Министр здравоохранения Арсен Торосян в защитной медицинской маске во время онлайн пресс-конференции (21 мая 2020). Еревaн

Թորոսյանի մոտ թթվածնի սատուրացիան դեռ 98% է. կորոնավիրուսին բնորոշ ախտանշանները

683
(Թարմացված է 13:26 22.05.2020)
Արյան` թթվածնով հագեցվածությունը կորոնավիրուսով վարակվածների մոտ չափվում է օրական մի քանի անգամ։

ԵՐԵՎԱՆ, 22 մայիսի - Sputnik. ՀՀ առողջապահության նախարար Արսեն Թորոսյանը Facebook սոցցանցի իր էջում պատմել է կորոնավիրուսային հիվանդությանը բնորոշ սուբյեկտիվ և օբյեկտիվ ախտանիշների մասին։

«Օբյեկտիվ կարևոր ախտանիշներից մեկն արյան` թթվածնով հագեցվածությունն է, կամ ինչպես բժիշկներն են ասում` թթվածնի սատուրացիան (SpO2): Այն նորմայում պետք է լինի 95%-ից բարձր, ինչը նշանակում է, որ թոքերում թթվածնի փոխանցումն արյան մեջ տեղի է ունենում բավարար քանակով և օրգանիզմում թթվածնաքաղց չի առաջանում»,–գրել է նախարարը:

Իսկ երբ կորոնավիրուսի պատճառով առաջանում է թոքաբորբ, և թոքերի մի հատվածը դուրս է մնում թթվածնի փոխանակման գործընթացից, սատուրացիան սկսում է անկում ապրե: Ինչքան սատուրացիան ցածր է, այնքան թոքային հյուսվածքի ախտահարման ծավալը մեծ է, և պացիենտի վիճակը ծանր է:

Թորոսյանի խոսքով` հենց սատուրացիան բարձրացնելու համար են բժիշկները պացիենտներին թթվածնաթերապիա անում։ Սա ենթադրում է, որ պացիենտին նախ սովորական դիմակով են «շնչել տալիս», իսկ ավելի ծանր դեպքերում` թոքերի ոչ ինվազիվ և ինվազիվ արհեստական օդափոխությանը միացնելով:

Թորոսյանը բարկացավ. մինչև տարեվերջ մոտ 300 միլիոն դոլար է պետք լինելու

Այս ցուցանիշը, ըստ նախարարի, բոլոր պացիենտների մոտ օրական մի քանի անգամ չափվում է, որպեսզի որոշվի` առողջական վիճակի փոփոխության ուղղությունը բարելավման է գնում, թե վատթարացման։

«Բարեբախտաբար, իմ մոտ թթվածնի սատուրացիան դեռ 98% է»,–գրել է Թորոսյանը։

Հիշեցնենք, որ վերջին մեկ օրում Հայաստանում կորոնավիրուսով վարակվածների թիվն ավելացել է 322–ով և հասել 5928–ի, առողջացել է ևս 293 մարդ։ Մեկ օրում մահվան 4 դեպք է արձանագրվել. մահացածները տղամարդիկ են։

Ընդհանուր առմամբ` կորոնավիրուսը Հայաստանում արդեն 74 մարդու կյանք է խլել։

Համավարակի վերջը կլինի ոչ շուտ, քան 5 տարի հետո. Թորոսյան

683
թեգերը:
Հայաստան, կորոնավիրուս, Արսեն Թորոսյան
թեմա:
Կորոնավիրուսը Հայաստանում և Արցախում (833)
Ըստ թեմայի
«Այս նվիրումն է փրկում կյանքեր». Արսեն Թորոսյանը շնորհավորել է բուժքույրերին
Կորոնավիրուսով վարակվածներից 135-ի վիճակը ծանր է, 63-ինը` ծայրահեղ ծանր. Թորոսյան
ՀՀ–ում կորոնավիրուսով վարակված 270 երեխա կա, 27 հղի. Թորոսյանը՝ նրանց վիճակի մասին
«Սուրբ Աստվածամայր» հիվանդանոց

Հայաստանում ևս 12 մարդ է մահացել կորոնավիրուսից

29
(Թարմացված է 11:10 03.06.2020)
Մահացածներից յոթը տղամարդիկ են, մյուսները` կանայք։ Մահվան ևս երեք դեպք է արձանագրվել, երբ մահը վրա է հասել այլ հիվանդության պատճառով:

ԵՐԵՎԱՆ, 3 հունիսի – Sputnik. Վերջին մեկ օրում Հայաստանում ևս 12 մարդ է մահացել կորոնավիրուսից։ Տեղեկությունը հայտնում է ՀՀ առողջապահության նախարարությունը։

«Մահվան դեպքերի վերաբերյալ հայտնում ենք, որ պացիենտները եղել են 64 (կին), 82 (տղամարդ), 64 (տղամարդ), 86 (տղամարդ), 79 (տղամարդ), 54 (տղամարդ), 68 (տղամարդ), 85 (կին), 46 (կին), 79 (կին), 83 (տղամարդ), 62 (կին) տարեկան: Բոլորն ունեցել են ուղեկցող քրոնիկական հիվանդություններ: Նախորդ օրը արձանագրվել է մահվան 3 դեպք, երբ մահը վրա է հասել այլ հիվանդության պատճառով»,– նշված է հաղորդագրության մեջ:

Հայաստանում կորոնավիրուսով վարակվածների թիվն արդեն հասել է 10524–ի։ Մահացել է 170 մարդ, կորոնավիրուսով վարակված, բայց այլ հիվանդության պատճառով մահացածների թիվն էլ 59 է։

29
թեգերը:
Մահ, կորոնավիրուս, Հայաստան
թեմա:
Կորոնավիրուսը Հայաստանում և Արցախում (833)
Նորքի ինֆեկցիոն հիվանդանոց. արխիվային լուսանկար

Հայաստանում կորոնավիրուսով վարակվածների թիվը մեկ օրում ավելացել է 515-ով և հասել 10524–ի

203
(Թարմացված է 10:59 03.06.2020)
Հիվանդությունների կանխարգելման և վերահսկման ազգային կենտրոնը ներկայացրել է Հայաստանում կորոնավիրուսային հիվանդության վերջին մեկ օրվա զարգացումները։ Հիվանդությունը ևս 12 մարդու կյանք է խլել։

ԵՐԵՎԱՆ, 3 հունիսի — Sputnik. Հայաստանում կորոնավիրուսով վարակվածների թիվը վերջին մեկ օրում ավելացել է 515–ով և դարձել 10524։ Տեղեկությունը հայտնում է Հիվանդությունների կանխարգելման և վերահսկման ազգային կենտրոնը:

Այս պահին փաստացի բուժում է ստանում 6841 (+473) մարդ, կատարվել է 61.650 (+1733) թեստավորում, առողջացել են վարակվածներից 3454 (+27)–ը։

Ընդհանուր առմամբ գրանցվել է կորոնավիրուսային հիվանդությունից մահանալու 170 (+12) և մահվան 59 (+3) անուղղակի դեպք:

Հունիսի 1-ի տվյալներով՝ ՀՀ-ում կորոնավիրուսով վարակվածների թիվը 10009 էր:

Հիշեցնենք` ՀՀ կառավարությունը մայիսի 14–ի նիստում որոշեց արտակարգ դրությունը երկարացնել ևս մեկ ամսով։ Այն կտևի մինչև հունիսի 13–ը` ժամը 17։00–ը ներառյալ։

Փաշինյանը զայրացել է. մի քանի տատիկ, պապիկ կմահանան միջոցառման պատճառով

Երկարաձգված արտակարգ դրության պայմանները որոշակի փոփոխությունների են ենթարկվել։ Տնտեսական շատ գործունեություններ թույլատրվել են, բայց սահմանվել են պարտադիր պահանջներ։

Մայիսի 18–ից աշխատում է նաև հասարակական տրանսպորտը, բայց ուղևորներն ու վարորդները պետք է անպայման պաշտպանիչ դիմակով ու ձեռնոցով լինեն։

Օրվա կադր. Փաշինյանը ցույց է տվել` ինչպես է վարակակիրների թիվը ռեկորդային դառնում

203
թեգերը:
Հայաստան, կորոնավիրուս
Ըստ թեմայի
Կամ–կամ. Փաշինյանը խոսեց կորոնավիրուսով պայմանավորված իրավիճակի շուրջ առկա ելքերի մասին
Ինչ պետք է անի Փաշինյանը, որ հասարակությունը նորից հավատա իրեն
Կորոնավիրուսի բուժման մեթոդները պետք է նույնականացնել. Արսեն Թորոսյան