Արայիկ Հարությունյանը` Խնկո ապոր գրադարանում. արխիվային լուսանկար

ԿԳՄՍՆ–ն փոխում է դպրոցական բարքերը. գնահատականով չեն պատժի, նույն դասարանում չեն թողնի

3613
(Թարմացված է 13:45 28.06.2020)
ՀՀ կրթության, գիտության, մշակույթի ու սպորտի նախարարությունն առաջարկում է փոխել 10 տարի կիրառվող, բայց օգուտ չտված դպրոցական գնահատման համակարգը։

ԵՐԵՎԱՆ, 28 հունիսի –Sputnik. Դպրոցներում 10 բալանոց գնահատման համակարգին անցնելուց անցել է շուրջ տասը տարի, բայց կրթության որակն ու բովանդակությունը ոչ միայն չեն փոխվել, այլև առաջացել են նոր լուրջ խնդիրներ: Կատարած ուսումնասիրությունների արդյունքում նման եզրակացության են հանգել ՀՀ կրթության, գիտության, մշակույթի ու սպորտի նախարարությունում: 

Առկա խնդիրների լուծման նպատակով նախարարությունն առաջարկում է վերանայել գործող պետական չափորոշիչները:
Փոփոխությունների նախագիծն արդեն հրապարակվել է իրավական ակտերի հրապարակման e-draft հարթակում: 

Նախագծում առաջարկվում է մինչև 5-րդ դասարանում սովորող երեխաներին ընդհանրապես գնահատականներ չնշանակել և գնահատումն իրականացնել` սկսած 5-րդ դասարանի երկրորդ կիսամյակից: Այս կերպ, նախագծի հեղինակների համոզմամբ, երեխաները կսովորեն ոչ թե հանուն գնահատականի, այլ հանուն գիտելիքի:

Բանն այն է, որ նախարարության ուսումնասիրությունը ցույց է տվել, որ գործող գնահատման համակարգում ուսուցիչը հաճախ երեխային ցածր է գնահատում նրան պատժելու համար:

«Տասնամյակներ շարունակ` այս սկզբունքով սովորող աշակերտը ձգտում է լավ հիշել սովորածը՝ գնահատական ստանալու համար, իսկ ուսուցիչը դասավանդում է այնպես, որ աշակերտներն ուսումնասիրված գիտելիքը հիշեն մինչև թեմատիկ գրավոր աշխատանքը կամ քննությունը»,- նշում է նախարարությունը։

Նախագծում առաջակվում է հրաժարվել նաև«բացասական» կամ «անբավարար» գնահատականներից: Արդյունքում կվերանա նաև «երկտարեցիության» երևույթը, որը, ոլորտի պատասխանատուների համոզմամբ, «նպաստում է սովորողների առանձին խմբի պիտակավորմանը և սոցիալական մեկուսացմանը, այլ ոչ թե աջակցում նրանց խնդիրների կարգավորմանը»։

Միևնույն ժամանակ, նախատեսվում է չափորոշիչով հստակ սահմանել գնահատման սկզբունքները, նպատակները և չափանիշները, իսկ գնահատման գործիքակազմը սահմանել առանձին միասնական կարգով։

Իսկ որպեսզի աշակերտները հնարավորություն ու ժամանակ ունենան հասկանալու ու յուրացնելու դասավանդվող թեմաները, նախագիծն առաջարկում է նաև թեթևացնել ներկա ուսումնական պլանները:

Գործող չափորոշիչով` տարրական դպրոցում որպես նվազագույն ծավալ սահմանված է տարեկան 2940 ժամ, որն առաջարկվող չափորոշիչում նվազեցվել է և դարձել 2746 ժամ տարեկան։

Միջին դպրոցում սահմանված տարեկան նվազագույնը 5100 ժամն առաջարկվում է սահմանել 4760, իսկ ավագ դպրոցի 3060 ժամը՝ 2890 ժամ տարեկան։

Երեխաները կսովորեն անկաշկանդ օգնություն խնդրել․ պատգամավորը՝ Լանզարոտեի կոնվենցիայի մասին

Չափորոշիչների փոփոխությունները հանգեցնելու են նաև դասագրքերի փոփոխության, ինչի արդյունքում դպրոցական ծրագրերի փոփոխությունը պետական բյուջեի վրա կարժենա 4 469 665 152 ՀՀ դրամ:

Նշենք, որ առաջարկվող փոփոխությունները նախատեսվում է իրականացնել ՀՀ կառավարության 2010 թ-ի որոշման մեջ: Հանրային քննարկման ներկայացված նախագիծը նախատեսվում է ընդունել 2020թ.-ի հուլիսի 7-ից հետո, երբ կավարտվի հանրային քննարկման համար նախատեսված ժամկետը:

Այս պահին նախագիծը որևէ գրավոր առաջարկ չի ստացել, բայց ստացել է 34 կողմ և 30 դեմ ձայն:

Սեռական դաստիարակության մասին պնդումները սուտ են. նախարարը՝ Լանզարոտեի կոնվենցիայի մասին

3613
թեգերը:
դպրոց, Կրթության, գիտության, մշակույթի և սպորտի նախարարություն (ԿԳՄՍ), Արայիկ Հարությունյան
Ըստ թեմայի
Ուսուցիչները կորոշեն` հեռավար դասերից հետո լրացուցիչ դասաժամերի կանցնեն, թե ոչ. նախարար
Ինչու է ուսուցիչը հեռախոս նվիրում աշակերտին, կամ հեռավար կրթության լավ և վատ կողմերը
Ինչ է արվում մարզերում հեռավար կրթությունից դուրս մնացած աշակերտների խնդիրը լուծելու համար
Առաջին դասարանցիների ընդունելության առցանց ստուգման փուլը սկսվել է. ի՞նչն է փոխվել
Նիկոլ Փաշինյանն ու Ալեքսանդր Լուկաշենկոն, արխիվային լուսանկար

Բելառուսը նշում է երկիրը ֆաշիզմից ազատագրելու օրը. Փաշինյանը շնորհավորել է Լուկաշենկոյին

1
Նիկոլ Փաշինյանը շնորհավորական ուղերձ է հղել Ալեքսանդր Լուկաշենկոյին՝ Անկախության օրվա առթիվ

ԵՐԵՎԱՆ, 3 հուլիսի - Sputnik. ՀՀ վարչապետի աշխատակազմից հայտնում են, որ Նիկոլ Փաշինյանը շնորհավորական ուղերձ է հղել Բելառուսի Հանրապետության նախագահ Ալեքսանդր Լուկաշենկոյին՝ երկրի Անկախության օրվա կապակցությամբ:

«Սրտանց շնորհավորում եմ Ձեզ և Բելառուսի Հանրապետության բոլոր քաղաքացիներին պետական գլխավոր տոնի` Անկախության օրվա առթիվ: Մաղթում եմ Ձեզ հաջողություններ և նոր ձեռքբերումներ երկրի տնտեսական, սոցիալական և գիտատեխնիկական զարգացման և միջազգային ասպարեզում նրա հեղինակության բարձրացման գործում: Խորհրդանշական է, որ այսօր Բելառուսը նշում է երկիրը ֆաշիզմից ազատագրելու օրը», - նշված է վարչապետի ուղերձում:

Փաշինյանը կարևորել է երկու երկրների ժողովուրդների բարեկամությունը, որը, ըստ նրա, ավելի է կոփվել Հայրենական մեծ պատերազմի տարիներին: Նրա խոսքով՝ այդ բարեկամությունը պարտավորեցնում է շարունակել ձևավորված ավանդույթները և ընդլայնել փոխշահավետ գործընկերությունը: ՀՀ վարչապետը վստահություն է հայտնել, որ այսուհետ ևս, Երևանի և Մինսկի համակարգված գործողությունների շնորհիվ, հայ-բելառուսյան միջպետական համագործակցությունը կբարձրանա որակապես նոր մակարդակի:

Փաշինյանը Լուկաշենկոյին մաղթել է քաջառողջություն և հաջողություններ բոլոր նախաձեռնություններում, իսկ Բելառուսի Հանրապետության բարեկամ ժողովրդին՝ խաղաղություն, կայունություն և բարգավաճում:

Ավելի վաղ Բելառուսի իր գործընկերոջը անկախության տոնի առթիվ շնորհավորական ուղերձ էր հղել նաև ՀՀ նախագահ Արմեն Սարգսյանը:

1
Արմեն Սարգսյան

Արմեն Սարգսյանը գույքահարկին վերաբերող օրենքի վրա վետո կդներ, եթե նման իրավունք ունենար

52
(Թարմացված է 13:51 03.07.2020)
Նախագահը տեղեկատվական տեխնոլոգիաների ոլորտի ներկայացուցիչների հետ հանդիպման ժամանակ անդրադարձել է գույքահարկի մասին օրենքին։

ԵՐԵՎԱՆ, 3 հուլիսի — Sputnik. ՀՀ նախագահ Արմեն Սարգսյանը գույքահարկին վերաբերող օրենքի վրա վետո կդներ, եթե այդ իրավունքն ունենար։ Նա նման կարծիք է հայտնել տեղեկատվական տեխնոլոգիաների ոլորտի մի շարք ընկերությունների ղեկավարների հետ հանդիպման ժամանակ։

«Օրենքը դրվում է իմ սեղանին, և այն Սահմանադրության հետ հակասություն չունի: Ես չեմ կարող այն ուղարկել Սահմանադրական դատարան: Սակայն ես գտնում եմ, որ այն ժամանակավրեպ է: Եթե ես ունենայի վետո դնելու իրավունք, ապա կդնեի: Եթե ես ունենայի իրավունք օրենքը հետ ուղարկելու ԱԺ և նշեի, որ արվեն փոփոխություններ, կանեի: Ես չունեմ այդ իրավունքը»,–ասել է Սարգսյանը։

Նրա խոսքով` օրենքն ունի դրական տարրեր, քանի որ գույքահարկը պետք է կանոնակարգվի. չես կարող 20 տարի առաջվա գույքահարկով ապրել և այլն: Օրենքում նշված դրույթները բոլորը ճիշտ են, բայց կան տարրեր, որոնք, ըստ Սարգսյանի, հաշվի առնված չեն:

Նախագահը նշել է, որ, օրինակ, պետք է հաշվի առնել Երևանի կենտրոնում՝ «Նաիրի» կինոթատրոնի հարակից տարածքում, ապրում են մարդիկ, որոնք այդ տունը ստացել են իրենց պապիկից, որը եղել է ակադեմիկոս: Հիմա այդ մարդը դոցենտ է և ի վիճակի չի լինելու վճարել ավելացված հարկը: «Ի՞նչ եմ անում ես: Եթե չեմ ստորագրում, միևնույն է, այն ստորագրվելու է ԱԺ նախագահի կողմից և ուժի մեջ է մտնելու: Սահմանադրական դատարան չեմ կարող դիմել: Ի՞նչ է մնում ինձ անել՝ ստորագրել: Ստորագրում եմ և նաև տարածում հայտարարություն՝ մանրամասն բացատրելով, թե որոնք են խնդիրները, և ինչ կարելի է անել»,–ասել է նախագահը:

Արմեն Սարգսյանը ժամանակավրեպ է համարում գույքահարկի մասին օրենքը, բայց ստորագրել է

Դիմելով տեղեկատվական տեխնոլոգիաների ոլորտի ընկերությունների ղեկավարներին` Սարգսյանը նշել է, որ եթե դրա առնչությամբ առաջարկությամբ հանդես գան, և եթե համաձայն լինի այդ առաջարկության հետ, ապա իր հնարավորության սահմաններում կպաշտպանի այն: Նախագահը ՏՏ ոլորտի ներկայացուցիչներին կոչ է արել պաշտպանել իրենց բիզնեսը, քանի որ ՏՏ ոլորտը մեր երկրի ապագան է:

Հիշեցնենք՝ հունիսի 25-ին ՀՀ ԱԺ-ն կառավարության առաջարկով ընդունեցեց «Հարկային օրենսգրքում փոփոխություններ և լրացումներ կատարելու» օրենսդրական փաթեթը, որն ուժի մեջ է մտնելու 2021 թ.-ի դեկտեմբերից: 2021թ․-ից հարկի բարձրացումը ուժի մեջ կմտնի 25%-ով և մինչև 2026թ․-ն աստիճանաբար կհասցվի 100%-ի։

52
թեգերը:
Արմեն Սարգսյան, Հայաստան, Երևան, Անշարժ գույք, գույքահարկ
թեմա:
Հայաստանի Հանրապետության 4-րդ նախագահը
Ըստ թեմայի
Ասա՝ որտեղ ես ապրում, ասեմ՝ ինչքան ես վճարելու. պաշտոնյաների պատասխանը բնիկների ֆլեշմոբին
ՊԵԿ նոր նախագահը մտահոգված է հարկերի հավաքագրման ցուցանիշներով
«Աշխարհը փոխել է մեր խնդիրները». նախագահը գյուղատնտեսներին առաջարկել է օգտվել իր կապերից