Նիկոլ Փաշինյան. արխիվային լուսանկար

Գնաճը կանխել հաջողվել է, վարակվածների թվի աճը` ոչ. Փաշինյանը` ԵԱՏՄ առցանց գագաթնաժողովում

290
(Թարմացված է 13:49 19.05.2020)
Փաշինյանը ԵԱՏՄ գագաթնաժողովի ընթացքում խոսեց կորոնավիրուսի դեմ պայքարի միջոցառումների մասին։

ԵՐԵՎԱՆ, 19 մայիսի – Sputnik․ ՀՀ վարչապետ Նիկոլ Փաշինյանը ԵԱՏՄ-ի գործընկերներին պատմեց կորոնավիրուսի տարածման դեմ պայքարի միջոցառումների մասին։

Այսօր` մայիսի 19–ին, Եվրասիական տնտեսական միության առաջնորդների առցանց գագաթնաժողովում իր ելույթի ժամանակ ՀՀ վարչապետը մասնավորապես նշեց, որ խիստ կարանտինի ժամանակահատվածում երկրի իշխանություններին հաջողվել է ձեռնարկել բոլոր միջոցները առողջապահական համակարգի թողունակության բարձրացման համար: Միաժամանակ նա խոստովանեց, որ իշխանությանը չի հաջողվել կանխել վարակվածների թվի աճը։

Փաշինյանը նշեց, որ մայիսի 4-ից, իսկ այնուհետև նաև մայիսի 18-ից տնտեսական սահմանափակումներն աստիճանաբար մեղմացվում են։

«Մենք իրավիճակի մշտական մոնիթորինգ ենք իրականացնելու։ Հույս ունենք, որ խիստ կարանտինային միջոցառումներին վերադառնալու կարիք չի լինի»,-ավելացրեց նա։

Հայաստանը ԵԱՏՄ ռազմավարության միայն մեկ հարցի հետ համաձայն չէ. Փաշինյան

Համավարակի ընթացքում կառավարությունը կարանտինի սոցիալ-տնտեսական հետևանքների և աճող տնտեսական ճգնաժամի նվազեցման միջոցառումների փաթեթ է ձեռնարկել: Այդ միջոցները ուղղված են եղել նաև հետճգնաժամային շրջանում տնտեսությունների զարգացմանը։

«Մեզ հաջողվեց սպառողական գների էական աճ թույլ չտալ։ Կենտրոնական բանկի օպերատիվ միջամտության շնորհիվ կանխվեցին ֆինանսական շուկայի կտրուկ տատանումները և ապահովվեց ազգային արժույթի կայուն փոխարժեքը»,-ասաց վարչապետը։

Փաշինյանը հավելեց, որ համավարակի և խորացող հետընթացի պայմաններում Հայաստանի իշխանությունը հատուկ նշանակություն է տալիս ինտեգրացիոն միավորման շրջանակներում համագործակցության զարգացմանը։ Անհրաժեշտ է ամրապնդել ինտեգրման հիմնական կառույցները, ապացուցել ճգնաժամի պայմաններում դրանց կենսունակությունը և հետճգնաժամային շրջանում օգտվել էական հնարավորություններից:

Ելույթի ավարտին վարչապետը շնորհավորեց գործընկերներին Հայրենական մեծ պատերազմում հաղթանակի 75-ամյակի առթիվ: Նրա խոսքով ՝ հայ ժողովուրդն անելու է ամեն ինչ՝ հայրերի ու պապերի սխրանքը սերունդների հիշողության մեջ պահպանելու համար։

Հայկական բիզնեսը կշահի ԵԱՏՄ ապրանքների մատակարարման կանոնների պարզեցումից

290
թեգերը:
տնտեսություն, գնաճ, Հայաստան, Եվրասիական Տնտեսական Միություն (ԵԱՏՄ), կորոնավիրուս, Նիկոլ Փաշինյան
թեմա:
Հայաստան և ԵԱՏՄ (183)
Ըստ թեմայի
ԵԱՏՄ-ում կորոնավիրուսի կանխարգելման համալիր ծրագիր են մշակել
ԵԱՏՄ երկրների ներկայացուցիչները քննարկել են COVID-19-ի դեմ պայքարի համատեղ քայլերը
ԵԱՏՄ գագաթնաժողովը կկայանա ցանկացած ձևաչափով․ Լուկաշենկոն մարտական է տրամադրված
Արխիվային լուսանկար

Երեխայի երջանիկ կյանքի համար լավագույն միջավայրը ընտանիքն է. Զարուհի Բաթոյան

0
Հայաստանում ապրում է շուրջ 778,400 երեխա, նրանցից ավելի քան 145,000 -ը՝ ընտանեկան նպաստ ստացող ընտանիքներում։

ԵՐԵՎԱՆ, 1 հունիսի- Sputnik. Հայաստանում ապրում է շուրջ 778,400 երեխա, նրանցից 8623-ը հաշմանդամություն ունեն։ Երեխաների իրավունքների պաշտպանության օրվա առիթով ՀՀ աշխատանքի և սոցիալական հարցերի նախարար Զարուհի Բաթոյանը Facebook-ի իր էջում անդրադարձել է օրվա խորհրդին և երեխայի՝ ընտանիքում ապրելու և մեծանալու կարևորությանը։

«Այս տարի այն անցնում է մեզ համար անսովոր պայմաններում, չեն լինելու տոնական միջոցառումներ, բայց ստեղծված իրավիճակը լավ առիթ է՝ ընտանեկան միջավայրում երեխաների հետ ավելի շատ ժամանակ անցկացնելու, նրանց երազանքների և ցանկությունների մասին խոսելու, միմյանց ավելի շատ սեր ու ջերմություն տալու համար»,- գրել է նախարարը և ներկայացրել մեր երկրում ապրող երեխաների վերաբերյալ վիճակագրական տվյալներ։

Ըստ վիճակագրության՝ Հայաստանում ապրող երեխաներից ավելի քան 145,000-ն ապրում է ընտանեկան նպաստ ստացող ընտանիքներում։ Պետության ենթակայությամբ գործող մանկատներում խնամք է ստանում 623 երեխա, որից 457-ը առողջական խնդիր ունեն։ Գիշերօթիկ հաստատությունում խնամք է ստանում 83 երեխա։

Նախարարը նշել է, որ անկախ երեխայի սեռից, տարիքից, առողջական կամ այլ վիճակներից, նրա զարգացման և երջանիկ կյանքի համար լավագույն միջավայրը ընտանիքն է։ Այդ պատճառով էլ պետության քաղաքականությունն ուղղված է երեխայի ընտանիքում ապրելու իրավունքի իրացմանը։

«2019-ին մեր ջաքերի շնորհիվ գիշերօթիկ հաստատություններից և մանկատնից շուրջ 200 երեխա վերադարձավ կենսաբանական ընտանիք, իսկ այս տարի գրեթե եռապատկել ենք երեխաների ցերեկային ծառայությունները. 2019 թ-ի 1160 շահառուի փոխարեն 2020 թ-ին ծառայություններ ենք նախատեսել շուրջ 3900 երեխայի համար Երևանում և հանրապետության բոլոր մարզերում՝ ընդգրկելով 30 խոշոր բնակավայրեր»,- տեղեկացրել է նախարարը։

Բաթոյանը նշել է նաև, որ եռապատկվել  է աջակցություն ստացող ընտանիքների թիվը՝ այդպիսով կանխարգելելով նաև երեխաների մուտքը հաստատություններ։ Նրա խոսքով՝ իրականացված ծրագրերի շնորհիվ այս տարի հաշմանդամության հիմքով մանկալքությունների թիվը շեշտակիորեն կրճատվել է: Յուրաքանչյուր երեխա պետք է ընտանիքում ապրի և հաստատությունում չհայտնվի միայն սոցիալ-տնտեսական խնդիրների պատճառով: Դրա համար էլ պետության ջանքերն ու ռեսուրսներն ուղղվում են հենց ընտանիքների աջակցությանը։ Նա նշել է, որ ապաինստիտուցիոնալացման այս ճանապարհը չափազանց բարդ է, բայց երեխայի որևէ իրավունքի իրացման հարցում զիջան չեն գնալու։

Հիշեցնենք՝ նախորդ տարի մեծ աղմուկ բարձրացավ, երբ սկսվեց «Դիլիջանի երեխաների խնամքի և պաշտպանության գիշերօթիկ հաստատություն», «Բյուրեղավանի երեխաների խնամքի և պաշտպանության գիշերօթիկ հաստատություն», «Գյումրու Ֆրիտյոֆ Նանսենի անվան երեխաների խնամքի և պաշտպանության N 2 գիշերօթիկ հաստատություն», «Գյումրու երեխաների խնամքի և պաշտպանության N 1 գիշերօթիկ հաստատություն» հիմնարկների լուծարման գործընթացը։ Մասնագետներն ուսումնասիրություն էին կատարել և եզրակացրել, որ հանրապետության 4 գիշերօթիկ հաստատությունների 260 երեխաներից միայն 20-ի դեպքում է, որ կենսաբանական ընտանիք վերադառնալը նպատակահարմար չէ։ Փոխարենը նախարարությունն ընդլայնում է ցերեկային խնամքի հաստատությունների ցանկը, նաև զարգացնում խնամատարության ինստիտուտը։

0
Միքայել Մինասյան

ԱԱԾ-ն կստուգի Միքայել Մինասյանի` զենքի անօրինական վաճառքի մասին մեղադրանքները

56
(Թարմացված է 13:06 01.06.2020)
Դատախազությունը նախկին դեսպանի հրապարակած տեսանյութն ուղարկել է ԱԱԾ։ Հենց այնտեղ էլ կստուգվեն Միքայել Մինասյանի նշած փաստերի իսկությունը։

ԵՐԵՎԱՆ, 1 հունիսի — Sputnik. ՀՀ ազգային անվտանգության ծառայությունը ստուգելու է Հայաստանի երրորդ նախագահ  Սերժ Սարգսյանի փեսա և Սուրբ աթոռում նախկին դեսպան Միքայել Մինասյանի պնդումները այն մասին, որ իշխանություններն ու վարչապետ Նիկոլ Փաշինյանը ներգրավված են զենքի անօրինական առք ու վաճառքի մեջ։ Տեղեկությունը Sputnik Արմենիային հայտնեց ՀՀ գլխավոր դատախազի խորհրդական Գոռ Աբրահամյանը։

Նա հավելեց, որ «Ստի վերջը» խորագրով յոթերորդ տեսանյութը, որում Մինասյանը հնչեցնում է մեղադրանքները, ՀՀ գլխավոր դատախազությունն է ուղարկել ԱԱԾ։

Հիշեցնենք` մայիսի 30-ին նախկին դեսպան Միքայել Մինասյանը իր հերթական տեսաուղերձում նշել էր, որ վարչապետ Նիկոլ Փաշինյանը և կառավարության անդամները երրորդ անձանց միջոցով կազմակերպել են ռուսական զենքի առք, այնուհետ վաճառք երրորդ երկրներին։

Հայաստանից մաքսանենգ ծխախոտի արտահանման դեպքով վարույթ չի հարուցվել. ՊԵԿ-ի պարզաբանումը

Մեկ օր անց ՀՀ ԱԺ պատգամավոր և Փաշինյանի կնոջ եղբայր Հրաչյա Հակոբյանը պատասխանել է նրան և հայտնել, որ Սերժ Սարգսյանի կառավարման տարիներին նրա մտերիմներից մեկին բյուջեից 15 միլիարդ դրամ է փոխանցել զենքի գնման համար։ Սակայն «թավշյա հեղափոխությունից» հետո էլ զենքը դեռ Հայաստանում չի եղել։ Ու այդ մասով արդեն իսկ հարուցված է քրեական գործ։

56
թեգերը:
Մեղադրանք, մաքսանենգություն, Զենք, Նիկոլ Փաշինյան, ՀՀ ազգային անվտանգության ծառայություն. ԱԱԾ, Միքայել Մինասյան
Ըստ թեմայի
Միքայել Մինասյանն առաջարկում է վարչապետի պաշտոնից հեռացնել Նիկոլ Փաշինյանին
Վանեցյանը խոսել է իր և Միքայել Մինասյանի հանդիպման մասին
«Գիտեմ, որ ծիծաղելի է հնչում, բայց...». Մինասյանը նորից «մերկացրեց» Փաշինյանին