Միքայել Մինասյան

Ո՞ւր են «հոսել» մաքսատան փողերը. Մինասյանը նոր մեղադրանք ներկայացրեց Փաշինյանին և կնոջը

707
(Թարմացված է 21:39 20.06.2020)
Միքայել Մինասյանը վստահեցնում է` Գյումրու նորաբաց մաքսատան շինարարական աշխատանքների համար հաշվարկներ անող ընկերությունը լիցենզիա ստանալուց առաջ է նման թույլտվություն ստացել։

ԵՐԵՎԱՆ, 20 հունիսի – Sputnik. ՀՀ երրորդ նախագահ Սերժ Սարգսյանի փեսան` Վատիկանում ՀՀ նախկին դեսպան Միքայել Մինասյանը, Facebook-ում հրապարակած նոր տեսանյութում նոր մեղադրանք ներկայացրեց վարչապետ Նիկոլ Փաշինյանին ու նրա տիկնոջը` Աննա Հակոբյանին։

«Գյումրիի մաքսատան վրա 2 մլրդ դրամ է ծախսվել, և ճարտարապետական հաշվարկման աշխատանքներն արել է «ԱՏՐԻՈՒՄ թիմ» ՍՊԸ–ն։ Փաշինյանն առանց տենդերի` կառավարության որոշմամբ, այդ ընկերությանը տվել է իրավունք` կազմակերպելու նախագծերը, հաշվարկները դեռ 2019–ի օգոստոսի 8-ին։ Ամեն ինչ լավ կլիներ, եթե լիներ տենդեր, իսկ ընկերությունը լիցենզիա ունենար»,–ասաց Մինասյանը։ 

Նրա խոսքով` Գյումրու նորաբաց մաքսատան շինարարական աշխատանքների համար հաշվարկներ անող ընկերությունը լիցենզիա է ստացել միայն օգոստոսի 26-ին։

Այսինքն, ըստ Մինասյանի, Փաշինյանը լիազորել է մի կազմակերպության, որը նույնիսկ լիցեզիա չունի։ Իսկ դրա պատճառը, ինչպես վստահեցնում է Մինասյանը, այն է, որ այդ ընկերությունն ուղիղ կապված է Փաշինյանի տիկնոջ` Աննա Հակոբյանի մտերիմ ընկերուհու` ՊԵԿ փոխնախագահ Շուշաննա Ներսիսյանի հետ։

«Պարզվում է` ամեն ինչ արձանագրված է, ամեն-ամեն ինչ». Մինասյանի համակարգչի ֆայլերը գտել են

Միքայել Մինասյանը հիշեցրեց, որ դեռ 2019–ի ապրիլին Փաշինյանն այցելել էր մաքսատուն ու սենյակներից մեկում տեսել անկյունում ընկած դրոշը, ինչի հետևանքով հետո այդ բաժնի աշխատողն աշխատանքից ազատվել էր։

Մաքսատան աշխատողը, ճիշտ է, հետո նորից աշխատանքի անցավ, սակայն այդ աղմուկի պատճառը, ըստ Մինասյանի, այն բանի համար էր, որ «տակը փողի հարց» կար։

Հիշեցնենք, որ հետախուզման մեջ գտնվող Միքայել Մինասյանը Facebook-ի իր էջում «Ստի վերջը» խորագրով մի շարք տեսանյութեր է հրապարակում: Դրանցից մեկում նա հայտարարել էր, որ Հրաչյա Հակոբյանն ու Աննա Հակոբյանը ներգրավված են ծխախոտի մաքսանենգության գործում։

«Ես պատրաստ եմ ժառանգել Սերժ Սարգսյանի մեղքերը»․ Միքայել Մինասյան

707
թեգերը:
Ստի վերջը, մաքսանենգություն, ավտոմաքսատուն, Գյումրի, Աննա Հակոբյան, Նիկոլ Փաշինյան, Միքայել Մինասյան
Ըստ թեմայի
Փաշինյանը հանձնարարել է «մաքրել» մաքսանենգ ծխախոտի հետքերը. Մինասյանի նոր տեսաուղերձը
Միքայել Մինասյանն առաջարկում է վարչապետի պաշտոնից հեռացնել Նիկոլ Փաշինյանին
Վանեցյանը խոսել է իր և Միքայել Մինասյանի հանդիպման մասին
Մանե Թանդիլյան

Մանե Թանդիլյանը վայր է դնում պատգամավորական մանդատը

85
(Թարմացված է 09:12 14.08.2020)
Պատգամավորական մանդատից հրաժարվելու մասին Թանդիլյանը հայտնել է Facebook-ի իր էջում արված գրառմամբ:

ԵՐԵՎԱՆ, 14 օգոստոսի - Sputnik. ԱԺ «Լուսավոր Հայաստան» խմբակցության պատգամավոր Մանե Թանդիլյանը վայր է դնում պատգամավորական մանդատը: Այս մասին պատգամավորը հայտնել է Facebook-ի իր էջում՝ նշելով, որ պատճառը առողջական խնդիրներն են, որոնք առողջական խնդիրների հետ անհամատեղելի են:

«Տիկին Թանդիլյան, նախարարի պաշտոնում ծրարով փող ստացե՞լ եք». վարչապետը հարցախույզ սկսեց

«Տևական ժամանակ է ունեմ առողջական խնդիրներ, որոնք այս ընթացքում փորձել եմ լուծել՝ աշխատանքիս հետ զուգահեռ։ Սակայն պարզ դարձավ, որ դրանք այլևս անհամատեղելի են պատգամավորական և ակտիվ քաղաքական գործունեության հետ։ Սույնով թույլ տվեք տեղեկացնել, որ ստիպված եմ վայր դնել պատգամավորական լիազորություններս, ինչպես նաև դադարեցնել գործունեությունս՝ որպես «Լուսավոր Հայաստան» կուսակցության կառավարման խորհրդի անդամ»,- գրել է նա։

Թանդիլյանը շնորհակալություն է հայտնել իր քաղաքական թիմին՝ «Լուսավոր Հայաստանին», միասին անցած ճանապարհի համար, մաղթել նորանոր հաջողություններ՝ ի նպաստ Հայաստանի Հանրապետության, նաև այն մարդկանց, որոնց վստահության շնորհիվ ստանձնել է քաղաքական գործչի պարտականությունները:

«Ուզում եմ նաև ներողություն խնդրել բոլոր այն մարդկանցից, որոնց վստահության շնորհիվ հնարավորություն եմ ունեցել ծավալել քաղաքական գործունեություն և, հնարավոր է, որևէ հիասթափության առիթ եմ տվել ։ Փորձել եմ հնարավորինս արդարացնել ձեր վստահությունը, հուսով եմ՝ որոշ չափով հաջողել եմ»,- հավելել է պատգամավորը։

Թանդիլյանը միաժանակ տեղեկացրել է, որ տասն օրվա ընթացքում Facebook-յան իր էջը կապաակտիվանա:

Հիշեցնենք՝ Մանե Թանդիլյանը ԱԺ պատգամավորի պաշտոնը ստանձնել էր 2018 թվականի դեկտեմբերի 9-ի արտահերթ խորհրդարանական ընտրությունների արդյունքում՝ «Լուսավոր Հայաստան» խմբակցության կազմում: Թանդիլյանը 

2015 թվականի դեկտեմբերի 15-ից «Լուսավոր Հայաստան» կուսակցության անդամ է։ Նույն թվականի դեկտեմբերի 21-ին ընտրվել է կուսակցության խորհրդի քարտուղար, 2017 թվականին «Ելք» դաշինքի ցուցակով ընտրվել է ՀՀ 6-րդ գումարման Ազգային ժողովի պատգամավոր։ Եղել է այդ ընտրություններում ռեյտինգային ընտրակարգով ընտրված միակ կին պատգամավորը։ Եղել է ԱԺ ֆինանսավարկային և բյուջետային հարցերի մշտական հանձնաժողովի փոխնախագահը: 2018 թվականի փետրվարի 19-ին ԼՀԿ կառավարման խորհրդի նիստում ընտրվել է ԼՀԿ փոխնախագահ։

Տատիկ-պապիկներին առաջարկում են QR կոդով իրենց գյուղի «բուդկայից» գնումներ անել

2018 թվականի մայիսի 11-ին՝ Թավշյա հեղափոխությունից հետո, նշանակվել է Հայաստանի Հանրապետության աշխատանքի և սոցիալական հարցերի նախարար: 2018 թվականի հունիսի 12-ին՝ դեմ լինելով կառավարության կողմից կուտակային կենսաթոշակային համակարգի պարտադիր բաղադրիչի ներդրմանը, հրաժարական է ներկայացրել նախարարի պաշտոնից: Հունիսի 21-ին կառավարության նիստում վարչապետ Նիկոլ Փաշինյանը հայտնել է, որ չի ընդունել Մանե Թանդիլյանի հրաժարականը, և վերջինս կշարունակի պաշտոնավարել։

2018 թվականի նոյեմբերի 14-ին երկրորդ անգամ հրաժարական է տվել ՀՀ Աշխատանքի և սոցիալական հարցերի նախարարի պաշտոնից դեկտեմբերի 9-ին կայանալիք ԱԺ արտահերթ ընտրություններին մասնակցելու համար: ԼՀԿ համապետական ցուցակում զբաղեցրել է երկրորդ տեղը, ինչպես նաև ռեյտինգային ընտրակարգով առաջադրվել է Երևանի Կենտրոն, Նորք-Մարաշ, Էրեբունի և Նուբարաշեն վարչական շրջաններն ընդգրկող թիվ 4 ընտրատարածքում և ընտրվել 7-րդ գումարման ԱԺ պատգամավոր: Նա նաև ՀՀ ԱԺ Ֆինանսավարկային և բյուջետային հարցերի մշտական հանձնաժողովի նախագահն էր։

 

85
թեգերը:
ԱԺ, Հայաստան, մանդատ, Պատգամավոր, «Լուսավոր Հայաստան» կուսակցություն, Մանե Թանդիլյան
Ըստ թեմայի
Մանե Թանդիլյանը կրկին հրաժարվեց իր լիազորություններից
Հայաստանին արհմիություններ են պետք. Մանե Թանդիլյանը մի քանի դիտարկում է ներկայացրել
Մանե Թանդիլյանի պարագան մի քիչ այլ էր. Ռուստամյանը խոսեց պարտադիր կուտակայինի մասին
«Դուխով» նախարար Մանե Թանդիլյանը պետք է խոսի և չհեռանա. Թևան Պողոսյան
Անձրև

Անձրև, ամպրոպ և քամի. արտառոց ու ոչ ամառային եղանակ

22
(Թարմացված է 00:02 14.08.2020)
Օդերևութաբանների կանխատեսումներով` հանրապետության տարածքում կգրանցվի օդի ջերմաստիճանի անկում։

ԵՐԵՎԱՆ, 14 օգոստոսի — Sputnik. Հայաստանի տարածքում օգոստոսի 14-18-ի գիշերը և կեսօրից հետո առանձին շրջաններում սպասվում է կարճատև անձրև և ամպրոպ, ամպրոպի ժամանակ՝ քամու ուժգնացում՝ 15-20 մ/վ արագությամբ, առանձին վայրերում սպասվում է նաև կարկուտ: Տեղեկությունը հայտնում են ՀՀ ԱԻՆ «Հիդրոմետ» ծառայությունից։

Ռուսաստանը սեպտեմբերի 1-ից կբացի սահմանը Հայաստանի համար

Օդի ջերմաստիճանն օգոստոսի 13-17-ն աստիճանաբար կնվազի 3-4 աստիճանով:

Եղանակի կանխատեսում
Եղանակի կանխատեսում

Օգոստոսի 13-ի 14-17-ի գիշերը և երեկոյան ժամերին Երևանի առանձին հատվածներում սպասվում է կարճատև անձրև և ամպրոպ, ամպրոպի ժամանակ՝ քամու ուժգնացում՝ 15-20 մ/վ արագությամբ: Օգոստոսի 18-ին սպասվում է առանց տեղումների եղանակ:

Ինչ են քննարկել Պուտինն ու Ալիևը Հայաստանի առնչությամբ. Բաքուն մանրամասներ է հայտնել

Մայրաքաղաքում օգոստոսի 14–ի գիշերը սպասվում է 19-21 աստիճան տաքություն, իսկ ցերեկային ժամերին կգրանցվի + 31...+33 աստիճան։

22
թեգերը:
ամառ, Քամի, Անձրև, Հայաստան, եղանակ
թեմա:
Եղանակը Հայաստանում
Բագրատ Էստուկյան

Թուրքիայում չեն պատժում գերեզման պղծողներին, նրանց հետաքրքրում է հարցի առեղծվածային կողմը

0
(Թարմացված է 19:34 13.08.2020)
«Ակոս» շաբաթաթերթի հայերեն բաժնի խմբագրապետ Բագրատ Էստուկյանը Sputnik Արմենիայի եթերում անդրադարձել է Անկարայի հայկական գերեզմանատան հետ կապված սրբապղծության վերջին դեպքին և գանձագողության պատրվակով հայկական վանքերի ու պատմամշակութային հուշարձանների ավերածություններին։

 

Էստուկյան. «Թուքիայում ավելի քան 2000 հայկական եկեղեցիներ ավերվել են պետության կարգադրությամբ»

Դատապարտելով Սուրբ Փրկիչ և Սուրբ Քառասուն մանկանց եկեղեցիներին կից գտնվող հայկական գերեզմանատան դեմ ուղղված վանդալիզմի դրսևորումը` Բագրատ Էստուկյանն ընդգծում է, որ հայերի և այլազգիների գերեզմանների թալանն ու գանձախուզության դեպքերի ակտիվացումը պայմանավորված չէ միայն վերջին շրջանի ժամանակագրությամբ, այլ ունի վաղեմի պատմություն։ 

«Դեռ 1915 թվականի տեղահանությունից ու աքսորից առաջ շատ հայեր իրենց ունեցվածքը պահեցին կա՛մ գերեզմանատներում, կա՛մ եկեղեցիների հիմքերի տակ։ Այդ հանգամանքը շատերին խրախուսեց, որպեսզի նշված վայրերում իրականացնեն գանձախուզական աշխատանքներ, պեղումներ։ Այդ գործընթացը հարատևորեն շարունակվում է, հետևաբար հայկական կոթողների ու գերեզմանատների ավերածության լուրերն այլևս զարմանք չեն պատճառում»,– նշում է «Ակոսի» խմբագրապետը։

Բագրատ Էստուկյանի գնահատմամբ` Թուրքիայի պատկան մարմինները գործուն քայլեր չեն իրականացնում, որպեսզի գտնեն մեղավորներին ու ենթարկեն պատասխանատվության, և գանձախույզները նույնիսկ համացանցի միջոցով տեղեկություններ են տարածում, խորհուրդներ, տալիս իրար, որտեղ և ինչպես պետք է գանձ փնտրել։ Մեծ պահանջարկ ունեն ազատ վաճառքում առկա այնպիսի սարքեր, որոնց միջոցով կարելի է գետնի տակ թաղված մետաղյա իրեր հայտնաբերել։ Խմբագրապետի տեղեկացմամբ` նույնիսկ եթե բողոքներ են լինում և հանցագործները դեպքի վայրում բռնվում են, միևնույն է, նրանք թեթև պատիժ են կրում։

«Թուրքական հասարակությանը միշտ հետաքրքրում է հարցի առեղծվածային կողմը, գանձերին առնչվող պատմությունները, բայց կոթողների ավերածությունների նկատմամբ թուրքերն անտարբեր են։ Հասարակությանը թերևս ցավ է պատճառում միայն իր սրբավայրերի դեմ իրականացված վանդալիզմը, մինչդեռ ավելի քան 2000 հայկական եկեղեցի ավերվել են հենց պետության կարգադրությամբ»,– նշում է խմբագրապետը։

Էստուկյանի կարծիքով` Թուրքիայի հայկական համայնքի միակ բարեբախտությունը խորհրդարանում Կարո Փայլանի պես պատգամավոր ունենալն է, որն ամեն տեսակի ոտնձգության դեմ իր ձայնն է բարձրացնում` ներկայացնելով առարկություններ և հարցումներ ուղղելով իշխանություններին, թեև շատ բան, ցավոք սրտի, անցնում է ապարդյուն։

Մշակութային վանդալիզմ. թուրք երգչուհին երգում է Անիի Մայր տաճարում. տեսանյութ

Հիշեցնենք` Թուրքիայի մայրաքաղաք Անկարայի Սինջան թաղամասում գտնվող հայկական Սուրբ Փրկիչ և Սուրբ Քառասուն մանկանց եկեղեցիներին կից գտնվող հայկական գերեզմանոցն օրերս ավերել են, աճյունները դուրս են բերվել շիրիմներից, ամենուր մարդկային ոսկորներ են ցրիվ տրված եղել։

 

0
թեգերը:
Եկեղեցի, գերեզման, Թուրքիա, Բագրատ Էստուկյան