Տավուշ

Կորոնավիրուսը չի խանգարել Տավուշի տուրիստական հոսքերին

81
(Թարմացված է 14:22 10.06.2020)
Տավուշի մարզպետնը հայտնել է, որ մարզում ոչ աշխատանքային օրերին հատուկ կանխարգելիչ միջոցառումներ չեն իրականացնում, որպեսզի հատկապես մայրաքաղաքի բնակիչները հնարավորություն ունենան հանգստանալ ու կազդուրվել բնության գրկում:

ԵՐԵՎԱՆ, 10 հունիսի – Sputnik. Տավուշի մարզում այս պահին կա 133 վարակակիր, 26 հոգի գտնվում են ԲԿ-ներում, մեկուսացվածների թիվը շուրջ 600 է: Տեղեկությունն այսօր ԱԺ-ում լրագրողներին հայտնեց Տավուշի մարզպետ Հայկ Չոբանյանը:

Վարակի տարածման խոշոր օջախներից մարզպետը նշեց «Տավուշ տեքստիլ» ընկերությունը:

«Ընկերությունում իրականացվել է մասսայական թեստավորում: Վարակվածներն իզոլացվել են: Դրանից հետո էական փոփոխություն «Տավուշ տեքստիլում» չունենք, գործարանն այժմ աշխատում է բնականոն հունով»,- ասաց մարզպետը:

Չոբանյանը նաև հայտնեց, որ լուրերը, թե վարակը տարածվել է բժշկական դիմակների արտադրամասում, իրականությանը չեն համապատասխանում: Նրա խոսքով` վարակվածները բացառապես ձեռնոցների արտադրամասի աշխատակիցներն են եղել: Մարզպետի խոսքով` անգամ համավարակի պայմաններում Տավուշի մարզում տուրիստական հոսքերը շարունակվում են: Հատկապես մեծ է ներքին տուրիզմի շարժը հանգստյան օրերին:

«Ես կարծում եմ, որ ներկա իրավիճակում, երբ մենք ապրում ենք համավարակի հետ, շատ կարևոր է յուրաքանչյուր մարդու իմունիտետը, առողջությունը, նույնիսկ ինչ-որ տեղ՝ բնության գրկում հանգստանալը, կազդուրվելը: Դրա համար մենք հատուկ կանխարգելիչ կամ խոչընդոտող միջոցառումներ չենք իրականացնում, որ մեր համաքաղաքացիները, հատկապես՝ մայրաքաղաք Երևանից, հնարավորություն ունենան ոչ աշխատանքային օրերին գալ հանգստանալ բնության գրկում»,- ասաց Չոբանյանը:

Պապիկյանի երկու տեղակալները վարակվել են կորոնավիրուսով

Հիշեցնենք, մայիսի 26-ին «Տավուշ տեքստիլի» Բերդի արտադրամասի որոշ աշխատակիցների մոտ կորոնավիրուս է հայտնաբերվել: Փակվել էր 2 արտադրամաս, որոնց 150 աշխատակիցներն ու նրանց ընտանիքի անդամներն ինքնամեկուսացել էին:

81
թեգերը:
զբոսաշրջություն, Զբոսաշրջիկ, Մարզպետ, Հայկ Չոբանյան, կորոնավիրուս, Տավուշ
Ըստ թեմայի
Ընձառյուծը 50 տարի անց վերադարձել է Տավուշի մարզ․ տեսանյութ
Տարածաշրջանում դիմակների ամենամեծ արտադրամասը Տավուշում է. խոստանում են` գինը կիջնի
Ինչպես են դիմակներ արտադրում Տավուշի մարզում․ լուսանկարներ
Արտակ Դավթյանը հանդիպել է անօդաչու թռչող սարքեր արտադրող ընկերությունների ղեկավարների հետ

Արտակ Դավթյանը հանդիպել է անօդաչու թռչող սարքեր արտադրող ընկերությունների ղեկավարների հետ

4
(Թարմացված է 16:06 04.08.2020)
Հայկական ԱԹՍ արտադրող ընկերությունների ղեկավարները ներկայացրել են ընթացիկ աշխատանքները, մատնանշել ոլորտային ցուցանիշների բարելավման իրենց պատկերացումները:

ԵՐԵՎԱՆ, 4 օգոստոսի — Sputnik. ՀՀ բարձր տեխնոլոգիական արդյունաբերության նախարարության ռազմարդյունաբերության կոմիտեի նախագահ Արտակ Դավթյանն ընդունել է հայկական անօդաչու թռչող սարքեր (ԱԹՍ) արտադրող ընկերությունների ղեկավարներին։ Տեղեկությունը հայտնում է նախարարության մամուլի ծառայությունը։

Председатель военно-промышленного комитета Министерства высоких технологий РА Артак Давтян принял руководителей компаний, производящих армянские беспилотные летательные аппараты (БПЛА).
Արտակ Դավթյան

Հանդիպմանը ռազմարդյունաբերության կոմիտեի նորանշանակ նախագահ Արտակ Դավթյանը ծանոթացել է ԱԹՍ արտադրող ընկերությունների ղեկավարների հետ, լսել նրանց առաջարկությունները, ներկայացրել ոլորտի զարգացման իր տեսլականը:

Հայկական ԱԹՍ արտադրող ընկերությունների ղեկավարներն իրենց հերթին, ներկայացրել են իրականացվող ընթացիկ աշխատանքները, մատնանշել ոլորտային ցուցանիշների բարելավման իրենց պատկերացումները:

Քննարկվել են Հայաստանի ռազմարդյունաբերական ոլորտի գիտահեն զարգացման հնարավորությունները, ԱԹՍ-ների կատարելագործման ուղղությամբ իրականացվելիք առաջիկա ծրագրերն ու առաջնահերթությունները:

Հանդիպմանը նաև ամփոփվել է հուլիսին սահմանային բախումների ժամանակ հայկական արտադրության ԱԹՍ-ների կիրառման փորձը:

Արշակյանն այցելել է Տավուշ. քննարկվել է հայկական արտադրության ԱԹՍ-ների արդյունավետությունը

Հիշեցնենք, որ հուլիսի 12–ից իրավիճակը սրվել էր հայ–ադրբեջանական սահմանի Տավուշի հատվածում։ Հուլիսի 12–ին` ժամը 12:30-ի սահմաններում, Ադրբեջանի զինված ուժերի զինծառայողները ՈւԱԶ մակնիշի ավտոմեքենայով Տավուշի ուղղությամբ ՀՀ պետական սահմանը խախտելու փորձեր էին արել:

Հայկական կողմի նախազգուշացումից հետո Ադրբեջանի զինծառայողները, թողնելով ավտոմեքենան, վերադարձել էին իրենց դիրքեր:

Դրանից հետո հակառակորդը պարբերաբար վերսկսում էր գնդակոծությունն ինչպես հայ դիրքապահների, այնպես էլ բնակավայրերի ուղղությամբ։

Պաշտոնական տվյալներով՝ Ադրբեջանն ունի 13 զոհ, վիրավորների մասին որևէ բան չի հաղորդվում, իսկ հայկական կողմը 5 զոհ ունի, 36 վիրավոր (ևս մեկը խաղաղ բնակչությունից)։

Հայկական ԶՈւ ստորաբաժանումները 13 ԱԹՍ են խոցել

4
թեգերը:
Հայաստան, անօդաչու թռչող սարք, Արտակ Դավթյան
Ըստ թեմայի
Hermes ԱԹՍ-ն խոցվել է արդիականացված «ՕՍԱ-ԱԿՄ» համակարգից. ՊՆ–ն մանրամասներ ներկայացրեց
Մեծ գլխացավանք հանդիսացող ԱԹՍ–ներից հայկական ԶՈՒ–ն շատ լավ է գլուխ հանում. Հովհաննիսյան
Կմշակվեն ԱԹՍ-ի դեմ պայքարի նոր ձևեր. ՀՀ–ում պլանային վարժանքներ են մեկնարկել
Ռոբերտ Քոչարյանը դատարանում

Դատարանը հրաժարվեց վերացնել Քոչարյանի ու Գևորգյանի հաշիվների վրա դրված կալանքը

35
(Թարմացված է 15:12 04.08.2020)
ՀՀ երկրորդ նախագահի ու նախկին փոխվարչապետի փաստաբանները դեմ են դատարանի որոշմանը։ Նրանք կարծում են, որ այդ որոշումը հակասում է քրեական դատավարության օրենսգրքին։

ԵՐԵՎԱՆ, 4 օգոստոսի — Sputnik. ՀՀ երկրորդ նախագահ Ռոբերտ Քոչարյանի և մյուսների գործով դատական նիստում դատարանը մերժեց քննության այս փուլում հանել Քոչարյանի ունեցվածքի, ինչպես նաև նախկին փոխվարչապետ Արմեն Գևորգյանի հաշիվների վրա դրված կալանքը։ Որոշումը կայացվեց այն բանից հետո, երբ փաստաբանները մերժեցին դատավորին տրամադրել կալանքի տակ գտնվող գույքի արժեքը։

Հուլիսի 28-ին կայացած նախորդ նիստում փաստաբանները դատարանին միջնորդել էին վերացնել նրանց գույքի և դրամական միջոցների վրա դրված կալանքը։։ Երկրորդ նախագահի պաշտպանները կարծում են, որ կալանքի ոչ մի պատճառ չկա։

Ալումյանը, ներկայացնելով պաշտպանական կողմի դիրքորոշումը, նշեց, որ դեռ 2019 թվականին իրենք կալանքը չեղարկելու համար Վերաքննիչ դատարան էին դիմել, դատարանը բավարարել էր բողոքը։ Սակայն ընդհանուր իրավասության դատավոր Աննա Դանիբեկյանն անցյալ տարվա հունիսին փաստացի հրաժարվել էր կատարել վերադաս դատական ատյանի որոշումը։ Ալումյանի խոսքով` դատարանը չի ուզում վերացնել ակնհայտ ապօրինությունը, հենց այդ պատճառով էլ իրենք որոշել են մերժել դատարանի խնդրանքը։

Ալումյանի որոշմանը միացավ նաև նախկին փոխվարչապետ Արմեն Գևորգյանի փաստաբան Էրիկ Ալեքսանյանը։

Դանիբեկյանն իր հերթին հայտարարեց, որ դատարանը չի կարող կալանքը հանելու հարցը լուծել առանց ունեցվածքի չափի նախնական գնահատման։ Այդ պատճառով էլ դատարանը որոշել է հետաձգել կալանքը հանելու հարցը։ Ի պատասխան դրան պաշտպանները հայտնեցին, որ այդ որոշումը հակասում է քրեական դատավարության օրենսգրքին։

«Ես չեմ հասկանում` ինչ է նշանակում՝ Արցախը Հայաստան է, և վերջ». Ռոբերտ Քոչարյան

Հիշեցնենք, որ հունիսի 18-ին Վերաքննիչ քրեական դատարանի դատավոր Արսեն Նիկողոսյանը մասնակի բավարարեց Քոչարյանի կալանքը փոխելու միջնորդությունները մերժելու մասին դատարանի որոշման դեմ բողոքը։ Քոչարյանն ազատ արձակվեց 2 միլիարդ դրամ գրավի դիմաց։

Ռոբերտ Քոչարյանը խոսել է տավուշյան դեպքերի ու Ադրբեջանի ագրեսիայի պատճառների մասին

ՀՀ երկրորդ նախագահին մեղադրանք է առաջադրվել 2008 թ.–ի մարտի 1-ի բողոքի ակցիաները ցրելու ժամանակ սահմանադրական կարգը տապալելու համար։ Նա իրեն ուղղված մեղադրանքները քաղաքական հետապնդում է համարում։ 2018թ-ին Քոչարյանին երկու անգամ ձերբակալեցին: 2019 թվականի հունիսի վերջին նա ձերբակալվեց երրորդ անգամ: Երկրորդ նախագահին նաև կաշառք ստանալու մեղադրանք է առաջադրված։

Իշխանությունները պատրաստ չեն լսել. Ռոբերտ Քոչարյանը մտահոգություններ ունի. տեսանյութ

35
թեգերը:
Դատարան, Ռոբերտ Քոչարյան, Հայաստան
թեմա:
Ռոբերտ Քոչարյան