Գյումրի

«Փողոցներով որ ման գաս, 1 փոս չես գտնի». Գյումրին է՛լ ավելի գեղեցիկ է լինելու

2217
(Թարմացված է 16:41 29.06.2020)
Գյումրիում փողոցաշինությունը նոր թափ է հավաքում: Առաջիկայում կնորոգվեն այն փողոցները, որոնք անցած տարի դուրս էին մնացել ծրագրից:

ԵՐԵՎԱՆ, 30 հունիսի, Sputnik. Գյումրիում այս տարի շինարարների պակաս չկա. Covid-19-ի պատճառով արտագնա աշխատանքի մեկնող շինարարները տանն են:

Ремонтно-строительные работы дорог и улиц Гюмри
© Photo : press office of Gyumri municipality
Գյումրի. ճանապարհաշինական աշխատանքներ

«Առաջիկա օրերին կմեկնարկեն Գյումրու փողոցաշինական ծրագրի 2-րդ փուլում ընդգրկված` թվով 15 փողոցների շինարարական աշխատանքները»,-Sputnik Արմենիայի հետ զրույցում նշեց Գյումրու քաղաքապետ Սամվել Բալասանյանը։

Ремонтно-строительные работы дорог и улиц Гюмри
© Photo : press office of Gyumri municipality
Գյումրի. ճանապարհաշինական աշխատանքներ

Ծրագիրն իրականացվում է Վերակառուցման և զարգացման եվրոպական բանկի (ՎԶԵԲ) հատկացրած միջոցներով։ Ընդհանուր առմամբ, ծրագրի 2 փուլով կնորոգվեն 22 փողոց և 1 հրապարակ:

Ремонтно-строительные работы дорог и улиц Гюмри
© Photo : press office of Gyumri municipality
Գյումրի. ճանապարհաշինական աշխատանքներ

ՎԶԵԲ-ի ծրագրի հաջորդ՝ 3-րդ փուլով նույնպես մրցույթ է հայտարարված, որի արդյունքները պարզ կլինեն օգոստոսի 5-ին:

Գյումրու ճանապարհները կբարեկարգվեն. կառավարությունը 4.5 մլն եվրո կտրամադրի

Գյումրու քաղաքապետը նշեց, որ քաղաքում աշխատանքներ են իրականացվելու նաև Համաշխարհային բանկի միջոցների հաշվին: Այս պահին իրականացվում են նախագծա-նախահաշվային աշխատանքները: Ի դեպ, այս ծրագում ընդգրկված են Գյումրու պատմական միջուկի փողոցները և կենտրոնական հրապարակը:

Ремонтно-строительные работы дорог и улиц Гюмри
© Photo : press office of Gyumri municipality
Գյումրի. ճանապարհաշինական աշխատանքներ

«Սա իր մեջ ընդգրկում է մոտ 4 կմ հատված: Նամակ է ուղարկվել Համաշխարհային բանկին՝ ծրագրի շրջանակներում լուծելու նաև Վարդանանց հրապարակի լուսավորության ու որոշ հատվածների նորոգման հարցը»,-նշեց Սամվել Բալասանյանը:

Ремонтно-строительные работы дорог и улиц Гюмри
© Photo : press office of Gyumri municipality
Գյումրի. ճանապարհաշինական աշխատանքներ

Անդրադառնալով քաղաքի միջուկի փողոցների տեսքը պահելու հետ կապված` Sputnik Արմենիայի հարցին, Սամվել Բալասանյանը նշեց.

«Ոչ մի մտավախություն չունենաք պատմական միջուկի հետ կապված: Վերակառուցվելու է այն, ինչ կա՝ նույն տեսքով: Պատմական միջուկն ավելի մեծացնելու ենք ու գեղեցկացնելու»:

Նշենք, որ Համաշխարհային բանկը աշխատանքների համար հատկացրել է 2 ու կես միլիարդ դրամ:

Ремонтно-строительные работы дорог и улиц Гюмри
© Photo : press office of Gyumri municipality
Գյումրիում ճանապարհաշինական աշխատանքներ են կատարվում

Քաղաքապետի խոսքով` համայնքային բյուջեից հատկացված 109 մլն դրամով էլ քաղաքում փոսալցման աշխատանքեր են կատարվել, «փողոցներով որ ման գաս, 1 փոս չես գտնի»:

Ремонтно-строительные работы дорог и улиц Гюмри
© Photo : press office of Gyumri municipality
Գյումրի. ճանապարհաշինական աշխատանքներ

Բալասանյանը հավելեց, որ սուբվենցիոն ծրագրով Գյումրիում առաջիկայում ևս 17 փողոց է նորոգվելու։

Դրա համար անհրաժեշտ 950 մլն դրամ գումարի 55 տոկոսը հատկացվելու է պետական, իսկ մնացածը՝ համայնքային բյուջեից:

Պապիկյանը դժգոհ է վերահսկողներից. ուզում է` ճանապարհներն էժան սարքվեն, բայց որակով

2217
թեգերը:
Սամվել Բալասանյան, քաղաքապետ, Ճանապարհ, Գյումրի
Ըստ թեմայի
«Որոշեցի այնպիսի բան անել, որ բոլորը զարմանան ու ուրախանան». գյումրեցու խոսուն տիկնիկները
Ստուգումներ Գյումրիում, կամ պարետի ո՞ր որոշումներն են խախտվում սպասարկման կետերում
Սպիտակ-Գյումրի-Թուրքիայի սահման ավտոճանապարհը նորոգվում է
Նիկոլ Փաշինյանն ու Ալեքսանդր Լուկաշենկոն, արխիվային լուսանկար

Բելառուսը նշում է երկիրը ֆաշիզմից ազատագրելու օրը. Փաշինյանը շնորհավորել է Լուկաշենկոյին

1
Նիկոլ Փաշինյանը շնորհավորական ուղերձ է հղել Ալեքսանդր Լուկաշենկոյին՝ Անկախության օրվա առթիվ

ԵՐԵՎԱՆ, 3 հուլիսի - Sputnik. ՀՀ վարչապետի աշխատակազմից հայտնում են, որ Նիկոլ Փաշինյանը շնորհավորական ուղերձ է հղել Բելառուսի Հանրապետության նախագահ Ալեքսանդր Լուկաշենկոյին՝ երկրի Անկախության օրվա կապակցությամբ:

«Սրտանց շնորհավորում եմ Ձեզ և Բելառուսի Հանրապետության բոլոր քաղաքացիներին պետական գլխավոր տոնի` Անկախության օրվա առթիվ: Մաղթում եմ Ձեզ հաջողություններ և նոր ձեռքբերումներ երկրի տնտեսական, սոցիալական և գիտատեխնիկական զարգացման և միջազգային ասպարեզում նրա հեղինակության բարձրացման գործում: Խորհրդանշական է, որ այսօր Բելառուսը նշում է երկիրը ֆաշիզմից ազատագրելու օրը», - նշված է վարչապետի ուղերձում:

Փաշինյանը կարևորել է երկու երկրների ժողովուրդների բարեկամությունը, որը, ըստ նրա, ավելի է կոփվել Հայրենական մեծ պատերազմի տարիներին: Նրա խոսքով՝ այդ բարեկամությունը պարտավորեցնում է շարունակել ձևավորված ավանդույթները և ընդլայնել փոխշահավետ գործընկերությունը: ՀՀ վարչապետը վստահություն է հայտնել, որ այսուհետ ևս, Երևանի և Մինսկի համակարգված գործողությունների շնորհիվ, հայ-բելառուսյան միջպետական համագործակցությունը կբարձրանա որակապես նոր մակարդակի:

Փաշինյանը Լուկաշենկոյին մաղթել է քաջառողջություն և հաջողություններ բոլոր նախաձեռնություններում, իսկ Բելառուսի Հանրապետության բարեկամ ժողովրդին՝ խաղաղություն, կայունություն և բարգավաճում:

Ավելի վաղ Բելառուսի իր գործընկերոջը անկախության տոնի առթիվ շնորհավորական ուղերձ էր հղել նաև ՀՀ նախագահ Արմեն Սարգսյանը:

1
Արմեն Սարգսյան

Արմեն Սարգսյանը գույքահարկին վերաբերող օրենքի վրա վետո կդներ, եթե նման իրավունք ունենար

49
(Թարմացված է 13:51 03.07.2020)
Նախագահը տեղեկատվական տեխնոլոգիաների ոլորտի ներկայացուցիչների հետ հանդիպման ժամանակ անդրադարձել է գույքահարկի մասին օրենքին։

ԵՐԵՎԱՆ, 3 հուլիսի — Sputnik. ՀՀ նախագահ Արմեն Սարգսյանը գույքահարկին վերաբերող օրենքի վրա վետո կդներ, եթե այդ իրավունքն ունենար։ Նա նման կարծիք է հայտնել տեղեկատվական տեխնոլոգիաների ոլորտի մի շարք ընկերությունների ղեկավարների հետ հանդիպման ժամանակ։

«Օրենքը դրվում է իմ սեղանին, և այն Սահմանադրության հետ հակասություն չունի: Ես չեմ կարող այն ուղարկել Սահմանադրական դատարան: Սակայն ես գտնում եմ, որ այն ժամանակավրեպ է: Եթե ես ունենայի վետո դնելու իրավունք, ապա կդնեի: Եթե ես ունենայի իրավունք օրենքը հետ ուղարկելու ԱԺ և նշեի, որ արվեն փոփոխություններ, կանեի: Ես չունեմ այդ իրավունքը»,–ասել է Սարգսյանը։

Նրա խոսքով` օրենքն ունի դրական տարրեր, քանի որ գույքահարկը պետք է կանոնակարգվի. չես կարող 20 տարի առաջվա գույքահարկով ապրել և այլն: Օրենքում նշված դրույթները բոլորը ճիշտ են, բայց կան տարրեր, որոնք, ըստ Սարգսյանի, հաշվի առնված չեն:

Նախագահը նշել է, որ, օրինակ, պետք է հաշվի առնել Երևանի կենտրոնում՝ «Նաիրի» կինոթատրոնի հարակից տարածքում, ապրում են մարդիկ, որոնք այդ տունը ստացել են իրենց պապիկից, որը եղել է ակադեմիկոս: Հիմա այդ մարդը դոցենտ է և ի վիճակի չի լինելու վճարել ավելացված հարկը: «Ի՞նչ եմ անում ես: Եթե չեմ ստորագրում, միևնույն է, այն ստորագրվելու է ԱԺ նախագահի կողմից և ուժի մեջ է մտնելու: Սահմանադրական դատարան չեմ կարող դիմել: Ի՞նչ է մնում ինձ անել՝ ստորագրել: Ստորագրում եմ և նաև տարածում հայտարարություն՝ մանրամասն բացատրելով, թե որոնք են խնդիրները, և ինչ կարելի է անել»,–ասել է նախագահը:

Արմեն Սարգսյանը ժամանակավրեպ է համարում գույքահարկի մասին օրենքը, բայց ստորագրել է

Դիմելով տեղեկատվական տեխնոլոգիաների ոլորտի ընկերությունների ղեկավարներին` Սարգսյանը նշել է, որ եթե դրա առնչությամբ առաջարկությամբ հանդես գան, և եթե համաձայն լինի այդ առաջարկության հետ, ապա իր հնարավորության սահմաններում կպաշտպանի այն: Նախագահը ՏՏ ոլորտի ներկայացուցիչներին կոչ է արել պաշտպանել իրենց բիզնեսը, քանի որ ՏՏ ոլորտը մեր երկրի ապագան է:

Հիշեցնենք՝ հունիսի 25-ին ՀՀ ԱԺ-ն կառավարության առաջարկով ընդունեցեց «Հարկային օրենսգրքում փոփոխություններ և լրացումներ կատարելու» օրենսդրական փաթեթը, որն ուժի մեջ է մտնելու 2021 թ.-ի դեկտեմբերից: 2021թ․-ից հարկի բարձրացումը ուժի մեջ կմտնի 25%-ով և մինչև 2026թ․-ն աստիճանաբար կհասցվի 100%-ի։

49
թեգերը:
Արմեն Սարգսյան, Հայաստան, Երևան, Անշարժ գույք, գույքահարկ
թեմա:
Հայաստանի Հանրապետության 4-րդ նախագահը
Ըստ թեմայի
Ասա՝ որտեղ ես ապրում, ասեմ՝ ինչքան ես վճարելու. պաշտոնյաների պատասխանը բնիկների ֆլեշմոբին
ՊԵԿ նոր նախագահը մտահոգված է հարկերի հավաքագրման ցուցանիշներով
«Աշխարհը փոխել է մեր խնդիրները». նախագահը գյուղատնտեսներին առաջարկել է օգտվել իր կապերից