Զորավարժություն

«Սմերչերը» կրակել են. «Բաղրամյանում» թիրախները խոցվել են առանց շեղումների

357
(Թարմացված է 20:19 21.05.2020)
Համապատասխան հրամանը ստանալուց հետո հրետանավորներն անցել են մարտական կրակի կատարմանը։

ԵՐԵՎԱՆ, 21 մայիսի – Sputnik. «Բաղրամյան» զորավարժարանում մարտավարական զորավարժության հերթական փուլն է անցկացվել։ ՀՀ պաշտպանության նախարարության մամուլի ծառայությունը հայտնում է, որ զորավարժությանը ներգրավվել են օպերատիվ մարտավարական հրթիռների արձակման կայանքներն ու «Սմերչ» համազարկային կրակի ռեակտիվ համակարգերը։

«Անձնակազմը բացազատել է կրակային միջոցները, բերել մարտական դիրքի և վիճակի: Համապատասխան հրամանը ստանալուց հետո հրետանավորներն անցել են մարտական կրակի կատարմանը։ Կրակային հարվածներն իրականացվել են լրիվ ծավալով։ Թիրախները խոցվել են առանց շեղումների, բարձր արդյունավետությամբ»,– նշված է հաղորդագրության մեջ։

Ըստ ՊՆ–ի` զորավարժության նախնական արդյունքները դրական են։ Զինծառայողները գործել են ներդաշնակ և օպերատիվ, գերազանց կատարել առաջադրված մարտական խնդիրները։

  • Լայնածավալ մարտավարական զորավարժություն «Բաղրամյան» զորավարժարանում
    Լայնածավալ մարտավարական զորավարժություն «Բաղրամյան» զորավարժարանում
  • Լայնածավալ մարտավարական զորավարժություն «Բաղրամյան» զորավարժարանում
    Լայնածավալ մարտավարական զորավարժություն «Բաղրամյան» զորավարժարանում
  • Լայնածավալ մարտավարական զորավարժություն «Բաղրամյան» զորավարժարանում
    Լայնածավալ մարտավարական զորավարժություն «Բաղրամյան» զորավարժարանում
  • Լայնածավալ մարտավարական զորավարժություն «Բաղրամյան» զորավարժարանում
    Լայնածավալ մարտավարական զորավարժություն «Բաղրամյան» զորավարժարանում
1 / 4
Լայնածավալ մարտավարական զորավարժություն «Բաղրամյան» զորավարժարանում

Զորավարժության նպատակն էր ստորաբաժանումը մարտական պատրաստականության բարձր աստիճանի բերելիս հրամանատարների, շտաբերի և ընդհանուր անձնակազմի կարողությունների ստուգումը, զինծառայողների գործնական հմտությունների և դաշտային վարժվածության կատարելագործումը:

Հիշեցնենք` զորավարժությունը մեկնարկել էր մայիսի 19-ին։

Վարդանյան. «Բարձր տեխնոլոգիական զենք արտադրելու համար բանակի կառուցվածքը պետք է փոխել»

357
թեգերը:
Զորավարժություններ, սմերչ, Հայաստան
Ըստ թեմայի
Ադրբեջանն իր զորավարժությունների մասին նախապես չի հայտարարել. Բալայան
Նաղդալյանը պատասխանել է Ադրբեջանի ռազմատենչ հայտարարությանը
«Ես իմ սեփական աչքերով տեսել եմ մի բան...»․ Փաշինյանն ակնարկեց նոր զենքի մասին
Հայաստանը զենքի բում է ապրում․ SIPRI–ի զեկույցն ու կորոնավիրուսի մարտահրավերները
Արթուր Վանեցյան

Արթուր Վանեցյանն ու նրա ծնողները դիմել են դատարան

24
(Թարմացված է 15:46 06.07.2020)
Վանեցյանները դատարանից պահանջում են լրատվամիջոցին պարտավորեցնել հրապարակել հերքման տեքստը և փոխհատուցել իրենց պատվին և արժանապատվությանը պատճառված վնասը:

ԵՐԵՎԱՆ, 6 հուլիսի — Sputnik. ՀՀ ԱԱԾ նախկին տնօրեն, «Հայրենիք» կուսակցության նախագահ Արթուր Վանեցյանն ու նրա ծնողները՝ Գագիկ Վանեցյանն ու Մարգարիտ Ազարյանը, դիմել են դատարան՝ ընդդեմ «Սկիզբ Մեդիա Կենտրոն» ՍՊԸ-ի: Տեղեկատվությունը հրապարկվել է Դատական տեղեկատվական Datalex.am համակարգում:

Դատական գործը մակագրվել է Երևան քաղաքի ընդհանուր իրավասության դատարանի դատավոր Նաիրա Հովսեփյանին:

Դատական հայցի համաձայն`հայցվոր կողմը վիճարկում է «Սկիզբ Մեդիա Կենտրոն» ՍՊԸ-ին պատկանող 1in.am կայքում հրապարակված տեղեկությունների իսկությունը՝ դրանք որակելով որպես «զրպարտություն» և հրապարակային հերքում պահանջելով:

Վանեցյանները դատարանից պահանջում են լրատվամիջոցին պարտավորեցնել հրապարակել հերքման տեքստը և փոխհատուցել  իրենց պատվին և արժանապատվությանը պատճառված վնասը:

ՀՅԴ ներկայացուցիչը հանդիպել է Վանեցյանի ու Ծառուկյանի հետ

Նշենք, որ Վանեցյանները դատարան են դիմել 2020թ. հունիսի 04-ին: Հայցադիմումը Երևան քաղաքի ընդհանուր իրավասության դատարանի դատավոր Ն.Հովսեփյանին է հանձնվել 2020թ. հունիսի 05-ին և ընդունվել է վարույթ:

Դատական նիստի օրն այս պահին դեռ նշանակված չէ:

24
թեգերը:
ԶԼՄ, դատ, Դատարան, ծնող, Արթուր Վանեցյան
Ըստ թեմայի
Դատարանն ընդունել է Վանեցյանի հայցադիմումն ընդդեմ Փաշինյանի և նրա մամուլի խոսնակի
Ծառուկյանն ու Վանեցյանը մի քանի անգամ հանդիպել են նույն այգում. ԱԺ փոխխոսնակ
Դատարանի բակում լարված իրավիճակ է. Վանեցյանը եկել է աջակցելու Ծառուկյանին
Эвакуация из ТЦ Dalma Garden Mall в связи с информацией о заложенной внутри здания бомбе (6 июля 2020). Еревaн

«Դալմա Գարդեն մոլից» մարդկանց տարհանում են. ԱԻՆ-ը ռումբի մասին ահազանգ ունի

143
(Թարմացված է 15:42 06.07.2020)
Երևանյան երկու առևտրի կենտրոնների մասին ԱԻՆ-ն այսօր ռումբերի տեղադրման ահազանգեր է ստացել:

ԵՐԵՎԱՆ, 6 հուլիսի – Sputnik. Հուլիսի 6-ին ԱԻՆ Ճգնաժամային կառավարման ազգային կենտրոն տեղեկություն է ստացվել, որ Երևանի «Դալմա գարդեն մոլ» առևտրի կենտրոնում ռումբ է տեղադրված: Տեղեկությունը Sputnik Արմենիային հայտնեցին ԱԻՆ լրատվական ծառայությունից:

Այս պահին առևտրի կենտրոնից քաղաքացիներին տարհանում են: Տեղում աշխատում են փրկարարները, ոստիկաններն ու շտապ օգնության ծառայությունը:

Նշենք, որ այս պահին տարհանման աշխատանքներ են իրականացվում նաև Երևանի Նոր Նորք համայնքում գտնվող «Մեգամոլ Արմենիա» առևտրի կենտրոնում:

Ըստ ԱԻՆ պաշտոնական կայքի, ինտերնետային հարթակում հաղորդագրություն է տարածվել, որ Երևանի առևտրի կենտրոնի 1-ին և 2-րդ հարկերում ռումբեր են տեղադրված, որոնք ժամը 13։50-ին պայթելու են։

Հիշեցնենք՝ հուլիսի 1-ին ԱԻՆ Ճգնաժամային կառավարման ազգային կենտրոնն ահազանգ է ստացել, որ Երևանի «Երևան մոլ» առևտրի և զվարճանքի համալիրի «Ֆուդկորտում» ռումբ է տեղադրված։

Առևտրի կենտրոնից մարդկանց էվակուացնելուց հետո փկարարներն իրականացրել էին տեղազննում, որի արդյունքում ռումբ չէր հայտնաբերվել։

143
թեգերը:
ահազանգ, Դալմա գարդեն մոլ, ռումբ, ՀՀ արտակարգ իրավիճակների նախարարություն (ԱԻՆ), Երևան
թեմա:
Վթար, պատահար, սպանություն, գողություն
Ըստ թեմայի
Երևանում ծեծել են դիմակ չունենալու համար արձանագրություն կազմող ոստիկաններին
Նորքի տուն-ինտերնատում կորոնավիրուսով վարակված բոլոր տարեցներն առողջացել են
Սպառնալիք է քրիստոնեական աշխարհի համար. Կիրիլ Առաջինը դեմ է Թուրքիայի ծրագրերին