Տաքսի. արխիվային լուսանկար

Օրենք, որից դժգոհ են բոլորը. օնլայն տաքսիները Հայաստանում կարող են «մահանալ»

326
(Թարմացված է 20:37 15.05.2020)
ՀՀ տարածքային կառավարման և ենթակառուցվածքների նախարարության ներկայացրած օրենքի նոր նախագիծը, որն արդեն որակվել է «օնլայն ծառայություններին ձեռնտու նախագիծ», պարզվում է` օնլայն հարթակներում էլ միանշանակ չի ընդունվել: Sputnik Արմենիան պարզել է Yandex-ի ու GG-ի տեսակետը:

ԵՐԵՎԱՆ, 15 մայիսի - Sputnik, Նելլի Դանիելյան. Տաքսի ծառայությունների ոլորտը կանոնակարգելու` ՀՀ կառավարության փորձը կարող է նոր անցանկալի հետևանքների հանգեցնել: Sputnik Արմենիայի հարցմանն ի պատասխան նման տեսակետ հայտնեցին Yandex.Taxi թիմի հայաստանյան գրասենյակից: 

Տաքսիները նորից պիտի լիցենզավորվեն, իսկ օդանավակայանում կաշխատեն միայն սպիտակ մեքենաները

Նրանց համոզմամբ` ՀՀ տարածքային կառավարման և ենթակառուցվածքների նախարարության ներկայացրած օրենքի նախագծը (ընդունվելու պարագայում) լրջագույն սոցիալական ազդեցություն կունենա օնլայն հարթակների հետ համագործակցող տասնյակ հազարավոր տաքսիստների համար:

«Մենք հասկանում ենք նախարարության նպատակները, այն է՝ շուկան դարձնել «սպիտակ», թափանցիկ, որակյալ ու կառավարելի, ինչը միանգամայն գովելի է։ Բայց այն տարբերակով, որ ներկայացվում է օրենքի նախագիծը, հնարավոր չէ իրագործել դրանք։ Փոխարենն այն «կճնշի» օրենքի տառը պահպանող վարորդներին, իսկ վարորդների մյուս կեսին կմղի դեպի «սև շուկա»։ Մենք այս կանխատեսումն անում ենք՝ հիմք ընդունելով այլ երկրներում մեր ահռելի փորձը»,- ասված է ընկերության գրասենյակից ստացված պատասխանի մեջ։

Yandex-ում համոզված են, որ նույն նպատակներին հնարավոր է հասնել առավել պարզ եղանակներով, ինչը հավելյալ բեռ չի առաջացնի վարորդների համար և թույլ կտա նրանց շարունակել աշխատանքը։ 

Ի դեպ, ընկերությունն արդեն իսկ նախագծի վերաբերյալ իր դիտարկումներն է ներկայացրել նախարարությանը՝ պատրաստակամություն հայտնելով համատեղել ջանքերը ոլորտի օրենսդրությունն արդիականացնելու ու առավել արդյունավետ դարձնելու համար։

«Մենք հավատում ենք և լիահույս ենք, որ նախագիծը ևս մեկ անգամ վերանայելով՝ նախարարությունը և Ազգային ժողովը կկարողանան ստեղծել այնպիսի օրենսդրություն, որը կնպաստի ուղևորափոխադրման շուկայի թե՛ թափանցիկությանը, թե՛ արդիականացմանը՝ շահեկան դիրք ապահովելով նաև Հայաստանի բոլոր անհատ տաքսիստների համար»,- ասված է Yandex.Taxi թիմի հաղորդագրության մեջ:

Անհատ տաքսիստներին դժվար ժամանակներ են սպասում. «Ժողովուրդ»

Ոլորտի մեկ այլ հայաստանյան ընկերություն՝ GG ընկերությունը ևս պատրաստակամություն է հայտնում աջակցել ոլորտի կարգավորմանը: GG թիմի տնօրեն Քնարիկ Գրիգորյանը Sputnik Արմենիայի հետ զրույցում նշեց, որ ամենակարևորն իրագործելի համակարգ ստեղծելն է, որը հնարավորինս պարզ կլինի և կաջակցի ոլորտի առաջընթացին:

«Տվյալ նախագծի մեջ ռիկսեր տեսնելու և խնդիրներ տեսնելու մասով` քանի որ սա դեռ նախագիծն է, մենք սիրով կաջակցենք իրագործելի լուծում ստանալու համար, և, այդ դեպքում, խնդրահարույց կողմերը կբացակայեն: Անպայման մեր կողմից լինելու է արձագանք և աջակցություն։ Հավատացած ենք, որ կլինեն կառուցողական քննարկումներ»,- ասաց նա:

Հիշեցնենք՝ հայաստանյան տաքսի ծառայութոյւնների ոլորտը կարգավորելու համար Տարածքային կառավարման և ենթակառուցվածքների նախարարությունը մշակել է տաքսի ծառայությունների ոլորտը կարգավորող օրենսդրական փաթեթ՝ մի քանի օրենքներով, որոնք արդեն ներկայացվել են հանրային քննարկման:

Նոր օրենքով` բոլոր անհատ տաքսիստներին ու տաքսի ընկերություններին առաջարկվում է լիցենզավորվել և դրա դիմաց վճարել տարեկան 100 000 դրամ պետտուրք:

Տաքսի ծառայությունների գործատուների միության նախագահ Վահագն Սահակյանը Sputnik Արմենիայի հետ զրույցում կարծիք էր հայտնել, որ նախագիծը ձեռնտու է միայն օնլայն տաքսի ծառայություններ մատուցող ընկերություններին, մինչդեռ անհատ տաքսիստներն ու տաքսի ծառայությունները դրանից տուժելու են:

Նրա համոզմամբ` անհատ տաքսիները լիցենզավորվելուց հետո կմտնեն այդ հարթակներ, ու կստացվի հսկայական կորպորացիա՝ մի քանի տասնյակ հազար վարորդներով, բայց օնլայն ընկերությունները, որպես տաքսի ծառայություն մատուցող, չեն հարկվի, հետևաբար, տաքսի ծառայությունները կհայտնվեն ծանր հարկային բեռի տակ ու դուրս կմնան մրցակցությունից , իսկ օնլայն հարթակները կշարունակեն աշխատել ու ավելի հզորանալ:

Yandex.Taxi ընկերությունը ոլորտի մասնագետի այս տեսակետը չի կիսում և նույնիսկ հակառակը՝ համոզված է, որ ներկայացված կարգավորումների արդյունքում առաջինը հենց օնլայն ծառայությունների շուկան է «մեռնելու»:

Սինգապուրում կսկսեն փորձարկել օդային տաքսին

Բանն այն է, որ այս ընկերությունների հետ համագործակցող վարորդները դասական իմաստով տաքսու վարորդներ չեն, այլ այդ աշխատանքը կատարում են ազատ ժամերին՝ որպես լրացուցիչ եկամտի աղբյուր, հետևաբար, լիցենզիայի վճարի պատճառով կարող են նաև հրաժարվել այդ աշխատանքից:

Արդյունքում շուկայում օնլայն տաքսիները կնվազեն, գները կբարձրանան, պատվիրատուներն էլ կհրաժարվեն դրանց ծառայություններից, ինչն էլ իր հերթին կհանգեցնի ոլորտի «մահվան»:

326
թեգերը:
Հայաստան, gg տաքսի, տաքսի, Օրենք
Ըստ թեմայի
Հայ կանայք տղամարդկանցից խելացի են. «տաքսիստ» Նասերին ասաց, թե ինչն է իրեն «խենթացնում»
Զբոսաշրջությունը շարունակում է զարգանալ. Փաշինյանը դիմել է տաքսիստներին ու անցորդներին
Երևանյան տաքսիստների անհավանական թվացող պատմություններն ու «Տաքսի բիզին»
Ուղևորներ

Օրը հայտնի է. ՀՀ քաղաքացիներին Երևան կտեղափոխեն Մինսկից, Դամասկոսից ու Սանկտ Պետերբուրգից

10
(Թարմացված է 18:31 25.05.2020)
Ժամանող ուղևորների հարազատներին քաղավիացիայի կոմիտեն հորդորում է չգնալ օդանավակայան։ Բոլոր ժամանողները կուղեկցվեն ինքնամեկուսացման վայրեր:

ԵՐԵՎԱՆ, 25 մայիսի – Sputnik. Մայիսի 27-ին Հայաստանի քաղաքացիներին Մինսկից, Դամասկոսից ու Սանկտ Պետերբուրգից Երևան տեղափոխելու համար երեք չվերթ կիրականացվի: Տեղեկությունը հայտնում է Քաղաքացիական ավիացիայի կոմիտեն։

Մինսկ-Երևան-Մինսկ չվերթը կիրականացնի «Բելավիա» ավիաընկերությունը (ժամանում դեպի Երևան` ժամը 02:45–ին, Երևանից մեկնում` ժամը 03:35–ին), Դամասկոս-Երևան չվերթը՝ «Cham Wings» ավիաընկերությունը (ժամանում` 00:05–ին), Սանկտ Պետերբուրգ-Երևան չվերթը՝ «Ural» ավիաընկերությունը (ժամանում` 19:30–ին):

Պարետի ցուցումով ՀՀ էկոնոմիկայի նախարարության զբոսաշրջության կոմիտեն ժամանած ուղևորներին կուղեկցի դեպի ինքնամեկուսացման վայրեր, այսինքն՝ ուղևորների կողմից նախապես տրված հասցեներ։

Իսկ ժամանող ուղևորների հարազատներին անհարմարություններից զերծ մնալու նպատակով հորդորում են չգնալ օդանավակայան։

Հիշեցնենք` ՀՀ պարետի որոշմամբ` կորոնավիրուսի տարածմամբ պայմանավորված` Հայաստան ժամանող ուղևորներն այլևս չեն մեկուսացվում հյուրանոցներում: Նրանք տեղափոխվում են ինքնամեկուսացման իրենց նախընտրած վայրեր, որոնց հասցեները գրանցվում են հետագա վերահսկողությունն իրականացնելու նպատակով:

10
թեգերը:
թռիչք, չվերթ, Հայաստան
Ըստ թեմայի
Երևանում և մարզերում հայտնի սննդի օբյեկտներից 46-ը 24 ժամով չեն աշխատի․ պարետի որոշումը
Կորոնավիրուսով հիվանդների մահճակալային ֆոնդն ավելացվել է ևս 102-ով. լուսանկարներ
Մինսկից և Մոսկվայից վերադարձող ՀՀ քաղաքացիները պետք է ինքնամեկուսանան
Հայտնի է` երբ է կայանալու Երևան –Նովոսիբիրսկ –Եկատերինբուրգ թռիչքը. ովքեր կարող են մեկնել
 Նախարարն այցելել է ՊՆ կենտրոնական հոսպիտալ

Վերանորոգված և նոր կահավորված հիվանդասենյակներ. նախարարն այցելել է ՊՆ կենտրոնական հոսպիտալ

14
(Թարմացված է 18:27 25.05.2020)
Դավիթ Տոնոյանը շրջել է հիվանդասենյակներում, տեսակցել վիրավոր զինծառայողներին, քննարկել զինված ուժերում COVID-19-ի դեմ տարվող պայքարը։

ԵՐԵՎԱՆ, 25 մայիսի — Sputnik. ՀՀ պաշտպանության նախարար  Դավիթ Տոնոյանն այսօր այցելել է ՊՆ կենտրոնական կլինիկական զինվորական հոսպիտալ։

Ինչպես տեղեկացնում են ՀՀ ՊՆ մամուլի ծառայությունից, Դավիթ Տոնոյանը մասնակցել է հոսպիտալի ամբողջությամբ վերանորոգված և վերազինված բաժանմունքների բացման արարողությանը։

Министр обороны Давид Тоноян посетил центральный клинический военный госпиталь (25 мая 2020). Еревaн
Նախարարն այցելել է ՊՆ կենտրոնական հոսպիտալ

Բուժհաստատության վնասվածքաբանական, ուրոլոգիական և ընդհանուր վիրաբուժության բաժանմունքների հարկերը առողջական խնդիրներ ունեցող զինծառայողներին այսուհետև կընդունեն նոր պայմաններում, կսպասարկեն նոր կահավորված հիվանդասենյակներում ու վիրակապարաններում։

Պաշտպանական գերատեսչության ղեկավարը շրջել է վերաբացված բաժանմունքներում, ծանոթացել իրականացված աշխատանքներին, տեղադրված նոր սարքավորումներին ու օդափոխության համակարգերին։

Министр обороны Давид Тоноян посетил центральный клинический военный госпиталь (25 мая 2020). Еревaн
Նախարարն այցելել է ՊՆ կենտրոնական հոսպիտալ

Պաշտպանության նախարարի անմիջական հսկողությամբ իրականացված վերանորոգումն ու վերազինումը կատարվել է մեկ փուլով, ինչը հնարավորություն է տվել առանց ժամանակ կորցնելու անցնել բուժսպասարկման։

«Սմերչեր» և հրթիռային այլ միջոցներ. «Բաղրամյանում» մեկնարկած զորավարժության լուսանկարները

Տոնոյանի հրամանով՝ կենտրոնական կլինիկական զինվորական հոսպիտալի երեք բաժանմունքներ անվանակոչվել են բուժծառայության նվիրյալների անուններով. վիրաբուժական բաժանմունքն այսուհետ կրելու է բ/ծ մայոր Սերգեյ Հարությունյանի, նյարդավիրաբուժական բաժանմունքը՝ բ/ծ կապիտան Կարո Հեբոյանի, անզգայացման բաժանմունքը` բ/ծ լեյտենանտ Տիգրան Հովեսյանի անունները։ Բուժծառայության հիշյալ սպաները զոհվել էին առաջադրանք կատարելիս, 2000 թվականի հունվարի 19-ին՝ ուղղաթիռի վթարից։

Министр обороны Давид Тоноян посетил центральный клинический военный госпиталь (25 мая 2020). Еревaн
Նախարարն այցելել է ՊՆ կենտրոնական հոսպիտալ

Շրջայցի ընթացքում պաշտպանական գերատեսչության ղեկավարը տեսակցել է վիրավոր զինծառայողներին, այնուհետև հոսպիտալում տեղի է ունեցել խորհրդակցություն՝ ռազմաբժշկական ծառայության ղեկավար կազմի մասնակցությամբ։

Արցախում զինծառայողներից մի քանիսը բնակարաններ են ստացել

ՀՀ պաշտպանության նախարարն անդրադարձել է զինված ուժերում COVID-19-ի դեմ տարվող պայքարին, զորքերում իրականացվող հակահամավարակային միջոցառումներին և առաջիկա ծրագրերին։ Քննարկվել են նաև ռազմաբժշկական ծառայության ապահովմանը և ընթացիկ աշխատանքներին վերաբերող հարցեր։

Министр обороны Давид Тоноян посетил центральный клинический военный госпиталь (25 мая 2020). Еревaн
Նախարարն այցելել է ՊՆ կենտրոնական հոսպիտալ

Հիշեցնենք, որ այս տարվա հունվարի հայտնի դարձավ, որ ՀՀ ՊՆ կենտրոնական կլինիկական զինվորական հոսպիտալում  աննախադեպ վերանորոգում է իրականացվում:

14
թեգերը:
զինծառայող, հոսպիտալ, Դավիթ Տոնոյան
Ըստ թեմայի
«Սմերչը» կրակելու է. «Բաղրամյանում» մարտավարական զորավարժություններ են մեկնարկել
Ադրբեջանն իր զորավարժությունների մասին նախապես չի հայտարարել. Բալայան
«Սմերչերը» կրակել են. «Բաղրամյանում» թիրախները խոցվել են առանց շեղումների

Պարետի որոշումը խախտողներ են հայտնաբերվել. ոստիկանությունը տվյալներ է հրապարակել

0
Ոստիկանությունը շարունակում է ապահովել նոր կորոնավիրուսի հնարավոր տարածումը կանխելու նպատակով պարետի որոշման կատարումը։

Ոստիկանության ծառայողները ավտոբուսներում և միկրոավտոբուսներում հայտնաբերել են ՀՀ պարետի որոշման կանոնների խախտման 53 դեպք։ Ուղևորներն իջեցվել են հասարակական տրանսպորտային միջոցներից, իսկ դրանք տեղափոխվել են ոստիկանության տարածքային բաժիններ։

Նշենք, որ պարետի որոշման համաձայն՝ միկրոավտոբուսներով և ավտոբուսներով կարելի է տեղափոխել միայն նստելու համար հատկացված տեղերին համապատասխան թվով ուղևորներ։ Ուղևորափոխադրող բոլոր տրանսպորտային միջոցների մուտքի մոտ պարտադիր պետք է տեղադրված լինեն ալկոհոլային հիմքով ձեռքի ախտահանիչներ։ Ուղևորներն ու վարորդը պարտադիր պետք է կրեն պաշտպանիչ դիմակներ։

Ինչպես տեղեկացնում են ՀՀ ոստիկանությունից, հայտնաբերվել է նաև 242 տաքսի ավտոմեքենա, որոնց վարորդները խախտել են պարետի պահանջները։ Խախտումների փաստերով կազմվել են համապատասխան արձանագրություններ։

Հիշեցնենք` պարետի որոշման համաձայն` արգելվում է տաքսի ծառայություն մատուցող տրանսպորտային միջոցներում ուղևորի` վարորդի կողքին նստելը։ Բացի այդ, տաքսու վարորդները և ուղևորները ևս պարտադիր պետք է կրեն դիմակներ և ձեռնոցներ։ Ճանապարհային ոստիկաններն այս ուղղությամբ հանրապետության ողջ տարածքում իրականացնում են շուրջօրյա հսկողություն։

Սևան քաղաքը կփակվի. պարետը նոր որոշում ունի

Ոստիկանությունը համապատասխան արձանագրություններ է կազմել նաև 145 անձի նկատմամբ, որոնք դիմակ չեն ունեցել։

Պարետի որոշման համաձայն` բացօթյա վայրերում գտնվող քաղաքացիները պետք է ունենան դիմակներ և միմյանց միջև պահպանեն սոցիալական հեռավորություն։

0
թեգերը:
ուղևոր, ավտոբուս, տաքսի, կարանտին, կորոնավիրուս, ՀՀ Ոստիկանություն, Հայաստան, պարետ
Ըստ թեմայի
ՀՀ–ում ևս 6 մարդ է մահացել կորոնավիրուսից. մայրական մահվան առաջին դեպքն է գրանցվել
Մարի Իզմիրլյանի անվան մանկատան երեխաներից 9-ը վարակվել են կորոնավիրուսով
Կորոնավիրուսով հիվանդների մահճակալային ֆոնդն ավելացվել է ևս 102-ով. լուսանկարներ