Գագիկ Բեգլարյան

Գագիկ Բեգլարյանի եղբոր նկատմամբ հետախուզում է հայտարարվել

142
(Թարմացված է 13:15 03.06.2020)
Կապի և տրանսպորտի նախկին նախարարի եղբոր նկատմամբ հետախուզում է հայտարարվել Քրեական օրենսգրքի երկու հոդվածով։

ԵՐԵՎԱՆ, 3 հունիսի – Sputnik. ՀՀ կապի և տրանսպորտի նախկին նախարար Գագիկ Բեգլարյանի եղբոր` Յուրի Բեգլարյանի նկատմամբ հետախուզում է հայտարարվել։ Տեղեկությունը Sputnik Արմենիային հայտնեցին ՀՀ ոստիկանության մամուլի ծառայությունը։

Հետախուզումը հայտարարվել է ՀՀ քր. օր-ի 308 հոդվածի 2-րդ մասի (պաշտոնական լիազորությունները չարաշահելը, որն անզգուշությամբ առաջացրել է ծանր հետևանքներ) և 310 հոդվածի (ձեռնարկատիրական գործունեությանն ապօրինի մասնակցելը) հատկանիշներով։

Հիշեցնենք` մարտի 24-ին հայտնի դարձավ, որ ՀՀ ազգային անվտանգության ծառայությունը բացահայտել է տեղական ինքնակառավարման մարմիններում պաշտոնեական լիազորությունները չարաշահելու և յուրացման եղանակով առանձնապես խոշոր չափերով հափշտակություն կատարելու դեպք, նախկին պաշտոնյաներից մեկը ներգրավվել է որպես մեղադրյալ և, հաշվի առնելով այն հանգամանքը, որ նա լքել է Հայաստանի տարածքը, նրա նկատմամբ հայտարարվել է հետախուզում, իսկ որպես խափանման միջոց դատարանի կողմից ընտրվել է կալանավորումը։ ԱԱԾ–ն անուն չէր հայտնել, սակայն նշել էր, որ տվյալ անձը 2009 թվականին եղել է Երևանի քաղաքապետը։

Գագիկ Բեգլարյանը Երևանի քաղաքապետ էր նշանակվել 2009 թվականի մարտին նախագահ Սերժ Սարգսյանի հրամանագրով: 2012 թվականի մայիսի 6-ին ընտրվել է ՀՀ ԱԺ պատգամավոր։ 2012 թվականի հունիսի 16-ից նշանակվել է ՀՀ տրանսպորտի և կապի նախարար։ 2013 թվականի մայիսի 8-ին ՀՀ նախագահի հրամանագրով վերանշանակվել է նույն պաշտոնում։ 2014 թվականի ապրիլի 22-ին կրկին նշանակվել է Հայաստանի Հանրապետության տրանսպորտի և կապի նախարար։ 2016 թվականին հրաժարական է տվել։ 

Հայտնի է` ինչ կաշառք է տվել «Ոսկու աշխարհի» սեփականատերը Գագիկ Բեգլարյանին. «Ժողովուրդ»

142
թեգերը:
հետախուզվող, Գագիկ Բեգլարյան, Հայաստան
Ըստ թեմայի
«Հարսնաքարի» նախկին տնօրենն ինքն է գույք հափշտակել. Ռուբեն Հայրապետյանի փաստաբան
Գագիկ Ծառուկյանին պատկանող ընկերության տնօրենին 2 հոդվածով մեղադրանք է առաջադրվել
Միքայել Մինասյանի անվան հետ կապվող բիզնեսների բաժնեմասերը կալանքի տակ են
ԱԳՆ

Օտարերկրյա մի շարք պաշտոնյաներ կժամանեն Հայաստան

26
(Թարմացված է 21:48 22.06.2021)
Այցի նպատակն է վերահաստատել տարածաշրջանում կայունության հաստատումը խթանելու Եվրամիության պատրաստակամությունը:

ԵՐԵՎԱՆ, 22 հունիսի - Sputnik․ Արտաքին գործերի և անվտանգության քաղաքականության հարցերով ԵՄ բարձր ներկայացուցիչ Ժոզեպ Բորելի կողմից լիազորված այցի շրջանակներում Հայաստան կժամանեն ԵՄ անդամ երկրների արտգործնախարարները։ Տեղեկությունը հայտնում է ԱԳՆ մամուլի ծառայությունը։

Տարածաշրջանային այցը նախատեսված է հունիսի 25-ին։

«Տարածաշրջանային այցի շրջանակներում Հայաստան կժամանեն Ռումինիայի արտաքին գործերի նախարար Բոգդան Աուրեսկուն, Լիտվայի արտաքին գործերի նախարար Գաբրիելիուս Լանդսբերգիսը, Ավստրիայի Եվրոպական և միջազգային հարցերով դաշնային նախարար Ալեքսանդր Շալլենբերգը, ինչպես նաև ԱԳԵԾ՝ Ռուսաստանի, Արևելյան գործընկերության, Կենտրոնական Ասիայի, Տարածաշրջանային համագործակցության և ԵԱՀԿ հարցերով կառավարող տնօրեն Միխայել Զիբերթը, և Հարավային Կովկասի և Վրաստանում ճգնաժամի հարցերով ԵՄ հատուկ ներկայացուցիչ Տոյվո Կլաարը»,- նշված է հաղորդագրության մեջ։

Նրանց այցի նպատակն է վերահաստատել տարածաշրջանում կայունության հաստատումը խթանելու ԵՄ պատրաստակամությունը:

Հայաստանում կայացած ընտրությունները եղել են մրցունակ. ԵՄ խոսնակ

 

26
թեգերը:
Եվրամիություն, ՀՀ Արտաքին գործերի նախարարություն. ԱԳՆ, Հայաստան
Նիկոլ Թաշինյանը` ընտրությունների գիշերը

Փաշինյանն ու իր կապիտալը. ո՞րը կլինի ընդդիմության ճիշտ քայլն այս իրավիճակում

13
(Թարմացված է 21:22 22.06.2021)
Ալեքսանդր Մարկարովը կարծում է, որ հետընտրական իրողությունները ցույց են տալիս, որ երկիրը սովորում է ապրել ընտրական պրակտիկայի պայմաններում։

ԵՐԵՎԱՆ, 22 հունիսի – Sputnik. Ընտրություններում տարած հաղթանակը ՀՀ վարչապետի պաշտոնակատար Նիկոլ Փաշինյանին թույլ կտա վերականգնվել որպես ժողովրդի աջակցությունը վայելող վարչապետ և ավելի կոշտ քայլեր կիրառել ներքին քաղաքականության մեջ։

Sputnik Արմենիային տված հարցազրույցում նման կարծիք հայտնեց քաղաքագետ, Հայաստանում ԱՊՀ երկրների ինստիտուտի մասնաճյուղի տնօրեն Ալեքսանդր Մարկարովը։

«Ընտրությունների արդյունքներով նրան կհաջողվի ձևավորել կառավարություն, որը կգլխավորի ինքը, ինչպես նաև կհաջողվի որոշ ժամանակ սոցիալական և քաղաքական կապիտալ ունենալ», – ասաց Մարկարովը։

Նրա խոսքով` Փաշինյանը գործելու է` հենվելով հենց այդ կապիտալի վրա։ Դա թույլ կտա վարչապետին ավելի կոշտ քայլեր ձեռնարկել ներքին քաղաքականության մեջ և վերականգնել իրեն որպես ժողովրդի աջակցությունը վայելող նախարարների կաբինետի ղեկավար։

Բայց քաղաքագետը կոչ արեց չմոռանալ, որ հասարակությունը շարունակում է պառակտված մնալ, մարդկանց մի մեծ խումբ ընդունում է վարչապետին, մյուսը` դեմ հանդես գալիս։

Նրա կարծիքով` ընթացիկ իրողությունների ֆոնին, եթե ընդդիմությունը հրաժարվի մանդատներից, արջի ծառայություն կմատուցի ինքն իրեն։ Քաղաքագետը նշում է, որ խորհրդարանը կարևոր հարթակ է այլընտրանքային մոտեցումներ հնչեցնելու համար։ Այդ տրամաբանությամբ ընդդիմությունն ամեն դեպքում կաշխատի խորհրդարանում և արտախորհրդարանական հարթակներում` գիտակցելով ընտրազանգվածի հետ աշխատանքի ողջ կարևորությունը։

«Հայաստան» դաշինքը դատի է տվել ՀՀ կենտրոնական ընտրական հանձնաժողովին

Այս պահին «Հայաստան» և «Պատիվ ունեմ» դաշինքները դեռ չեն ճանաչել ընտրությունների արդյունքները։ Քաղաքական ուժերը դեռ փաստեր են հավաքում և վերլուծում հետագա քայլերը, ինչը հետընտրական գործընթացի մաս է։ Սակայն ներկա պահին մարդկանց փողոց դուրս բերելու խնդիր չկա։

Փորձագետը կարծում է, որ ցանկացած արտահերթ ընտրություն արդեն իսկ ցնցում է, ինչպես քաղաքական կուսակցությունների, այնպես էլ քաղաքացիների համար, որոնք անմիջական ներգրավվածություն ունեն քաղաքական գործընթացներում։ Այդ պատճառով ընթացիկ ընտրական գործընթացն անհնար է հարթ անվանել։ Այլ հարց է, որ ընտրություններն անցան առանց ռադիկալ իրավիճակների։

Քաղաքագետը նշեց, որ դա վկայում է այն մասին, որ երկիրը սովորում է ապրել ընտրական պրակտիկայի պայմաններում, դրանց չեն հետևում հետընտրական գործընթացներ։

Ավելի վաղ կայացած մամուլի ասուլիսի ընթացքում «Հայաստան» դաշինքի վարչապետի թեկնածու, ՀՀ երկրորդ նախագահ Ռոբերտ Քոչարյանը հայտարարել էր, որ դաշինքում դեռ վերջնական որոշում չեն կայացրել մանդատներից հրաժարվել–չհրաժարվելու վերաբերյալ։

Արմեն Սարգսյանը հեռախոսազրույց է ունեցել Ռոբերտ Քոչարյանի հետ

Հիշեցնենք, որ հունիսի 20-ին կայացած արտահերթ խորհրդարանական ընտրություններում ՔՊ–ն, նախնական տվյալներով, ստացել է 53.92%, «Հայաստան» դաշինքը` 21.04%, «Պատիվ ունեմ» դաշինքը` 5.23% ձայն։  

13
թեգերը:
Ռոբերտ Քոչարյան, Նիկոլ Փաշինյան, Ազգային ժողովի ընտրություններ, Հայաստան
Ըստ թեմայի
«Հայաստան» դաշինքը դատի է տվել ՀՀ կենտրոնական ընտրական հանձնաժողովին
Ավելի քան 70 ընտրական տեղամասերում վերահաշվարկ կիրականացվի. ԿԸՀ
Ֆրանսիան ողջունում է Հայաստանի ԱԺ արտահերթ ընտրությունները. ԱԳՆ