարության կարգադրությունները;

https://www.facebook.com/marukyan.edmon/posts/4414564911948535

https://www.facebook.com/GagikTsarukyan/posts/10159150422112845

https://www.facebook.com/3rdPresidentofRA/posts/458598541738188

12
թեմա:
Ադրբեջանական ագրեսիա Արցախում. 2020
Հովհաննես քահանա Հովհաննիսյան

Օրվա կադր. հոգևոր առաջնորդը խաչին զուգահեռ զենք է վերցրել ձեռքը

54
(Թարմացված է 14:15 27.09.2020)
Դադիվանք վանական համալիրի հոգևորական տեր Հովհաննես քահանա Հովհաննիսյանը հետաքրքիր գրառում է կատարել։

Շահումյանի շրջանի Դադիվանք վանական համալիրի հոգևորական տեր Հովհաննես քահանա Հովհաննիսյանը Facebook սոցցանցի իր էջում լուսանկար է հրապարակել` աջ ձեռքին զենք, ձախին` խաչ։

«Աջս՝ իմ ժողովրդին, ձախս՝ շուն թուրքերին»,–լուսանկարին կից գրել է նա։

Հիշեցնենք, որ այսօր վաղ առավոտից Ադրբեջանը լայնածավալ օդային ու հրթիռահրետանային հարձակում է սկսել շփման գծի ողջ երկայնքով՝ թիրախավորելով նաև քաղաքացիական բնակավայրերն ու ենթակառուցվածքները, այդ թվում՝ մայրաքաղաք Ստեփանակերտը:

Հակառակորդի կրակոցների հետևանքով Մարտունիում մեկ կին և մեկ երեխա են մահացել։ Կան նաև վիրավորներ։

Հազարավոր կյանքերի գնով վաստակած մեր անկախությունը նորից վտանգված է. Օնիկ Գասպարյան

Արցախի թեմի առաջնորդ տեր Պարգև արքեպիսկոպոս Մարտիրոսյանն ուղերձով դիմել է հայ ժողովրդին։ Նա ասել էր` այս անգամ ևս պետք է ապացուցենք, որ մեր միասնականությունն անպարտելի ուժ է։

54
թեմա:
Ադրբեջանական ագրեսիա Արցախում. 2020
Президент Армен Саркисян посетил монастырский комплекс Гандзасар (10 июля 2020). Карабах

Բանակը վերստին ապացուցում է, որ հայ ժողովրդի անվտանգության հուսալի երաշխավորն է. Սարգսյան

6
(Թարմացված է 14:18 27.09.2020)
ՀՀ նախագահ Արմեն Սարգսյանը միասնականության կոչ է արել։

ԵՐԵՎԱՆ, 27 սեպտեմբերի - Sputnik. Համախմբումը, ազգային միասնությունն ու համերաշխությունն այսօր առավել քան երբևէ հրամայական են: Instagram–ի իր էջում  նման գրառում է արել ՀՀ նախագահ Արմեն Սարգսյանը։

«Արցախի դեմ Ադրբեջանի սանձազերծած հերթական պատերազմում Հայոց բանակն իր պատասխան՝ պատժիչ գործողություններով վերստին ապացուցում է, որ հայ ժողովրդի անվտանգության հուսալի երաշխավորն է։ Աստված պահապան բոլորիս»,–գրել է նա։

Посмотреть эту публикацию в Instagram

Публикация от Armen Sarkissian (@president_armensarkissian)

Հիշեցնենք, որ այսօր վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով:

Արցախի պաշտպանության նախարարությունը տեղեկացրել էր, որ ճշտված տեղեկություններով` ադրբեջանական զինուժը կորցրել է 2 ուղղաթիռ, 14 անօդաչու թռչող սարք, ինչպես նաև ունի զրահատեխնիկայի կորուստներ:

Հակառակորդի կրակոցների հետևանքով Մարտունիում մեկ կին և մեկ երեխա են մահացել։ Կան նաև վիրավորներ։ 

 

6
թեմա:
Ադրբեջանական ագրեսիա Արցախում. 2020