Դավիթ Սանասարյան. արխիվային լուսանկար

Հեմոդիալիզի սարքերի մենաշնորհը 2 մարդու ձեռքում էր. Սանասարյանը մանրամասներ է ներկայացրել

266
(Թարմացված է 16:12 18.05.2020)
Դավիթ Սանասարյանն անդրադարձել է նաև Արթուր Վանեցյանի և Միքայել Մինասյանի հայտնի հանդիպմանն ու իր դեմ հարուցած գործի ենթադրյալ կապին։

ԵՐԵՎԱՆ, 18 մայիսի- Sputnik. Երևանի ընդհանուր իրավասության դատարանի Շենգավիթի նստավայրում դատավոր Դավիթ Բալայանի նախագահությամբ այսօր կայացավ Դավիթ Սանասարյանի և մյուսների գործով հերթական դատական նիստը։ Նիստի ժամանակ ուսումնասիրվեց նաև Առողջապահության նախարար Արսեն Թորոսյանի և Դավիթ Սանասարյանի Facebook-յան նամակագրությունը։ Այն տեղի էր ունեցել փետրվարի 1-ին, երբ Սանասարյանի՝ ՊՎԾ պետի լիազորությունները դեռևս ժամանակավորապես կասեցված չէին։

Առողջապահության նախարարի և ՊՎԾ պետի զրույցը հեմոդիալիզի սարքերի մասին էր։ Թորոսյանն անթույլատրելի էր համարել այն, որ ՊՎԾ աշխատակիցները փոփոխություն են կատարում հեմոդիալիզի սարքերի գնման չափանիշներում։ Նա ասել էր, որ վերջիններս փորձում են բնութագրերն այնպես փոփոխել, որպեսզի կարողանան իրենք մասնակցել մրցույթին և հաղթել։

Սանասարյանն էլ Թորոսյանին ասել էր, որ այս դաշտում մոնոպոլիա կա, իսկ իրենք փորձում են շուկան մրցակցային դարձնել, ինչը թույլ կտա պետությանը նաև գումար խնայել։ Սանսարյանը Թորոսյանին նաև տեղեկացրել էր, որ շուկայի մոնոպոլ դիրքը երկու մարդու ձեռքում է՝ Դոն Պիպոյի (Արթուր Ասատրյան) և Լֆիկ Սամոյի (նախկին պատգամավոր Սամվել Ալեքսանյան)։

Դատական նիստից հետո լրագրողների հետ զրույցում Դավիթ Սանասարյանը նշեց, որ իրենք ոչ թե այդ ընկերությունների դեմ էին, այլն իրենց գործողությունները հանուն պետության էին։

«Երբ իմացանք, որ հեմոդիալիզի սարքերը բերում են և 2,2 անգամ թանկ գնով վաճառում են պետությանը, մասնակցում են գնումներին ու գերշահույթ են ստանում պետության հաշվին, ՊՎԾ-ն սկսեց այդ գործընթացը»,- նշեց Սանասարյանը։

Դավիթ Սանասարյանի հաղորդումը շորթման մասին` չի հաստատվել. գործը կարճվել է

Նրա խոսքով՝ շուկայի գրեթե ութսուն տոկոսը եղել է երկու ընկերությունների ձեռքում, որոնցից մեկը Արթուր Ասատրյանի քրոջ որդուն է պատկանում, մյուսը՝ Սամվել Ալեքսանյանին։

«Եթե բժշկական կենտրոնը հեմոդիալիզի սարքի այնպիսի չափանիշներ է ներկայացնում, որ կարող է բերել միայն մեկ ընկերություն, մյուսներն արդեն չեն մասնակցում։Արդյունքում այդ ընկերությունն էլ իր գինն է առաջարկում, որը պետությունն ուզած, չուզած՝ պետք է գնի։Մեր նպատակն էր այնպիսի չափանիշներ մշակել, որ թեկուզ նույն ընկերությունը մասնակցեր, բայց արդեն այլ գնով»,- ասաց Սանասարյանը։

Լրագրողների հետ զրույցի վերջում Սանասարյանն ասաց, որ ցանկանում է օդում մի հարց «կախել».

«Փետրվարին հանդիպում են հայտնի բլոգեր, համապատասխան անձի փեսան ու Արթուր Վանեցյանը։ Դրանցի հետո, երբ մեր գործողությունների արդյունքում պետք է ուսումնասիրվեր «Սուրբ Գրիգոր Լուսավորիչը», որի տնօրենն էր այն ժամանակ Միքայել Մինասյանի հայրը, այդ ժամանակ ինձ, ՊՎԾ-ին վերաբերող գործ է հարուցվում»։

Այսպիսով` օդում կախված հարցն էլ այն էր, թե արդյոք հենց այդ հանդիպման ընթացքում չի խոսվել իր «վերաբերյալ գործ կարելու» մասին։   

Դավիթ Սանասարյանի և մյուսների գործով հաջորդ դատական նիստ տեղի կունենան հունիսի 1-ին, ժամը 10:30։

 Հիշեցնենք, որ Դավիթ Սանասարյանին մեղադրանք է առաջադրվել ՀՀ քրեական օրենսգրքի 308-րդ հոդվածի 1-ին մասով` պաշտոնեական լիազորությունները չարաշահելու համար: Նրա նկատմամբ որպես խափանման միջոց է ընտրվել չհեռանալու մասին ստորագրությունը: Հիշեցնենք՝ քրեական գործով անցնում է 4 մեղադրյալ։ Սանասարյանից բացի, քրեական գործով ամբաստանվում են նաեւ ՊՎԾ եւս երկու աշխատակից՝ Գևորգ Խաչատրյանը, Սամվել Ադյանը և վերջինիս ընկերը՝ «Զորաշեն» ՍՊԸ-ի փաստացի ղեկավար Տարոն Ավետիսյանը։

266
թեգերը:
Սամվել Ալեքսանյան, Արթուր Ասատրյան, Արսեն Թորոսյան, դատ, Դավիթ Սանասարյան
Ըստ թեմայի
Տաքսու վարորդը դատապարտյալին Vitamin C- ի պլաստմասսե տարայով փորձել է հերոին փոխանցել
Ռոբերտ Քոչարյանի խափանման միջոցը փոխած դատավորին մեղադրանք է առաջադրվել
Արթուր Ալեքսանյանի դատական ակտը պաշտպանական կողմը որակում է որպես խայտառակություն
Հաքեր

Մահացածների տվյալների արտահոսքի դեպքով կզբաղվեն իրավապահները. ի՞նչ է հայտնի այդ էջի մասին

23
(Թարմացված է 16:46 02.06.2020)
Կորոնավիրուսի հետևանքով մահացած անձանց տվյալները հրապարակելով` ոտնահարվել է անձնական կյանքի գաղտնիության իրավունքը։

ԵՐԵՎԱՆ, 2 հունիսի – Sputnik. ՀՀ առողջապահության նախարարությունը դիմել է իրավապահներին` կորոնավիրուսի հետևանքով մահացած անձանց տվյալների արտահոսքի համար։ Sputnik Արմենիային հայտնեց առողջապահության նախարարի խոսնակ Ալինա Նիկողոսյանը։

«Հրապարակված տվյալներն իրական են, և նախարարությունը դիմել է իրավապահներին` պարզելու, թե ով է դրա հետևում կանգնած, քանի որ կարծես թե ֆեյսբուքյան էջից է արտահոսքը տեղի ունեցել։ Պետք է նաև պարզենք` ինչպես է այդ ինֆորմացիան հասել տվյալ էջին»,–ասաց Նիկողոսյանը։

Նրա խոսքով` մահացած անձանց տվյալները հրապարակելով` ոտնահարվել է անձնական կյանքի գաղտնիության իրավունքը, քանի որ հրապարակվել են նույնականացնող տվյալներ։

Տեղեկատվական անվտանգության մասնագետ Սամվել Մարտիրոսյանը նույնպես անդրադարձել է այս դեպքին` Facebook սոցիալական ցանցի իր էջում գրառում անելով։

«Էջը, որտեղ դրանք հայտնվել են, ունի մեկ ադմին, որը գտնվում է ՌԴ-ում։ Բացի այդ, հենց այս էջն էր տարածում Սաֆարյան Ստյոպայի հեռախոսից իբր վերցրած, ֆոտոշոփ արած սքրինշոթներ նամակագրություններից»,–գրել է Մարտիրոսյանը։

Նա նշել է նաև, որ եղածը կա՛մ հաքերային հարձակում է, կա՛մ ներքին սաբոտաժ։ Սակայն, ըստ Մարտիրոսյանի, կապ չունի, թե ինչի մասին է խոսքը, քանի որ երկու տարբերակն էլ խոսում են այն մասին, որ անձնական տվյալները պաշտպանված չեն։

«Որո՞նք են երաշխիքները, որ մարդկանց տեղաշարժի ողջ տվյալները, որոնք արվում են մեկուսացվածներին հսկելու համար, վաղը չեն հայտնվի ցանցում կամ ադրբեջանական հետախուզության ձեռքում»,– ավելացրել է նա։

Մարտիրոսյանը պատգամավորներին կոչ է արել ստեղծել հանրային վերահսկողության հանձնաժողով, ներառել ընդդիմադիր պատգամավորների ու անկախ մասնագետների և «տեր կանգնել» մեր բոլորիս տվյալներին։

23
թեգերը:
Մահ, կորոնավիրուս, Հայաստան
թեմա:
Կորոնավիրուսը Հայաստանում և Արցախում
Ոստիկաններ

Լարված իրավիճակ «Մեյմանդարի» շուկայում. այնտեղ է նաև Արմավիրի ոստիկանապետը

47
(Թարմացված է 16:32 02.06.2020)
Միակ շուկան, որտեղ խախտումներ չեն արձանագրվել, Երևանի «Սասունցի Դավիթ» կայարանում գործող շուկան է։

ԵՐԵՎԱՆ, 2 հունիսի - Sputnik. Արմավիրի մարզում գտնվող հայտնի «Մեյմանդարի» շուկայում լարված իրավիճակ է։ Պարետի որոշմամբ՝ շուկայի աշխատանքները պետք է մեկ օրով կասեցվեն ավելի վաղ արձանագրված խախտումների պատճառով։

Գյուղացիները բողոքում են, որ նույնիսկ մեկ օրով իրենց ապրանքը շուկա չբերելը ծանր հետևանքներ կունենա իրենց համար. մի մասի մշակած գյուղմթերքն արդեն քաղված է, փչանում է, մյուս մասինն էլ քաղելու ժամանակն է, նույնիսկ մեկ օր ուշացնելն ապրանքի որակի վրա է ազդում։ Գյուղացիները վրդովվել են, որ նախօրոք չեն տեղեկացվել որոշման մասին, իրենց ապրանքը բերել, շուկա են հասցրել։ Գյուղացիներից շատերը բողոքում են, թե կողմնապահ վերաբերմունք է, ինչու են հենց Մեյմանդարի շուկան թիրախավորել։ Տեղում իրավիճակն այնքան էր թեժացել, որ շուկա էր ժամանել նաև Արմավիրի մարզի ոստիկանության պետ, գնդապետ Արամ Հովհաննիսյանը՝ փորձելով հանդարտեցնել գյուղացիներին։ 

ՍԱՏՄ տեղեկատվության և հասարակայնության հետ կապերի բաժնի պետ Անուշ Հարությունյանը Sputnik Արմենիայի հետ զրույցում ասաց, որ պարետի որոշմամբ երկու օր առաջ հրաման է իջեցվել մշտադիտարկումներ իրականացնել հանրապետության ամբողջ տարածքում գործող գյուղմթերքի շուկաներում՝ հասկանալու համար` պարետի որոշումներն ու պահանջները կատարվում են, թե ոչ։

«Երևի միակ շուկան, որտեղ խախտումներ չեն արձանագրվել, «Կայարանի» շուկան է, որը շատ փոքր, կոմպակտ, բոլոր պայմաններն ունեցող շուկա է։ Այնտեղ և՛ ջերմաչափում են իրականացրել, և՛ մյուս պահանջները պահպանել։ Իսկ մնացած բոլոր շուկաներում խախտումներ են արձանագրվել»,- նշեց Հարությունյանը՝ հավելելով, որ պարզապես կան շուկաներ, որոնք ունեն առանձին տաղավարներ, առանձին իրավաբանական անձինք են, և նրանց հետ խնդիրները կարգավորելն ավելի հեշտ է, որովհետև հենց իրավաբանական անձին են արգելում աշխատել։ Նրա խոսքով՝ այսօր հենց այդպես էլ վարվել են մայրաքաղաքում և հանրապետության ողջ տարածքում գործող մի շարք շուկաներում, այդ թվում՝ «Գումի» շուկայում։

Ըստ Հարությունյանի՝ «Մեյմանդարի» շուկայում նման աղմուկ է բարձրացել, որովհետև այնտեղ հիմնականում աշխատում են ֆիզիկական անձինք, այդ պատճառով էլ հենց շուկայի աշխատանքը քսանչորս ժամով դադարեցնելու որոշում է կայացվել տեղում ախտահանման աշխատանքներ իրականացնելու համար։

«Մեյմանդարի շուկայում ոչ միայն աշխատակիցների և այցելուների ջերմաչափում չի իրականացվել, այլև շատերը դիմակներ ու ձեռնոցներ չեն կրել, տնօրինությունը չի ապահովել շուկայի ամբողջ տարածքում փակվող աղբամանների տեղադրումը, չի պահպանվել սոցիալական հեռավորությունը, այսինքն՝ այն բոլոր պահանջները, որոնք կորոնավիրուսի կանխարգելման նպատակով են»,- մեզ հետ զրույցում նշեց Հարությունյանը։

Նրա խոսքով՝ նաև ուղիղ եթերներում է երևում, որ վաճառողները դիմակներ չեն կրում , շատերը պարզապես հայտարարում են, որ դիմակներ չեն էլ կրելու։

Հարությունյանը նշեց, որ իրենց արձանագրած խախտումների հիման վրա էլ պարետատունը կայացրել է շուկայի աշխատանքները քսանչորս ժամով կասեցնելու որոշումը։ Տեսչական մարմնի հետ շրջում է ոստիկանական գումարտակը, որ տեղում կարգավորում է խնդիրը, բայց նման մարդաշատ պայմաններում, երբ մարդիկ էլ ագրեսիվ էին տրամադրված, հնարավոր չեղավ խնդիրը կարգավորել։ Արդյունքում պարետատունը, հաշվի առնելով այն հանգամանքը, որ գյուղացիներից շատերը տեղյակ չէին շուկայի փակման մասին և իրենց ապրանքը բերել, տեղ էին հասցրել, որոշում ընդունեց շուկայի աշխատանքները կասեցնել ոչ թե այսօր, այլ վաղը առավոտյան։

Հարությունյանը հավելեց նաև, որ իրենք դեռ երեկ ծանուցել էին շուկայի սեփականատիրոջն ու մարզպետարանին, որ այսօր առավոտյան կասեցվելու է շուկայի գործունեությունը, որպեսզի նրանք էլ իրազեկեին գյուղացիներին և վերավաճառողներին։ Թե ինչ մակարդակում է հետագա իրազեկումն արվել, Հարությունյանը ձեռնպահ մնաց մեկնաբանել՝ շեշտելով, որ այսօր արդեն վստահաբար բոլորը տեղեկացվեցին, որ վաղը առավոտյան 10:00-ից շուկայի գործունեությունը կդադարեցվի 24 ժամով։

Երևանի կենտրոնում փակվել են հանրային սննդի մի շարք հայտնի կետեր. տեսանյութ

47
թեգերը:
Ոստիկանություն, գյուղացի, Շուկա, Հայաստան
Ըստ թեմայի
Հայաստանում արտադրված թեստերը կիրառության մեջ են դրվում. պարետն ասել է` երբ և ինչ քանակով
Հայաստանում կորոնավիրուսով վարակվածների թիվը մեկ օրում ավելացել է 517-ով և հասել 10009–ի
Զանգվածային ցանկացած տեսակի միջոցառման կազմակերպումը պետք է կանխարգելվի. Փաշինյան