Առողջապահության նախարարը` բժիշկների հետ

Ինչպես պատերազմի ժամանակ. ո՞ր դեպքում է հնարավոր կորոնավիրուսի դեմն առնել

491
Չի բացառվում, որ վարակի տարածման` նման տեմպի պահպանման արդյունքում մոտ օրերս Հայաստանում կորոնավիրուսով հիվանդների բուժման «խորը սորտավորման» գնան։

ԵՐԵՎԱՆ, 22 մայիսի – Sputnik. Հայաստանում հնարավոր է` կորոնավիրուսով հիվանդների բուժման խորը սորտավորման գնան։ Հանրային խորհրդի նիստի ժամանակ նման հայտարարություն արեց ՀՀ առողջապահության նախարար Արսեն Թորոսյանը։

«Խորը սորտավորում պատերազմի ժամանակ է նաև արվում, երբ այն պացիենտներին են հիմնականում բուժման վերցնում, որոնք փրկվելու հնարավորություն ունեն և հակառակը։ Չի բացառվում, որ վարակի տարածման` նման տեմպի պահպանման արդյունքում մոտ օրերը դրան գնանք»,–ասաց նախարարը։

Թորոսյանի խոսքով` հիմա անում են ամեն ինչ, որ դրան չգնան, մասնավորապես, մահճակալների թիվն են ավելացնում։ Մյուս կողմից, ըստ նախարարի, եթե, օրինակ, այսօրվանից նոր հիվանդներ չլինեն, խորը սորտավորման գնալու կարիք չի լինի։ Խորը սորտավորման կարիք կլինի հիվանդացությունների թվի աճի դեպքում։
Նախարարը նշեց, որ հիմնականում գիտեն` ովքեր են ծանր տանելու հիվանդությունը. դրանք տարեցներն են և ուշացած դեպքերը։

Նախարարը նշեց նաև, որ եթե երկու շաբաթ տոտալ սահմանափակումներ լինեն, սակայն ոչ այնպես, ինչպես նախկինում էր, ապա երաշխավորում է, որ բռնկումների դեմն ամբողջությամբ կառնեն։ Նրա խոսքով` եթե բոլորը պատրաստ են դրան, կարող է և գնան այդ քայլին։

Հիշեցնենք, որ այսօրվանից կորոնավիրուսով վարակված, բայց ախտանշաններ չունեցողները Հայաստանում հյուրանոցներից տուն կգնան և տանը կմեկուսանան։

Վերջին մեկ օրում մեր երկրում կորոնավիրուսի վարակման 322 դեպք է արձանագրվել, մահվան` 4. մահացածները տղամարդիկ են։ Ընդհանուր առմամբ` Հայաստանում կորոնավիրուսով վարակվածների թիվը 5928 է։

այաստանում ևս 4 մարդ է մահացել կորոնավիրուսից, բոլորը տղամարդիկ են

491
թեգերը:
Հայաստան, կորոնավիրուս, Արսեն Թորոսյան, Նախարար
թեմա:
Կորոնավիրուսը Հայաստանում և Արցախում (1350)
Ըստ թեմայի
Կորոնավիրուսով վարակվածներից 135-ի վիճակը ծանր է, 63-ինը` ծայրահեղ ծանր. Թորոսյան
Ի՞նչ կլինի, եթե վարակի տարածման այս տեմպը պահպանվի. Թորոսյանը խոսեց անցանկալիի մասին
Վրաստանում թվերը փոքր են, բայց մեր հակահամաճարակային համակարգն ավելի լավն է. Թորոսյան
Լևոն Ղասաբօղլյան

Ինչն է եղել 34–ամյա Լևոն Ղասաբօղլյանի մահվան պատճառը. նա կորոնավիրուսով չի վարակվել

69
(Թարմացված է 14:18 10.08.2020)
Ղասաբօղլյանն իր թիմի հետ կորոնավիրուսի թեստ է հանձնել։Նրա մոտ վարակ չի հայտնաբերվել։

ԵՐԵՎԱՆ, 10 օգոստոսի - Sputnik. Նախկին ֆուտբոլիստ և մարզիչ Լևոն Ղասաբօղլյանը չի հիվանդացել կորոնավիրուսով, մահվան պատճառը սրտի կանգն է է եղել, ինչին հանգեցրել է թրոմբի խցանումը։ Տեղեկությունը հայտնում է Sputnik Ղազախստանը։

«Ղասաբօղլյանը թիմի հետ պարբերաբար թեստավորվել է։ Բոլորի թեստերի արդյունքները բացասական են եղել», - «Օնտուստիկ» ակադեմիայից ասել են Sputnik Ղազախստանի թղթակցին։

Հիշեցնենք` երեկ 34 տարեկան հասակում կյանքից հեռացել է Լևոն Ղասաբօղլյանը:

Ղասաբօղլյանը հանդես է եկել «Արարատ», «Կիլիկիա» և «Ուլիս» թիմերի կազմում։ Դրան զուգահեռ ընդգրկվել է նաև Հայաստանի ֆուտբոլի երիտասարդական հավաքականի կազմում։ Խաղային գործունեությունն ավարտել է էստոնական «Նարվա-Տրանս» ակումբում, որի հետ դարձել է Էստոնիայի ֆուտբոլի առաջնության բրոնզե մրցանակակիր։ Ֆուտբոլիստի կարիերան ավարտելուց հետո անցել է մարզչական աշխատանքի: Աշխատում էր «Փյունիկի» սպորտդպրոցում։ Փորձում էր Հայաստանում իրագործել ֆուտբոլի զարգացման մի քանի ծրագրեր:

Այս տարվա սկզբից Լևոն Ղասաբօղլյանը նշանակվել էր Ղազախստանի առաջին խմբում հանդես եկող «Օնտուստիկ» ակադեմիայի գլխավոր մարզիչ:

Մարզիկի հայրը՝ Սամվել Ղասաբօղլյանը, անվանի մարզիչ է։ Եղբայրը՝ Միքայել Ղասաբօղլյանը, ևս զբաղվում է ֆուտբոլով։

69
թեգերը:
Մահ, Լևոն Ղասաբօղլյան
Ըստ թեմայի
Ողբերգական վթար Սիսիանում. անչափահաս երեխաներն ու նրանց ծնողները տեղում մահացել են
Ողբերգական ավտովթարի հետևանքով մահացել է Արմեն Մարությանի և Ալլա Վարդանյանի դստեր ընտանիքը
Կորոնավիրուսի հետևանքով 5 մարդ է մահացել. ամենաերիտասարդը 67 տարեկան է
Հոգեկան առողջության պահպանման ազգային կենտրոն

Կենտրոնը գերբեռնված է. ՄԻՊ–ի աշխատակիցներն  անակնկալ այցելել են Նուբարաշենի հոգեբուժարան

11
(Թարմացված է 14:05 10.08.2020)
ՄԻՊ–ի աշխատակիցներն ու փորձագետները մի շարք խնդիրներ են հայտնաբերել «Հոգեկան առողջության պահպանման ազգային կենտրոնում»։

ԵՐԵՎԱՆ, 10 օգոստոսի - Sputnik. Մարդու իրավունքների պաշտպանի գրասենյակից հայտնում են, որ ՄԻՊ աշխատակիցներն ու փորձագետները չհայտարարված այց են իրականացրել «Հոգեկան առողջության պահպանման ազգային կենտրոն» (Նուբարաշենի հոգեբուժարան), որտեղ մի շարք խնդիրներ են հայտնաբերել։

«Կենտրոն ընդունվող պացիենտների նկատմամբ  կորոնավիրուսի տարածումը կանխարգելելու նպատակով 14-օրյա մեկուսացում չի իրականացվում։ Բացի այդ, կենտրոնը գերբեռնված է, և պացիենտներն ապահովված չեն բավարար անձնական տարածությամբ։ Ավելին, հոգեբուժական կազմակերպություն այցելուների մուտքի ժամանակ ջերմաչափման գործընթացը պատշաճ չի իրականացվում»,–նշված է հաղորդագրության մեջ։

Կորոնավիրուսային իրավիճակով պայմանավորված անհրաժեշտ նորմերի խախտումներից բացի, ՄԻՊ–ի աշխատակիցներն արձանագրել են` կենտրոնի բաժանմունքները, ներառյալ՝ հիվանդասենյակները, լոգարանները, ճաշասրահները և խոհանոցներն, ունեն լուրջ վերանորոգման կարիք։ Իսկ ինչ վերաբերում է կենտրոնում գտնվող պացիենտների զսպման միջոցներին, ապա ֆիզիկական զսպումը երբեմն իրականացվում է հիվանդասենյակներում մյուս պացիենտների ներկայությամբ։

Արման Թաթոյանը ՀԿ-ների հետ քննարկման արդյունքներն ուղարկել է պարետատուն

Բացի այդ, արձանագրվել է, որ պացիենտներից ոմանք կազմակերպական տարբեր խնդիրների պատճառով հնարավորություն չունեն ստանալ իրենց կենսաթոշակը։ Իսկ նրանց  հագուստը հիմնականում չի անհատականացվում և լվացվելուց հետո բաժանվում է պատահականության սկզբունքով։

Նշվում է նաև, որ դեպի կենտրոն չկա հասանելի հասարակական տրանսպորտային հաղորդակցություն այն դեպքում, երբ այնտեղ 407 պացիենտ կա:

Այցի ընթացքում, մյուս կողմից, արձանագրվել են նաև դրական տեղաշարժեր,  մասնավորապես՝ հոգեբուժական կազմակերպությունն ապահովված է եղել կորոնավիրուսի համար անհատական պաշտպանիչ և ախտահանիչ միջոցներով։

ՄԻՊ–ի աշխատակիցները ֆիքսել են նաև, որ բաժանմունքներում տեղադրվել են տաքսոֆոններ, ներդրվել է ինտերնետ հաղորդակցության ներքին ցանց, իսկ փաստաթղթաշրջանառությունը թվայնացվել է։

Հոգեկան առողջության կենտրոնում արձանագրվել է կորոնովիրուսային հիվանդության 8 դեպք

Այցի ընթացքում վերհանված խնդիրները ՄԻՊ–ի աշխատակիցները քննարկել են կազմակերպության տնօրինության հետ: Դրանք կամփոփվեն և առաջարկների հետ կներկայացվեն ոլորտի իրավասու մարմիններին:

11
թեգերը:
փորձագետ, հիվանդ, Հայաստան, խախտում, ՀՀ ՄԻՊ
Ըստ թեմայի
Հոգեկան առողջության կենտրոնը 100%–ով ծանրաբեռնված է. ինչո՞ւ մարդկանց տուն չեն տանում
«Հոգեկան առողջության պահպանման կենտրոնի» նախկին տնօրենի դեմ քրեական գործ է հարուցվել
Հարձակվել են Գյումրու հոգեկան առողջության կենտրոնի վրա, «դեղ» պահանջել
«Ձորակ» հոգեկան առողջության խնդիրներ ունեցողների կենտրոնում կորոնավիրուսի դեպք է հաստատվել

Վոլգոգրադում գազի ցիստեռն է այրվում, կան տուժածներ. ականատեսները տեսանյութ են հրապարակել

0
(Թարմացված է 14:32 10.08.2020)
Լենինի պողոտայում պայթյուն է որոտացել։ Հարակից շենքերի ապակիները կոտրվել են։ Տուժածներից մեկի վիճակը ծանր է։

Վոլգոգրադում` Լենինի պողոտայում, բենզալցակայանի մոտ գազի ցիստեռն է բռնկվել։ Արտակարգ իրավիճակների նախարարության տվյալներով` տուժել է յոթ մարդ: Մեկի վիճակը ծանր է։

ԱԻՆ–ն ահազանգը ստացել է ժամը 11։40-ին։ Դեպքի վայր են մեկնել հրշեջ-փրկարարական ստորաբաժանումները։

Բացառիկ կադրեր Ախալքալաքի ծեծկռտուքից․ մի քանի հոգով մահակներով ծեծում են մի տղամարդու

Պարզվել է, որ գազի ցիստեռն է այրվում: Ճանապարհի որոշ հատվածը փակ է։ Այլ մանրամասներ առայժմ հայտնի չեն։

«Վահանները ցա՛ծ դրեք». ինչ էր կատարվում գիշերը Մինսկում. տեսանյութ

0
թեգերը:
տեսանյութ, հրդեհ, Ռուսաստան
Ըստ թեմայի
Երևանում մեքենա է այրվել ավտոտնակում. այրվածքներով հոսպիտալացվածներից մեկը երեխա է
Վառելիք՝ թափոններից, կամ աղբը ոչ թե աղբանոցներում է, այլ մարդկանց գլխում
Միքայելյան վիրաբուժության ինստիտուտի տարածքում հրդեհ է բռնկվել․ մարդկանց տարհանել են