Դիմակներով քաղաքացիներ

Դիմակներ ենք կրում, բայց սա դիմակահանդես չէ. որքա՞ն է քաղաքացին ծախսում դիմակի համար

351
(Թարմացված է 12:21 19.05.2020)
Դիմակ չկրելու համար քաղաքացին կտուգանվի 10 հազար դրամով: Միքայել Մելքումյանը հաշվել է, թե պարտադիր պահանջը կատարելու համար քաղաքացին որքան գումար կծախսի ամեն ամիս։ Սասուն Միքայելյանին հետաքրքրում է, թե ինչ ճակատագրի են արժանանալու նախկին տուգանքները։

ԵՐԵՎԱՆ, 19 մայիսի – Sputnik. Եթե ՀՀ քաղաքացին ստիպված է լինելու ամեն օր դիմակ կրել, դա լրացուցիչ ծախս է ենթադրում քաղաքացու համար: Նման դիտարկում այսօր ԱԺ-ում արեց «Բարգավաճ Հայաստան» խմբակցության անդամ Միքայել Մելքումյանը՝ ներկայացնելով քաղաքացիներին պարտադրվող ծախսերի իր հաշվարկը:

«Եթե ժամանակին սա վաճառվում էր 25-30 դրամով, հիմա տասն անգամ թանկացել է՝ 250-300 դրամ,- ասաց նա՝ ցույց տալով իր մոտ եղած բժշկական դիմակը,- եթե մարդն օրը 3 անգամ դիմակ պիտի փոխի, դա էլ բազմապատկենք 30 օրով՝ 20-30 հազար դրամ ամսական մարդը պիտի ծախսի դիմակի վրա: Դա` մեկ հոգին։ Ընտանիքի ծախսը մի քանի անգամ շատ է»:

Պատգամավորն առաջարկեց դրան ավելացնել նաև բժշկական ձեռնոցների արժեքը, կառավարության առաջարկած տուգանքի չափը (դիմակ չունենալու համար 10 հազար դրամ) ու հարց ուղղեց կառավարության ներկայացուցիչ ՀՀ արդարադատության նախարարի տեղակալ Վահե Դանիելյանին՝ ի՞նչ աջակցություն է այս դեպքում ՀՀ քաղաքացուն առաջարկում կառավարությունը:

Депутат от фракции Процветающая Армения Микаел Мелкумян на пленарном заседании Парламента Армении (5 марта 2019). Еревaн
© Sputnik / Asatur Yesayants
Միքայել Մելքումյան

«Մենք տուգանքը, որը 100-250 հազար դրամ է, նվազեցնում ենք ու դարձնում 10 000 դրամ: Ինչ վերաբերում է դիմակին ու դրա շուկայական գնին, ապա դա առաջարկի ու պահանջարկի հետ կապված հարց է, և կախված տվյալ դրանցից, կարող է և նվազել»,- ասաց փոխնախարարը:

Պատգամավորը, սակայն, չհամաձայնեց նախարարի հետ՝ հիշեցնելով, որ Հայաստանում արտակարգ իրավիճակ է, անգամ պատերազմական, որի դեպքում դասական շուկայական տնտեսության կանոնները չեն գործում:

«Հիմա մենք դիմակներ ենք կրում, բայց սա դիմակահանդես չէ»,- ասաց Մելքումյանը:

Հայաստանում կորոնավիրուսով վարակվածների թիվը մեկ օրում ավելացել է 218–ով և հասել 5041–ի

«Իմ քայլը» խմբակցության անդամ Սասուն Միքայելյանն էլ հետաքրքրվեց՝ ինչ է արվելու նախկինում կայացված 100-250 հազար դրամանոց տուգանքների որոշումների դեպքում, եթե հիմա կառավարությունն առաջարկում է տուգանքների նոր չափ սահմանել՝ զգալիորեն նվազեցնելով դրանք և 100-250 հազար դրամի փոխարեն կիրառել 10 հազար դրամ:

Депутат от фракции Мой шаг Сасун Микаелян на внеочередном заседании парламента (9 июля 2019). Еревaн
© Sputnik / Asatur Yesayants
Սասուն Միքայելյան

Արդարադատության նախարարի տեղակալը հայտնեց, որ նախկին տուգանքների մասով կառավարությունն այս պահին ոչ մի որոշում չունի, այդ հարցը լրացուցիչ քննարկման կարիք ունի:

«Սոցիալական տեսակետից հնարավոր է, որ այդ տուգանքներն անձանց համար խնդիրներ են առաջացրել: Բայց առհասարակ տուգանքների չեղարկումը կարող է այն բացասական հետևանքն ունենալ, որ քաղաքացիներն առաջիկայում հակված չլինեն կանոններին հետևել ու տուգանքները վճարել՝ ակնկալելով, որ դրանք ևս որոշակի փուլում կարող են չեղարկվել:

Նշենք, որ ՀՀ ԱԺ-ն այսօր՝ մայիսի 19-ին, արտահերթ նիստ է գումարել: Օրակարգում միայն մեկ նախագիծ է՝ կառավարության հեղինակած «Վարչական իրավախախտումների վերաբերյալ օրենսգրքում լրացում և փոփոխություն կատարելու մասին» նախագիծը, որով առաջարկվում է նախկինում պարետի որոշմամբ սահմանված տուգանքների չափերը 100-250 հազար դրամից նվազեցնել 10 հազար դրամի և այն ամրագրել արդեն ոչ թե պարետի որոշմամբ, այլ Վարչական իրավախախտումների վերաբերյալ օրենսգրքում տուգանքի չափն ամրագրելով:

351
թեգերը:
Սասուն Միքայելյան, Տուգանք, դիմակ, ԱԺ, Հայաստան
Ըստ թեմայի
Կորոնավիրուսը կկարողանա՞ բուժել Հայաստանի տնտեսության խրոնիկ հիվանդությունը
Կորոնավիրուսից մահվան դեպքերի թիվը հնարավոր է նվազեցնել. գիտնականները լուծում են գտել
Աշխարհում քանի՞ մարդ է վարակվել կորոնավիրուսով. վերջին տվյալներ
Կորոնավիրուսը ՀՀ–ում. վերջին մեկ օրում մահացածներից երկուսը տղամարդիկ են
Հայաստանի ազգային գրադարան

Արայիկ Հարությունյանը Ազգային գրադարանի վերաբերյալ 2 լավ լուր է հայտնել

25
(Թարմացված է 23:21 03.06.2020)
Նախարարը հատուկ շնորհակալություն է հայտնել այն մարդկանց, ովքեր օգնել են այս կարևոր գործում։

ԵՐԵՎԱՆ, 3 հունիսի – Sputnik. Հայաստանի ազգային գրադարանի էլեկտրոնային շտեմարանները կրկին հասանելի են: Լավ լուրը Facebook-ի իր էջում հայտնել է ՀՀ ԿԳՄՍ նախարար Արայիկ Հարությունյանը։

«Ազգային գրադարանի թվայնացված նյութերն ամբողջ ծավալով հասանելի են: Եվ սա այն դեպքում, երբ մեկ ամիս առաջ որոշ գորշ շրջանակներ հայտնում էին ամբողջ նյութի ոչնչացման մասին»,–գրել է նա:

Նախարարը հատուկ շնորհակալությունն է հայտնել HP ընկերության պաշտոնական գործընկեր, տեղեկատվական տեխնոլոգիաների ոլորտի հայկական Bi Line ընկերության տնօրեն Լևոն Քեշիշյանին, ընկերության ողջ անձնակազմին ՀԱԳ սերվերները դետալ առ դետալ, մանրակրկիտ կերպով մաքրելու, թեստավորելու և շահագործման պատրաստի վիճակում Ազգային գրադարանին հանձնելու համար։

Ինչպես նաև Dell ընկերության գործընկեր Brand computers ընկերության տնօրեն Զոհրաբ Վարդանյանին տեխնիկական խորհրդատվության, Microsoft-ի պաշտոնական գործընկեր Dom Daniel ընկերության տնօրեն Արտաշես Քալանթարյանին, Softcontract ընկերության տնօրեն Հարություն Համբարձումյանին` աջակցելու պատրաստակամության համար։

Երախտագիտության խոսքերի են արժանացել նաև Ազգային գրադարանի Համակարգչային գրիդ տեխնոլոգիաների բաժնի վարիչ Էդգար Սարգսյանը և բաժնի աշխատակից Կորյուն Շեկոյանը վերականգնման ուղղությամբ տարված բացառիկ աշխատանքի և ծրագրային կարգավորումների համար:

Հովսեփյան. «Սահմանամերձ գյուղում գրադարան բացելով` կրճատում ենք գյուղից գնալու շանսերը»

Հարությունյանի 2–րդ լավ լուրը`շուտով հասանելի կլինի նաև Ազգային գրադարանի նոր կայքը:

Հիշեցնենք, որ մայիսի 14–ին հայտնի դարձավ, որ Հանրային գրադարանի սերվերները հայտնաբերել են ծխեցված վիճակում։ Տեղեկացվում էր, որ մայիսի 10-ին ինտերնետ կապի խափանման և ՀԱԳ էլեկտրոնային շտեմարանների առցանց անհասանելիության պատճառները պարզելու նպատակով ՀԱԳ աշխատակիցները շենքի պահպանությունն իրականացնող ոստիկաններից մեկի ուղեկցությամբ որոշ էլեկտրական սարքեր հայտնաբերել են ծխեցված վիճակում:

25
թեգերը:
գրադարան, Կրթության, գիտության, մշակույթի և սպորտի նախարարություն (ԿԳՄՍ), Արայիկ Հարությունյան
Նիկոլ Փաշինյանի բրիֆինգը

Համաճարակն ու Հայաստանը․ կորոնավիրուսը արագացնո՞ւմ է քաղաքական գործընթացները

284
(Թարմացված է 22:18 03.06.2020)
Հայաստանի քաղաքացիները մեծ մասը դժգոհ է կորոնավիրուսի դեմ պայքարի իշխանության գործողություններից, իսկ հակաճգնաժամային օգնությունը բոլորին չէ, որ հասել է։ Այս ֆոնին քաղաքական գործընթացները նոր երանգներ են ստացել։

Վերջին շրջանում իշխանությունը հաճախ էր խոսում հարկային մուտքերի աճի ու իրականացվող տնտեսական հեղափոխության մասին։ Հնարավոր է՝ այդ պատճառով է, որ կորոնավիրուսի համաճարակին ու գրեթե բոլոր ոլորտների կաթվածահար վիճակին բախվելիս, քաղաքացիները կառավարությունից իրական օգնություն էին ակնկալում։ Առաջին հերթին՝ նյութական, քանի որ շատերը  հատկապես՝ սպասարկման ոլորտում աշխատողները, բառացիորեն գոյատևման եզրին են հայտնվել։  

Կառավարությունը կարծես թե հայտարարել էր բնակչությանն ու բիզնեսին տրամադրվելիք մեծ դոտացիայի՝ 300 միլիոն դոլարի մասին։ Միջոցառումների փաթեթ էր մշակվել, որում մոտ 20 տարբեր թիրախային ծրագրեր կային։ Սակայն ինչ-որ պահի հասկանալի դարձավ, որ այդ ծրագրերը տեղում են դոփում։ Վարչապետն անձամբ հետևում էր դրանց իրականացմանը, կշտամբում էր նախարարներին, զանգում էր քաղաքացիներին։

Այդ պատճառով շատ արդիական է հարցը, թե ինչպես են քաղաքացիներն ընկալում իշխանության կողմից իրենց ցուցաբերված աջակցությունը։ Այսօր արդեն կարելի է գնահատել կառավարության հակաճգնաժամային միջոցառումները, քանի որ դրանց մեծ մասը միանգամյա էին ու ենթակա չէին երկարացման։

«Ժողովրդի ձայնը» փորձագիտական ակումբն առցանց հարցում է անցկացրել այդ թեմայով։ Դրան մասնակցել են 18 տարեկանից բարձր 1700 քաղաքացիներ։ Հարցման հիմք է հանդիսացել այն, որ բազում քաղաքացիներ ահազանգել են, թե այս կամ այն պատճառով կառավարությունից ոչ մի աջակցություն չեն կարողացել ստանալ։

«Կորոնավիրուսի պատճառով ՀՀ–ում գործազուրկների քանակը կհատի 40 000–ի սահմանը». Մակարյան

Բավականին մտահոգիչ պատկեր ստացանք հարցումների արդյունքում։ Պարզվեց՝ քաղաքացիների 75%-ը զգալի տնտեսական խնդիրներ ունի (աշխատանքի, բիզնեսի կամ եկամտի կորուստ)։ Ստեղծված իրավիճակում իշխանության իրական օգնության վրա հույսը դրել են հարցման  մասնակիցների միայն 30%-ը (մնացածը հույսները դրել են իրենց, մտերիմների, մարդասիրական կազմակերպությունների և այլնի վրա)։ Հարցվածների 63%-ը ոչ մի օգնություն չի ստացել, ու միայն 9%-ն են հայտնել, որ գոհ են կառավարության հակաճգնաժամային միջոցառումներից։ Եվս մեկ հատկանշական թիվ՝ քաղաքացիների 56%-ը վստահ է, որ համաճարակը զսպելուն ուղղված կառավարության գործողություններն ակնհայտորեն բավարար չեն։

Ի՞նչ հետևանքներ կունենան այս տրամադրությունները։ Արմավիրի մարզի շուկայում տեղի ունեցած իրադարձությունները ցույց են տալիս, որ «հետհեղափոխական» շրջանը Հայաստանում ավարտվել է։

Եթե ծանր պահին քաղաքացիներին ոչ ոք չի աջակցում, նրանք փորձում են սեփական աշխատանքով ապահովել իրենց գոյությունը՝ անտեսելով համավարակի բերած սպառնալիքները։ Իսկ եթե մարդկանց արգելում են դա անել, նրանք  սկսում են նորից գիտակցել, որ հենց իրենք են իշխանություն տվողը և կարող են փողոց դուրս գալով ու ընտրություններին մասնակցելով, փոխանցել իրենց վստահության մանդատն այդ քաղաքական գործիչների։

Այժմ Հայաստանի քաղաքական կյանքում դեռ պահպանվում է մինչկորոնավիրուսային իներցիան։ Սակայն և՛ մեր հարցումը, և՛ տեղի ունեցած առանձին իրադարձությունները ցույց տվեցին, որ մեր երկրում աստիճանաբար վերակենդանանում է քաղաքական աշխուժությունը՝ կրքեր բորբոքվելով, ծրագրերի ու անձանց մրցակցություն բերելով։ Կորոնավիրուսի համաճարակն այդ անխուսափելի գործընթացի կատալիզատոր դարձավ։

Կամ–կամ. Փաշինյանը խոսեց կորոնավիրուսով պայմանավորված իրավիճակի շուրջ առկա ելքերի մասին

284
թեգերը:
համավարակ, ընդդիմություն, Իշխանություն, քաղաքականություն, կորոնավիրուս, Հայաստան
Ըստ թեմայի
Արցախում կորոնավիրուսով վարակվածների թիվը կրկին ավելացել է
Փարաքարում կորոնավիրուսից երիտասա՞րդ է մահացել. Մինասյանի խոսքով` մահացողը 62 տարեկան է
Կորոնավիրուսից մահացածների տվյալների հրապարակման դեպքով քրեական գործ է հարուցվել
Կաննի կիոնփառատոն

Հայ ռեժիսորի ֆիլմը ներկայացված է Կաննի փառատոնին

57
(Թարմացված է 00:04 04.06.2020)
Կաննի միջազգային 73-րդ կինոփառատոնն արդեն հայտարարել է այս տարվա իր ծրագիրը։

ԵՐԵՎԱՆ, 3 հունիսի – Sputnik. Կաննի միջազգային 73-րդ կինոփառատոնին այս տարի ներկայացված կլինի նաև հայ ռեժիսոր Նորա Մարտիրոսյանի «Եթե քամին վրա հասնի» ֆիլմը։ Տեղեկությունը Facebook–ի իր էջում հայտնել է «Ոսկե ծիրան» միջազգային կինոփառատոնի ծրագրերի տնօրեն Կարեն Ավետիսյանը։

Փառատոնի արտ-տնօրեն Թիերի Ֆրեմոն ու նախագահ Պիեր Լեսկյուրը հայտարարել են՝ ինչ ֆիլմեր են ընտրել Կաննի 73-րդ կինոփառատոնի համար։

The First Features ծրագրին մասնակցում է հայ ռեժիսոր Նորա Մարտիրոսյանի Si Le Vent Tombe (Should the wind fall) «Եթե քամին վրա հասնի» ֆիլմը, որը Բելգիայի, Ֆրանսիայի ու Հայաստանի համատեղ արտադրությունն է։

Գեղեցկության և շքեղության վերջին ակորդը Կաննում. կինոփառատոնի վերջին լուսանկարները

Սյուժեի համաձայն՝ միջազգային աուդիտոր Ալենն Արցախ է գալիս՝ ինքնահռչակ  հանրապետության օդանավակայանը գնահատելու համար, որպեսզի այն բացվի։ Էդգարը` տեղացի տղան, թափառում է օդանավակայանում ու տարօրինակ գործով է զբաղվում։ Վերջիվերջո տղամարդն ու տղան հանդիպում են։

Հիշեցնենք՝ Կաննի փառատոնը նախատեսված էր մայիսին, ինչպես ամեն տարի, սակայն համավարակի պատճառով փառատոնը չի կայանա, բայց կազմկոմիտեն որոշել է հայտարարել ընտրված ֆիլմերը։

57
թեգերը:
ֆիլմ, Արցախ, ռեժիսոր, հայ, Կաննի կինոփառատոն
Ըստ թեմայի
Սա տեսնել է պետք. Կանն եկած աստղերի զարդերն ու հանդերձանքը. լուսանկարներ
Հայտնի են Կաննի 72-րդ միջազգային կինոփառատոնի դափնեկիրները. լուսանկարներ
Դեկամերոն-2020 կամ կարանտինի կաննոնների պահպանման հայկական ձևն ու մեղավորները