Գևորգ Պետրոսյան

«Տո դու ո՞վ ես, որ ինձ ընդհատես»․ պատգամավորները վիճեցին Ազգային ժողովում

396
(Թարմացված է 16:00 25.05.2020)
«Իմ քայլը» խմբակցության պատգամավորն ընդհատեց «Բարգավաճ Հայաստանի» գործընկերոջը, ինչը դուր չեկավ վերջինին։

ԵՐԵՎԱՆ, 25 մայիսի – Sputnik. «Իմ քայլի» և «Բարգավաճ Հայաստանի» պատգամավորներ Նիկոլայ Բաղդասարյանն ու Գևորգ Պետրոսյանն այսօր վիճեցին Ազգային ժողովի պետաիրավական հարցերի մշտական հանձնաժողովի նիստի ընթացքում։

Հանձնաժողովի նիստում քննարկվում էր «Քաղաքացիական դատավարության» օրենսգրքում լրացում կատարելու և վիրավորանքի, արժանապատվությունը նսեմացնելու գործերն ավելի սեղմ ժամկետներում քննելու նախաձեռնությունը։ ԲԴԽ դատավոր անդամ Անի Մխիթարյանը նշեց, որ խնդրին պետք է ոչ թե դեկլարատիվ բնույթ տալ, այլ այնպիսի լուծում գտնել, որը հնարավոր լինի իրագործել կյանքում:

«Մարդու արժանապատվությունը անխախտելի է, առաջնային պաշտպանության օբյեկտ պետք է լինի: Այն, որ պետությունը չի կարող այդքան դատավոր ունենալ, խնդրից մի շեղեք: Դուք էլ շատ լավ գիտեք, որ այդ խնդիրը կա»,– ասաց Պետրոսյանը։

Այդ պահին Բաղդասարյանն ինչ-որ բան ասաց նրան, Պետրոսյանը պատասխանեց․ «Բայց ձեզ ո՞վ ձայն տվեց:»: Բաղդասարյանը շարունակեց խոսել, բայց անջատած խոսափողի պատճառով նրա ձայնը չէր լսվում։

«Մի հատ դուք ձեր չափի մեջ մնացեք․․․ հանձնաժողովի նախագահ կա, ուրեմն մի րոպե․․․», - շարունակեց Պետրոսյանը։

Հանձնաժողովի նախագահ Վլադիմիր Վարդանյանը, որը կոչ էր անում խորհրդարանականներին հանգստանալ, 10 րոպե ընդմիջում հայտարարեց, սակայն պատգամավորները շարունակեցին վիճել։

«Տո դու ո՞վ ես, որ ինձ ընդհատես․․․Գիտեմ, որ Նիկոլայ Բաղդասարյանն ես, դրա համար եմ ասում», - ասաց Պետրոսյանը։

Այնուհետև մասնակիցները լքեցին նիստի դահլիճը։

Հիշեցնենք՝ մայիսի 8-ին ԱԺ նիստի ժամանակ ծեծկռտուք էր տեղի ունեցել «Լուսավոր Հայաստան» խմբակցության ղեկավար Էդմոն Մարուքյանի և «Իմ քայլի» պատգամավոր Սասուն Միքայելյանի միջև։ Վեճին խառնվել էին նաև դահլիճում գտնվող կառավարության անդամներն ու փոխվարչապետ Տիգրան Ավինյանը: Փաշինյանը դեպքից ժամեր անց հանդես էր եկել հայտարարությամբ` ասելով, որ տեղի ունեցածը սադրանք է։

Նշենք, որ ԱԺ-ում տեղի ունեցած միջադեպի մասով բացատրություն տալու համար ՀՔԾ էին հրավիրվել պատգամավոր Արտակ Մանուկյանը և «Լուսավոր Հայաստան» խմբակցության ղեկավար Էդմոն Մարուքյանը: Նրա նկատմամբ նշանակվել էր դատաբժշկական փորձաքննություն:

Ի՞նչ կապ կա վարչապետի բառապաշարի, ԱԺ ծեծկռտուքի և փաստաբանի տան վրա հարձակման միջև

Մայիսի 23-ին հայտնի դարձավ, որ ՀՀ հատուկ քննչական ծառայությունն Ազգային ժողովում մայիսի 8-ին տեղի ունեցած միջադեպի առնչությամբ նախապատրաստված նյութերի հիման վրա քրեական գործ չի հարուցի։

 

396
թեգերը:
Պատգամավոր, ՀՀ Ազգային ժողով, Գևորգ Պետրոսյան, Հայաստան
Ըստ թեմայի
Ի՞նչ էր անում Նիկոլ Փաշինյանը, երբ ԱԺ-ում պատգամավորներն իրար էին ծեծում․ տեսանյութ
«Չհամարձակվեք ձայն բարձրացնել ինձ վրա․ Թաթոյանը` պատգամավորին
ԱԺ պատգամավորի հասցեին բռնության սպառնալիքներ հնչեցրած անձը կալանավորվել է
Вице-премьер Мгер Григорян на заседании правительства Армении (30 июля 2020). Еревaн

Հայաստանի, Ադրբեջանի և Ռուսաստանի փոխվարչապետների հանդիպման կոնկրետ օրը Երևանում չգիտեն

7
(Թարմացված է 12:37 26.01.2021)
Հանդիպումը ենթադրում է տարածաշրջանային տրանսպորտային ապաշրջափակման հետ կապված տարբեր հարցերի քննարկում։

ԵՐԵՎԱՆ, 26 հունվարի – Sputnik. ՀՀ փոխվարչապետ Մհեր Գրիգորյանի գրասենյակից Sputnik Արմենիայի հարցմանն ի պատասխան ասացին, որ Հայաստանի, Ադրբեջանի և Ռուսաստանի փոխվարչապետների հանդիպման հստակ ամսաթիվը և ժամը դեռ ճշտվում են, այն կայանալու է մոտ օրերս:

«Հանդիպման օրակարգում ընդգծված չէ որևէ կոնկրետ ուղղություն կամ ենթակառուցվածք, այն ենթադրում է տարածաշրջանային տրանսպորտային ապաշրջափակման հետ կապված տարբեր հարցերի քննարկում»,–ասացին գրասենյակից:

Ավելի վաղ տեղեկացրել էինք, որ Մոսկվայում վաղը` հունվարի 27–ին, նախատեսված է Հայաստանի, Ադրբեջանի և Ռուսաստանի փոխվարչապետների հանդիպում։

Տեղեկացվում էր, որ փոխվարչապետները պետք է քննարկեն միանգամից մի քանի հնարավոր նախագծեր, մասնավորապես, Հայաստանի տարածքով երկաթուղու կառուցումը, որը կկապի Ադրբեջանը և Նախիջևանը, ինչպես նաև Հայաստանն ու Ռուսաստանը:

Եռակողմ հայտարարության 9-րդ կետը. ձեռնտո՞ւ է Իրանին Նախիջևանի միջանցքի բացումը

Հիշեցնենք, որ փոխվարչապետների մակարդակով այս հարցի քննարկման շուրջ Հայաստանի, Ռուսաստանի և Ադրբեջանի ղեկավարները համաձայնության էին եկել հունվարի 11-ի մոսկովյան եռակողմ հանդիպման ժամանակ, երբ Փաշինյանը հայտարարեց, որ գերիների հարցով առաջընթաց չի գրանցել, բայց ստորագրել է տնտեսական համագործակցության հուշագիր:

7
թեգերը:
Նախիջևան, Ադրբեջան, Ռուսաստան, Հայաստան, Մհեր Գրիգորյան
Ելենա Մալիշևա

Մալիշևան ասել է՝ ովքեր պետք է «գլխապատառ» գնան COVID-19-ի դեմ պատվաստում ստանալու

11
(Թարմացված է 12:17 26.01.2021)
Բժիշկը թվարկել է այն գործոնները, որոնք վկայում են մարդու մոտ պատվաստում ստանալու անհրաժեշտության մասին։

ԵՐԵՎԱՆ, 26 հունվարի — Sputnik. Ռուս հաղորդավարուհի, բժիշկ Ելենա Մալիշևան ռուսական «Առաջին ալիքի» եթերում ասել է` որ խմբի ներկայացուցիչները պետք է անպայման պատվաստում ստանան կորոնավիրուսի դեմ։

«Պետք է գլխակորույս վազել պատվաստում ստանալու, քանի որ կորոնավիրուսով ծանր հիվանդանալու ու մահանալու ռիսկերը միլիոն անգամ ավելի մեծ են, քան պատվաստման ցանկացած ռիսկերը», - նշել է Մալիշևան՝ դիմելով ռիսկային խմբերի մարդկանց։

Բժիշկը թվարկել է այն գործոնները, որոնք վկայում են մարդու մոտ պատվաստում ստանալու անհրաժեշտության մասին։ Այդ գործոններն են՝ 65-ից բարձր տարիքը, ճարպակալությունը, երիկամների խրոնիկ հիվանդությունները, թոքերի հիվանդությունները, քաղցկեղային հիվանդությունները (ոչ սուր փուլում), սրտանոթային հիվանդությունները։

«Կաթվածաբեր» պատվաստանյութը. Հայաստանը պատրաստվո՞ւմ է կորոնավիրուսի դեմ պայքարել Pfizer–ով

Worldometer համաշխարհային վիճակագրական կայքի համաձայն` հունվարի 26-ի դրությամբ աշխարհում կորոնավիրուսի հաստատված դեպքերի ընդհանուր թիվը հասել է 100,2 միլիոնի։ Համավարակի զոհ է դարձել ավելի քան 2,1 մլն մարդ։

Առողջապահության համաշխարհային կազմակերպությունը (ԱՀԿ) 2020 թվականի մարտի 11-ին նոր COVID-19 կորոնավիրուսի բռնկումը հայտարարել էր համավարակ։

11
թեգերը:
պատվաստումներ, կորոնավիրուս, Ելենա Մալիշևա
Ըստ թեմայի
Ֆրանսիայում պատվաստվելուց հետո 9 մարդ է մահացել, սակայն կապը պատվաստման հետ ապացուցված չէ
Կալիֆոռնիայում հորդորել են հրաժարվել Նուբար Աֆեյանի ընկերության պատվաստանյութի խմբաքանակից
Ո՞րն է այլ պատվաստանյութերի համեմատ «Սպուտնիկ V»-ի «ինովացիոն» տարբերությունը