ԵՐԵՎԱՆ, 25 հունիսի — Sputnik. ՀՀ կառավարությունն այսօրվա նիստում հաստատեց կորոնավիրուսի տնտեսական հետևանքների չեզոքացման 22-րդ միջոցառումը:

Ինչպես հայտնեց ՀՀ աշխատանքի և սոցիալական հարցերի նախարար Զարուհի Բաթոյանը, պետության աջակցությունից կօգտվեն այն քաղաքացիները, որոնք 2020 թվականի հունվարի 1-ից մինչև մարտի 30-ն ընկած ժամանակահատվածում աշխատանք են ունեցել, սակայն ազատվել են աշխատանքից 2020 թվականի մարտի 31-ից մինչև հունիսի 1-ն ընկած ժամանակահատվածում և այդ նույն ժամանակահատվածում չեն անցել մեկ այլ աշխատանքի:

«Նախագծում կան բացառություններ: Ծրագրից չեն կարող օգտվել բանկերի, վարկային կազմակերպությունների, գրավատների, ապահովագրական ընկերությունների, արտարժույթի փոխանակման կետերի, ներդրումային կազմակերպությունների, ՀԿ-ների, հիմնադրամների, կուսակցությունների և այլ կազմակերպությունների աշխատակիցները»,- ասաց Բաթոյանը:

Աջակցությունից չեն կարող օգտվել նաև այն անձինք, որոնց աշխատանքից ազատվելուն նախորդող 2 ամիսների միջին ամսական աշխատավարձի չափը գերազանցել է 500 000 դրամը:

© Photo : Screenshot / Public TV Company of Armenia

Փաշինյանի աշխատակազմը պարտք է լրատվամիջոցներին, կամ փոխհատուցում ծառայության դիմաց

Աջակցությունը կտրամադրվի միանվագ՝ նվազագույն ամսական աշխատավարձի չափով:

Հարցի քննարկման ընթացքում ՀՀ վարչապետ Նիկոլ Փաշինյանը հայտնեց, որ կառավարության պաշտոնական տվյալներով՝ ապրիլին կիրառված տնտեսական գործունեության համատարած սահմանափակումների հետևանքով ՀՀ-ում շուրջ 70 000 աշխատատեղ է փակվել, իսկ մայիսին դրանցից վերաբացվել է միայն 50 000-ը:

«Արդյունքում մենք արձանագրեցինք, որ շուրջ 20 000 քաղաքացի կորոնավիրուսի այդ շրջանում աշխատանքը կորցրել է և նոր աշխատանք չի գտել»,- ասաց նա՝ հավելելով, որ կառավարության ընդունած 22-րդ միջոցառումն ուղղված է հենց այս քաղաքացիներին:

Պատմությունը չես փոխի․ ինչպես հայերը փրկեցին հրեական ընտանիքը

Հիշեցնենք` կառավարությունը կորոնավիրուսի հետևանքների չեզոքացման միջոցառումներ է ընդունել, որոնց մի մասը սոցիալական բնույթ ունեն, մյուսը` տնտեսական։

© Sputnik / Asatur Yesayants

Առավել տուժած ոլորտների 37 հազար աշխատակիցներ 2-րդ անգամ աջակցություն կստանան պետությունից

Կորոնավիրուսի տնտեսական հետևանքները չեզոքացնող ծրագրերը վերաբերում էին ռեզիդենտ տնտեսվարողներին, գյուղատնտեսության ոլորտին, ՓՄՁ-ներին, աշխատակիցների և աշխատատեղերի պահպանմանը, միկրոձեռնարկատիրություններին, բարձր տեխնոլոգիաների ոլորտին, «զրոյից» բիզնես ստեղծելու ձգտում ունեցողներին։

Իսկ սոցիալական հետևանքները չեզոքացնող ծրագրերը վերաբերում էին մինչև 14 տարեկան երեխա ունեցող ընտանիքներին, որտեղ ծնողները կամ ծնողներից մեկը կորցրել է իր գրանցված աշխատանքը մարտի 13-25 ընկած ժամանակահատվածում և մարտի 25-ի դրությամբ ծնողներից ոչ մեկը չուներ աշխատանք, մարտի 13-30 ընկած ժամանակահատվածում աշխատանքից ազատված անձանց, չաշխատող հղի կանանց, վարձու աշխատողներին կամ անհատ ձեռնարկատերերին, որոնք զրկվել էին աշխատանքից, 0-18 տարեկան երեխա ունեցող ընտանիքներին, որտեղ երկու ծնողներն էլ չունեին գրանցված աշխատանք, սոցիալապես անապահով ընտանիքներին, ուսանողներին։

Կորոնավիրուսի հետևանքների չեզոքացման սոցիալական ծրագրերում նոր ոլորտներ կներառվեն

ԵՐԵՎԱՆ, 7 մարտի – Sputnik. ՀՀ Սյունիքի մարզում ադրբեջանախոս անձանց ավտոմեքենայից կատարված նկարահանման և համացանցում տարածվող տեսանյութի վերաբերյալ ՀՀ ազգային անվտանգության ծառայությունը պարզաբանում է, որ տվյալ տեսանկարահանումը կատարել են ՀՀ Սյունիքի մարզի Կապան համայնքի Սյունիք-Ճակատեն բնակավայրերի հատվածում դեռևս մեկ ամիս առա: Այն կատարել են մեկ ամիս առաջ կազմակերպված սահմանապահների եռակողմ աշխատանքային հանդիպմանը մասնակցելու նպատակով այնտեղ գտնվող ադրբեջանցի զինծառայողները՝ ռուս սահմանապահների ուղեկցությամբ և նախապես համաձայնեցված երթևեկության ընթացքում:

© Sputnik / Aram Nersesyan

Սյունիքի Նոր Առաջաձորից Դավիթ-Բեկ տանող ջրատարն ադրբեջանցիները չեն քանդում. մարզպետարան

Նշենք, որ ավելի վաղ որոշ ԶԼՄ–ներ և Տելեգրամ–ալիքներ տեսանյութ էին տարածել և տեղեկացրել, որ Կապանում ադրբեջանցիներ են շրջում։

«Անհրաժեշտ է  կրկին ընդգծել, որ ինչպես նշված, այնպես էլ հարակից այլ հատվածներում ներկայումս շարունակաբար իրականացվում են համապատասխան ընթացիկ աշխատանքներ և յուրաքանչյուր առանձին դեպքով հանրային լարվածություններ ձևավորելուն միտված հրապարակումներն ու ոչ պաշտոնական վերլուծությունները անտեղի են և անթույլատրելի»,–ասված է ԱԱԾ հաղորդագրության մեջ:

ԱԱԾ–ն, իր խոսքով` հերթական տարաբնույթ շահարկումներից խուսափելու նպատակով և ի հավելումն 2020 թվականի դեկտեմբերի 20-ին ՀՀ ազգային անվտանգության ծառայության կողմից հրապարակված հայտարարության տեղեկացնում է նաև, որ հայ և ադրբեջանցի սահմանապահների կողմից (իրենց տեղակայման վայրերում), ռուս գործընկերների հետ համագործակցությամբ, ներկա փուլում էլ սահմանապահ վերակարգերի տեղակայման աշխատանքներ են իրականացվում ՀՀ Սյունիքի մարզի Գորիս-Կապան միջպետական ավտոճանապարհի Շուռնուխ-Դավիթ Բեկ հատվածում:

«Այս հատվածի վերաբերյալ ևս լրատվամիջոցներում և սոցիալական տարբեր ցանցերում վերջին օրերին տեղ գտած և հանրության շրջանում անհարկի անհանգստություններ ձևավորող լուրերը դարձյալ իրականությանը չեն համապատասխանում»,–ասված է հայտարարության մեջ:

ՊՆ հերքում է․ Տավուշում ադրբեջանցիները սահմանի երկայնքով չափագրումներ չեն անում

ՀՀ ազգային անվտանգության ծառայությունից վստահեցնում են, որ սահմանապահ զորքերի կողմից հիշյալ բոլոր տարածքներում իրավիճակը լիովին վերահսկվում է և ազգաբնակչությանը կրկին հորդորում են տուրք չտալ ստահոդ աղբյուրների կողմից փոխանցվող տեղեկություններին՝ զերծ մնալով նաև վերջիններիս տարածումից: