Միքայել Մինասյան

«Ես պատրաստ եմ ժառանգել Սերժ Սարգսյանի մեղքերը»․ Միքայել Մինասյան

1077
(Թարմացված է 00:19 07.06.2020)
ՀՀ երրորդ նախագահի փեսան կարծում է` ունի բոլոր իրավունքները ներկայիս իշխանությանը քննադատելու համար, քանի որ այն Հայաստանը տանում է դեպի կործանման։

ԵՐԵՎԱՆ, 6 հունիսի — Sputnik. ՀՀ երրորդ նախագահի փեսա, Վատիկանում ՀՀ նախկին դեսպան Միքայել Մինասյանը Facebook-ում հրապարակած նոր տեսանյութում հայտարարեց, որ «պրոպոգանդան իրեն ասում է», որ ինքը չի կարող խոսել, չի կարող հարցեր տալ, որովհետև ինքը Սերժ Սարգսյանի փեսան է, իսկ Դավիթ Գալստյանը Սարգսյանի ժամանակ էլ էր զենք վաճառում Հայաստանի զինված ուժերին։ Տեսանյութի սկզբում Մինասյանը որոշեց պատասխանել իրեն քննադատողներին:

«Ես բոլորի անունը տալու եմ, բոլոր այն մարդկանց, որոնք այսօր ծառայում են Նիկոլ Փաշինյանին և սատարում են Հայաստանի Հանրապետության կործանմանը։ Բոլորին քննադատելու եմ` անկախ նախկինում Սերժ Սարգսյանի կամ ինձ հետ ունեցած հարաբերություններից», - իր խոսքում նշեց Մինասյանը:

Նախկին նախագահի փեսան մեղադրեց Նիկոլ Փաշինյանին 2008 թվականի մարտի 1-ի արյունալի իրադարձությունները կազմակերպելու մեջ: Ըստ նրա` Փաշինյանը դեռ իրեն մեղավոր չի ճանաչել և ներողություն չի խնդրել Հայաստանի 10 սպանված քաղաքացիների համար: Նրա խոսքով՝ Նիկոլ Փաշինյանը չի ընդունել իր սխալը, սակայն ինքը պատրաստ է ժառանգել բոլոր նախկին ղեկավարների սխալները, և պատրաստ է դրանք շտկել:

ՊՆ–ին փորձում են ներգրավել անորակ քաղաքական խաղերի մեջ. Բալայանը` Մինասյանի ասածի մասին

«Ես պատրաստ եմ ժառանգել ՀՀ նախկին բոլոր ղեկավարների մեղքերը, այդ թվում` Սերժ Սարգսյանի, Ռոբերտ Քոչարյանի, Լևոն Տեր-Պետրոսյանի, մեր բոլոր ղեկավարների՝ մինչև Անաստաս Միկոյան և Հովհաննես Քաջազնունի»,-ասաց Մինասյանը։ 

Ավելի վաղ ՀՀ գլխավոր դատախազությունը հանձնարարել էր Ազգային անվտանգության ծառայությանն ուսումնասիրել և հասկանալ այն մանրամասները, որոնց մասին մեջբերում է Միքայել Մինասյանը:

Վատիկանում ՀՀ նախկին դեսպանը խոսեց նաև «վերելակային դիվանագիտության» մասին և մեղադրեց ՀՀ վարչապետ Նիկոլ Փաշինյանին Դուշանբեում թշնամու՝ Ադրբեջանի նախագահ Իլհամ Ալիևի հետ համաձայնության գալու մեջ:

«2018 թվականի սեպտեմբերին Դուշանբե քաղաքում Ալիևը և Փաշինյանը դուրս գալով վերելակից, սկսեցին պայմանավորվել, և այդ խայտառակ փաստը տվեց Նիկոլ Փաշինյանին հնարավորություն` զավթելու Հայաստանի իշխանությունը մինչև վերջ, իսկ Ալիևին տվեց ռազմավարական և մարտավարական այնպիսի առավելություն, որի գինը մենք արդեն վճարել ենք և վճարելու ենք այնքան ժամանակ, մինչև Նիկոլ Փաշինյանը հեռացվի իշխանությունից», - ասաց Մինասյանը։

Նրա խոսքով` Նիկոլ Փաշինյանը սարսափում էր պատերազմից և առաջին իսկ հնարավորության դեպքում մուրաց խաղաղություն, մուրաց ժամանակ, որպեսզի ամրապնդի իր իշխանությունը։

Հիշեցնենք` Վատիկանում Հայաստանի նախկին դեսպան, Սերժ Սարգսյանի փեսա Միքայել Մինասյանը մեղադրվում է իշխանությունը չարաշահելու, ապօրինի հարստանալու, փողերի լվացման և եկամուտների հայտարարագրում կեղծ տեղեկություններ տրամադրելու մեջ:

Դատարանը ավելի վաղ որոշում է կայացրել ձերբակալել Մինասյանին, նրա նկատմամբ հետախուզում է հայտարարված:

Ի՞նչ է կատարվում զենքի միջազգային շուկայում և արդյո՞ք Մինասյանը ճիշտ է

1077
թեգերը:
Միքայել Մինասյան, Սերժ Սարգսյան, փեսա, Վատիկան, Զենք, Հայաստան
Ըստ թեմայի
Միքայել Մինասյանն առաջարկում է վարչապետի պաշտոնից հեռացնել Նիկոլ Փաշինյանին
Վանեցյանը խոսել է իր և Միքայել Մինասյանի հանդիպման մասին
Տատիկը Միշիկից, փիսոն տատիկից, մուկն էլ վերջից. Փաշինյանը պատասխանեց Միքայել Մինասյանին
Աննա Հակոբյանն ու եղբայրը դատի են տվել Միքայել Մինասյանին
Շտապօգնություն

Արարատում ավտոմեքենան դուրս է եկել երթևեկելի գոտուց և գլխիվայր շրջվել. կա վիրավոր

29
Վթարի հետևանքով վարորդը մարմնական վնասվածքներով տեղափոխվել է «Էրեբունի» բժշկական կենտրոն։

ԵՐԵՎԱՆ, 31 հուլիսի - Sputnik. Արարատի մարզում ավտոմեքենան դուրս է եկել ճանապարհի երթևեկելի գոտուց և, մի քանի պտույտ կատարելով, գլխիվայր շրջվել, կա վիրավոր։ Տեղեկությունը հայտնում է Shamshyan.com–ը։

Դեպքը տեղի է ունեցել հուլիսի 30-ին, ժամը 21։40-ի սահմաններում։

«Արարատի մարզի բնակիչ 42-ամյա Գրիգոր Գրիգորյանն իր վարած ВАЗ 2106 մակնիշի ավտոմեքենայով Գառնի-Լանջազատ ավտոճանապարհին դուրս է եկել ճանապարհի երթևեկելի գոտուց և գլխիվայր շրջվել»,–գրում է կայքը։

Վթարի հետևանքով վարորդը մարմնական վնասվածքներով տեղափոխվել է «Էրեբունի» բժշկական կենտրոն։

Դեպքի վայր են ժամանել Արտակարգ իրավիճակների նախարարության Փրկարար ծառայության հրշեջ-փրկարարական ջոկատը 1 մարտական հաշվարկ։ Փաստի առթիվ նյութեր են նախապատրաստվում։

29
թեգերը:
Արարատի մարզ, ավտովթար, Վիրավոր
Ըստ թեմայի
Երևանում վիճաբանությունն ավարտվել է կրակոցով. 30–ամյա տղամարդու ոտքն ամպուտացրել են
Գեղարքունիքում ծանր վիրավորված զինծառայողի վիճակը բավարար է. նա տեղափոխվել է հիվանդասենյակ
Սոֆի Դևոյանները

«Հանգստություն է պակասում ինձ...». Սոֆի Դևոյանը ծովից լուսանկարներ է հրապարակել

50
(Թարմացված է 17:04 31.07.2021)
Կադրերում պարուհին ծովափին գտնվող սրճարաններից մեկում է։ Իսկ «Սթորի» բաժնում մանրամասն պատմում է իր հանգստի մասին։

ԵՐԵՎԱՆ, 31 հուլիսի - Sputnik. Պարուհի, դերասանուհի Սոֆի Դևոյան կրտսերն իր հանգիստն է վայելում Եգիպտոսում։ Նա Instagram–ի իր էջում գեղեցիկ լուսանկարներ է հրապարակել ծովց։

«Հանգստություն է պակասում ինձ, քեզ, բոլորիս...»,–հրապարակմանը կից գրել է Սոֆին։

Կադրերում պարուհին ծովափին գտնվող սրճարաններից մեկում է։ Իսկ «Սթորի» բաժնում մանրամասն պատմում է իր հանգստի մասին։

Սոֆի Դևոյան կրտսերը ուսումը կշարունակի Ռուսաստանում

Նրա էջի հետևորդներին դուր է եկել լուսանկարները։ Նրանք բազմաթիվ դրական մեկնաբանություններ են գրել ու բարի հանգիստ մաղթել Սոֆիին։

50
թեգերը:
Սոֆի Դևոյան, Եգիպտոս, Ծով
Ըստ թեմայի
Միշտ զգալու ենք քո կարիքը. Սոֆի Դևոյանը հուզիչ գրառում է արել Գեորգի Պողոսյանի մահից հետո
Ինչպես է Սոֆի Դևոյանը նշել իր 72-ամյակը. տեսանյութեր
Անկրկնելի Սոֆի Մարսոն ու մյուսները. «Ամեն ինչ լավ անցավ» Կաննում
Տոկիո, օլիմպիական խաղեր

Վրացի երկու ձյուդոիստի հեռացրել են Օլիմպիադայից. ո՞րն է պատճառը

0
Վրաստանը ներկայացնոց այս մարզիկներին այլևս արգելվում է մասնակցել օլիմպիական խաղերին:

ԵՐԵՎԱՆ, 31 հուլիսի - Sputnik. Վրաստանցի երկու ձյուդոիստներ լքել են Տոկիոն, քանի որ նրանց հեռացրել են օլիմպիական խաղերից COVID-ի սահմանափակումները խախտելու համար: Տեղեկությունը հայտնում է «Իզվեստիան»՝ հղում անելով ճապոնական լրատվամիջոցներին։

Նշվում է, որ ձյուդոիստները տեսարժան վայրերը տեսնելու համար լքել են օլիմպիական գյուղը` դրանով իսկ խախտելով կորոնավիրուսային սահմանափակումները: Մարզիկներն այլ մարդկանց հետ լուսանկարվել են Տոկիոյի աշտարակի մոտ։

Օլիմդիադայի մեկնարկից մինչև հիմա սա առաջին դեպքն է, երբ մարզիկներին զրկել են հավատարմագրումից։

Հաղորդվում է, որ հեռացված մարզիկները օլիմպիական խաղերի արծաթե մեդալակիրներ Վաժա Մարգվելաշվիլին ու Լաշա Շավդատուաշվիլին են:

Տոկիոյի Օլիմպիական ու Պարալիմպիկ Խաղերի կազմկոմիտեի ներկայացուցիչ Մասանորին ճեպազրույցի ժամանակ ասել է, որ սա կանոնների կոպիտ խախտում է, ու այս մարզիկներին այլևս արգելվում է մասնակցել օլիմպիական խաղերին:

Ինչպես է Բաչկովը «շանսատակ» անում ադրբեջանցուն. տպավորիչ լուսանկարներ Տոկիոյից

Խաղերի մասնակիցների համար նախատեսված կանոնների համաձայն՝ մարզիկները կարող են լքել իրենց կացարանը միայն պաշտոնական խաղահրապարակներ և լրացուցիչ վայրեր (որոնք նրանք նշել են այցելությունների համար թույլատրված վայրերի ցանկից իրենց գործունեության ծրագրում) մեկնելու համար:

Մարզիկներին արգելվում է զբոսնել քաղաքում ու այցելել տուրիստական շրջաններ, խանութներ, ռեստորաններ, բարեր կամ մարզասրահ, ինչպես նաև հասարակական տրանսպորտից օգտվել:

0
թեգերը:
Տոկիո, Ճապոնիա, օլիմպիադա, վրացի, ձյուդո, կորոնավիրուս
Ըստ թեմայի
Արցունք, ճիչ ու թենիսի կոտրված ռակետ. օլիմպիական խաղերի ամենավառ կադրերը
Տոկիոյում Օլիմպիադայի ֆոնին կորոնավիրուսով հիվանդացության ռեկորդ է սահմանվել
Հովհաննես Բաչկովը Տոկիո-2020-ում փայլուն հաղթանակ տարավ ադրբեջանցու նկատմամբ