Արթուր Գևորգյան

Եթե չդադարեցվի հետապնդումը, կհրաժարվեմ իմ աշխատանքից. Արթուր Գևորգյանը դեռ սպասում է

286
(Թարմացված է 21:30 21.05.2020)
Հայաստանի բռնցքամարտի ֆեդերացիայի նախագահի խոսքով` իր հաշիվներին դրված կալանքի պատճառով մարզիչներն ու մարզիկները զրկվել են աջակցությունից։

ԵՐԵՎԱՆ, 21 մայիսի – Sputnik. ԱԺ նախկին պատգամավոր, Հայաստանի բռնցքամարտի ֆեդերացիայի նախագահ Արթուր Գևորգյանը (նախկին ոստիկանապետ Վլադիմիր Գասպարյանի փեսան) հայտարարել է, որ եթե մոտակա օրերին չդադարեցվեն իր հանդեպ քաղաքական հետապնդումները, ապա աննպատակ կհամարի շարունակել ֆեդերացիայի հետագա կառավարումը: Գևորգյանը գրառում է արել Facebook սոցցանցի իր էջում` անդրադառնալով իր դեմ հարուցված քրգործին։

Ավելի վաղ դատախազությունը հայտնել էր, որ Արթուր Գևորգյանին քրգործով որպես մեղադրյալ ներգրավելու որոշում է կայացվել` հայտարարագրման ենթակա գույքը թաքցնելու և ապօրինի հարստանալու համար։ Նրա հանդեպ հետախուզում է հայտարարվել, իսկ խափանման միջոց է ընտրվել կալանավորումը։

«Իմ նկատմամբ ապօրինաբար կատարվող քրեական հետապնդման հետևանքով արգելափակված են իմ անձնական բոլոր հաշիվները, կալանքի տակ են ինձ պատկանող գույքերը, իսկ ֆեդերացիայի հետ համագործակցող ընկերությունները, վախվորած մի կողմ քաշվելով, դադարեցնում են համագործակցությունը: Արդյունքում տասնյակ մարզիչներ և մարզիկներ, տարիներ շարունակ մշտապես գտնվելով իմ բարոյական և ֆինանսական աջակցության ներքո, այսօր կանգնած են բարդ խնդրի առաջ»,–գրել է Գևորգյանը։

Նա հայտնել է, որ պետությունից ֆեդերացիային տրվող դոտացիան՝ տարեկան 110 միլիոն դրամի չափով, իրավունք են ունեցել ծախսելու բացառապես համապետական, միջազգային, պաշտոնական մրցաշարերի կազմակերպման և մասնակցության նպատակով: Երբևէ այդ գումարից չեն պարգևատրվել մարզիչները, մարզիկները և ֆեդերացիայի աշխատակիցները: Գևորգյանի խոսքով` դրանք միշտ կատարվել են հովանավորների և հիմնականում իր անձնական միջոցների շնորհիվ:

Նա նշել է, որ 2019–ի ընթացքում միջազգային մրցաշարերում խոշոր արդյունքներ գրանցած մարզիկներին և նրանց մարզիչներին իր կողմից խոստացված պարգևատրումները ցանկացած պարագայում մնալու են ուժի մեջ և կկատարվեն իր` Հայաստան վերադառնալուն պես: Գևորգյանը խոստացել է մոտ ապագայում ներկայացնել վերջին 7 տարիներին`իր կառավարման շրջանում բռնցքամարտում գրանցված ձեռքբերումները։

Հիշեցնենք, որ դատախազության հաղորդագրության համաձայն` 5-րդ և 6-րդ գումարման ԱԺ պատգամավոր Ա. Գ.-ն, 2012-2019թթ. ընթացքում «Հանրային ծառայության մասին» ՀՀ օրենքով սահմանված կարգով հանդիսանալով հայտարարատու պաշտոնատար անձ, ՀՀ բարձրաստիճան պաշտոնատար անձանց էթիկայի հանձնաժողով ներկայացրած իր 2017 և 2018 թթ. գույքի, եկամուտների և փոխկապակցված անձանց հայտարարագրերում թաքցրել է ԱՄՆ-ում իրեն պատկանող առանձնապես խոշոր չափերով երեք անշարժ գույքի տվյալները։

Էլեկտրաշոկով հարվածել է ու սպառնացել․ ՔԿ-ն Ռուբեն Հայրապետյանին մեղադրանք է առաջադրել

Մասնավորապես, նա թաքցրել է 2011թ. ապրիլի 6-ին 490.000 ԱՄՆ դոլարով ձեռք բերած` Լոս Անջելեսի Վուդլենդ Հիլսում, 2015թ. օգոստոսի 10-ին 520.000 ԱՄՆ դոլարով ձեռք բերած՝ Գլենդեյլի Քեմփբլ փողոցում, 2016թ. հունիսի 2-ին ձեռք բերած` Վելլի Վիլիջ թաղամասի Ուիթսեթ ավենյուում գտնվող շենքերի բնակարանների, ինչպես նաև մի ընկերությունում 100 տոկոս բաժնեմաս ունենալու վերաբերյալ հայտարարագրման ենթակա տվյալները:

Հրապարակման հիման վրա նախապատրաստված նյութերով ՀՀ Հատուկ քննչական ծառայությունում ՀՀ քրեական օրենսգրքի 314.3-րդ հոդվածի 2-րդ մասով (պաշտոնեական կեղծիքը) և 310-րդ հոդվածի 1-ին մասով (ձեռնարկատիրական գործունեությանն ապօրինի մասնակցելը) հարուցվել է քրեական գործ, ընդունվել վարույթ:

Վլադիմիր Գասպարյանը 900 մլն դրամ պետք է վճարի իր տան նախկին սեփականատիրոջը

286
թեգերը:
Քրեական գործ, Պատգամավոր, Հայաստան
Ըստ թեմայի
Ինչո՞ւ Փաշինյանը համարժեք չարձագանքեց Մինասյանին․ փորձագետը՝ ուժերի դասավորվածության մասին
Հաջորդ քայլը կլինի Ռուբեն Հայրապետյանի նկատմամբ հետախուզում հայտարարելը. փաստաբան
Մեկ քրեական գործ և դատական երկու հայց. ԱԺ փոխնախագահն իր ընդդիմախոսներից պատիվ է պահանջում
Կադրային փոփոխություններ ԱԱԾ-ում․ ինչ է ուզում Փաշինյանը, և ինչ կապ ունի դրա հետ Վանեցյանը
Արխիվային լուսանկար

Նախընտրական կարգախոսների մեսիջները. ինչի՞ վրա են շեշտը դնում քաղաքական ուժերը

16
(Թարմացված է 23:02 16.06.2021)
Sputnik Արմենիան փորձագետի հետ վերլուծել է նախընտրական մրցապայքարի առաջնորդների կարգախոսներն ու քարոզարշավը։

ԵՐԵՎԱՆ, 16 հունիսի – Sputnik. Հայաստանի քաղաքական ուժերն արդեն մեկ շաբաթից ավելի է` զբաղված են նախընտրական քարոզարշավով։ Ոմանք արդեն օգտագործել են ամենաուժեղ հաղթաթղթերը` իրենց վրա սևեռելով ընտրազանգվածի ուշադրությունը, մյուսները կենտրոնացել են բացառապես «բակային քարոզի» վրա և չեն խառնվում աշխարհի մեծերի «փոխհրաձգությանը»։

Բացարձակապես բոլոր կուսակցություններն ու դաշինքները ժամանակ և ուժ չեն խնայել` հորինելու քարոզչական հետաքրքիր «հնարքներ» և կարգախոսներ։ Թեև ոչ բոլորի մոտ է դա լավ ստացվել։

Sputnik Արմենիան PR ոլորտի փորձագետ Աստղիկ Ավետիսյանի հետ փորձել է վերլուծել վեց առաջնորդների կարգախոսներն ու վարած քարոզարշավը։

«Հետպատերազմական շրջանում տրամադրության անկում և որոշակի ապատիա է նկատվում։ Նման իրավիճակում դժվար է հասարակությանը կարգախոսներով գործողության մղել։ Չէ՞ որ կարգախոսի նպատակը այնպիսի ուղերձ հղելն է, որը կհիշվի և գործողության կմղի», – նշեց փորձագետը։

Սակայն, անկախ արտահերթ ընտրություններին մասնակցող քաղաքական ուժերի մեծ թվաքանակից, դրանց մեծամասնությունը հիմնականում նմանատիպ անուններ և կարգախոսներ են կիրառում։ Դա դժվարացնում է ընտրությունը հատկապես նրանց համար, ովքեր դեռ չեն կողմնորոշվել։

Տիգրան Արզաքանցյանը դատարանում կվիճարկի ԿԸՀ-ի որոշումը

Բացի այդ, կարգախոսը պետք է դրական ուղերձ ունենա, ոգեշնչի և խթանի, սակայն քաղաքական ուժերի հիմնական մասի կարգախոսները փրփուրներից կախվելու տպավորություն են թողնում։

«Քաղաքացիական պայմանագիր» կուսակցություն` «Ապագա Կա՛ Ապագա»

Բուն «ապագա» բառը դրական նշանակություն ունի, իսկ նրա կրկնակի կիրառումն ամրապնդում է ազդեցությունը։ Սակայն տվյալ դեպքում խնդրահարույց է այն, որ այս կարգախոսը վերցրել է մի կուսակցություն, որն ասոցացվում է պատերազմում պարտություն կրելու, պետական կառավարման և տնտեսության մեջ ձախողելու հետ։ Հաշվի առնելով երեք տարվա կառավարումը և բոլոր այդ գործոնները, ապագայի հետ սեփական կուսակցությունը նույնականացնելն ընտրողների հետ շփման խոչընդոտներ է ստեղծում։ Այս համատեքստում կարգախոսը կարելի է դիտարկել որպես խորամանկ հնարք, որը թույլ է տալիս չխոսել այսօրվա մասին, գնահատականներ չտալ անցյալում մնացած աշխատանքին, բայց խոստանալ ապագա։

Միևնույն ժամանակ, կուսակցությունը կրկին շեշտը դնում է իր առաջնորդ Նիկոլ Փաշինյանի վրա, որը միայնակ է վարում ողջ նախընտրական քարոզարշավը։ Ինչպես և հեղափոխության ժամանակ, նա իրեն ներկայացնում է որպես ժողովրդի ծոցից դուրս եկած մարդ, շարունակում մնալ ընդդիմադիրի կերպարում, քննադատել նախորդներին։ Սակայն այս անգամ ագրեսիայի չափաբաժինն էապես ավելացել է, իսկ բառապաշարը` կոշտացել։

Նման հռետորաբանությունը կարող է գրավել հասարակության որոշ հատվածի ուշադրությունը` հիմնականում այն մարդկանց, որոնք վերլուծությամբ իրենց ուղեղը չեն ծանրաբեռնում։ Միևնույն ժամանակ, Փաշինյանը նախապատվությունը տալիս է խառը լսարանին և զանգվածային ելույթներին, ինչը պակաս արդյունավետ է սեփական ուղերձը տեղ հասցնելու տեսանկյունից։

«Հայաստան» դաշինք` «Դեպի ուժեղ Հայաստան»

Կարճ և հիշվող կարգախոս։ Նույնականացվում է դաշինքի առաջնորդի կերպարի, նրա վարքագծի և բառապաշարի հետ։ Քաղաքական ուժի կարգախոսի ուղերձն ու իմիջը լիովին համահունչ են։ Բացի այդ, այն լրացնում է սլաքի տեսքով դաշինքի խորհրդանիշը, որը ցույց է տալիս շարժում կամ ուղղություն, կամ ուժի մասին խոսող «մեծ»–ի նշան։ Քարոզարշավում բոլոր տարրերը լրացնում են միմյանց և ընտրողին փոխանցում սեփական ուղերձը։

Անկախ նրանից, որ քարոզարշավը տանում են դաշինքի բոլոր առաջնորդները, հիմնական շեշտը դրվում է ՀՀ երկրորդ նախագահ Ռոբերտ Քոչարյանի վրա, որն ասոցացվում է որոշումներ կայացնող և առողջ ապրելակերպ վարող կայուն, ուժեղ մարդու կերպարի հետ։

Նա վճռական և ուժեղ մարդու հեղինակություն ունի, ինչն արդիական է անվտանգության խնդիրների ֆոնին։ Ավելին, նա զսպվածություն է ցուցադրում, նրա հռետորաբանության մեջ «ներվ» չկա, սակայն հաճախ կատակում է և դրանցով պատասխանում իրեն «փողոցային բանավեճերի» մեջ ներքաշելու փորձերին։ Այս ամենը գրավում է ընդդիմադիր տրամադրվածություն ունեցող ընտրազանգվածին։

Դաշինքը գրագետ է աշխատում նաև թիրախային լսարանի հետ, առանձին հանդիպումներ կազմակերպում տարբեր պրոֆեսիոնալ խմբերի հետ և նրանց հասանելի լեզվով զրույցներ վարում։

«Պատիվ ունեմ»` «Ուղղի՛ր մեջքդ: Կպնե՛նք գործին: Որ ապրե՛նք»

Բավական երկար և դժվար հիշվող կարգախոս։ Այնքան էլ հասկանալի չէ, թե կոնկրետ ինչ նկատի ունի քաղաքական ուժը, որն է նրա հիմնական ուղերձը, բայց արդեն նախընտրական քարոզարշավը լրացնող տեսահոլովակներում բացահայտվում են հասցեատերն ու ուղերձի նպատակը։ Կարգախոսում խոսակցական բառ է օգտագործվում (կպնենք), ինչն այնքան էլ բնորոշ չէ քաղաքական այդ ուժին, և դա դիսոնանս է առաջացնում։ Բացի այդ, այստեղ կուսակցության առաջնորդների հետ նույնականացում չկա, ինչը ևս այնքան էլ լավ չի անդրադառնում ընդհանուր արդյունքի վրա։

Սա միակ ուժն է, որի ցուցակը գլխավորում է մի մարդ, իսկ քարոզարշավը տանում մեկ ուրիշը։ ՀՀ երրորդ նախագահ Սերժ Սարգսյանի որոշումն ուժեղացնում է քաղաքական ուժի դիրքերը, քանի որ նրա համախոհների թիվը խիստ գերազանցում է վարչապետի թեկնածու Արթուր Վանեցյանի համախոհների թիվը։ Վերջինիս վարկանիշն էապես իջել է ԱԱԾ տնօրենի` պաշտոնից հեռանալուց հետո։

Ի դեպ, Սերժ Սարգսյանը նոր կերպարով է ներկայացված։ Նա ավելի էմոցիոնալ է, կիրառում իրեն ոչ բնորոշ բառապաշար, որն ավելի մոտ է փաշինյանական հռետորաբանությանը։ Նա հարմարվում է ընտրազանգվածին, սակայն ոչ միանշանակ է ընկալվում լուռ զինվորականի իմիջով Սարգսյանի ավելի զուսպ «տարբերակի» համախոհների կողմից։

Հայ ազգային կոնգրես` «Լրջանալու պահը»

Կարգախոսն ահազանգում է սպառնալիքի և նրա մասշտաբների մասին ու փոխանցում իրավիճակի ողջ լրջությունը, սակայն գործողության չի մղում և քաղաքական ուժի հետ ասոցիացիա չի ստեղծում, հետևաբար քիչ արդյունավետ է։

Սակայն քաղաքական ուժի առաջնորդ, ՀՀ առաջին նախագահ Լևոն Տեր–Պետրոսյանի հետ այն միանգամից է ասոցացվում, քանի որ արտացոլում է երկրում ստեղծված իրավիճակի վերաբերյալ նրա կարծիքը, իսկ բուն արտահայտությունը բազմիցս հանդիպել է քաղաքական գործչի հոդվածներում և վերլուծություններում։

 Բնականաբար, քարոզարշավն իրականացնում է ինքը` Լևոն Տեր–Պետրոսյանը, թեև մեդիահարթակներում հայտնվում են նաև նրա կուսակիցները։ Առաջին նախագահը շարունակում է մնալ իմաստուն առաջնորդի իր դերում։ Նա իր հավատարիմ հետևորդներն ու համախոհներն ունի, որոնք նրան կարծիքների առաջնորդ են համարում։ Նա, ինչպես միշտ, մի փոքր գոռոզ է, քննադատում է երկու հակամարտող կողմերին, սակայն այս անգամ նա ավելի անկեղծ է, իրեն որոշակի անկեղծություններ է թույլ տալիս, որոշակի «խաղաքարտեր» բացում, որոնց մասին նախկինում չէր խոսի։ Բացի այդ, նա ասոցացվում է հաղթանակի հետ (Արցախում), և դա օգտագործվում է նախընտրական քարոզարշավի ժամանակ։

«Լուսավոր Հայաստան»` «Կա՛ այլընտրանք, քվեարկի՛ր»

Արդյունավետ կարգախոս է հատկապես չկողմնորոշված քաղաքացիների վրա ազդելու համար։ Կուսակցությունն արագ կողմնորոշվեց լարվածությունը հաշվի առնելով, ու շեշտը դրեց համերաշխության վրա, ինչը կգնահատեն երկրում լարված իրավիճակից հոգնած ու կայունություն տենչող ընտրողները։ Կուսակցությունը ոչ միայն իրեն դուրս է բերում հիմնական առաջնորդների հետ հակամարտությունից, այլև ստեղծում երրորդ` իր համար շահավետ ուղի։

Կուսակցությունն ապակենտրոնացած նախընտրական քարոզարշավ է իրականացնում։ Մեդիա տիրույթում ներկայացնում է բազմաթիվ անձանց, քարոզը տարվում է միանգամից մի քանի ուղղություններով և փոքր խմբերով, ինչն արդյունավետ կերպով նրանց ուղերձը կհասցնի հասցեատիրոջը։ Բացի այդ, կուսակցությունն ուշադրություն է հրավիրում իր առաջնորդ Էդմոն Մարուքյանի վրա, որը բոլոր թեկնածուներից տարբերվում է իր զսպվածությամբ և դասական քաղաքական գործչի կերպարով։

Սա միակ կուսակցությունն է, որն ունի իր գույնը` մանուշակագույն։ Այն ընտրությունների համար որևէ նոր բան չի հորինում, այլ օգտագործում է իր բոլոր լծակներն ու ռեսուրսները` փոխելու ինչ–որ բան. թեկուզ փոքր քայլերով։ Այնուամենայնիվ, քաղաքական ուժը փորձում է կրեատիվ լինել։ Դրա առաջնորդը նախքան քարոզարշավի մեկնարկը սկսեց հարցազրույցներ անցկացնել, իսկ նախընտրական քարոզարշավի ամենաթեժ պահին մի տեսահոլովակ հայտնվեց, որը գրագողության կասկած առաջացրեց։

«Բարգավաճ Հայաստան»` «Անվտանգ հայրենիք, հզոր պետություն»

Կուսակցության կարգախոսը շատ երկար է և կուսակցության կամ նրա առաջնորդ Գագիկ Ծառուկյանի հետ ասոցիացիա չի ստեղծում։ Այն դժվար է հիշել և չի կարող խթանել, որ քվեարկեն հենց այդ կուսակցության օգտին։

Այս անգամ ԲՀԿ–ն որոշել է հետևել միտումներին և խաղարկել անվտանգության հարցը, սակայն դա հակառակ ազդեցությունն ունի։ Կուսակցության նախորդ կարգախոսն («Մեր խոսքը գործ է») ավելի արդյունավետ էր և լրացնում էր Գագիկ Ծառուկյանի կերպարը` որպես իր խոսքի տեր մարդ։

Նախընտրական քարոզարշավը բավական կայուն է անցնում, անցնցում և առանձնացվող պահերով։ Հիմնական շեշտը դրված է Ծառուկյանի ելույթների վրա, որոնք անդրադառնում են անվտանգության, տնտեսական և սոցիալական զարգացումների թեմաներին։ Նախապատվություն է տրվում զանգվածային միջոցառումներին, որտեղ ավելի շատ են հույզերը, սակայն ավելի քիչ` հասցեատիրոջը մեսիջը հասցնելու արդյունավետությունը։

Հատկանշական է, որ երկրի պատմության մեջ առաջին անգամ նախընտրական քարոզարշավին մասնակցում են ՀՀ բոլոր երեք նախագահները, թեև նրանցից մեկը` Սերժ Սարգսյանը, ընտրություններին չի մասնակցում։ Ընտրություններին նաև ռեկորդային թվով քաղաքական ուժ է մասնակցում` 21 կուսակցություն և 4 դաշինք։ Տարբեր գնահատականներով` ընտրազանգվածի շուրջ 40-45 տոկոսը դեռ չի կողմնորոշվել, թե ում է տալու իր ձայնը, ինչը նախընտրական քարոզարշավի արդյունքն ավելի անկանխատեսելի է դարձնում։

«Ուշքի եկեք, հայրենիք ենք կորցնում». Սպիվակովան խոսել է Հայաստանի ճակատագրի մասին

16
թեգերը:
«Պատիվ ունեմ» դաշինք, «Հայաստան» դաշինք, կարգախոս, Ընտրություններ, քարոզարշավ
Ըստ թեմայի
Նիկոլ Փաշինյանը հայտնեց` ինչ կարգախոսով է «Իմ քայլը» մասնակցելու ընտրություններին
«Հանրապետության» համար քարոզարշավը լավ է ընթանում. կուսակցությունը նորամուծություն է արել
«5165»-ը քարոզարշավը սկսեց Աղձքից`արքաների դամբարանի մոտից և ներկայացրեց իրենց նպատակը
Արման Թաթոյան

Թաթոյանը Էրդողանի կնոջ ու Ալիևի խոսակցության տեսանյութը կուղարկի միջազգային կառույցներ

333
(Թարմացված է 22:55 16.06.2021)
Էրդողանի կինը հարցնում է Իլհամ Ալիևին՝ ունե՞ն արդյոք գերիներ։ Ադրբեջանի նախագահն էլ պատասխանում է նրան։

ԵՐԵՎԱՆ, 16 հունիսի - Sputnik. Մարդու իրավունքների պաշտպան Արման Թաթոյանը Faecbook-ի իր էջում հրապարակել է այն տեսանյութը, որում զրուցում են Ադրբեջանի ղեկավար Իլհամ Ալիևը, Թուրքիայի նախագահ Ռեջեփ Թայիփ Էրդողանը և նրա կինը՝ Էմինե Էրդողանը։

Տեսանյութում Էրդողանի կինը հարցնում է Իլհամ Ալիևին՝ ունե՞ն արդյոք գերիներ, ինչին վերջինս պատասխանում է՝ այո, քիչ–քիչ փոխանակելու ենք ականների քարտեզների հետ։

«Անհերքելի ապացույց այն մասին, որ ադրբեջանական իշխանությունները հայկական կողմի բոլոր գերիներին ապօրինաբար պահում են պատանդի վիճակում` քաղաքական սակարկությունների համար, իրականացնում են մարդկանց առևտուր` կատարելով հանցանք, միջազգային հանրությանը շարունակաբար մոլորեցնում են` պնդելով, թե իբր գերիները ահաբեկիչ կամ դիվերսանտ են, գերիների նկատմամբ կազմակերպում են կեղծ քրեական դատավարություններ», - գրել է Թաթոյանը։

Նոյեմբերի 9-ից հետո պարբերաբար Ադրբեջանին որոշակի թվով քարտեզներ ենք տվել. Նիկոլ Փաշինյան

Նա նշել է, որ Թուրքիայի և Ադրբեջանի նախագահների այս քննարկումն այն մասին է, որ հայկական կողմի գերիներն Ադրբեջանում ապօրինաբար պահվում են` ինչ-որ ականապատ քարտեզների դիմաց մաս-մաս փոխանակելու համար: ՀՀ մարդու իրավունքների պաշտպանի աշխատակազմը տեսանյութը թարգմանել է ռուսերեն և անգլերեն ու վերլուծության ենթարկել: Նշվում է, որ այն ՀՀ մարդու իրավունքների պաշտպանի պաշտոնական նամակով կուղարկվի ՄԱԿ-ի մասնագիտացված մարմիններին, ԵԱՀԿ, ԵԽ և այլ միջազգային կառույցներին:

Հիշեցնենք՝ հունիսի 12-ին ադրբեջանական կողմը 15 հայ զինվորականի վերադարձրեց Աղդամի ականապատ դաշտերի քարտեզի դիմաց։

Աղդամը շատ շուտով կռազմականացվի․ Շահնազարյանը՝ ականապատ տարածքների քարտեզների մասին

Հավելենք` ղարաբաղյան հակամարտության գոտում հրադադարի հաստատումից հետո Ադրբեջանում պահվող գերիների և պատանդների վերադարձի հարցը վերջնականապես չի լուծվում։ Ադրբեջանը չի շտապում վերադարձնել բոլոր գերիներին։ Ավելին` 26 հայ ռազմագերիների ներկայացրել է որպես դիվերսանտներ և համապատասխան մեղադրանք առաջադրել։ Ըստ իրավապաշտպանների` Ադրբեջանում դեռ ավելի քան 200 հայ գերի կա։

Նոյեմբերին հնարավոր է եղել բոլոր գերիներին վերադարձնել` Փաշինյանը չի համաձայնել. Ավագյան

333
թեգերը:
Արման Թաթոյան, Իլհամ Ալիև, գերի, Թուրքիա, Ադրբեջան
Ըստ թեմայի
Գերիներին վերադարձնելու պայմանավորվածության հարցում վճռորոշ դեր է ունեցել Մուրադովը
Բաքուն 15 գերիներին Երևանին է փոխանցել Վրաստանի վարչապետ Ղարիբաշվիլիի ակտիվ մասնակցությամբ
Վստահության այս միջոցները կօգնեն բանակցություններին․ ԵԱՀԿ-ն՝ 15 գերիների վերադարձի մասին