Նիկոլ Փաշինյան. արխիվային լուսանկար

Փաշինյանը հիշեց «հոկտեմբերի 27»-ն ու թվարկեց Սերժ Սարգսյանի ընտանիքին վերաբերող փաստեր

824
(Թարմացված է 15:26 25.06.2020)
ՀՀ վարչապետն ԱԺ ամբիոնից Սերժ Սարգսյանի ընտանիքին մեղադրեց ՁորաՀէԿ-ը գողանալու, «Սպայկա» ընկերությունով մաքսանենգություն անելու, հյուրանոցներ ունենալու, հեռուստաընկերություններ խլելու ու ընտրություններ կեղծելու մեջ:

ԵՐԵՎԱՆ, 25 հունիսի — Sputnik. 2019 թ.-ի բյուջեի կատարողականի քննարկմանը ԱԺ-ում եզրափակիչ ելույթով հանդես եկավ ՀՀ վարչապետ Նիկոլ Փաշինյանը:

Նա արձագանքեց ընդդիմադիր «Լուսավոր Հայաստան» խմբակցության ղեկավար Էդմոն Մարուքյանի քննադատական ելույթին ու նշեց, որ այն իրեն հիշեցրեց 1999 թ.-ի հոկտեմբերի 27-ը:

«1999 թ-ի հոկտեմբերի 27-ին ոչ անհայտ կուսակցությանը պատկանող ոչ անհայտ թերթի վերջին էջում հրապարակվել էր Հանրապետության հրապարակի լուսանկարը և այդ հրապարակի կենտրոնում՝ մարդկային դիակ: Եվ մինչև հիմա էլ առեղծված է, թե այդ ինչպես հենց այդ օրը հենց այդ նկարը, կարծեմ նույնիսկ համապատասխան մակագրությամբ, լույս տեսավ հենց այդ թերթում»,- ասաց Փաշինյանը՝ կոչ անելով քննարկել, թե Հայաստանում խոսքի ազատության ինչ մակարդակ կա և ինչպես է այն օգտագործվում:

Փաշինյանը նշեց, որ կորոնավիրուսի գոյություն չունենալու մասին կեղծ լուրեր տարածողները մարդկանց մղում են մահվան, քանի որ այդ լուրերը տարածող քաղաքական ուժերը, նրա բնորոշմամբ, համարում են, որ ինչքան շատ մարդ վարակվի ու որքան շատ մարդ մահանա ՀՀ-ում, այնքան իրենք ավելի բարձր խոսելու հնարավորույուն կունենան:

«Ասել ենք և ասում ենք՝ Հայաստանում կուսակցությունները, լրատվամիջոցները, ՀԿ-ները պետք է լինեն թափանցիկ, որ այդ ձեր ասած՝ նախկին նախագահ կոչվածները իրենց թալանած փողերով չբերեն ֆինանսավորեն ֆեյքերի դասակներ, գումարտակներ և այլ լրատվամիջոցներ` ՀՀ-ի ժողովրդի նկատմամբ հիբրիդային պատերազմ մղելու համար»,- ասաց Փաշինյանը:

Մինասյանը հայտարարեց` ժամանակին գործարքի մեջ է մտել Փաշինյանենց հետ, որ իր դեմ չգրեն

Նրա խոսքով` ԱԺ ամբիոնից խոսում են ֆեյքերի գումարտակներ ղեկավարող ու ֆինանսավորող անձինք: Իսկ ժողովրդավարությունն, ըստ նրա, պատգամավորներին «ղազագրեր» գրել տվող կուսակցությունների հույսին չպիտի մնա:

Արձագանքելով քաղաքական հետապնդման մասին պատգամավորների հայտարարություններին, Փաշինյանը հակադարձեց. «30 տարի տեսել ենք քաղաքական հետապնդում: Այդ որտե՞ղ եք տեսել, որ քաղաքական հետապնդման զոհին դատարանը հրաժարվի կալանք տալ: Էդ մեզ ինչո՞ւ չէին հրաժարվում կալանք տալ: Թող ասեին՝ չէ, չենք տալիս կալանք: Վզները կոլորեին 5 րոպեում, սեղանի տակից դուրս չէին գա», -ասաց նա:

Անդրադառնալով դատական համակարգի բարեփոխմանը՝ վարչապետը նշեց, որ իրենց ցանկությունը «խամաճիկային հին համակարգը խամաճիկային նոր համակարգով» փոխարինելը չէ:

«Մենք ուզում ենք, որ երկրում լինի անկախ դատական համակարգ: Այն դատավորը, որ իր համոզմունքով և խղճով և առանց կողմնակի ազդեցությունների ու առանց հին կոռուպցիոն կապերի ու կոռուպցիոն նոստալգիայի կկայացնի որոշում, այդ դատավորը մեր գլխի վրա տեղ ունի, այդ դատավորը մեր երկրի, պետության հենասյունն է: Մենք ամեն ինչ անելու ենք այդ մարդկանց պաշտպանելու ու դատական համակարգից մյուսներին դուրս շպրտելու համար»,- ասաց Փաշինյանը: 

Միքայել Մինասյանը նոր մեղադրանք ներկայացրեց Նիկոլ Փաշինյանին ու Աննա Հակոբյանին

Խոսելով ԲՀԿ-ի մասին՝ վարչապետը նշեց, որ այդ քաղաքական ուժը ոչ թե բոյկոտել է խորհրդարանի աշխատանքը, այլ ինքնաոչնչացել է, քանի որ ԱԺ ամբիոնից հերքել է մի բան, որ Հայաստանում գիտեն բոլորը:

«Այսինքն՝ նորությո՞ւն է, որ ԲՀԿ-ն ընտրակաշառք է բաժանել ու ընտրակաշառքով է ընտրվել: Իրենք այսօր այստեղ չեն ոչ թե նրա համար, որ հետապնդվում են, այլ որովհետև չկան այլևս: Հայաստանում ժողովրդի աչքերի մեջ նայող ու սուտ խոսող քաղաքական ուժը Հայաստանում քաղաքական գործունեություն չի ծավալելու: Չի՛ կարելի ժողովրդին ձեռք առնել»,- ասաց նա:

Փաշինյանի բնորոշմամբ` Հայաստանում այսօր տեղի է ունենում ամենամեծ բարեփոխումը՝ քաղաքական դաշտի բարեփոխումը: Նրա կանխատեսմամբ` հաջորդ խորհրդարանում տեղ են ունենալու միայն այն քաղաքական ուժերը, որոնք պաշտպանում են 2018թ-ի թավշյա հեղափոխությունը պաշտպանած ուժերը: Վարչապետը շեշտեց, որ այսօր կան նման ուժեր, որոնք ևս քննադատում են իշխանությանը, ու իրենք ամենաշատը նեղվում են հենց այդ քննադատություններից:

«Մեկն էլ կա` էն մեկի ընտանիքից, կուխնու սեղանի տակից դուրս չի գալիս, մի հատ էլ ուրիշներին խորհուրդ է տալիս՝ դուրս եկեք ֆեյսբուքից, հաղորդակցվեք իրականության հետ: Դու հըլը կուխնուց դուրս արի, նոր ուրիշներին ֆեյսբուքից դուրս գալու խորհուրդ տուր»,- ասաց Փաշինյանը՝ դահլիճում բուռն ծիծաղ առաջացնելով:

ՀՀ վարչապետն անդրադարձավ նաև բյուջեի չկատարման մասին քննադատութուններին՝ չհերքելով, որ 2019թ-ի բյուջեն թերակատարվել է, ընդ որում՝ հիմանակում կոռուպցիոն գումարների խոստացված վերադարձի մասով:

«Ես նախընտրական շրջանում ասել եմ, որ առաջիկա տարիներին մենք պետք է 1.5-2 մլրդ դոլար ի վիճակի լինենք դնել զինված ուժերի և մեր անվտանգության բարձրացման վրա, և այդ գումարները պետք է գոյանան գողացված գումարների վերադարձից»,- ասաց Փաշինյանը՝ հիշեցնելով, որ ՀՀ-ում այդ նպատակով ընդունվել են ապօրինի գույքի բռնագանձման, բանկային գաղտնիքի բացահայտմանն ուղղված օրենքներ, բայց կոռուպցիոն համակարգը, նրա բնորոշմամբ, ամենաշատը փող է սիրում ու չի ցանկանում փողից հրաժարվել:

«Մենք ասում ենք՝ ՁորաՀէԿ-ը գողացել եք, Սերժ Սարգսյանի ընտանի՛ք, «Սպայկա» ընկերությունով մաքսանենգություն եք արել, Սերժ Սարգսյանի ընտանի՛ք, «Հիլթոն» հյուրանոցը ձերն է, «Օպերա Սյուիթ» հյուրանոցը ձերն է, ՀՀ լրատվական դաշտը սեփականատերերից զոռով խլել եք՝ «Արմենիա» հեռուստաընկերություն, «Շանթ» հեռուստաընկերություն, այլ հեռուստաընկերություններ: Մենք ասում ենք, որ ընտրությունների կեղծման համակարգ է գործել, որը Սերժ Սարգսյանի ընտանիքն է ղեկավարել՝ սկսած սոցիոլոգիական հարցումներից, վերջացրած կոնկրետ ընտրական տեղամասերում ընտրական միջադեպեր բեմադրելով»,- ասաց նա՝ հավելելով, որ այդ բեմադրությունների նպատակն է եղել բոլորին կենտրոնացնել մեկ տեղամասում ու մյուսներում անարգել կեղծիքներ անել:

ՀՀ վարչապետն անդրադարձավ նաև իր ընտանիքին ուղղվող մեղադրանքներին՝ մաքսանենգության, կոռուպցիայի վերաբերյալ:

«Մեզանից ուզում են ստանալ իրենց կերպարը, քանի որ հասկացել են, որ իրենց կերպարն է հեղափոխության հիմնական շարժիչ ուժը: եվ, քանի որ ուզում են հեղափոխություն անել, ուզում են այդ «ազատ» լրատվամիջոցների ձեռամբ ինձանից կերտեն Սերժ Սարգսյան, ինձանից կերտեն մի հատ եղկելի կերպար: Սա է նրանց ամբողջ նպատակը»,- ասաց նա՝ հավելելով, որ այդ նպատակը չի իրագործվի:

«Պարզվում է` ամեն ինչ արձանագրված է, ամեն-ամեն ինչ». Մինասյանի համակարգչի ֆայլերը գտել են

2020թ-ին, Փաշինյանի խոսքով, ՀՀ-ում կա միայն մեկ ճգնաժամ, և դա կորոնավիրուսի ճգնաժամն է: Մնացած ճգնաժամները, ըստ նրա, բխում են դրանից, և կորոնավիրուսի հաղթահարմամբ հաղթահարվելու են նաև մյուս բոլոր ճգնաժամները:

Հիշեցնենք՝ «Լուսավոր Հայաստան» խմբակցության ղեկավար Էդմոն Մարուքյանը 2019 թվականի բյուջեի կատարողականի քննարկման ժամանակ այսօր ԱԺ-ում հայտարարեց, որ իշխանությունն ամեն ինչ անում է, որ ավելի լռեցնի ընդդիմախոսներին: Եվ փոխարենը ոչինչ չի անում տնտեսությունը զարգացնելու, մարդկանց կյանքը լավացնելու համար:

Մարուքյանն ընդգծեց, որ իշխանությունը զբաղված է մամուլում տեղ գտած քննադատություններով և ընդդիմախոսներով:

«Ինձ վրա հարձակվում եք, մյուս ֆրակցիայի ղեկավարի նկատմամբ գործ է հարուցվում: Ասում եմ՝ ապացույցներ չկան: 87 հոգի քվեարկում է, գնում է` դատարանը բաց է թողնվում»,- ասաց նա՝ իշխանությանը մեղադրելով ընդդիմությանը ճնշելու, ընդդիմադիր թերթերին ճնշելու, լռեցնելու մեջ։

Նշենք` Էդմոն Մարուքյանը նաև հայտարարեց, որ 2019թ-ի բյուջեի կատարողականը թերակատարված է, ուստի իրենք դեմ են քվեարկելու ներկայացված հաշվետվությանը:

Միքայել Մինասյանի մեղադրանքն ավելացվել է նոր բացահայտումներով. «Սպայկան» և Ռոզա Ստեփանյանը

824
թեգերը:
Միքայել Մինասյան, Հոկտեմբերի 27, Սերժ Սարգսյան, ՀՀ Ազգային ժողով, բյուջե, «Թավշյա հեղափոխություն», Նիկոլ Փաշինյան
Ըստ թեմայի
Կառավարությունը պատրաստվում է փոխել 2020թ-ի բյուջեն. նախագիծը մշակվում է
Պետական բյուջեում փոփոխություն արվեց. կորոնավիրուսի վնասը գնահատվեց 300 միլիարդից ավելի
ՊԵԿ–ի պարգևավճարները 5 անգամ շատ են եղել բյուջեի եկամտային մասի մուտքերից
Կորոնավիրուսի թեստերի վրա Հայաստանի բյուջեից ամսական 1 մլն դոլար է ծախսվում
Մանե Թանդիլյան

Մանե Թանդիլյանը վայր է դնում պատգամավորական մանդատը

72
(Թարմացված է 08:58 14.08.2020)
Պատգամավորական մանդատից հրաժարվելու մասին Թանդիլյանը հայտնել է Facebook-ի իր էջում արված գրառմամբ:

ԵՐԵՎԱՆ, 14 օգոստոսի - Sputnik. ԱԺ «Լուսավոր Հայաստան» խմբակցության պատգամավոր Մանե Թանդիլյանը վայր է դնում պատգամավորական մանդատը: Այս մասին պատգամավորը հայտնել է Facebook-ի իր էջում՝ նշելով, որ պատճառը առողջական խնդիրներն են, որոնք առողջական խնդիրների հետ անհամատեղելի են:

«Տևական ժամանակ է ունեմ առողջական խնդիրներ, որոնք այս ընթացքում փորձել եմ լուծել՝ աշխատանքիս հետ զուգահեռ։ Սակայն պարզ դարձավ, որ դրանք այլևս անհամատեղելի են պատգամավորական և ակտիվ քաղաքական գործունեության հետ։ Սույնով թույլ տվեք տեղեկացնել, որ ստիպված եմ վայր դնել պատգամավորական լիազորություններս, ինչպես նաև դադարեցնել գործունեությունս՝ որպես «Լուսավոր Հայաստան» կուսակցության կառավարման խորհրդի անդամ»,- գրել է նա։

Թանդիլյանը շնորհակալություն է հայտնել իր քաղաքական թիմին՝ «Լուսավոր Հայաստանին», միասին անցած ճանապարհի համար, մաղթել նորանոր հաջողություններ՝ ի նպաստ Հայաստանի Հանրապետության, նաև այն մարդկանց, որոնց վստահության շնորհիվ ստանձնել է քաղաքական գործչի պարտականությունները:

«Ուզում եմ նաև ներողություն խնդրել բոլոր այն մարդկանցից, որոնց վստահության շնորհիվ հնարավորություն եմ ունեցել ծավալել քաղաքական գործունեություն և, հնարավոր է, որևէ հիասթափության առիթ եմ տվել ։ Փորձել եմ հնարավորինս արդարացնել ձեր վստահությունը, հուսով եմ՝ որոշ չափով հաջողել եմ»,- հավելել է պատգամավորը։

Թանդիլյանը միաժանակ տեղեկացրել է, որ տասն օրվա ընթացքում Facebook-յան իր էջը կապաակտիվանա:

Հիշեցնենք՝ Մանե Թանդիլյանը ԱԺ պատգամավորի պաշտոնը ստանձնել էր 2018 թվականի դեկտեմբերի 9-ի խորհրդարանական ընտրությունների արդյունքում՝ «Լուսավոր Հայաստան» խմբակցության կազմում: 

 

72
թեգերը:
ԱԺ, Հայաստան, մանդատ, Պատգամավոր, «Լուսավոր Հայաստան» կուսակցություն, Մանե Թանդիլյան
Անձրև

Անձրև, ամպրոպ և քամի. արտառոց ու ոչ ամառային եղանակ

14
(Թարմացված է 00:02 14.08.2020)
Օդերևութաբանների կանխատեսումներով` հանրապետության տարածքում կգրանցվի օդի ջերմաստիճանի անկում։

ԵՐԵՎԱՆ, 14 օգոստոսի — Sputnik. Հայաստանի տարածքում օգոստոսի 14-18-ի գիշերը և կեսօրից հետո առանձին շրջաններում սպասվում է կարճատև անձրև և ամպրոպ, ամպրոպի ժամանակ՝ քամու ուժգնացում՝ 15-20 մ/վ արագությամբ, առանձին վայրերում սպասվում է նաև կարկուտ: Տեղեկությունը հայտնում են ՀՀ ԱԻՆ «Հիդրոմետ» ծառայությունից։

Ռուսաստանը սեպտեմբերի 1-ից կբացի սահմանը Հայաստանի համար

Օդի ջերմաստիճանն օգոստոսի 13-17-ն աստիճանաբար կնվազի 3-4 աստիճանով:

Եղանակի կանխատեսում
Եղանակի կանխատեսում

Օգոստոսի 13-ի 14-17-ի գիշերը և երեկոյան ժամերին Երևանի առանձին հատվածներում սպասվում է կարճատև անձրև և ամպրոպ, ամպրոպի ժամանակ՝ քամու ուժգնացում՝ 15-20 մ/վ արագությամբ: Օգոստոսի 18-ին սպասվում է առանց տեղումների եղանակ:

Ինչ են քննարկել Պուտինն ու Ալիևը Հայաստանի առնչությամբ. Բաքուն մանրամասներ է հայտնել

Մայրաքաղաքում օգոստոսի 14–ի գիշերը սպասվում է 19-21 աստիճան տաքություն, իսկ ցերեկային ժամերին կգրանցվի + 31...+33 աստիճան։

14
թեգերը:
ամառ, Քամի, Անձրև, Հայաստան, եղանակ
թեմա:
Եղանակը Հայաստանում
Ապաստարան, Տավուշ, Չինարի

Այն պետք է լինի բոլորի տանը. ինչպե՞ս հրեաները կարող են օգնել Տավուշում ապրող հայերին

0
(Թարմացված է 20:36 13.08.2020)
Ինչպե՞ս իսրայելական փորձն ու Երկրորդ համաշխարհային պատերազմի դասերը կարող են օգնել Հայաստանի սահմանամերձ գյուղերի բնակիչներին. ստորև ներկայացնում ենք Sputnik Արմենիայի սյունակագրի մտորումները:

Տավուշում հուլիսին տեղի ունեցած մարտական գործողությունների հետևանքով կրկին բոլորի ուշադրությունը սևեռվեց սահմանամերձ գոտու ուղղությամբ. վերականգնվում են հակառակորդի հրետակոծության հետևանքով վնասված ենթակառուցվածքները, նորոգվում տները, իսկ հիմնահատակ փլուզվածների փոխարեն՝ կառուցվում նորերը։

Թեև խաղաղ բնակչության շրջանում կորուստներ չեղան, բայց իրողությունն այն է, որ սահմանին մոտ գտնվող քաղաքների և գյուղերի բնակիչները մշտապես թիրախի տակ են։ Այդ առումով իրավիճակը հիշեցնում է իսրայելական պատկերը՝ մեկ տարբերությամբ, եթե որևէ բան պատահի (իսկ նման դեպքեր այնտեղ հաճախ են պատահում) իսրայելցիները 15 վայրկյանի ընթացքում կարող են թաքնվել ապաստարաններում, իսկ հայերը`ոչ։ Խնդիրը ոչ թե արագ վազելու, այլ հուսալի թաքստոցների բացակայության մեջ է։

Խոսքն ամենևին էլ ինչ–որ ինժեներատեխնիկական կառույցների մասին չէ, որոնց շինարարությունը ֆիզիկական մեծ ջանքեր և ֆինանսական լուրջ ծախսեր է պահանջում։ Նման բան չկա։ Իսրայելում ամեն շենք իր նկուղն ունի, (ինչպես և մեզ մոտ), որը նաև ապաստարան է, իսկ եթե վտանգը դրսում է վրա հասել, բոլոր գյուղերում բետոնե փոքր թաքստոցներ կան (ինչը մենք չունենք)։

Ներկայացնում ենք մի հատված «Газеты.Ru»–ի թղթակցի և իսրայելական Մոդիին սահմանամերձ քաղաքի բնակչուհի Ելենայի զրույցից. «Ազդանշանը հուշում է, որ քաղաքի վրա հրթիռ է գալիս։ Ես 1.5 րոպե ունեմ թաքնվելու համար, և դա ճոխություն է, Սդորտում (որը անմիջապես սահմանին կպած է) մարդիկ ընդամենը 15 վայրկյան ունեն։ Մեր տանը սենյակներից մեկը ամրացված է, որպեսզի ծառայի որպես ապաստարան։ Հենց այնտեղ ենք մենք գնում և տանում փոքրիկին։ Երբ տանը գտնվելիս լսում ենք ազդանշանը, փակում ենք դռներն ու պատուհանները։ Ընդհանրապես սա սովորական սենյակ է, որը մեզ որպես աշխատասենյակ և հյուրերի համար ննջասենյակ է ծառայում, սակայն այն հաստ պատեր ունի, զրահապատ դուռ և երկաթե վարագույրներ՝ դրսից։ 1990 թվականից հետո կառուցած շենքերում նման սենյակ կա յուրաքանչյուր բնակարանում»։

Ելենան նշել է, որ ավելի վաղ կառուցված շենքերում ապաստարանները սովորաբար տեղակայված են նկուղում։ Եթե դրանց հասնելու հնարավորություն չկա, մարդիկ աստիճանավանդակով արագ իջնում են նկուղային հարկեր, կամ բնակարանում հարմար մի անկյուն ընտրում՝ պատուհաններից և արտաքին պատերից հեռու։

«Այո, արդեն եղել է, որ ընկերներս դուրս վազեն աստիճանավանդակով գիշերվա կեսին` արթնացնելով քնած երեխաներին, կամ ընդհանրապես ցնցուղ ընդունելիս՝ հենց լոգասենյակից սրբիչով փաթաթված», – հիշում է նա։

Տարօրինակ զգացողություն է. անցնում ես փողոցով մանկասայլակով և մտածում՝ այ, եթե հիմա տագնապի ազդանշան հնչի, ո՞ւր կփախչենք։ Առևտրի կենտրոն մտնելիս` առաջին հերթին սարսափում ես ապակե ցուցափեղկերի առատությունից, այնուհետև նկատում ցուցանակներ, որոնց վրա նշված է ապաստարանների ուղղությունը. դրանք կառուցված են մոլի ներսում։

Ինչպես տեսնում ենք, իսրայելցիների փորձը հարմար է նաև Հայաստանի սահմանամերձ քաղաքների և գյուղերի համար, բայց ինչո՞ւ միայն սահմանամերձ։ Ի՞նչ ունենք Երևանում, Գյումրիում և երկրի մյուս խոշոր քաղաքներում։ Երևանում կա մետրո, որը մարդկանց փրկել է Երկրորդ համաշխարհային պատերազմի տարիներին՝ ինչպես Մոսկվայում, Բեռլինում և Լոնդոնում։ Թեև Մոսկվայում այն ժամանակ չկային գետնանցումներ։ Այսօր Երևանում մետրո էլ կա, գետնանցումներ էլ։

50-ականներին Հրազդանի ձորում գտնվող մանկական երկաթուղի երևանցիները մեծամասամբ հասնում էին թունելով, որը նախատեսված է ոչ միայն անցնելու, այլև պաշտպանության նպատակով, այդ թվում` քիմիական պաշտպանության։ Հավանաբար մայրաքաղաքում էլի ինչ–որ բան կա, որի մասին գիտեն ԱԻՆ–ում, սակայն լռում են և ճիշտ են անում։

Իսկ մինչ այդ ընտանեկան թաքստոցների նկատմամբ, հետաքրքրությունը, մասնավորապես, քաղաքից դուրս գտնվող հատվածներում սկսեցին ցուցաբերել մոսկվաբնակները։ Ո՞վ և ինչի՞ց է վախենում։

Իրազեկների պարզաբանմամբ՝ նախ` վախենում են ոչ բոլորը, միայն՝ հարուստները։ Վախենում են ջարդերից, ահաբեկչությունից, բայց՝ նախևառաջ կորոնավիրուսից։ Միջուկային հարվածներից մտահոգվում են ամենավերջինը, քանի որ այդժամ ոչինչ չի փրկել հնարավոր չի լինի։

Տավուշի Մովսես գյուղում հարսանիք է եղել. մարդիկ վերադառնում են բնականոն կյանքի

Մեջբերեմ Մոսկվայի մերձակայքում գտնվող էլիտար Ռուբլյովկայի բնակիչներից մեկի հետ զրուցած լրագրող Վլադիմիր Պերեկրեստի մեկնաբանությունը. «Թշնամին ուրիշ տարբերակ չունի, քան՝ Բարվիխան կամ Ուսովոն ռումբով թիրախավորելը։ Հանրային անկարգությունների մասին էլ կասկածում եմ. ահա Բոլոտնայա հրապարակում, երբ ընդդիմությունը խելագարվում էր, նրանք ավելի շուտ Կրեմլի վրա կհարձակվեին, քան մեզ մոտ գնացքով կժամանեին»։

Ռուբլյովկայում գտնվող բունկերի վերաբերյալ ոչինչ չեմ կարող ասել, բայց այն, որ ՀՀ Տավուշի մարզի Այգեպար գյուղում հրետակոծությունից ավելի քան տասնյակ տներ են տուժել, որոնցից մի քանիսն այլևս ապրելու պիտանի չեն՝ փաստ է։ Բացի այդ, ականն ընկել է մանկապարտեզի տանիքին, ուր 20 երեխա է հաճախում։ Բարեբախտաբար, գյուղում ոչ ոք չի տուժել, երեխաներին հասցրել են թաքցնել։

Մի դրվագ էլ Երկրորդ համաշխարհային պատերազմի փորձից։ Արագ, սակայն, գրեթե յուրաքանչյուր բակում բնակչության համար կառուցած բազմաթիվ ապաստարանները ճիշտ որոշում էին։ Լենինգրադում, օրինակ, ծայրահեղ ինտենսիվ ռմբակոծման և հրետակոծությունների դեպքում, նկուղային ապաստարաններ ունեցող շենքերի վրա ավիառումբերի անմիջական հարվածներ հազվադեպ էին լինում, դրանցից միայն մոտ 20-ը ծանր վնասներ կրեցին։

Տավուշի սահմանամերձ համայնքների դպրոցներում ապաստարաններ կգործեն. նախարար

Մեր սահմանամերձ գյուղի բնակիչների համար առանցքային են` «Ապաստարաններ՝ գրեթե յուրաքանչյուրի բակում» խոսքերը, իսկ իշխանությունների համար` սահմանամերձ գյուղերի բնակիչներին շինարարական նյութերով, գումարով և անհրաժեշտ բոլոր պարագաներով օգնելը, ինչպես նաև պատսպարանները հուսալիորեն բարեկարգելը ինչպես տանը, այնպես էլ դրա պատերից դուրս։

0
թեգերը:
Իսրայել, Հայաստան, հրետակոծություն, սահմանամերձ գյուղեր, Չինարի, Տավուշ, ապաստարան
Ըստ թեմայի
Ադրբեջանական հրետակոծությունների պարբերականությունը նվազել է. ՊՆ
Այգեպարի մանկապարտեզն ավերվել է հակառակորդի հրետակոծությունից. լուսանկարներ
Հրետակոծությունից տուժած բնակավայրերում վերականգնման աշխատանքներ են սկսել. լուսանկարներ
Հակառակորդի հրետակոծությունից ամենաշատը տուժած գյուղում արդեն մի քանի տուն վերականգնվել է