Ռուբեն Հայրապետյան

Ռուբեն Հայարապետյանը կարող էր հայրենիք վերադառնալ, բայց չի եկել․ ՔԿ ղեկավար

60
(Թարմացված է 19:30 09.06.2020)
ՀՀ Քննչական կոմիտեի ղեկավար Հայկ Գրիգորյանը մեկնաբանել է ՀՖՖ նախկին նախագահի հայտարարությունը հայրենիք վերադառնալու հնարավորության  բացակայության մասին։

ԵՐԵՎԱՆ, 9 հունիսի – Sputnik․ Հետախուզման մեջ գտնվող Հայաստանի ֆուտբոլի ֆեդերացիայի նախկին նախագահ, նախկին պատգամավոր Ռուբեն Հայրապետյանի հայարարություններն այն մասին, որ նա կորոնավիրուսի հետ կապված իրավիճակի պատճառով չի կարող հայրենիք վերադառնալ, անհիմն են։ Այս կարծիքն այսօր խորհրդարանում լրագրողների հետ զրույցում հայտնեց Քննչական կոմիտեի ղեկավար Հայկ Գրիգորյանը։

Ավելի վաղ Հայրապետյանի փաստաբան Արմամ Մակինյանն ասել էր, որ նախկին պատգամավորը Մոսկվայում է ու մեկուսացված է, քանի որ ռիսկային խմբում է գտնվում։

«Հայտնի է, որ այդ գործով ունենք ներգրավված 6 մեղադրյալ, որոնց մի մասը հետախուզման մեջ է, մի մասը՝ ոչ: Նախ՝ մենք մեր հերթին կազմակերպել էինք հնարավոր աջակցություն՝ դեսպանի միջոցով Հայաստան ներկայանալու հարցում օժանդակելու համար: Բացի այդ, քննության ընթացքում ի հայտ բերեցինք Մոսկվայի քաղաքապետի մի հրաման, որը սահմանափակումների ընթացքում թույլ էր տալիս անձանց քրեական հետապնդման մարմիններ ներկայանալու համար տան, բակի, շրջանի տարածքը լքել: Սահմանափակում այդ մասով չկար: Այժմ հայտարարված է հետախուզում», - ասաց Գրիգորյանը։

Այսպիսով՝ Հայրապետյանը կարող էր հայրենիք վերադառնալ, բայց չի արել դա, ու հետախուզման մեջ է գտնվում։ Գրիգորյանը պարզաբանեց, որ Հայրապետյանը փետրվարից երկրից դուրս է գտնվում, իսկ գործը մարտ-ապրիլին է հարուցվել։

Նշենք, որ Ռուբեն Հայրապետյանը որպես մեղադրյալ է ներգրավել ՀՀ քրեական օրենսգրքի 119-րդ հոդվածի 2-րդ մասի 3-րդ, 5-րդ կետով (ֆիզիկական ուժեղ ցավ կամ հոգեկան տառապանք պատճառելը), 133-րդ հոդվածի 2-րդ մասի 1-ին, 2-րդ, 7-րդ կետերով (մի խումբ անձանց կողմից շահադիտական դրդումներով մարդուն առևանգելը) և 322-րդ հոդվածի 2-րդ մասով (ինքնիրավչություն): Նա գտնվում է հետախուզման մեջ, խափանման միջոց է ընտրվել կալանավորումը։ Նույն մեղադրանքները ներկայացվել են նրա որդուն՝ Ռաֆիկ Հայրապետյանին, ում կալանավորելու միջնորդությունը մերժվել է, նա ազատության մեջ է, Հայաստանում է։

«Հարսնաքարի» նախկին տնօրենն ինքն է գույք հափշտակել. Ռուբեն Հայրապետյանի փաստաբան

Հիշեցնենք, որ դեռևս 2019–ի թվականին Ռուբեն Հայրապետյանի նկատմամբ 4 հոդվածով քրեական գործ էր հարուցվել։ Դրանք են` 315-րդ հոդվածի 2-րդ մաս (պաշտոնեական անփութություն, որն անզգուշությամբ առաջացրել է ծանր հետևանքներ), 179-րդ հոդվածի 3-րդ մաս (խոշոր չափերով յուրացում), 325-րդ հոդվածի 2–րդ մաս (մի խումբ անձանց կողմից փաստաթղթեր կեղծելը) և 214-րդ հոդվածի 2-րդ մաս (առևտրային կամ այլ կազմակերպությունների ծառայողների կողմից լիազորությունները չարաշահելը):

60
թեգերը:
ՀՀ քննչական կոմիտե, Հայկ Գրիգորյան, հետախուզվող, Ռուբեն Հայրապետյան, Մոսկվա, Հայաստան, ՀՖՖ
Ըստ թեմայի
Ռուբեն Հայրապետյանը կկալանավորվի. դատարանը բավարարել է ՔԿ միջնորդությունը
Դատարանը չի հաստատել Ռուբեն Հայրապետյանին մեղսագրված արարքներից երկուսը. որոնք են դրանք
Ռուբեն Հայրապետյանի որդին կամավոր ներկայացել է. դատարանը մերժել է կալանքի միջնորդությունը
Անվտանգության խորհրդի նիստ

Կայացել է ՀՀ Անվտանգության խորհրդի նիստը

33
(Թարմացված է 15:56 27.09.2020)
Նիստում քննարկվել են Զինված ուժերի կողմից ադրբեջանական ագրեսիային արժանի հակահարված տալուն և հետագա քայլերին վերաբերող հարցեր։

ԵՐԵՎԱՆ, 27 սեպտեմբերի– Sputnik. Վարչապետ Նիկոլ Փաշինյանի գլխավորությամբ կառավարությունում տեղի է ունեցել Անվտանգության խորհրդի արտահերթ նիստ։ Վարչապետի մամուլի խոսնակ Մանե Գևորգյանի տեղեկացմամբ` բացի ԱԽ անդամներից նիստին մասնակցել են նաև ՀՀ նախագահ Արմեն Սարգսյանը, Ազգային ժողովի նախագահ Արարատ Միրզոյանը, վարչապետի աշխատակազմի ղեկավար Էդուարդ Աղաջանյանը, արտակարգ իրավիճակների նախարար Ֆելիքս Ցոլակյանը:

«Նիստի ընթացքում անդրադարձ է կատարվել ղարաբաղա-ադրբեջանական սահմանագոտում հակառակորդի կողմից սանձազերծված ռազմական լայնամասշտաբ գործողություններին հակազդելուն, Զինված ուժերի կողմից դրանց արժանի հակահարված տալուն և հետագա քայլերին վերաբերող հարցեր»,– գրել է Գևորգյանը Facebook-ի իր պաշտոնական էջում։

Հիշեցնենք, որ այսօր վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով:
Արցախի պաշտպանության նախարարությունը տեղեկացրել էր, որ ճշտված տեղեկություններով` ադրբեջանական զինուժը կորցրել է 2 ուղղաթիռ, 14 անօդաչու թռչող սարք, ինչպես նաև ունի զրահատեխնիկայի կորուստներ:

ԱԺ-ն հատուկ նիստ կգումարի. ՀՀ-ում հայտարարվում է ռազմական դրություն և ընդհանուր զորահավաք

Հայտնի է, որ հակառակորդի կրակոցների հետևանքով Մարտունիում մեկ կին և մեկ երեխա են մահացել։

Արցախում և Հայաստանում ռազմական դրություն և համատարած զորահավաք է հայտարարվել։

33
թեգերը:
Նիկոլ Փաշինյան, հայ-ադրբեջանական, Անվտանգության խորհուրդ
թեմա:
Ադրբեջանական ագրեսիա Արցախում. 2020
Ըստ թեմայի
Վիրավոր երեխաներ ու երիտասարդներ, վնասված տներ. լուսանկարներ Արցախից
Ադրբեջանցիները կեղծ հաղորդագրություններ են ուղարկում. ԱԱԾ-ն հորդորում է զգոն լինել
Արցախն իրացնում է ինքնապաշտպանության իր անքակտելի իրավունքը. ԱՀ ԱԳՆ
Արթուր Ալեքսանյան, արխիվային լուսանկար

«Բոլորս զինվոր ենք ու հաղթանակն էլ մերն է լինելու»․ Արթուր Ալեքսանյան

17
(Թարմացված է 15:51 27.09.2020)
Ճանաչված հայ ըմբիշը վստահ է, որ մենք միասնական ազգ ենք ու հաղթանակը մերն է լինելու։

ԵՐԵՎԱՆ, 27 սեպտեմբերի - Sputnik. Ռիո 2016-ի օլիմպիական չեմպիոն, աշխարհի եռակի ու Եվրոպայի քառակի չեմպիոն, հունահռոմեական ոճի ըմբիշ, «Սպիտակ արջ» մականունը ստացած Արթուր Ալեքսանյանը Instagram-ի իր էջում գրառում է կատարել և անդրադարձել ադրբեջանական զինուժի կողմից Արցախի խաղաղ բնակչությանը թիրախավորելուն։

Հենրիխ Մխիթարյանը դիմել է միջազգային հանրությանը

«Հայաստանի և Արցախի համար այս բախտորոշ պահին մեկ բան կասեմ՝ բոլորս մեկ ենք, բոլորս զինվոր ենք ու հաղթանակն էլ մերն է լինելու»,-գրել է Ալեքսանյանը։

Посмотреть эту публикацию в Instagram

Публикация от Artur Aleksanyan (@arturaleksanyan_)

Հիշեցնենք, որ այսօր վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով:

Արցախի պաշտպանության նախարարությունը տեղեկացրել էր, որ ճշտված տեղեկություններով` ադրբեջանական զինուժը կորցրել է 2 ուղղաթիռ, 14 անօդաչու թռչող սարք, ինչպես նաև ունի զրահատեխնիկայի կորուստներ:

Հայտնի է, որ հակառակորդի կրակոցների հետևանքով Մարտունիում մեկ կին և մեկ երեխա են մահացել։

Արցախում և Հայաստանում ռազմական դրություն և համատարած զորահավաք է հայտարարվել։

Ադրբեջանցիները կեղծ հաղորդագրություններ են ուղարկում. ԱԱԾ-ն հորդորում է զգոն լինել

17
թեգերը:
հաղթանակ, Զինվոր, Պատերազմ, Արցախ, Ադրբեջան, Արթուր Ալեքսանյան, Հայաստան
թեմա:
Ադրբեջանական ագրեսիա Արցախում. 2020
Ըստ թեմայի
Վիրավոր երեխաներ ու երիտասարդներ, վնասված տներ. լուսանկարներ Արցախից
4 ուղղաթիռ, 15 ԱԹՍ, 10 տանկ. ադրբեջանական ԶՈւ–ն մեծ կորուստներ ունի
Անհրաժեշտ է լրացնել արյան պահուստային քանակը. ԱՆ–ն դոնորության կոչ է անում
«6 գյուղ, չէ մի` 10 քաղաք». Հովհաննիսյանը` Ադրբեջանի կողմից գյուղեր «գրավելու» մասին