Սևանում սիգի որսը կթույլատրվի. նախարարությունը խոստանում է վերահսկել
(Թարմացված է 12:56 18.06.2020)
Սիգ ձկնատեսակի որս վերջին անգամ Սևանում թույլատրվել է 2004թ.-ին: 2005 թ.-ից սկսած` սիգի որսը կատարվել է միայն ապօրինի:ԵՐԵՎԱՆ, 18 հունիսի – Sputnik. Սևանում ապօրինի ձկնագողության դեմ պայքարելու համար Շրջակա միջավայրի նախարարությունն առաջարկում է իրականացնել սիգի փորձարարական որս: Կառավարության համապատասխան որոշման նախագիծն այսօր գործադրի հերթական նիստում ներկայացրեց շրջակա միջավայրի նախարարի պաշտոնակատար Վահե Ջիլավյանը:
«Սիգ ձկնատեսակի որս վերջին անգամ Սևանում թույլատրվել է 2004թ.-ին, այսինքն՝ 2005 թ.-ից սկսած` սիգի օգտագործման չափաքանակ չի սահմանվել, և լիազորված մարմնի կողմից որս չի թույլատրվել»,- հիշեցրեց Ջիլավյանը:
Փորձարարական որսի ընթացքում, ըստ նախագծի, թույլատրվելու է որսալ միայն 500 գրամից ոչ պակաս ձուկ: Որսը թույլատրվելու է բացառապես 40 սմ-անոց և ավելի խոշոր ցանցավանդակներով, ափից առնվազն 500 մետր հեռավորության վրա:
Որսը թույլատրվելու է մինչև 2020թ.-ի հոկտեմբեր ամիսը. ձվադրման սեզոնին սիգի որսը դարձյալ կարգելվի:
Ձուկ չէ, այլ հրաշք. հայ խոհարաները 4 մեդալով են վերադարձել Դաղստանից
Ձկնորսական նավակները լիճ մուտք են գործելու միայն դրանց համար նախատեսված 17 տեղամասերից:
«Որսը կազմակերպվելու է օրվա լուսավոր ժամերին: Մուտքի և ելքի տեղամասերում հսկողություն իրականացնող տեսուչները համապատասխան մատյանում լրացնելու են լիճ մուտք գործած լողամիջոցի և ձկնորսի տվյալները, մուտքի և ելքի ժամը, որսագործիքները: Որսի ավարտից հետո գրանցելու է որսված ձկան քանակը: Մատյանի տեղեկատվությունը պարբերաբար փոխանցվելու է Շրջակա միջավայրի նախարարությանը՝ որսված ձկան քանակի վերլուծություն կատարելու համար»,- ասաց նախարարի պաշտոնակատարը:
Որս իրականացնել ցանկացողները նախարարությանը հայտեր կարող են ներկայացնել և՛ առձեռն, և՛ փոստով, և՛ էլեկտրոնային փոստով:
Թե յուրաքանչյուրն ինչ ծավալի որսի իրավունք կստանա, պարզ կլինի միայն հայտերի քանակի վերլուծությունից ու թույլատրված արդյունագործական որսի ծավալը դրանց միջև բաշխելուց հետո:
Չեղած տեղը խեցգետինն էլ է ձուկ. երբ Սևանի ձկնորսներն անհարգալից ժեստը «վերածեցին» դոլարի
Եվգենյա Մեդվեդևա–Բաբասյանն իր մասին 5 փաստ է ներկայացրել
(Թարմացված է 23:01 23.01.2021)
Մեդվեդևան խոստացել է սոցցանցերում հրապարակել իր փայլուն քարերով զգեստը, հենց այն պատրաստ լինի։
ԵՐԵՎԱՆ, 23 հունվարի – Sputnik. Հայտնի ռուսաստանցի գեղասահորդ Եվգենյա Մեդվեդևա–Բաբասյանը Olympic Channel-ի հետ զրույցում իր մասին հինգ արտասովոր փաստ է ներկայացրել։
Աղջիկն ասել է, օրինակ, որ ընդամենը երկու օր առաջ է կանաչ ձիթապտուղ համտեսել։
We asked Olympic silver medallist Evgenia Medvedeva to tell us 5 facts we don't know about her. 😍
— Olympic Channel (@olympicchannel) January 22, 2021
Full interview with Evgenia: https://t.co/nCFsqCn5j0@ISU_Figure @Olympic_Russia pic.twitter.com/eqJ9WuNMsN
«Առաջին բանը, որ անում եմ առավոտյան՝ ստուգում եմ սոցցանցերը։ Նայում եմ լայքերը, բայց միշտ չէ, որ կարդում եմ մեկնաբանությունները, թեև միևնույնն է` հետևում եմ։ Նաև շանս փորը համբուրելու սովորություն ունեմ։ Կարմիր շրթներկի հետքը մնում է», - ասել է Մեդվեդրան Olympic Channel-ի հետ զրույցում։
©
Photo : Instagram
Նա նաև խոստովանել է, որ յոթ անգամ դիտել է «Շերկոկ» սերիալը, քանի որ շատ է սիրում այն։
«Ես ու մայրս փայլուն քարերով նկարներ ենք անում։ Դա ասես արվեստի գործ լինի, բայց փայլում է ինչպես գեղասահքի համար նախատեսված զգեստ։ Instagram-ում կհրապարակեմ, երբ պատրաստ լինի»,–հավելել է նա։
Նշենք, որ գեղասահորդուհի Եվգենյա Մեդվեդևան հայկական արմատներ ունի: Աղջիկը 2018 թվականի Օլիմպիական խաղերի արծաթե մեդալակիր է, Աշխարհի կրկնակի չեմպիոն (2016, 2017), Աշխարհի գավաթի (2019) բրոնզե մեդալակիր, Եվրոպայի երկակի չեմպիոն (2016, 2017), Եվրոպայի առաջնության արծաթե մեդալակիր։
«Ատոմային զենք ես». Գոհար Ավետիսյանը փայլել է իր շքեղ կազմվածքով
Խոշոր ավտովթար Արմավիրում. վիրավորների թվում 5–ամյա և 8–ամյա երեխաներ կան
(Թարմացված է 21:44 23.01.2021)
Վթարից տուժածները մարմնական տարբեր վնասվածքներով տեղափոխվել են հիվանդանոց։ ԵՐԵՎԱՆ, 23 հունվարի – Sputnik. Երեկ՝ հունվարի 22-ին, Արմավիրի մարզում տեղի ունեցած խոշոր ավտովթարի հետևանքով 3 անձ է տեղափոխվել հիվանդանոց, այդ թվում` երկու երեխա: Տեղեկությունը հայտնում է shamshyan.com–ը։
«Ժամը 23:30-ի սահմաններում Արմավիրի բնակիչ` 28-ամյա Կարեն Թադևոսյանն իր վարած Opel Vectra մակնիշի ավտոմեքենայով Արմավիր-Երևան ավտոճանապարհի 1-ին կմ հատվածում դուրս է եկել ճանապարհի երթևեկելի գոտուց և գլխիվայր հայտնվել դաշտում: Վթարի հետևանքով ուղևորները` Արմավիրի մարզի բնակիչներ` 31-ամյա Աննա Մանուկյանը, 8-ամյա Դավիթ Մանուկյանը և 5-ամյա Իրինա Մանուկյանը մարմնական վնասվածքներով տեղափոխվել են հիվանդանոց»,–գրում է կայքը:
Երեք տուժածներն էլ տեղափոխվել են «Արմավիր» ԲԿ։ Փաստի առթիվ նյութեր են նախապատրաստվում:
«Դա միջամտություն է ներքին գործերին». Մարիա Զախարովան պատասխանել է ԱՄՆ դեսպանատանը
(Թարմացված է 23:23 23.01.2021)
Ավելի վաղ Ռուսաստանի ԱԳՆ-ն նույնպես արձագանքել էր ԱՄՆ դեսպանատան հայտարարությանը, նշելով, որ դա կանդրադառնա ռուս-ամերիկյան հարաբերությունների վրա։ԵՐԵՎԱՆ, 23 հունվարի - Sputnik. Ռուսաստանի ԱԳՆ ներկայացուցիչ Մարիա Զարխարովան պատասխանել է Ռուսաստանում չարտոնված միտինգների վերաբերյալ ԱՄՆ դեսպանատան հայտարարությանը։
«Ահա տեսեք՝ ամերիկյան դեսպանատունը տեղեկություն է հրապարակում։ Սա իսկական միջամտություն է ներքին գործերին», - ասել է Զախարովան «Սոլովյով LIVE»-ի եթերում։
Ավելի վաղ ԱՄՆ դեսպանատունը Ռուսաստանում չարտոնված ակցիաների մասին հաղորդագրությունների ֆոնին հայտարարել էր, որ հետևում է «ռուսական 38 քաղաքներում բողոքի ակցիաների մասին հաղորդագրություններին»։ ԱՄՆ դեսպանատնից ավելացրել էին, որ «սատարում են խաղաղ բողոքի բոլոր մարդկանց իրավունքն ու կարծիք արտահայտելու ազատությունը», իսկ ռուս իշխանության քայլերն, իբրև, «ուղղված են այդ իրավունքը ճնշելուն»։
Մոսկվայում չարտոնված միտինգի ժամանակ 39 ուժայիններ են տուժել
ՌԴ ԱԳՆ-ն արձագանքել է այդ հայտարարությանը, ընդգծելով, որ ծայրահեղական տարրերին սատարելու փորձերը երկկողմանի հարաբերությունների համար բացասական հետևանքներ են ունենալու։ Գերատեսչությունում հիշեցրել են, որ դեսպանատունն առաջին անգամ չէ, որ արհամարհական վերաբերմունք է ցուցադրում դիվանագիտական նորմերի ու կանոնների նկատմամբ ու սոցիալական ցանցերում ակտիվ հաղորդագրություններ է հրապարակում՝ աջակցելով ռուսական քաղաքներում չարտոնված բողոքի ակցիաներին։
Ռուսաստանում քրեական պատիժ կսահմանվի դեռահասներին հանրահավաքներում ներգրավելու համար