Արմեն Մարտիրոսյան

Կորոնավիրուսն անվտանգ է այնքան, որքան պատերազմում` ադրբեջանցին․ Արմեն Մարտիրոսյան

130
(Թարմացված է 20:05 26.06.2020)
«Անտարես» հրատարակչության տնօրենը հորդորում է մարդկանց չկրկնել իր սխալը և հարազատներին հեռու պահել օտարների հետ շփումից։

ԵՐԵՎԱՆ, 26 հունիսի – Sputnik. «Անտարես» հրատարակչության տնօրեն Արմեն Մարտիրոսյանը, որի հայրը (Աքիլլես Մարտիրոսյանը) հունիսի 19-ին մահացավ կորոնավիրուսից, պարետատան նիստից հետո հայտարարեց, որ բոլոր նրանք, ովքեր ասում են, որ կորոնավիրուսն անվտանգ է, նույնն է, որ ասեն, թե պատերազմում ադրբեջանցին անվնաս է։

«Շաբաթներ առաջ կորոնավիրուսով վարակվեց գրեթե ամբողջ ընտանիքս՝ հայրս, մայրս, երեխաներիս մայրը, դուստրս, զոքանչս, եղբայրս, մյուս եղբայրս՝ ընտանիքով։ Այժմ նրանց մեծ մասը բուժում է ստանում։ Ինքս ծնողներիս հետ չեմ շփվել 4,5 ամիս, սակայն չեմ կարողացել ապահովել, որ այլ անձինք էլ չշփվեն։ Բոլոր նրանք, ովքեր ասում են, որ կորոնավիրուսն անվտանգ է, կարծես ասեն, որ ադրբեջանցի զինվորն անվտանգ էր, օրինակ, Ապրիլյան պատերազմի ժամանակ»,-ասաց նա։

Մարտիրոսյանը հասարակությանը կոր արեց չկրկնել իր սխալը և թույլ չտալ հարազատներին առանց պաշտպանիչ միջոցների շփվել մարդկանց հետ։

Ստիպված ենք գնալ հակահամաճարակային կանոնների խստացման. Փաշինյան

Հավելենք` Հայաստանում կորոնավիրուսով վարակվածների թիվը վերջին մեկ օրում ավելացել է 759–ով և դարձել 23 247։ 

Այս պահին փաստացի բուժում է ստանում 10,557 (-68) մարդ, կատարվել է 105,046 (+2310) թեստավորում, առողջացել են վարակվածներից 12,149–ը (+814)։ Գրանցվել է մահվան 410 (+13) դեպք։ Այլ պատճառներով մահվան դեպքերի ընդհանուր թիվը` 131։

Հարկադիր կատարումն ապահովող ծառայությունում 23 աշխատակցի մոտ կորոնավիրուս է հաստատվել

130
թեգերը:
Հայաստան, «Անտարես» հրատարակչության տնօրեն Արմեն Մարտիրոսյան, կորոնավիրուս
թեմա:
Կորոնավիրուսը Հայաստանում և Արցախում (1901)
Ըստ թեմայի
Աբովյանում կորոնավիրուսով վարակված տաքսու վարորդը ծննդատան մոտ ծառայություն է մատուցել
Եվս 12 մահ. ՀՀ–ում կորոնավիրուսի զոհ դարձածներից ամենաերիտասարդը 44 տարեկան կին է
759 նոր դեպք. Հայաստանում կորոնավիրուսով վարակվածների թիվը հասավ 23 247–ի
Արմեն Չարչյան

Դատարանը Չարչյանին ձերբակալելու իրավաչափության վերաբերյալ որոշումը կհրապարակի 20։00–ին

40
(Թարմացված է 18:32 19.06.2021)
Պաշտպանի խոսքով` գործ ունեն բացառապես քաղաքական հետապնդման հետ, քանի որ ձերբակալման այն հիմքը, այն նպատակները, որոնք նշված են, աղերս չունեն իրավաբանության հետ։

ԵՐԵՎԱՆ, 19 հունիսի – Sputnik. Դատարանում ավարտվեց «Իզմիրլյան» բժշկական կենտրոնի տնօրեն Արմեն Չարչյանին ձերբակալման իրավաչափության հարցի քննարկումը, դատարանի որոշումը կհրապարակվի այսօր` 20.00–ին։ Տեղեկությունը լրագրողներին հայտնեց Չարչյանի պաշտպան Էրիկ Ալեքսանյանը։

Նա նշեց, որ գործով քննիչը և դատախազը չէին ներկայացել դատական նիստին։

«Նրանք ներկայացրել էին համապատասխան դիմում, որով խնդրում էին դատական նիստը հետաձգել, բայց մեր դիրքորոշումն այն է, որ քննիչի դիմումը եղել է անհարգելի, այսինքն` վերջինիս բացակայությունը պայմանավորված չի եղել հարգելի պատճառով, ուստի խնդրեցինք դատարանին, որպեսզի դատական նիստը շարունակվի իրենց բացակայությամբ։ Դատարանը մեր խնդրանքը բավարարեց, քննությունը շարունակվեց վերջիններիս բացակայությամբ։ Մենք ներկայացրինք համապատասխան փաստարկները»,–ասաց պաշտպանը։

Նրա խոսքով` գործ ունեն բացառապես քաղաքական հետապնդման հետ, քանի որ ձերբակալման այն հիմքը, այն նպատակները, որոնք նշված են, աղերս չունեն իրավաբանության հետ։

Ալեքսանյանն ավելացրեց, որ վարույթ իրականացնող մարմինը երեկ որոշում է կայացրել ձայնագրային փորձաքնություն նշանակելու մասին և ի թիվս այլ հարցերի հարց է առաջադրել` արդյոք այդ ձայնագրության մեջ խոսող անձն Արմեն Չարչյանն է:

«Այսինքն` վարույթ իրականացնող մարմինն անգամ կասկած ունի, որ այդ անձն Արմեն Չարյանը չէ: Հարց է առաջանում՝ բա ո՞նց եք քրեական հետապնդում իրականացնում և ազատությունից զրկում», - նշեց նա:

Հիշեցնենք` երեկ համացանցում հրապարակվեց մի ձայնագրություն, որում Չարչյանն ասում է` տնօրինությունը շատ կոշտ, խիստ համարժեք վերաբերմունք է ցուցաբերելու նրանց նկատմամբ, ովքեր ընտրություններին չեն մասնակցի։

Ավելի ուշ հայտնի դարձավ, որ ԱԺ արտահերթ ընտրություններին մասնակցող կուսակցությունների դաշինքի պատգամավորության թեկնածուների ցուցակում ընդգրկված Չարչյանը ձերբակալվել է իր ղեկավարած կենտրոնի աշխատակիցներին ԱԺ արտահերթ ընտրություններին մասնակցելուն առերևույթ հարկադրելու դեպքի առթիվ ՀՀ ՀՔԾ-ում քննվող քրեական գործի շրջանակում։

Չարչյանն ընդունել է ձերբակալման օրը գործընկերների հետ ունեցած զրույցի փաստը. Աբրահամյան

40
թեգերը:
Ձերբակալություն, Արմեն Չարչյան, Հայաստան
Ըստ թեմայի
Արմեն Սարգսյանը զրուցել է ԱԱԾ տնօրենի և ոստիկանապետի հետ
Թափանցիկ ընտրություններ. Արարատ Միրզոյանն ընդունել է ՀԱՊԿ ԽՎ դիտորդական առաքելությանը
ՀՀ բոլոր խորհրդարանական ընտրությունների արդյունքները
Ձեռնաշղթայով տղամարդ

Ընտրողներին կաշառք տալու կասկածանքով 3 մարդու են ձերբակալել, մեկը պատգամավորի թեկնածու է

67
(Թարմացված է 18:14 19.06.2021)
Տվյալներ են ձեռք բերվել, որ ձերբակալված անձինք անձամբ և միջնորդների միջոցով կաշառք են բաժանել ընտրողներին։

ԵՐԵՎԱՆ, 19 հունիսի – Sputnik. Հայաստանում ևս 3 հոգու են ձերբակալել ընտրողներին կաշառք տալու կասկածանքով։ Տեղեկությունը հայտնում է Հայաստանի հատուկ քննչական ծառայությունը։

«ՀՀ Վայոց Ձորի մարզի Եղեգնաձորի տարածաշրջանում ընտրակաշառք բաժանելու և ստանալու, ինչպես նաև ընտրակաշառքի միջնորդության դեպքերի առթիվ ԱԱԾ–ում հարուցված և ՀՔԾ վարույթում քննվող քրեական գործի նյութերով տվյալներ են ձեռք բերվել, որ վերը նշված տարածաշրջանում մի խումբ անձինք 2021 թվականի հունիսի 20-ին նշանակված ՀՀ ԱԺ արտահերթ ընտրություններին մասնակցելու և կուսակցությունների դաշինքի օգտին կողմ քվեարկելու համար նույն տարածաշրջանի ընտրողներին անձամբ և միջնորդների միջոցով բաժանել են կաշառք»,– նշված է հաղորդագրության մեջ:

Ըստ ՀՔԾ–ի` վերը նշված հանցավոր արարքները կատարելու կասկածանքով ձերբակալվել են կուսակցությունների դաշինքի պատգամավորության թեկնածու Գ. Ս.–ն, ՃՈ ծառայող Հ. Մ.-ն և Կ. Կ.-ն:

Վերջիններս կասկածվում են նախնական համաձայնությամբ ընտրողներին կաշառք բաժանելու և կաշառքի միջնորդություն կատարելու մեջ:

Կատարվում է նախաքննություն:

Նշենք, որ «Պատիվ ունեմ» դաշինքի ներկայացուցիչ Արսեն Բաբայանը Facebook–ի իր էջում գրել է, որ ձերբակալվածը իրենց դաշինքի պատգամավորության թեկնածու Գոռ Սեդրակյանն է։

Սնունդ` քվեի դիմաց. Գավառում ընտրակաշառքի գործով ևս 8 անձի մեղադրանք է առաջադրվել

67
թեգերը:
ընտրակաշառք, Հատուկ քննչական ծառայություն (ՀՔԾ), Հայաստան