Արևածաղկի յուղ. արխիվային լուսանկար

Միսը, կարագը, ձեթը ոչ միայն չեն թանկանա, այլև կէժանանան, բայց ոչ ընդմիշտ

173
(Թարմացված է 14:26 22.05.2020)
Հայաստանին տրված ԵԱՏՄ մաքսային արտոնությունների ժամկետը կերկարացվի մինչև 2021թ-ը: Ավտոմեքենաների մաքսազերծման գների վրա նոր արտոնությունը չի տարածվի:

ԵՐԵՎԱՆ, 22 մայիսի - Sputnik. Սոցիալական նշանակության որոշ ապրանքների գները 2020թ-ի ընթացքում հնարավոր կլինի ոչ միայն զերծ պահել թանկացումից, այլև էժանացնել: Այսօր ԱԺ Տարածաշրջանային և եվրասիական ինտեգրման հարցերի մշտական հանձնաժողովի նիստում տեղեկությունը հայտնեց ՀՀ էկոնոմիկայի նախարարի տեղակալ Վարոս Սիմոնյանը՝ ներկայացնելով ԵԱՏՄ մաքսային տարածքում Հայաստանին տրված արտոնությունները ևս մեկ տարով երկարացնելու համաձայնագրի մանրամասները:

«Ընդհանուր առմամբ 647 ապրանքատեսակի համար ԵԱՏՄ միասնական մաքսատուրքերի կիրառումը կհետաձգվի ևս մեկ տարով: Այդ ապրանքախմբերն են` ընտանի թռչնի միս, կարագ, արևածաղկի ձեթ, մարգարին, խոշոր եղջրավոր անասունի սառեցրած միս: Այսինքն՝ պառողական զամբյուղի՝ սոցիալական նշանակություն ունեցող ապրանքներն են և արտադրական նշանակություն ունեցող ապրանքները»,- ասաց Վարոս Սիմոնյանը:

Նախարարության հաշվարկով` այս արտոնության երկարացման շնորհիվ որոշ պարենային ու արդյունաբերական ապրանքների գինը Հայաստանում կնվազի շուրջ 3%-ով: Իսկ տնտեսվարողները կտնտեսեն շուրջ 30 մլն դոլար, որը հակառակ դեպքում ստիպված կլինեին վճարել որպես մաքսատուրք:

Արտոնության նոր ժամկետը չի տարածվի ներկրվող ավտոմեքենաների վրա: Դրանց արտոնյալ ժամկետը լրացել է 2020 թվականի հունվարի 1-ին:

Հիշեցնենք՝ «Եվրասիական տնտեսական միության մասին» 2014 թվականի պայմանագրին ՀՀ-ը միացել էր 2014 թվականի հոկտեմբերի 10-ին: Իսկ լրացուցիչ փոփոխությունների մասին արձանագրությունը, որով Հայաստանին տրված արտոնությունների ժամկետը երկարացվեց ևս մեկ տարով ստորագրվել էր 2019 թվականի դեկտեմբերի 20-ին Սանկտ Պետերբուգում:

Նոր համաձայնագիրն օրենքի ուժ կստանա ԱԺ-ում վավերացվելուց հետո, թեև դրանով նախատեսված իրավահարաբերույունները տարածվում են 2020թ-ի հունվարի 1-ից սկսած ՀՀ ներկրված ապրանքների վրա:

Հանձնաժողովը քննարկման արդյունքում համաձայնություն տվեց նախագծին և այն առաջիկայում կներառվի ԱԺ լիագումար նիստի օրակարգում:

Ինչպե՞ս կանդրադառնա կորոնավիրուսը գնաճի վրա. պետական մարմինների պատասխանները

173
թեգերը:
կարագ, թռչնամիս, Միս, թանկանալ, գնաճ, Հայաստան, Եվրասիական Տնտեսական Միություն (ԵԱՏՄ)
թեմա:
Հայաստան և ԵԱՏՄ (183)
Ըստ թեմայի
ԵԱՏՄ-ում կորոնավիրուսի կանխարգելման համալիր ծրագիր են մշակել
Հայաստանը ԵԱՏՄ ռազմավարության միայն մեկ հարցի հետ համաձայն չէ. Փաշինյան
Մանասերյան. «ՀՀ–ն շատ ցուցանիշներով ամենաշատն է օգտվել ԵԱՏՄ ընձեռած հնարավորություններից»
 Стоп-кадр прямого эфира брифинга с участием премьер-министра Никола Пашиняна (30 мая 2020). Еревaн

Ինչպես է վարչապետ Փաշինյանի ինքնազգացողությունը. խոսնակը տեղեկություններ է հաղորդել

4
Նիկոլ Փաշինյանը շարունակում է կատարել իր աշխատանքային պարտականությունները՝ հեռավար մասնակցելով խորհրդակցություններին, քննարկումներին։

ԵՐԵՎԱՆ, 1 հունիսի- Sputnik. Կորոնավիրուսով վարակված ՀՀ վարչապետ Նիկոլ Փաշինյան ինքնազգացողությունը լավ է։ Վարչապետի մամուլի խոսնակ Մանե Գևորգյանը  Facebook-ի իր էջում տեղեկություններ է հաղորդել ոչ միայն վարչապետի առողջական վիճակի մասին, նաև նշել է, որ կառավարության անդամների և վարչապետի աշխատակազմի համատարած թեստավորում անցկացնել չի նախատեսվում։

«Անհրաժեշտության դեպքում թեստավորում կիրականացվի բժշկական ցուցումով։ Վարչապետի հետ շփում ունեցած կառավարության անդամները պահպանել են սահմանված կանոնները՝ դիմակների կրում, սոցիալական հեռավորություն, ախտահանիչ նյութերի օգտագործում և այլն»,- գրել է Գևորգյանը։

Նա նաև տեղեկացրել է, որ Նիկոլ Փաշինյանը շարունակում է կատարել իր աշխատանքային պարտականությունները՝ հեռավար մասնակցելով խորհրդակցություններին, քննարկումներին։

Ինչպես արդեն տեղեկացրել ենք, վարչապետ Նիկոլ Փաշինյանն իր ծննդյան օրը նշում է տանը՝ ընտանիքի հետ մեկուսացած։ Վաղ առավոտյան Facebook-ի իր ուղիղ եթերի ընթացքում նա հայտնեց, որ իր և ընտանիքի անդամների մոտ կորոնավիրուս է հաստատվել։  Նրա խոսքով` որևէ ախտանիշ չեն ունեցել, ամեն օր աշխատանքի մեկնելուց առաջ ջերմաչափվել է, ջերմություն չի ունեցել։

Հիշեցնենք, որ Հայաստանում կորոնավիրուսով վարակվածների թիվը վերջին մեկ օրում ավելացել է 210–ով և դարձել 9492–ի։

4
թեգերը:
Մանե Գևորգյան (ՀՀ վարչապետի մամուլի խոսնակ), ծնունդ, կորոնավիրուս, Նիկոլ Փաշինյան
Աննա Հակոբյան

Աննա Հակոբյանն արյունաբանական կենտրոն չի այցելել և չի վտանգել երեխաների առողջությունը

20
(Թարմացված է 12:18 01.06.2020)
Այսօր արյունաբանական կենտրոնի բակում պետք է տեղի ունենար հունիսի 1-ին նվիրված համերգ, սակայն Հակոբյանը դրան չի մասնակցի` կորոնավիրուսով վարակված լինելու պատճառով։

ԵՐԵՎԱՆ, 1 հունիսի – Sputnik. Վարչապետ Նիկոլ Փաշինյանի տիկին Աննա Հակոբյանը համավարակի սկզբից խիստ սահմանափակել է շփումները և հունվարի սկզբից չի այցելել Առողջապահության նախարարության  Յոլյանի անվան արյունաբանական կենտրոն, որտեղ գտնվում է «Ժպիտների քաղաք» բարեգործական հիմնադրամի գրասենյակը։ Տեղեկությունը Sputnik Արմենիայի հետ զրույցում հայտնեց Հակոբյանի խոսնակ Հասմիկ Հարությունյանը։

Նշենք, որ այսօր պետք է տեղի ունենար հունիսի 1-ին նվիրված համերգ արյունաբանական կենտրոնի բակում, որին պետք է մասնակցեր նաև «Ժպիտների քաղաք» բարեգործական հիմնադրամի հոգաբարձուների խորհրդի նախագահ Հակոբյանը։

«Տիկին Հակոբյանը չի մասնակցի միջոցառմանը։ Ավելին, հունվարից սկսած նա չի եղել արյունաբանական կենտրոնում և երեխաներին առողջությունը չի վտանգել», - նշեց նա։ 

Հարությունյանը նաև նշեց, որ համավարակի սկզբից նա խիստ սահմանափակել է շփումները, ընդհուպ մինչև հարազատների ու բարեկամների հետ հանդիպումները։ Երկու դեպքում, երբ նա այցելել է Արմավիրի Տանձուտ համայնքի դպրոց և Երևանի կենդանաբանական այգի է տարել փոքր դստերը` Արփիին, եղել է դիմակով և ձեռնոցով, ունեցել է ալկոգել։

Հայաստանում վերջին մեկ օրում կորոնավիրուսից 8 մարդ է մահացել. մանրամասներ

Նշենք, որ այսօր` հունիսի 1–ի, Նիկոլ Փաշինյանը նշում է իր ծննդյան 45–ամյակը։ ՀՀ վարչապետ Նիկոլ Փաշինյանն ու նրա ընտանիքի անդամները վարակվել են կորոնավիրուսով։ Առաջնագիծ մեկնելուց առաջ մայիսի 31–ին Փաշինյանը որոշել է թեստ հանձնել, և թեստի պատասխանը դրական է եկել։ Նա շարունակելու է աշխատել, բայց  վարչապետի կեցավայրից, որտեղ ապահովված են բոլոր անհրաժեշտ պայմանները։

20
թեգերը:
երեխա, թեստ, կորոնավիրուս, Աննա Հակոբյան
թեմա:
Կորոնավիրուսը Հայաստանում և Արցախում
Ըստ թեմայի
Կորոնավիրուսից մահացել է Սարհատ Պետրոսյանի մայրը՝ Ռուբինա Ղազարյանցը
Հայաստանում կորոնավիրուսով վարակվածների թիվը մեկ օրում ավելացել է 210-ով և հասել 9492–ի
Կորոնավիրուսով հիվանդների թիվն Արցախում ավելանում է. 3 նոր դեպք է գրանցվել