Ռուբեն Հայրապետյան

Հաջորդ քայլը կլինի Ռուբեն Հայրապետյանի նկատմամբ հետախուզում հայտարարելը. փաստաբան

311
(Թարմացված է 22:23 19.05.2020)
Մակինյանի խոսքով՝ քննիչը ջանասիրաբար փորձում է պատրանք ստեղծել, որ Հայրապետյանը կարող է վերադառնալ հանրապետություն, ուստի նրա՝ հարցաքննությանը չներկայանալն անհարգելի է համարում։

ԵՐԵՎԱՆ, 19 մայիսի - Sputnik. ՀՀ ֆուտբոլի ֆեդերացիայի նախկին նախագահ, նախկին պատգամավոր Ռուբեն Հայրապետյանը հրավիրվում է հարցաքննության արդեն մեղադրյալի կարգավիճակով։ Նրա փաստաբան Ամրամ Մակինյանը Sputnik Արմենիայի հետ զրույցում նշեց, որ ծանուցագիրը ստացել է երկուշաբթի օրը՝ մայիսի 18–ին, ուշ երեկոյան, ըստ որի Հայրապետյանը մայիսի 20-ին պետք է ներկայանա հարցաքննության։

Հիշեցնենք՝ առաջին ծանուցագիրը Ռուբեն Հայրապետյանին ուղարկվել էր շաբաթ օրը երեկոյան։ Նա պետք է երկուշաբթի օրը՝ մայիսի 18-ին ներկայանար հարցաքննության վկայի կարգավիճակով։ Սակայն երկու ծանուցագրերը ստանալիս էլ փաստաբանը սահմանված կարգով գրություն է  ներկայացրել համապատասխան մարմին այն մասին, որ Հայրապետյանը հարգելի պատճառով չի կարող ներկայանալ հարցաքննություններին։ Նա բուժման նպատակով դեռևս մարտին մեկնել է արտերկիր, իսկ հիմա չի կարողանում հայրենիք վերադառնալ օբյեկտիվ պատճառով՝ կորոնավիրուսի համավարակի հետևանքով ավիահաղորդակցությունն ընդհատված է։

Մակինյանի խոսքով՝ իր հիմնավորման մեջ նաև նշել է, որ նույնիսկ եթե «հրաշքով» Հայրապետյանը կարողանա Հայաստան վերադառնալ, ապա 14 օր պետք է կարանտինային ռեժիմում գտնվի, հետևաբար նշված ժամկետում անհնար է ներկայանալ հարցաքննության։  Փաստաբանի կողմից առաջարկվել է հարցաքննությունը հետաձգել մինչև օբկյեկտիվ պատճառների վերացումը։ Մինչդեռ վարույթ իրականացնող մարմինն իր գնահատականը գրավոր հայտնել է։ Արդյունքում՝ Հայրապետյանի կարգավիճակը վկայից մեղադրյալի է փոխվել։ Ըստ Մակինյանի՝ այստեղ հստակ միտում կա, այդ պատճառով էլ հենց այսօր հաղորդում է ներկայացրել Գլխավոր դատախազություն պաշտոնատար անձանց կողմից այս քրեական գործի ընթացքում առերևույթ չարաշահումներ կատարելու փաստի առթիվ քրեական գործ հարուցելու միջնորդությամբ։

«Երբ երկու օրվա ընթացքում երկու ծանուցագիր է ուղարկվում անձին՝ կարգավիճակը փոխելով վկայից մեղադրյալի, սա մեզ բավարար համոզմունք է տալիս, որ կատարվում են գործողություններ՝ իբրև թե ֆիքսեք, որ մարդը չի ներկայանում քննության։ Այս փաստը ես ամբողջացրել եմ համապատասխան փաստական տվյալներով։ Այստեղ կատարվում են գործողություններ, որոնք պարունակում են պաշտոնեական լիազորությունների չարաշահման հանցակազմի տարրեր»,- մեզ հետ զրույցում նշեց Մակինյանը։

Ռուբեն Հայրապետյանն իր ասածի պատասխանը կզգա ոչ միայն շորերի, այլև մարմնի վրա. Գրիգորյան

Նրա խոսքով՝ առաջարկվել է հեռավար տարբերակով հարցաքննությունն իրականացնել, ինչը չի դիտարկվել։ Պաշտպանն այստեղ էլ խտրականություն է տեսնում, որովհետև գործով անցնող մեկ այլ անձի դեպքում, ըստ Մակինյանի, բացառություն արվել է՝ նա հարցաքննվել է հեռավար, քանի որ նույնպես հանրապետությունում չի գտնվում։ Խոսքը Հայրապետյանների ընտանիքին պատկանող «Հարսնաքար» ռեստորանի նախկին տնօրենի մասին է, որի հետ կապված ևս մեկ հաղորդում է փաստաբանն այսօր ներկայացրել՝ պնդելով, որ «մեղադրյալն» այս պատմության մեջ «տուժող» է ներկայացվում։

«2016թ.-ին «Հարսնաքարի» տնօրենն առանց սեփականատերերի համաձայնության և գիտության, օգտվելով այն հանգամանքից, որ որպես տնօրեն ունեցել է լիազորություն ընկերության վարկային գծերից մեծ վարկեր վերցնելու, ընկերության անունից ստացել է առանձնապես խոշոր չափերի՝ 57 միլիոն դրամի չափով գումար՝ փուլերով՝ հունվարին, փետրվարին, նաև մայիսին»։

Պաշտպանի խոսքով՝ գումարը նա ծախսել անձնական կարիքների համար, և իրենք ունեն հստակ տեղեկություններ և փաստական տվյալներ, որ տվյալ անձն այդ գումարների մի որոշ մասով հիմնադրել է ընկերություն, մեքենաներ է ձեռք բերել։

«Նա փորձել է հափշտակված գումարների ծագման աղբյուրը թաքցնելով՝ փաստացի հանցավոր ճանապարհով ձեռքբերված գույքն օրինականացնել։ Ուստի փողերի լվացման, առանձնապես խոշոր չափերի խարդախության հաղորդում եմ ներկայացրել»,- ասաց Մակինյանը։

Նրա խոսքով՝քննիչը ջանասիրաբար փորձում է պատրանք ստեղծել, որ Հայրապետյանը կարող է վերադառնալ հանրապետություն, որովհետև սահմանները բաց են ՀՀ քաղաքացիների համար, սակայն, ըստ Մակինյանի, այդ սահմաններին հասնել է պետք։ Նրա խոսքով՝ նույն ջանասիրությունը գործի է դրվում նաև Ռուբեն Հայրապետյանի որդու՝ Ռաֆիկ Հայրապետյանի հետ կապված՝ փորձ անելով նրան ներքաշել քրեական գործընթացների մեջ։ Մակինյանն ավելին չցանկացավ մեկնաբանել, սակայն նշեց, որ մի քանի ծանուցագրեր նաև որդուն են ուղարկվել։

Ռուբեն Հայրապետյանի նկատմամբ 4 հոդվածով քրեական գործ է հարուցվել

Քանի որ վաղը՝ մայիսի 20-ին, Ռուբեն Հայրապետյանը կրկին չի ներկայանալու հարցաքննության, այս անգամ արդեն մեղադրյալի կարգավիճակով, Մակինյանը կարծում է, որ նոր քայլեր են ձեռնարկվելու. տրամաբանորեն քննչական մարմինը փորձելու է կալանավորման որոշում ստանալ դատարանից, հետախուզում հայտարարել։

Հավելենք, որ Sputnik Արմենիան փորձեց թեմայի հետ կապված մեկնաբանություններ ստանալ նաև ՀՀ քննչական կոմիտեից, որտեղից չցանկացան նշել, թե մասնավորապես ինչ քրեական գործի մասին է խոսքը, խոստացան շուտով հաղորդագրությամբ հանդես գալ։

Հիշեցնենք, որ դեռևս 2019–ի թվականին Ռուբեն Հայարպետյանի նկատմամբ 4 հոդվածով քրեական գործ էր հարուցվել։ Դրանք են` 315-րդ հոդվածի 2-րդ մաս (պաշտոնեական անփութություն, որն անզգուշությամբ առաջացրել է ծանր հետևանքներ), 179-րդ հոդվածի 3-րդ մաս (խոշոր չափերով յուրացում), 325-րդ հոդվածի 2–րդ մաս (մի խումբ անձանց կողմից փաստաթղթեր կեղծելը) և 214-րդ հոդվածի 2-րդ մաս  (առևտրային կամ այլ կազմակերպությունների ծառայողների կողմից լիազորությունները չարաշահելը):

311
թեգերը:
Ամրամ Մակինյան, Մեղադրանք, Հատուկ քննչական ծառայություն (ՀՔԾ), Դատարան, փաստաբան, Ռուբեն Հայրապետյան
Ըստ թեմայի
Գավառի դեպքը քրեական «անցյալ» չունի. 50-ից ավել բերման ենթարկվածներ կան. մանրամասներ
Ալեն Սիմոնյանի և Արթուր Դանիելյանի միջադեպի առթիվ հարուցվել է քրեական գործ. ՀՔԾ
Միքայել Մինասյանի դեմ ևս մեկ քրեական գործ է հարուցվել
Եռաբլուր

Եղել են դեպքեր` զոհվածի մասունքը նույնականացվել է թաղումից հետո. մնացածը գաղտնիք է

72
Sputnik Արմենիայի աղբյուրները հայտնել էին, որ լինում են դեպքեր, երբ պատերազմում զոհվածներից մեկի մասունքը հայտնաբերվում է հուղարկավորությունից հետո. առողջապահության նախարարությունը հաստատել է այդ լուրը։

ԵՐԵՎԱՆ, 19 հունիսի – Sputnik. Արցախյան 44-օրյա պատերազմի զոհերի մասունքների նույնականացման դեպքեր են եղել նաև հուղարկավորությունից հետո։ Sputnik Արմենիայի գրավոր հարցմանն ի պատասխան հայտնել են ՀՀ առողջապահության նախարարությունից։

Աբովյանի դիահերձարանում պոլիէթիլենային պարկերով գետնին դրված զինծառայողների մասունքների` մեծ աղմուկ բարձրացրած դեպքի օրերին Sputnik Արմենիայի աղբյուրները հայտնեցին, որ լինում են դեպքեր` հուղարկավորությունից հետո նույն անձին պատկանող մասունքներ են նորից հայտնաբերվում։ Նման դեպքերում, բնականաբար, դժվար է լինում ծնողների համար, քանի որ արտաշիրիմում պետք է արվի։

«Նշենք, որ հուղարկավորությունից հետո մասունքների նույնականացման դեպքեր եղել են։ Դեպքերի թվի և հետագա գործողությունների վերաբերյալ տեղեկություն կարող եք ստանալ քննչական կոմիտեից»,– առողջապահության նախարարությունից այսպես են պատասխանել Sputnik Արմենիայի գրավոր հարցմանը։

Նախարարությունից հայտնել են նաև, որ ԱՆ «Դատաբժշկական գիտագործնական կենտրոնը» փորձաքննություն իրականացնող կենտրոն է և արտաշիրինման դեպքերի և հետագա ընթացքի վերաբերյալ որևէ ինֆորմացիայի չի տիրապետում։

Հետաքրքրվել էինք նաև, թե  հնարավո՞ր է` Աբովյան մասնաճյուղում եղած պարկերի մեջ, որոնք նույնականացվել են, բայց ծնողները հրաժարվում են վերցնեն, լինեն արդեն իսկ հուղարկավորված անձանց մասունքներ։ Սակայն մեզ հայտնել են` քանի որ քրեական գործ է հարուցվել և նախաքննություն է իրականացվում, որևէ տեղեկատվություն տալ չեն կարող։

«Իմ բացթողումն է». Անահիտ Ավանեսյանը` դիերի և մասունքների ոչ պատշաճ պահման դեպքի մասին

Քանի որ առողջապահության նախարարությունը մանրամասներ չէր հայտնել` ուղղորդելով դիմել ՔԿ, գրավոր հարցում էինք ուղարկել նաև վերոնշյալ կառույց` հասկանալու, թե շա՞տ են եղել դեպքերը, երբ հուղարկավորությունից հետո են մասունքներ հայտնաբերվել և ի՞նչ քայլեր են արվում այդ դեպքում։

Ի դեպ, թեմային անդրադառնում ենք ուշ, քանի որ ՔԿ-ն մեր հարցմանը պատասխանել է սահմանված 5-օրյա ժամկետից շատ անց` այդպես էլ որևէ հարցի կոնկրետ պատասխան չտրամադրելով։ Կառույցից հայտնել են`քանի որ քրգործ է հարուցվել, իսկ մեր պահանջած տեղեկությունները պարունակում են հրապարակման ոչ ենթակա նախնական քննության տվյալներ, ուստի չի կարող այն տրամադրվել։

Քննչական կոմիտեն միաժամանակ հիշեցնում է, որ պատերազմին առնչվող թիվ 69108320 քրգործն է հարուցվել քրեական օրենսգրքի մի շարք հոդվածների հատկանիշներով։ Մասնավորապես, ահաբեկչության, ահաբեկչության ֆինանսավորման, ազգային, ռասայական կամ կրոնական թշնամանք հարուցելու, ագրեսիվ պատերազմի, միջազգային ահաբեկչության, զինված ընդհարումների ժամանակ միջազգային մարդասիրական իրավունքի նորմերի լուրջ խախտումների, զինված ընդհարման ժամանակ անգործության կամ հանցավոր հրաման արձակելու, ագրեսիվ պատերազմի հրապարակային կոչերի և ցեղասպանությունն ու խաղաղության, մարդկության անվտանգության դեմ ուղղված մյուս հանցագործությունները հերքելը, մեղմացնելը, դրանց հավանություն տալու կամ արդարացնելու համար։

Հիշեցնենք միայն, որ դեռ հունիսի 1-ին ՀՀ առողջապահության նախարարությունը հայտնել էր` այս պահին դատաբժշկական կենտրոնում չկան փորձաքննություն չանցած մասունքներ: Կա 50 մասունք, որոնք մի քանի անգամ անցել են փորձաքննություն, բայց դրանցից դեռ չի հաջողվել ԴՆԹ անջատել: Մնացած բոլոր դիերը փորձաքննված են, որոնց մի մասը` 149-ը, ծնողների բազայի հետ համընկնում չի ունեցել: Կան նաև նույնականացված մասունքներ, սակայն դեռ հարազատների կողմից չեն վերցվել դրանք հուղարկավորելու համար:

Զոհվածների դիերն ու մասունքները պարկերով նկուղներում թողնելու դեպքով քրգործ է հարուցվել

72
թեգերը:
ՀՀ Առողջապահության նախարարություն, Դիակ, աճյուն, զինծառայող, Արցախյան պատերազմ, Հայաստան
Ըստ թեմայի
«Մեր մի պատուհանից Ղազանչեցոցն էր երևում, մյուսից` Կանաչ ժամը». շուշեցի ընտանիքի երազանքը
Ուզում էր զինվորական դառնալ` հավերժ զինվոր մնաց. Արտյոմը զոհվեց իր 71 ընկերների հետ միասին
«4 տարի պայքարեցինք, որ երեխա ունենանք». Հովհաննեսը զոհվեց` չտեսնելով երազանք-դստերը
Ռոբերտ Քոչարյան

Ռոբերտ Քոչարյանը պատվաստվել է «Սպուտնիկ V»–ով

75
(Թարմացված է 20:54 19.06.2021)
Ռոբերտ Քոչարյանը գարնանը մեկուսացել էր, քանի որ մերձավոր շրջապատում կորոնավիրուսի դեպք էր հայտնաբերվել, հետո նա թեստ էր հանձնել։

ԵՐԵՎԱՆ, 19 հունիսի – Sputnik. Հայաստանի երկրորդ նախագահ Ռոբերտ Քոչարյանը հայտնել է, որ կորոնավիրուսի դեմ պատվաստվել է ռուսական «Սպուտնիկ V» դեղամիջոցով։

«Հիմա չեմ կարող խոսել թվերի մասին (կորոնավիրուսի դեմ պատվաստումների քանակը Հայաստանում. խմբ.), բայց ես պատվաստվել եմ «Սպուտնիկ V»–ով», - ասել է Քոչարյանը «Ռոսիա 24» հեռուստաալիքի եթերում:

Ռոբերտ Քոչարյանը գարնանը մեկուսացել էր, քանի որ մերձավոր շրջապատում կորոնավիրուսի դեպք էր հայտնաբերվել, հետո նա թեստ էր հանձնել, և արդյունքը բացասական էր եղել։

Հիշեցնենք, որ COVID-19-ի դեմ պատվաստումները շարունակվում են հանրապետության ամբողջ տարածքում: Պատվաստումներն իրականացվում են առողջության առաջնային պահպանման կազմակերպություններում շաբաթվա բոլոր օրերին. շաբաթ և կիրակի սահմանվել են հերթապահություններ՝ ժամը 10։00-16։00-ը: «Սպուտնիկ V»-ով պատվաստումները նախատեսված են 18 տարեկանից բարձր խրոնիկ հիվանդների, 18-54 տարեկան բուժաշխատողների, սոցիալական խնամքի կենտրոնների բնակիչների և աշխատակիցների համար: Իսկ «ԱստրաԶենեկայով» և «Կորոնավակով» պատվաստումները կարող են իրականացվել 18 և բարձր տարիքի անձանց շրջանում, ըստ դիմելիության, կամավորության սկզբունքով:

Հանրապետությունում պատվաստումներն անվճար են և իրականացվում են միայն կամավորության սկզբունքով:

75
թեգերը:
Սպուտնիկ V, Ռոբերտ Քոչարյան, Հայաստան

Ինչպես հրշեջները մարեցին Նուբարաշենի աղբավայրի հրդեհը. տպավորիչ լուսանկարներ

0
(Թարմացված է 22:01 19.06.2021)
  • Նուբարաշենի աղբավայր
  • Փրկարարների հերթական ջոկատը մոտենում է Նուբարաշենի աղբավայրին
  • ԱԻՆ աշխատակից
  • ԱԻՆ–ի ավտոմեքենա
  • ԱԻՆ աշխատակիցը պատրաստվում է մարել հրդեհի հերթական օջախը
  • ԱԻՆ աշխատակիցները մարում են Նուբարաշենի աղբավայրում բռնկված հրդեհը
  • Sputnik Արմենիայի թղթակիցը զրուցում է ԱԻՆ աշխատակցի հետ
  • Հրդեհի օջախներ
  • ԱԻՆ աշխատակիցները պատրաստվում են մարել հրդեհի հերթական օջախը
  • ԱԻՆ աշխատակիցը մարում է հրդեհը
  • ԱԻՆ աշխատակից
  • ԱԻՆ աշխատակիցները մարում են հրդեհի օջախը
  • ԱԻՆ աշխատակիցը մարում է հրդեհի օջախը
  • Ինչ տեսք ունի Երևանը Նուբարաշենի աղբավայրից
Հայաստանի ամենախոշոր աղբավայրում բռնկված հրդեհը մարել են, բայց հրշեջ–փրկարարները շարունակում են հերթապահել տարածքում:

ՀՀ արտակարգ իրավիճակների նախարարության հրշեջ-փրկարարները 10 օր շարունակ 24-ժամյա ռեժիմով աշխատում էին Հայաստանի ամենամեծ աղբավայրում և մարում էին հրդեհի օջախները։

Միայն 10 անց նրանց հաջողվեց վերջնականապես մարել հունիսի 8-ին բռնկված հրդեհը։ Հրշեջ–փրկարարների աշխատանքին խանգարում էին մի շարք գործոններ ՝ չոր եղանակը, քամին, ինչպես նաև տեղանքի դժվարամատչելիությունը։

Sputnik Արմենիայի նկարահանող խումբն այցելել էր աղբավայր և սեփական աչքերով տեսել, թե ինչպես են հրշեջները պայքարում կրակի դեմ։ 

Հիշեցնենք` հունիսի 8-ին՝ ժամը 10։04-ին Ճգնաժամային կառավարման ազգային կենտրոնը տեղեկություն էր ստացել, որ հրդեհ է բռնկվել Երևանի Նուբարաշենի աղբավայրում։ Դեպքի վայր էին մեկնել հրշեջ-փրկարարական ջոկատներից վեց մարտական հաշվարկ և Հրդեհաշիջման և փրկարարական աշխատանքների կազմակերպման բաժնի օպերատիվ խումբը։

Հրդեհը մեկուսացվել էր ժամը 18։40-ին։ Սահմանվել էր հերթապահություն։ Հունիսի 9-ին և 10-ին դեպքի վայրում հերթապահող հրշեջ-փրկարարական ջոկատը նկատել էր հրդեհի նոր երկու օջախ, որոնցից մեկը մարվել էր, արդյունքում այրվել էր մոտ 400 խմ շինարարական աղբ։

Հրդեհաշիջման աշխատանքներին ներգրավված էին Երևանի քաղաքապետարանի հինգ ջրատար, երկու բեռնատար մեքենա, հինգ տրակտոր, օժանդակ մեքենա (ջրատար), երկու ինժեներական տեխնիկա և ինքնաթափ մեքենա։

0
  • Նուբարաշենի աղբավայր
    © Sputnik / Aram Nersesyan

    Նուբարաշենի աղբավայր

  • Փրկարարների հերթական ջոկատը մոտենում է Նուբարաշենի աղբավայրին
    © Sputnik / Aram Nersesyan

    Փրկարարների հերթական ջոկատը մոտենում է Նուբարաշենի աղբավայրին

  • ԱԻՆ աշխատակից
    © Sputnik / Aram Nersesyan

    ԱԻՆ աշխատակից

  • ԱԻՆ–ի ավտոմեքենա
    © Sputnik / Aram Nersesyan

    ԱԻՆ–ի ավտոմեքենա

  • ԱԻՆ աշխատակիցը պատրաստվում է մարել հրդեհի հերթական օջախը
    © Sputnik / Aram Nersesyan

    ԱԻՆ աշխատակիցը պատրաստվում է մարել հրդեհի հերթական օջախը

  • ԱԻՆ աշխատակիցները մարում են Նուբարաշենի աղբավայրում բռնկված հրդեհը
    © Sputnik / Aram Nersesyan

    ԱԻՆ աշխատակիցները մարում են Նուբարաշենի աղբավայրում բռնկված հրդեհը

  • Sputnik Արմենիայի թղթակիցը զրուցում է ԱԻՆ աշխատակցի հետ
    © Sputnik / Aram Nersesyan

    Sputnik Արմենիայի թղթակիցը զրուցում է ԱԻՆ աշխատակցի հետ

  • Հրդեհի օջախներ
    © Sputnik / Aram Nersesyan

    Հրդեհի օջախներ

  • ԱԻՆ աշխատակիցները պատրաստվում են մարել հրդեհի հերթական օջախը
    © Sputnik / Aram Nersesyan

    ԱԻՆ աշխատակիցները պատրաստվում են մարել հրդեհի հերթական օջախը

  • ԱԻՆ աշխատակիցը մարում է հրդեհը
    © Sputnik / Aram Nersesyan

    ԱԻՆ աշխատակիցը մարում է հրդեհը

  • ԱԻՆ աշխատակից
    © Sputnik / Aram Nersesyan

    ԱԻՆ աշխատակից

  • ԱԻՆ աշխատակիցները մարում են հրդեհի օջախը
    © Sputnik / Aram Nersesyan

    ԱԻՆ աշխատակիցները մարում են հրդեհի օջախը

  • ԱԻՆ աշխատակիցը մարում է հրդեհի օջախը
    © Sputnik / Aram Nersesyan

    ԱԻՆ աշխատակիցը մարում է հրդեհի օջախը

  • Ինչ տեսք ունի Երևանը Նուբարաշենի աղբավայրից
    © Sputnik / Aram Nersesyan

    Ինչ տեսք ունի Երևանը Նուբարաշենի աղբավայրից

թեգերը:
Լուսանկար, հրշեջ, Նուբարաշենի աղբավայր, Հայաստան