Արփի լիճի տարածքում աշխատանքներ են կատարվում

Քարուքանդ ճանապարհները խանգարում են. Արփի լիճն ավելի գրավիչ կդառնա զբոսաշրջիկների համար

800
(Թարմացված է 17:16 24.05.2020)
Անտառածածկ տարածքի ավելացում, Կարմիր գրքում գրանցված բուսական ու կենդանական աշխարհի պահպանում ու կառուցապատման աշխատանքներ: «Արփի լիճ» ազգային պարկի նոր ղեկավարությունը փորձում է տարածքն ավելի գրավիչ դարձնել:

Արմենուհի Մխոյան, Sputnik Արմենիա

Տարվա բոլոր եղանակներին է գեղեցիկ դրախտավայր հիշեցնող, Հայաստանի հյուսիսային դարպասները «պահող» գեղեցկուհին՝ Արփի լիճը: Տարբեր տարիների փորձ արվել է այստեղ զարգացնել ներգնա ու արտագնա տուրիզմը: Արփի լիճը տեսնելու, նրա շրջակա գեղեցկությունը վայելելու համար եղել է`մինչև 5 հազար զբոսաշրջիկ է եկել, սակայն այս թիվը նման ռեսուրսներ ունեցեղ պարկի համար նշաձող  չի կարելի համար: Տուրիզմով զբաղվող շատ ընկերություններ դեռ իրենց փաթեթներում այս ուղղությունը չեն ներառել:

Национальный парк Озеро Арпи
© Sputnik / Armenuhi Mkhoyan
Արփի լիճի տարածքում աշխատանքներ են կատարվում

Մուշեղ Մուրադյանը, որ ստանձնեց «Արփի լիճ» ազգային պարկի ՊՈԱԿ-ի ղեկավարությունն անցած տարեվերջին, փորձում է տուրիստական ընկերությունների ուշադրությունը գրավել՝ տարածքն ավելի գայթակղիչ դարձնելով: Արդեն 15 օր է` պարկի տարբեր տեղամասերում մեկնակել են ծառատունկի ու անտառպահպանման աշխատանքներ:

Սառը, բայց ոչ անհոգի․ ինչով են ապրում Հայաստանի հեռավոր հյուսիսում

«Առաջիկա 2 օրերի ընթացքում կավարտենք աշխատանքները պարկի Ախուրյանի կիրճում: Ծառատունկ իրականացվում է նաև Արտենիս լճի հարակից և պարկի վարչական շենքի տարածքում: Այս տարի նախատեսում ենք անտառածածկույթն  ավելացնել մոտ 2 հեկտարով»,-ասում է պատասխանատուն:

Ծառատունկին նաև միացել են հարակից գյուղերի բնակիչները՝ մեծ ու փոքրով: «Մարդկանց ոգևորվածությունը մեծ է, ինչն, անխոս, շատ կարևոր է»,-ընդգծում է Մուշեղ Մուրադյանը:

Директор Национального парка Озеро Арпи Мушег Мурадян
Մուշեղ Մուրադյանը

Մեր նկարահանման պահին Գյումրիից` եղբոր ուղեկցությամբ,  պարկի աշխատակիցներին օգնելու էր եկել  11-ամյա Հայկանուշ Գևորգյանը: Չնայած բահի ծանրությանը, աղջնակը հմտությամբ է տնկում իր ծառը: «Առաջին անգամ չեմ տնկում, էլի եմ արել: Սիրունություն է: Կմեծանա, ավելի սիրուն կլինի»,-լուրջ-լուրջ պատասխանում է աղջիկն` ավելացնելով, որ այս օրերին, երբ ստիպված տանն են, շատ հավես ու հաճելի է գալ այստեղ ու ծառ տնկել:

Հավքն իր թևով, օձն իր պորտով այսուհետ չի կարողանա թաքուն մուտք գործել «Արփի լիճ»

Պարկի վարչական տարածքում նախատեսվում  է իրականացնել  նաև կառուցապատման աշխատանքեր՝ առավել արդյունավետ պայմաններ ստեղծելով տարածք այցելող զբոսարջիկների համար:

Айкануш Геворкян в Национальном парке Озеро Арпи
© Sputnik / Armenuhi Mkhoyan
Հայկանուշ Գևորգյանը

Բացի անտառապահպան ու անտառածածկ տարածքի մեծացման աշխատանքերից, պարկում կարևորում են իրազեկումը: Այստեղ թաքնված բնության հարստության մասին շատերը չգիտեն: Մինչդեռ ազգային պարկի տարածքում աճում են 670 տեսակի բարձրակարգ բույսեր, որոնցից 19 տեսակը ներառված է Կարմիր գրքում, գրանցված են 225 տեսակի ողնաշարավոր կենդանիներ, այդ թվում Բնության պահպանության համաշխարհային միության Կարմիր ցուցակում գրանցված 14 տեսակ՝ ջրասամույր, խայթաքիս, տափաստանային հողմավար բազե և այլն: Տարածքում գրանցված են 11 տեսակի ձուկ, 3 տեսակ երկկենցաղ, 6 տեսակի մողես ու 4 տեսակի օձ, 193 տեսակի թռչուն,կաթնասունների դասի 38 տեսակ:

Национальный парк Озеро Арпи
© Sputnik / Armenuhi Mkhoyan
Արփի լիճը

«Արփի լճի տարածքում է գտնվում որորի ամենամեծ գաղութն աշխարհում, այստեղ կարելի է հանդիպել հազվագյուտ սև արագիլի: Արփի լիճը գանգրափետուր հավալուսնի միակ բնադրավայրն է Հայաստանում ու Դարևսկու իժի միակ բնակավայրն աշխարհում: Հատուկ հետաքրքրություն են ներկայացնում նաև մոխրագույն սագը, մոխրագույն կռունկը և հայկական որորը»,-նշում է ազգային պարկի գիտական գծով փոխտնօրեն Արտակ Ֆարզադյանը` փաստելով, որ նախորդ տարի թռչնադիտարկումների արդյունքում արգելանոցի տարածքում հայտնվել են նոր թռչնատեսակներ:

Ստորգետնյա անցում դեպի Անի և ամենավտանգավոր օձը. ինչ կա Շիրակում, որ չկա ուրիշ ոչ մի տեղ
Լեռնային մաքուր օդով, ֆլորայի ու ֆաունայի եզակի  բազմազանությամբ,  ծովի մակերևույթից 2025 մետր բարձրությամբ Հայաստանում երկրորդ ջրային ավազանն ունեցող լճի ու տարածքի կենսաբազմազանությունը պահպանելու նպատակով 2009 թվականին ստեղծվել է համանուն ազգային պարկը:

Посадка деревьев в Национальном парке Озеро Арпи
© Sputnik / Armenuhi Mkhoyan
Արփի լիճի տարածքում աշխատանքներ են կատարվում

Տարծքում էկո տուրիզմի զարգացման աշխատանքներ արվել ու արվում են: Սակայն ստեղծման առաջին իսկ օրվանից մինչ օրս անբարեկարգ ճանապարհների խնդիրը խոչընդոտում է  տուրիստական  հոսքին: Սրան միայն պետական մոտեցում է պետք: Խնդիրը բարձրացվել է, սակայն ցայսօր հարցին լուծում տվող չկա:

800
թեգերը:
Շիրակի մարզ, ծառ, ծառատունկ, Անտառ, զբոսաշրջություն, Զբոսաշրջիկ, «Արփի լիճ» ազգային պարկ
Ըստ թեմայի
Արփի գյուղ արջ է մտել, ջարդել մեղվի փեթակն ու վնասել ճագարներին
Հավքն իր թևով, օձն իր պորտով այսուհետ չի կարողանա թաքուն մուտք գործել «Արփի լիճ»
Ձերբակալվել է «Արփի լիճ ազգային պարկ» ՊՈԱԿ-ի տնօրենի ժամանակավոր պաշտոնակատարը
«Զվարթնոց» օդանավակայան

Նոր կանոններ կգործեն օդային ճանապարհով Հայաստան եկողների համար

53
(Թարմացված է 23:01 14.08.2020)
Հայաստան մուտք գործելուց հետո 14-օրյա ինքնամեկուսացման պահանջը շարունակում է ուժի մեջ մնալ։ Կան նաև այլ պահանջներ։

ԵՐԵՎԱՆ, 14 օգոստոսի — Sputnik. ՀՀ Զբոսաշրջության կոմիտեն տեղեկացրել է, թե օդային ճանապարհով Հայաստան եկողների համար ինչ ընթացակարգեր են գործելու։

Օգոստոսի 12-ին կառավարությունը որոշեց Հայաստանում հայտարարված արտակարգ դրությունը երկարացնել ևս մեկ ամսով։ Սակայն արտակարգ դրության ռեժիմում մեղմացումներ են եղել, որոնցից մեկն էլ օտարերկրացիների առջև ՀՀ օդային սահմանը բացելն է։

«Օդային ուղիներով ՀՀ տարածք մուտք գործելուց հետո անհապաղ կատարվում է բժշկական զննություն վարակի առկայության կամ վարակի ախտանիշների բացահայտման նպատակով։ Զննություն անցնելուց հետո ՀՀ մուտք գործող անձը ենթակա է ինքնամեկուսացման 14-օրյա ժամկետով, եթե ախտանիշներով պայմանավորված վերջինիս նկատմամբ չի կիրառվում հոսպիտալացում կամ այլ սահմանափակող միջոցառում»,–նշված է կոմիտեի Facebook սոցցանցում տեղադրված հաղորդագրության մեջ։

Բացի այդ, ինքնամեկուսացման մեջ գտնվող անձը կարող է ինքնակամ, վճարովի հիմունքներով անցնել կորոնավիրուսի ախտորոշման ՊՇՌ հետազոտություն: Ընդ որում, մեկուսացման ընթացքում ՊՇՌ թեստավորման համար անհրաժեշտ նմուշառումը պետք է իրականացվի բացառապես անձի ինքնամեկուսացման վայրում համապատասխան լաբորատորիաների մասնագետների այցի միջոցով։ ՊՇՌ հետազոտության բացասական պատասխանի դեպքում անձը դուրս է գալիս ինքնամեկուսացումից:

ՊՇՌ հետազոտությունը իրականացվում է գրեթե բոլոր մասնավոր բժշկական կենտրոններում։

Արտակարգ դրություն. ինչն է թույլատրվում օգոստոսի 13-ից

Հիշեցնենք` կորոնավիրուսի համավարակի պատճառով մարտի 16–ից Հայաստանում արտակարգ դրություն է, որն արդեն մի քանի անգամ երկարաձգվել է։ Երկարաձգված արտակարգ դրության պայմանները որոշակի փոփոխությունների են ենթարկվել և սահմանվել են պարտադիր պահանջներ։

 

53
թեգերը:
ուղևոր, «Զվարթնոց» օդանավակայան, Արտակարգ դրություն, կարանտին, կորոնավիրուս, չվերթ, թռիչք
Ըստ թեմայի
Արցախում ևս արտակարգ դրությունը երկարաձգվեց մեկ ամսով. ինչ փոփոխություններ են արվել
Փողոցային գործողությունները կակտիվանա՞ն. Հովսեփյանը` արտակարգ դրության մեղմացումների մասին
Երգիչները կերգեն, սահմանները կբացվեն. պարետը ներկայացրեց արտակարգ դրության նոր պայմանները
Սուրեն Պապիկյան

Սուրեն Պապիկյանը կմեկնի արձակուրդ

7
(Թարմացված է 22:47 14.08.2020)
Մինչ Սուրեն Պապիկյանը կլինի արձակուրդում, տարածքային կառավարման և ենթակառուցվածքների նախարարին կփոխարինի նրա տեղակալը։

ԵՐԵՎԱՆ, 14 օգոստոսի — Sputnik. ՀՀ վարչապետ Նիկոլ Փաշինյանի որոշմամբ՝ ՀՀ տարածքային կառավարման ենթակառուցվածքների նախարար Սուրեն Պապիկյանը կմեկնի արձակուրդ:

«Հայաստանի Հանրապետության տարածքային կառավարման և ենթակառուցվածքների նախարար Սուրեն Պապիկյանին տրամադրել 2020-2021 թվականների աշխատանքային տարվա ամենամյա նվազագույն արձակուրդի մասը՝ 2020 թվականի օգոստոսի 24-ից սեպտեմբերի 4-ը ներառյալ»,–նշված է որոշման մեջ։

Փաշինյանի որոշմամբ` Սուրեն Պապիկյանի արձակուրդում գտնվելու ընթացքում ՀՀ տարածքային կառավարման և ենթակառուցվածքների նախարարին կփոխարինի ՀՀ տարածքային կառավարման և ենթակառուցվածքների նախարարի տեղակալ Վաչե Տերտերյանը:

Հիշեցնենք, որ Sputnik Արմենիան անդրադարձել էր ՀՀ պաշտոնյաների արձակուրդներին։ Մասնավորապես, գրել էինք, որ նախագահ Արմեն Սարգսյանը չի ծրագրում մեկնել արձակուրդ:

ՀՀ վարչապետ Նիկոլ Փաշինյանի` արձակուրդ գնալու որոշում էլ չկա։ Փոխվարչապետ և արտակարգ դրության պարետ Տիգրան Ավինյանը նույնպես դեռ չի պլանավորում հանգստանալ։

7
թեգերը:
Նիկոլ Փաշինյան, Նախարար, Արձակուրդ, Սուրեն Պապիկյան
Ըստ թեմայի
Հրայր Թովմասյանն արձակուրդ է գնացել
Երևանի քաղաքապետն արձակուրդ է գնում. խոսնակը հայտնել է, թե որտեղ է լինելու Մարությանը
Հայաստանի արտակարգ ամառն ու պաշտոնյաների ձախողված արձակուրդը. ո՞վ է ամենաշատը «հոգնել»
Հաքեր

Հաքերները ռուսական բանկերի վրա յուրօրինակ հարձակում են գործել. ԶԼՄ–ները խուճապի են մատնվել

0
(Թարմացված է 23:45 14.08.2020)
Նամակներ են ուղարկվել են հայտնի ԶԼՄ–ների անուններից։ Օրինակ` կիբեռհարձակումներից մեկն իրականացվել է հաղորդագրության օգնությամբ, որն իբրև թե ուղարկվել է ՌԲԿ–ի կորպորատիվ փոստից։

ԵՐԵՎԱՆ, 14 օգոստոսի – Sputnik. Կիբեռհանցագործները լրագրողների անվան տակ գրոհել են Ռուսաստանի բանկերի վրա։ Ինչպես գրում է ռուսական մամուլը, որոշ տվյալներով` TinyScouts խմբավորման հաքերները հաղորդագրություններ էին ուղարկում հարցազրույցի առաջարկով և համավարակի երկրորդ ալիքի մասին նախազգուշացումներով։

«Ռոստելեկոմի» կիբեռսպառնալիքների մոնիթորինգի և արձագանքման կենտրոնի մասնագետներին հայտնի է դարձել, որ կիբեռհանցագործները հարձակման համար ծրագրային նոր ապահովագրում են կիրառում։ Բանկերի վրա առանձին հարձակումներն իրականացվել են ապրիլին։

Նամակներ են ուղարկվում հայտնի ԶԼՄ–ների անուններից։ Օրինակ` կիբեռհարձակումներից մեկն իրականացվել է հաղորդագրության օգնությամբ, որն իբրև թե ուղարկվել է ՌԲԿ–ի կորպորատիվ փոստից։ Հաղորդագրության մեջ բանկի աշխատակիցներից մեկին առաջարկվել է հարցազրույց անցնել։ Հարցերին պատասխանելու համար կից ներկայացված հղումով անցնելու դեպքում բեռնվում է վնասակար ծրագրի հիմնական բաղադրիչը, և կիբեռհանցագործները հեռավար հասանելիություն ու վերահսկողություն են ստանում օտար համակարգիչների նկատմամբ։

Չինացի հաքերները թիրախավորել են Նուբար Աֆեյանի ընկերության COVID-19–ի դեմ պատվաստանյութը

Եթե սարքի վրա որևէ կարևոր տեղեկություն ստանալ չի հաջողվում, այլ ծրագիր է տեղադրվում, որը կոդավորում է համակարգչի ողջ կոնտենտը, այնուհետև գումար պահանջում այն ապակոդավորելու համար։

0
թեգերը:
ԶԼՄ, Ռուսաստան, Բանկ, հաքեր
Ըստ թեմայի
Սին «հերոսություն» է. մասնագիտական ապտակ ադրբեջանցի հաքերներին
«Մենք թիկունքում ենք և ձեր մեջ». հայերը պատասխան հարված են հասցրել ադրբեջանցի հաքերներին
Հայերը կոտրել են ադրբեջանցիների գլխավոր հաքերական կայքը. համացանցում «փոխհրաձգություն» է