Նոր նորքի տարեցների տուն. արխիվային լուսանկար

Նոր Նորքի տուն–ինտերնատի երկու տարեց է մահացել. մեկի մահվան պատճառը կորոնավիրուսն է

413
(Թարմացված է 16:20 21.05.2020)
Այս պահին Նոր Նորքի տուն–ինտերնատի 3 տարեցների վիճակը լավ է, նրանք կորոնավիրուսի ոչ մի սիմպտոմ չունեն:

ԵՐԵՎԱՆ, 21 մայիսի – Sputnik. Նոր Նորքի տուն-ինտերնատի բնակիչներից երկուսն այսօր մահացել են։ Լուրը Sputnik Արմենիային հայտնեց ՀՀ աշխատանքի և սոցիալական ապահովության նախարարության մամուլի քարտուղար Սոնա Մարտիրոսյանը։

Տարեցների և երեխաների խնամքի շուրջօրյա հաստատություններում կարանտին է հայտարարվել

Հայտնել էինք, որ Նոր Նորքի տուն-ինտերնատի բնակիչներից 17-ը վարակվել են կորոնավիրուսով, և որ նրանցից երեքի վիճակը ծայրահեղ ծանր է։

«Հիվանդանոցներում գտնվող 14 տարեցներից 11-ի վիճակը կայուն է։ Երեք ծայրահեղ ծանր վիճակում գտնվողների շրջանում երկու մահ ունենք՝ մեկը կորոնավիրուսից, մյուսը՝ ոչ։ Կորոնավիրուսից մահացածը 90–ամյա մի պապիկ է, իսկ մյուսի` մի տատիկի մահվան պատճառն ինսուլտն է եղել»,–ասաց Մարտիրոսյանը։

Նրա խոսքով` այս պահին հաստատությունում գտնվող 3 տարեցների վիճակը լավ է, ոչ մի սիմպտոմ չունեն:

Հիշեցնենք, որ Մարտիրոսյանն ավելի վաղ հայտնել էր, որ դեռ պարզ չէ` ինչպես է վարակը ներթափանցել տուն-ինտերնատ, քանի որ այնտեղ խստագույն կարանտին է եղել դեռ փետրվարի 27-ից: Սակայն ենթադրություն կա, որ վարակը «բերել» է տատիկներից մեկը, որն առողջական այլ խնդիրների պատճառով ավելի վաղ տեղափոխվել էր «Էրեբունի» բժշկական կենտրոն։

Դուրս գրվելուց հետո կնոջը թեստավորել են, պատասխանը բացասական է եղել։

Բայց երբ վիրուսի ախտանշաններն ի հայտ են եկել նրա սենյակակցի և խնամող երկու աշխատակցի մոտ, այդ ժամանակ որոշվել է զանգվածային թեստավորում անցկացնել։

Նորքի տարեցների տան 40 բնակչի մոտ կորոնավիրուս է հայտնաբերվել

413
թեգերը:
Հայաստան, Մահ, կորոնավիրուս, տարեց
Ըստ թեմայի
Մարտահրավերը համաշխարհային է. Արմեն Սարգսյանը մտահոգված է տարեցների համար
Ավինյանը սուպերմարկետներին հորդորում է մարտի 24-ից երկու ժամ սպասարկել միայն տարեցներին
Երևանի քաղաքապետարանը տարեցներին մեկ ամսվա մթերք ու կենցաղային ապրանքներ է տվել
Նիկոլ Փաշինյան, Տիգրան Ավինյան

Պարետ Տիգրան Ավինյանը կորոնավիրուսի թեստ չի հանձնի և չի փոխարինի Փաշինյանին. խոսնակ

51
(Թարմացված է 11:58 01.06.2020)
Վահան Հունանյանը հավելեց, որ պարետատունը շարունակելու է աշխատանքները նախկին ձևաչափով, իսկ վարչապետը հեռավար է աշխատելու։

ԵՐԵՎԱՆ, 1 հունիսի – Sputnik. ՀՀ պարետ և փոխվարչապետ Տիգրան Ավինյանը կորոնավիրուսի թեստ չի հանձնելու , քանի որ մի քանի օր առաջ է թեստավորվել, և արդյունքը բացասական է եղել։ Տեղեկությունը Sputnik Արմենիային հայտնեց Ավինյանի մամուլի քարտուղար Վահան Հունանյանը։

«Ավինյանը մի քանի օր առաջ է թեստը հանձնել, և այժմ անհրաժեշտություն չկա նոր թեստավորման», - նշեց Հունանյանը։

Նա նաև հավելեց, որ պարետատունը շարունակելու է աշխատանքները նախկին ֆորմատում, իսկ վարչապետը հեռավար է աշխատելու։ «Դեռ լիազորությունների փոփոխությունների մասին որևէ որոշում չկա։ Ավինյանն այս պահին իր գործով է զբաղվելու»,–ասաց նա։

Նշենք, որ այսօր` հունիսի 1–ի, Նիկոլ Փաշինյանը նշում է իր ծննդյան 45–ամյակը։ ՀՀ վարչապետ Նիկոլ Փաշինյանն ու նրա ընտանիքի անդամները վարակվել են կորոնավիրուսով։ Առաջնագիծ մեկնելուց առաջ մայիսի 31–ին Փաշինյանը որոշել է թեստ հանձնել, և թեստի պատասխանը դրական է եկել։ Նա շարունակելու է աշխատել, բայց  վարչապետի կեցավայրից, որտեղ ապահովված են բոլոր անհրաժեշտ պայմանները։

Հայաստանում վերջին մեկ օրում կորոնավիրուսից 8 մարդ է մահացել. մանրամասներ

 

51
թեգերը:
թեստ, Հայաստան, Նիկոլ Փաշինյան, Տիգրան Ավինյան, կորոնավիրուս
թեմա:
Կորոնավիրուսը Հայաստանում և Արցախում
Ըստ թեմայի
Թվերը շարունակում են աճել․ աշխարհում ավելի քան 6,2 միլիոն մարդ COVID-19–ով է վարակվել
ՀՀ կառավարության անդամների մասսայական թեստավորում չի անցկացվի
Կորոնավիրուսով հիվանդների թիվն Արցախում ավելանում է. 3 նոր դեպք է գրանցվել
ԱԺ, արխիվային լուսանկար

ԱԺ-ն առաջին ընթերցմամբ ընդունեց հանրաքվեն չեղարկելու նախագիծը. ԲՀԿ-ն դեմ քվեարկեց

26
(Թարմացված է 12:02 01.06.2020)
Ազգային ժողովը 83 կողմ ձայնով առաջին ընթերցմամբ ընդունեց սահմանադրական փոփոխությունների հանրաքվեն չեղարկելու մասին օրենքը:

ԵՐԵՎԱՆ, 1 հունիսի - Sputnik. Ազգային ժողովն առաջին ընթերցմամբ ընդունեց «Հանրաքվեի մասին» սահմանադրական օրենքում փոփոխություններ և լրացումներ կատարելու մասին» օրենսդրական փաթեթը: 

«Անհրաժեշտություն է առաջացել չեղարկել հանրաքվեն: Եթե մեր ընդդիմադիր գործընկերների մտավախությունն այն է, որ այս նախագծից հետո մենք ձեռնարկելու ենք քայլեր գործող ՍԴ-ն համապատասխանեցնել 2015 թվականի Սահմանադրությանը, ապա պետք է ասեմ՝ այո,մենք դա անելու ենք»,- ասաց «Իմ քայլը» խմբակցության ղեկավար Լիլիթ Մակունցը:

Նախագիծը երկրորդ ընթերցմամբ և վերջնականապես ընդունելու դեպքում արտակարգ դրության ավարտից հետո հնարավոր կլինի չեղարկել Սահմանադրական դատարանի նախագահ Հրայր Թովմասյանի և 6 անդամների լիազորությունների դադարեցման հանրաքվեն:

«Լուսավոր Հայաստան» խմբակցությունը չմասնակցեց քվեարկությանը: Խմբակցության ղեկավար Էդմոն Մարուքյանը հայտնեց, որ իրենց գնահատմամբ՝ նախագիծը հակասահմանադրական է և խնդրահարույց: «Բարգավաճ Հայաստան» խմբակցությունը Մարուքյանի ելույթից հետո 20 րոպե ընդմիջում խնդրեց, ապա մասնակցեց քվեարկությանը և դեմ քվեարկեց նախագծին:

Օրենքների նախագծերի փաթեթն ընդունվեց 83 կողմ և 16 դեմ ձայներով:

Կառավարությունը փոխում է «Հանրաքվեի մասին» օրենքը. ի՞նչ կլինի արտակարգ դրությունից հետո

Հիշեցնենք՝ սահմանադրության փոփոխությունների հանրաքվեով առաջարկվում է դադարեցնել Սահմանադրական դատարանի նախագահ Հրայր Թովմասյանի և դատարանի 6 անդամների պաշտոնավարումը: Սահմանադրության փոփոխությունների հանրաքվեն նախատեսված էր ապրիլի 5-ին, սակայն չկայացավ արտակարգ դրության հայտարարման պատճառով:

26
թեգերը:
նախագիծ, հանրաքվե, Պատգամավոր, «Լուսավոր Հայաստան» կուսակցություն, Բարգավաճ Հայաստան կուսակցություն (ԲՀԿ), ԱԺ, Հայաստան
Ըստ թեմայի
Ղազարյան. «ՍԴ ճգնաժամի լուծումը բացառվում է առանց հանրաքվեի»
Փաշինյանը երկընտրանքի առաջ է․ հանրաքվեն կչեղարկվի՞ կորոնավիրուսի պատճառով
«Հանրաքվեի մասին» օրենքում փոփոխություններ կկատարվեն․ ԱԺ-ն միաձայն կողմ քվեարկեց
Չեղարկելու կամ հետաձգելու համար 2 գործոն կա. Միքայելյանը` հանրաքվեի մասին
Ստեփանակերտ

Կորոնավիրուսով հիվանդների թիվն Արցախում ավելանում է. 3 նոր դեպք է գրանցվել

0
(Թարմացված է 11:55 01.06.2020)
Նոր հայտնաբերված դեպքերը գրանցվել են արտերկրից ժամանած քաղաքացիների մոտ. նրանք արդեն մեկուսացված են։

ԵՐԵՎԱՆ, 1 հունիսի- Sputnik. Արցախի Հանրապետությունում կորոնավիրուսով վարակման նոր դեպքեր են գրանցվել։ Արցախի տեղեկատվական շտաբը, հղում անելով Առողջապահության նախարարությանը, տեղեկացնում է, որ կորոնավիրուս է հաստատվել ևս 3 քաղաքացու մոտ:

«Նրանք արտերկրից ժամանած Արցախի Հանրապետության քաղաքացիներ են, ովքեր ժամանելուն պես մեկուսացվել էին համապատասխան վայրերում»,- նշված է հաղորդագրության մեջ:

Այսպիսով, Արցախում մինչ այժմ գրանցվել է կորոնավիրուսով վարակման 43 դեպք։ Նրանցից 26-ն արդեն առողջացել են, 17-ի առողջական վիճակը գնահատվում է բավարար: Արցախի Հանրապետությունում մեկուսացված է 102 քաղաքացի, կորոնավիրուսի ախտորոշման 926 թեստ է կատարվել։

Արայիկ Հարությունյանը կորոնավիրուսի թեստ է հանձնել

0
թեգերը:
թեստ, կորոնավիրուս, Լեռնային Ղարաբաղ, Արցախ
Ըստ թեմայի
Հայաստանում կորոնավիրուսով վարակվածների թիվը մեկ օրում ավելացել է 210-ով և հասել 9492–ի
ՀՀ կառավարության անդամների մասսայական թեստավորում չի անցկացվի
Հայաստանում վերջին մեկ օրում կորոնավիրուսից 8 մարդ է մահացել. մանրամասներ